السلام عليكم ورحمة الله وبركاته

كيف حالكم وكيف المذاكره معكم ؟؟


المهم ويازين المهم : حبيت اتكلم عن اللاعب اللي بأمكانه سد ثغرة هوساوي , ونبحث عن بديل محلي للمرشدي

طبعاً هوساوي بديله اجنبي 100% وانا ارشح صراحه اللاعب الاسطوره : اليساندرو نيستا

طبعاً اكيد الكل بيقول مستحيل ومن طرق الخيال و لكن انا اقول مو مستحيل ولا شي .. لاعب ودّع ميلان ك آخر سنه له معهم .. وبيلعب سنه واحده فقط من بعدها سيعتزل اللعب نهائيا .. وبما انه كبير بالسن ما راح يكون مبلغ خيالي

فــ بدال اللي يبون دروجبا اللي يبي مليون لكل مباراة يلعبها نجيب هالاسطوره نخليه يتدرب معنا ورى

و أما بالنسبه لمكان ماجد المرشدي اللاعب اللي ما قصّر صراحه و لكنه خلاص ما يستاهل هالمركز .. فــ انا اشوف كامل الموسى لاعب نادي الاهلي بالتأكيد رآح يسد الثغره

و أدري انه من الصعب يجيك الموسى لأنه مبدّع مع الاهلي , لكن اذا تبي آسيا انت اجتهد وادفع , المرشدي مراح يقدر يأهلّك


وبالأخير اتمنى التوفيق للزعيم في مباراته اليوم وادري بيجي كم واحد بيقول اليوم فيه مباراة مهمه وانت حاط هالموضوع , اتوقع انه مراح يأثر اللاعبين , ولا راح يمنع الجماهير من الحضور ولا بتجي للاعب اصابه بسبّته

* ارجوا منكم الدعاء لي بالتوفيق في الاختبارات

كلاااااااااام سلييييييم انا اوااافقك الرأي....

مستحيل الأهلي يفرط في كامل الموسى

نعم كلاام سلييم والله يوفق الهلال بما فيه الخير

إقتباس الرسالة الأصلية كتبت بواسطة العريين مستحيل الأهلي يفرط في كامل الموسى

مثل ما قلت لك فوق اذا تبيه انقد له

إقتباس الرسالة الأصلية كتبت بواسطة الزعيمه الشرقاويه كلاااااااااام سلييييييم انا اوااافقك الرأي....

اشكرك على الرد .. الله يسلمك ....

ومن زين كامل والله المرشدي افضل اهداف الجزيره امس كلها من جهة كامل والمرشدي اجدر بان يلبس شعار الملكي وبعدين يحيى المسلم نسيتوه هو بدل هوساوي ومعاه المرشدي بقلب الدفاع

إقتباس الرسالة الأصلية كتبت بواسطة 2schq 2lzaym ومن زين كامل والله المرشدي افضل اهداف الجزيره امس كلها من جهة كامل والمرشدي اجدر بان يلبس شعار الملكي وبعدين يحيى المسلم نسيتوه هو بدل هوساوي ومعاه المرشدي بقلب الدفاع

احلف هههههههه
وهدف الشباب الاماراتي بخطأ مين ههههههههههههههههه وعلى فكره الهدف الاول بسبب بالومينو والثاني بسبب تقدم منصور الحربي

وكامل لاعب ثابت ما يرتبك مثل المرشدي وياخي موب نكبه زي المرشدي الله يهديك

يعطيك الف عافية طرح جميل ,, امامنا مباراة مهمة اليوم ان شاء الله نفوز ونتاهل لدور ال 8 وبعدها بيكون لكل حادث حديث ...

الا وش رايك نجيب بيكيه

اصغر

وارخص

واطلق

من نيستا

من جدك يجي

اقول خلنا في مباراة اليوم
وبعدين يصير خير

استغرب من طرحك لهذا الموضوع اخي في هذا الوقت
بصراحة وقت غير مناسب لطرح الموضوع
انيستا لاعب كبير لكن مااعتقد انه بيجي للهلال ولا راح يجي في آسيا كلها
اما الأغرب تقول نبي!!!! كامل الموسى !!!! كامل الموسى اسؤا من ماجد المرشدي بكثير
وتتذكر مباراة السعودية واستراليا من اللي نكب المنتخب بثلاث اهداف
2 من الاهداف كاسر التسلل والثالث واقف يتفرج وبعيد عن مركزه الصحيح يعني نكبة النكبات كامل مايصلح للهلال ابد في قلب الدفاع
فيه لاعب مميز اسمه عبدالله الحافظ ياليت يشتريه الهلال

إقتباس الرسالة الأصلية كتبت بواسطة إبن عبـــاد الا وش رايك نجيب بيكيه اصغر وارخص واطلق من نيستا

ياخي انت مستلم السوق زاحف ابي رقمك بدق عليك بخلع معك

اقولك عمره 37 سنه