تـصــفـيــاااااااات .... مــوضــوع مــااااصـــل - نادي الهلال السعودي - شبكة الزعيم

yazeed_9 · #1 06/04/2003, 03:10 PM

[c]

إرحـبـوا >>>> نـور المـوضـوع يا قـدعـان

أف أف أف ,,, وش أنـا أشــوف ...........

كــيــفــي والفيـروسـة تطـاقـوا عنـد البـاب

يحسبـون الموضوع أبـورياليـن

لا تخـافـون مهـيــب تصفيــة حقــت الأســواق ,,, لا غـيــر

إنــمــا الــدعـوة إنــي رعـصـت موضوع جــديـد بالغلـط

وقلــت والله مــا أكســر خــاطــري ... . أنـــزل موضوع

وهـــذانــي مســوي تصفيــة عــلى كــم شغلــة زمــان في راســي

ودك تحـس بالشـهــره

,,, إتبعــنــي .........

ذاك الـيـوم كنـت فـاضـي وفـاتـح عــلى قــوقـل < محرك بحث

قـلــت يـا ولـد خلنــا نجرب,, وأنـطـل يــوزري ,,,

وإلا تـطلـع نتـايـج البـحـث

فيـهــا إسـمـي وكـم مـوضوع لـي ,,,,

عـــااااااد مـن ذاك الـيـوم كـل ماضـاق صـدري من العـالـم ,,, رحــت أتمـيـلـح بـذاك

ودامــنــا فــي قـوقــل خــوذوا هـالـسالفــة ,,, تشبه الي فـوق

لكـن هـالمــره خربتهــا ودخلــت الــ family name ,, قلــت يمكن يطـلـع شـي

واخلـيـه يــدور ورجـعــت لـه عقـب شــوي ,,,,,

يــؤ يـــؤ يـــؤ ,,, وش إلــي أشــوفــه

أبــوالشبــاب كـب عــفـش عيــال عمــي بعضـهــم <<< تصـاريـح أجــل ;)

شـفــتــوا كيــف الــ تـكـنـولـجـي صــارت ,,,, ويـابخــتــك يـا yazed

>>> نـظــريــة يــزوديــه

من خــلال دراسـة أجريتهــا ذاك الـيـوم ,,,, إكـتــشـفــت مايلـي

إنـــه كـل يـوم سبـت >>> يقــل عـــدد مستخــدمـي النت فـي وقـت العصــر بالممـلـكة ؟؟؟؟ لمــازا

لأن الجمــيــع يـكــون يــوم الجمــعــة سهـران ,, فــ يجــي يــوم السـبـت

ويـرجـع الواحـد من الـدوام مايشــوف الـدرب ,,,, يتغــدا ويحـط راســه ليــن المغــرب

وبــذلك >>> وقـت العصــر نـادراً ,, تلقــى تمـاسيـح عـلى النــت

ودكــم تــعــرفــون وشلــون جبـت هـالـدراســه ,,,, أنــا أعـلـمـكــم

مــاسنجــري >> مــلـيــان تمـاسيــح ,,,,, وبـدون تحــديد ,,,, المــهــم

دائــمــاً أدخـل العصـريــة وألقــى كم واحـد إلا يــوم الســبــت !!!!!!!!!

وأيضــاً جربــتــهــا فـي أكثـر من ماسنجــر

بــرايفــت لنفـســي : ;) قـال إيش نيـوتــن هــو وجاذبيـتـه

مــاسـنــجـريــكــا ,,,,,,

ذالحــيــن واحـد ينـطــل ا لــ E - Mail فـي توقـيــعـه ويـكـتــب ماسنـجــر ,,, للحـيـن حـلــوين

لكــن الــبــلى يــوم إنـك تضـيـــفــه (( من قرادت الحظ )) ,,, وتـسـلـم عـلـيـه ,,,

يقــولك :: يااااخــي وش تــبــي أنتــم لازم تـزعـجون الــواحــد ,, ويحــظرك

طــيــب يالـحـبـيــت دامـك (( V.I.P )) ,, وشـولــه مــســبل إيمــيــلك تحــت

[sound]http://www.shathaaya.com/ash3ar/3ajab.ram[/sound]

وهــذي مــادري وشــي .... بـس إسمــي فيــهــا

هـــازا مـــالــدي فــي جوعــبــتــي

ولكــم أحلــى تحيـــة

yazeed

[/c]

تحدوه البشر · #2 06/04/2003, 03:19 PM

يزيد_9 بارد عليك بكره تعباااااااااااااااااااااااااااان

ولك الف تحيه
وكان همي الاول اكون اول من يرد عليك

تحياتي ,,,

abu_riman · #3 06/04/2003, 03:28 PM

شكراً على هزا اللي في جوعبتك ...

تصدق جوعبتك تحوي الكسير و الكسير ..

ياليت تتحفنا دوماً بما في الجوعبة ..

عــــ الهلالي ــارف · #4 06/04/2003, 03:30 PM

احلااااااااااااا يزيد ...

وش ذا الزين ...

بس تصدق مافهمت شي ...

كل سالفه مالها خص بالاولى ...

تحياتي يزيد ...

عويرررررررف ...

عزوز10 · #5 06/04/2003, 03:32 PM

اهلين يزووودي:

صراحه كل ماتذكرتك
اول مااضفتك اجلس اضحك

حسيت انك تعاني ههههههههههههههه

إقتباس


	وقـت العصــر نـادراً ,, تلقــى تمـاسيـح عـلى النــت

بس اكيد تلقاني

romeo · #6 06/04/2003, 03:54 PM

الــــــسلام before الكلام؛

[c]كلام لززززززيزززززززز لكن زودّ الملح عشان انا احبه زياده يايزيد [/c]

قرقاص · #7 06/04/2003, 04:37 PM

يزيد ولو ان الموضوع ماااصل بس اذا انت اللي كاتبه بيطلع سكر زيادة

..........انواع النصب

ماعلينا!!!
على طاري قوقل واسم العائلة سويت زيك مرة من المريرات والقا لي ذاك الموقع في ايران عن الروافض وعن شيخ لهم اسمه على اسمي.!!!ع..... الحس.....

وعقبها تبت اسويها ثانيه

نجي لنظرية عصر السبت والتماسيح!!!

انا من النوع اللي ماتنطبق عليه هالنظرية لأني يوم السبت غالبا مااكون اجازه بعد دوام الويك اند وتلقاني بعد صلاة العصر مسنتر على النت لين المغرب

ومشكور يزيدو على هيك مواضيع مهضومين وبياخذوا العئل

كايدهم · #8 06/04/2003, 04:43 PM

هلا يزودي

وش نـيـوتن و فيثاغورس عـندك

؟!!

ماشاء الله عليك .. عليك دررر واستنتاجات قـويه جدا .. وين رعاية المـوهبيـن عنك

؟؟

إقتباس


	لكــن الــبــلى يــوم إنـك تضـيـــفــه (( من قرادت الحظ )) ,,, وتـسـلـم عـلـيـه ,,, يقــولك :: يااااخــي وش تــبــي أنتــم لازم تـزعـجون الــواحــد ,, ويحــظرك

شر الـبلية مايضحك ..

واللي مثل هذا يازيـن البثاره عليه

..

وفيروسه وكيفي .. عطونا اخبار ابو ريالين وش فيه جديد عندهم

..

تحياتي يازيزووو:p

yazeed_9 · #9 06/04/2003, 06:03 PM

تحدوه البشر

بــأنتــظــارك

abu_riman

شكـــراً عــلى التشــريــف

عــــ الهلالي ــارف

مــو لازم تفــهــم

أهــم شي الأخــلاق

yazeed_9 · #10 06/04/2003, 11:41 PM

عزوز10

أنــت أهـم شي

romeo

ردك الـملـح كلــه

قرقاص

<< يعنــي أنت إراهـبـي << بيـورطـك

كايدهم

يـاحبنــي لك أنت وردودك

Mr.Za3eem · #11 07/04/2003, 12:05 AM

<---------- ما يواطن شي اسمه ابو ريالين ولا زباينه ... ( انت تعرف زباينه .. عـزيـ؟؟؟؟ ;) )

ياحبيلك انت و ( مويضيعياتك ) ...

بس ياخي يوم قريت انك بتكتب شغلات من راسك وصل تفكيري لطرق اختراقات سيطره فيروسات

بحث في قوقل

الله يفشلك ..

ابو الذهب · #12 07/04/2003, 12:17 AM

يزيد وش الموضوع الرائع من جد ماصل ياالماصل ( يسمع فيها يحسبها مدحه)

بس تصدق هذا اكثر شى اعجبنى
مــاسـنــجـريــكــا ,,,,,,

ذالحــيــن واحـد ينـطــل ا لــ E - Mail فـي توقـيــعـه ويـكـتــب ماسنـجــر ,,, للحـيـن حـلــوين

لكــن الــبــلى يــوم إنـك تضـيـــفــه (( من قرادت الحظ )) ,,, وتـسـلـم عـلـيـه ,,,

يقــولك :: يااااخــي وش تــبــي أنتــم لازم تـزعـجون الــواحــد ,, ويحــظرك

طــيــب يالـحـبـيــت دامـك (( V.I.P )) ,, وشـولــه مــســبل إيمــيــلك تحــت
هههههههههههههههههههههههاى ودى انى موجود وهو يقولك كذا

الا من جد وش كان شعورك اول ماقال لك وش تبى

ماتحس ان صروالك كمش شوى :sad:
( وش دخل صروالك بالموضوع )