إقتباس الرسالة الأصلية كتبت بواسطة نيوف 20 فيه خبر في جريدة الرياض مدري عن صحته ( السنغالي مانغان يقود الدفاع مكان هوساوي )

كل الجرايد تقول هالكلام لكن مافيه شي رسمي الله يجيب الي به الخير
تعبنا تعب مايعلم به غير الله
من النوم قبل اغسل افتح جوالي اشوف فيه خبر منا والا منا
ولما انام اطول وانا مانمت مقابل النت احتري الخبر والمشكله بهدلوني البارح قالو وقع الاعب الساعه 12
وللساعه 3 وانا جالس احتري الاعلان الرسمي
والحين قمت مالقيت شي

انا مدري ليه انتم متحمسين على موضوع الاجانب ؟

اللي يقول تعبنا .. واللي مدري وش يقول

وبعدين اذا وقعوا ؟

وش المصلحه اذا عرفتوا ؟

الهلال اصلن مو محتاج اجانب غير قلب الدفاع ..

واكيد الاداره بتوقع مع قلب .. اليوم ولا بكرا كل واحد

اهم شيء قدام هجر يلعب وبس

وخلوا عنكم تعبنا وما تعبنا ..

إقتباس الرسالة الأصلية كتبت بواسطة mohammed al-yusuf انا مدري ليه انتم متحمسين على موضوع الاجانب ؟ اللي يقول تعبنا .. واللي مدري وش يقول وبعدين اذا وقعوا ؟ وش المصلحه اذا عرفتوا ؟ الهلال اصلن مو محتاج اجانب غير قلب الدفاع .. واكيد الاداره بتوقع مع قلب .. اليوم ولا بكرا كل واحد اهم شيء قدام هجر يلعب وبس وخلوا عنكم تعبنا وما تعبنا ..

المصلحه ياخوك نبيهم ينسجمون بدري مع اللعيبه ومع تكتيك المدرب

واللي يتعب الاسيويه كل الفرق اكثر منك استقرار

غير ان التاخير ماله مبرر الى هالوقت كل هالاشياء تخليك تخاف لانها تكررت قبل

3- قناة الهلال السعودي ‏@AlhilalCh

فيما تم صرف النظر نهائيا عن التجديد مع السويدي فيلهلمسون
والاتفاق بشكل نهائي مع مهاجم إكوادوري سيكون بديلا للمغربي يوسف العربي.

2- قناة الهلال السعودي ‏@AlhilalCh

لثلاثة أعوام خلال الـ 48 ساعة مقابل ثلاثة ملايين يورو على أن يحضر للرياض مطلع الأسبوع المقبل
بتوصية من المدرب الفرنسي كومبواريه، فيما تم

1- قناة الهلال السعودي ‏@AlhilalCh

اتفق الهلاليون بصوره نهائية مع المدافع السنغالي قادر مانجان ليكون البديل للمدافع أسامة هوساوي الموسم المقبل،
وسيوقع عقدا يمتد لثلاثة

إقتباس الرسالة الأصلية كتبت بواسطة mohammed al-yusuf انا مدري ليه انتم متحمسين على موضوع الاجانب ؟ اللي يقول تعبنا .. واللي مدري وش يقول وبعدين اذا وقعوا ؟ وش المصلحه اذا عرفتوا ؟ الهلال اصلن مو محتاج اجانب غير قلب الدفاع .. واكيد الاداره بتوقع مع قلب .. اليوم ولا بكرا كل واحد اهم شيء قدام هجر يلعب وبس وخلوا عنكم تعبنا وما تعبنا ..

ياحبيبي اي لاعب ماهو متأقلم بعد 15 يوم ماراح تستفيد منه لو انه دروقبا والا كاكا والا بيبي
الاعب المفروض يكون حاضر من بداية المعسكر لانه معروف من نهاية الموسم الي فات اننا محتاجين قلب دفاع وصانع لعب بدال ولي شي بديهي ومعروف
ليه للان ماجى المدافع؟
شي صراحه يرفع الضغط
الان الاسيويه مابقى لها شي والمفروض ماتجي الاسيويه الا وانت جاااااااااهز
يعني فريق نسجم بكامل نجومه والمدرب يكون عارف خبايا فريقنا وعيوبه وايجابياته
لكن بعد هالحسوه هذي
اتوقع يبد الدوري وبداية اسيا كلها مانبدع فيها يمكن اذا الله ستر علينا وتعدينا اول مباراه اسيويه يمكن بعدها فريقنا يمشي صح
يعني يبغاله فتره

إقتباس الرسالة الأصلية كتبت بواسطة نيوف 20 المصلحه ياخوك نبيهم ينسجمون بدري مع اللعيبه ومع تكتيك المدرب واللي يتعب الاسيويه كل الفرق اكثر منك استقرار غير ان التاخير ماله مبرر الى هالوقت كل هالاشياء تخليك تخاف لانها تكررت قبل

مصدق انت ؟

وشو انسجام ومدري ايش

شوف اوروبا .. 50% من الانديه ما فيه معسكرات

هل تعلم ميسي من 2009 ما دخل ولا معسكر بالصيف ؟!

هذي 50% منها سياحه

اللاعب الاجنبي يجيك لياقه فـل ما يحتاج معسكر ..

برشلونه الى اللحين ما بدأ معسكرهم وكل اللعيبه اللاساسين ما راح يدخلون بالمعسكر اساسا الا كم لاعب ؟!

دخول المعسكر مو مهم كثير .. فائدة المعسكر 90% رفع المخزون اللياقي امما تكتيك المدرب يطبق ويبان مع المباريات الرسميه ..

اسأل اي واحد يروح للمعسكر وقوله وش الفايده من المعسكر بيقول لك من اجل اللياقه فقط ..

والاجنبي يجي ولياقته احسن من اللي دخلوا معسكر

اهم شيء يوقعون مع لاعب كويس .. واذا بغا لا يدخل المعسكر طول عمره

والانسجام يجي بعد مباراه وحده .. ولاحد يلعب عليكم يقول لا لازم فتره

شوف ألبا اول مره يلعب مع المنتخب الاسباني اساسي .. واخذ افضل ظهير ايسر .. وبيلعب مع البرشا الموسم الجاي وهو ما دخل المعسكر

وحتى لو لاحظت جميع التمارين بالمعسكر كلها لياقيه

وايضا لو على كلامك انه المعسكر عشان الانسجام .. كان في مباراة المان سيتي لعب بالتشكيله الاساسيه بعض مو مفرقهم

لانه كان التشكيله الاولى فيها نص الاساسين والتشكيله الثانيه فيها النص الثاني !!

ليه مادخل بالاساسي مع بعض عشان ينسجمون ؟!

المعسكر فقط عشان اللياقه وتغير جو

_

باخباار اذاعة يو اف ام ذكروا ان المدرب وافق على التجديد للسويدي ويلهامسون وراح
يلتحق بمعسكر الفريق خلال هالاسبوع ... !!

إقتباس الرسالة الأصلية كتبت بواسطة ahmed alzaeem هههههههههههههههههه اجل نسرقه ليش قالوا لكي نادينا مثل الخدم والطحاالب والفقراوية كل واحد يسرق من الثاني قالديفيا رفض عرض الطحالب من قبل تبيه يجي للهلال ماتوقع وهو مرتاح مع بالميراس وحقق معاهم الكاس قبل اسبوع

والله لا سرقة ولا شي هذا هو الشغل النظيف وهذا هوالاحتراف ما دامك محتاج اللاعب ولقيت فرصة تخطفه خلص معاه بلا علاقات ولا ميثاق شرف وكلام فاضي

ويليهامسون يو اف ام البارح يقولون بيوقع مع الهلال والجرايد تقول لا

وش الحقيقه ويلي باقي ولا لا ,@؟!؟

وبخصوص موضوع الانسجام , اتوقع اللي عينه على اسيآ , باقي على اسيآ 70 يوم او اقل بشوي , ^_^ ,
-
بخصوص الناقور , سبق وان قال الناقور تابعو مباراة خورخي ^_^ ,
مو انتقاص من الناقور لكن كلامه الحالي عبارة عن سوآليف , لا اكثر ولا اقل .. حتى يتم ويصير شي !
-
بخصصوص تأخر التعاقد مع الاجانب , حنّا ليه نصدق اي شي سلبي لكن اي شي إيجابي مثل " المدرب يأخر موضوع حسم الاجانب حتى يكتشف احتياجات الفريق " ,

والله عيب تقول ادارة ماتبي تدفع فلوس , ! دفعت الملايين والملايين قبل بتقعدون تسقطون عليها اللحين , ! الادارة بتدفع وكل شي سمعناه عن عدم رغبة الادارة بدفع نصف مليون يورو كلام صحف نفس كلام جوزيه وخورخي وال50252 لاعب اللي قالو بنتعاقد معاهم

-

بخصوص " رخيص وكويس " مش أي لاعب رخيص سيءء
الهلال جلبت لاعب ب800 الف ريال تقريبا , وحاليا ينباع بالسوق على 10 -8 مليون ريآل .. ^_^ ولولا امتيازه ماوصل هالسعر

إقتباس الرسالة الأصلية كتبت بواسطة جنون الهلآل - عآجل حسب صحيفة [ haber7 ] آلتركيه نآدي سعودي يفآوض آللآعب [ Miroslav Stoch ] ! آللآعب سبق وآن مثل آنديه [ تيفينتي آنشخيده ] و [ تشيلسي ] وآلآن يلعب مع فنآربخشه آلتركي .

وين المصدر ؟؟؟؟؟؟؟؟؟؟؟؟ هات رابط الصحيفة

عبدالمحسن المحيسن ‏@AboFahad053
رسمياً فابريك برايند دكتور للفريق الأول

إقتباس الرسالة الأصلية كتبت بواسطة جنون الهلآل - عآجل حسب صحيفة [ haber7 ] آلتركيه نآدي سعودي يفآوض آللآعب [ Miroslav Stoch ] ! آللآعب سبق وآن مثل آنديه [ تيفينتي آنشخيده ] و [ تشيلسي ] وآلآن يلعب مع فنآربخشه آلتركي .

لاعب ممتاز جدا ً
لاعب وسط متقدم " صانع لعب " و بالآمكان يكون مهاجم مساند " ثاني "
يلعب بـ كلا القدمين .. ويملك رجل قوية ..

صفقة رابحة لو جاء لـ الهلال

رغم أن مبلغه غالي يصل إلى 12 مليون يورو وما آعتقد الهلال قادر يدفع هـ المبلغ ..

إقتباس الرسالة الأصلية كتبت بواسطة zizo7 وين المصدر ؟؟؟؟؟؟؟؟؟؟؟؟ هات رابط الصحيفة

أنا أعطيك المصدر ..


Fenerbahçe’nin ba