عيب والله عيب اللي صار في نادي الاتحاد
 

بالصدفه كنت متواجد في جده يوم الاربعاء الماضي
وتواجدت في احد مطاعم البيك اللي كان بالصدفه يتعشى فيه صغار الزعيم ( ناشئين الهلال للقدم )
المهم الله لايوريكم اللي جاهم كلام استحي اكتبه وسب موزع على افراد العائله كامله
وحركات استفزازيه طول وقت تواجدهم في المطعم ( طبعا يوم اربعاء والمطعم محشور اتحاديين )

يوم الخميس تحمست احضر بعد اللي شفته فى المطعم وبعد حبيت اطمن على مستقبل زعيمنا

وصلت الملعب وتفاجأت بالجمهور كان ظغطهم مليون حتى مليون شوى

ما اطول بدت المباراه والزعماء اخر ثقه ما تأثروا بالجمهور والرابطه الاتحاديه المعروفه ( تصدقون
حاضرين )
قبل ما اكمل ابشركم بولد اللي هو المهاجم رقم 13 عرفت بعدين ان اسمه نايف القحطاني
والله يا هو حاسهم وانه فريق الحاله حتى المدرب يصرخ على الدفاع باسمه والجمهور
يطالب المدافعين اللي يقول اضربه في الركبه واللي يقول نبغي الرباط ( سمعناها بالمكرفون حق الرابطه كانه برنامج ما يطلبه المتعصبون )
جاب االاتحاد هدف في الشوط الثاني وكانه هدف ذهبي على ريال مدريد
وتعادل الزعيم ورحع ظغط الجمهور 3000000 مليون والمهاجم ماغيره ( تايف ) مواصل
الاحتفال بدفاع الاتحاد شى والله يبرد القلب ( بصراحه بيني وبينكم الولد عالمي )
غلط لاعب الوسط رقم 20 وسجل الاتهاد هدف وفرحة كاس العالم تعود للملعب
ولما جاء الهلال يسنتر بعد الهدف جاء لاعب اتحادي واخذ الكوره وعلى المدرجات شوت
والحكم ماهو بشغله والله لوواحد منكم كلم المهاجم ان الحكم اكلمه
وبغى يصير اشتباك بعد تطنيش الحكم بين لاعبين الهلال واللاعب اللي شات الكوره
بس الحكم كأنه اسد صرخ في وجه لاعبين ةالهلال وهددهم بالكرت
المهم الملعب احتفال وفرحه هستيريه مع استمرار السب والتشجيع لكل لعبه خشنه
خاصه مع نايف رقم 13 اللي ما قصر والله رد على الجمهور وسحب في اربعة لاعبين
ولعب الكوره وضع في الزاويه البعيده عن الحارس خلت مدرب واحتياط الهلال يدخلون الملعب
بس ان الكوره الملعونه صكت بالعارض
بعدها استمرالضرب على نايف والحكم ماهو فيه لين ما طلعه المدرب خوف عليه والله ما الومه
ماشفتوا اللي جاء المسكين
فاز الاتحاد والجمهور يسبون بالمكرفون الهلال الظاهر الى الحين
اسمحوا لي على الاطاله يس حبيت تعرفون كل اللي صار


:uhoh: :upset:
:upset: :upset: :upset: :upset: :upset: :upset: :upset:

يعطيك العافية اخوي الغالي هلالي 2050 وربي يسلمك
لو هو على كيفهم كان حاجة اسمها الهلال يشلونها من كل الكون كل الفرق الى فيها لون اصفر فيها حقد على الهلال ربك لا يوريك ومعظم الفرق يلعبون قدام الهلال باحسن المستويات لو لعبو فيها كان شفت المنافسة على المركز الاول ماتحدد الا في اخر مباره والهبوط بعد
ومره ثانية شكرا

الشرهه على الجوزات ما ظفتهم :D :D

حسبنا الله ونعم الوكيل

عيب عليك ياهلالي ولو اني اشك انك هلالي ......
انا حضرت المباراه ومافي اي شي صار من اللي انت قلته ....

لعب الفريقان المباراه وسط صمت كبير من الجماهير حتى انه عند احراز الاهداف سواء للهلال او الاتحاد لا نسمع الا تصفيق بسيط .
اما الذي قلته في موضوعك فلا ادري ما الذي دعاك الى كتابته .
ارجو ان لا تغضب مني فانا هلالي واخلاقي لا تسمح لي بعدم قول الحقيقه ..

وأخيرا :

أرجو ان لا تكون هلاليا لأن هذه المواضيع الكاذبه ليست من اخلاق الهلاليين ... :mad: :mad:

ارجو ان تتقبل موضوعي بصدر رحب ....;) ;)

الاخ الراعي
اتهمتني بالكذب واقول باخلاقي الهلاليه شكرا
وشريط المباراه هو الفيصل بيني وبينك
وان شككت في هلاليتي لتحافظ على سمعة ناديك التي وضحت للجميع
اقول لك ما ني في انتظار تقييمك وما فعله محمد نور واسامه المولد فيكم
ياجماهير الاتهاد شوي والله واليوم الثاني مستانسين بالصور معهم

اكتفي بهذا الرد واقولك الزعيم زعيم ببطولاته وجماهيره

واطلب منك العوده الى رد الاخ s الهلالي

اخر سوال لا تكون بعد انت اللي محاسب في مطعم البيك


والنهايه شكرا للجميع:p

هذا ماهو منهم هذا من الخروج المر وحصـاد الخيبه الهزيمه

الاخ الراعي :-
لعب الفريقان المباراه وسط صمت كبير من الجماهير حتى انه عند احراز الاهداف سواء للهلال او الاتحاد لا نسمع الا تصفيق بسيط .

ودي اصدقك بس قويه اخلاقهم ماتسمحلهم يصفقون لغير فريقهم

الشرهة موعليهم على الى لعبهم كورة

ولا وين الكورة عنهم التشادين

ياليت بس اخوي هلالي 2050 انت والشباب .. تشيكون على ردود المدعو ( الراعي ) وما ظنيته راعي الا والله من هاللي يرعن .. وراح تلاحظون ان مشاركاته 24 .. و20 منها كلها دفاع عن الاتحاد والبلوي والباقي تخذيل في الهلال ولاعبينه !! مع كم مدحه في سامي ( مسوي ذهين هالدبشه ) ..

ياليت والله المشرفين يشوتونه ظفر مع الجبهه .. وفي اسرع وقت عشان يكون عبره لامثاله .. اجل يقول ( انه عند احراز الاهداف سواء للهلال او الاتحاد لا نسمع الا تصفيق بسيط .) .. وراك خربتها !؟ اكذب على خفيف زي اول .. وبعدين تقول في وحده من مشاركاتك ان الهلال في حاجه لمحمد ثور رضي من رضي وابى من ابى !! اقول ضف وجهك انت وهالحمار اللي لو يطب نادي الهلال كان احش رجليه .. مابقى الا هالاشكال تدخل النادي ..


تحياتي للهلاليين وللاخ هلالي 2050 ..


اوين ,,

مصيييييييييييييييييييييييبه اذا كان الكلام صحيح

لست مكذبا ولا مصدقا لخبر لم تره عيناي
لكن لو حدث فهو قمة التخلف

[c]
ذا أمر طبيعي لأن (( رعاية الشباب )) نايمه في العسل عن (( لحوج )) على وزن (( علوج )) الإتحاد
[/c]

اطردو هذا الراعي المندس الخسيس .
جميع مشاركاته إماسب في الهلال او مدح في الأتحاد والبلوي .

الف تحيه إلى اخوي هلالي 2050 .

مصيييييييييييييييييييييييبه اذا كان الكلام صحيح

لست مكذبا ولا مصدقا لخبر لم تره عيناي
لكن لو حدث فهو قمة التخلف