حملة ( الموج الازرق جاكم ) الناقور والامير محمد بن خالد يتكفلون بعدد 4000 تذكره - ضع مقترحك للاربعاء القادم - دعم الاباتشي
 

والله شكرا لكم ي رابطة الزعيم شكرا شكرا

امس بحظور فقط

الف مبروك الفوز على الغرافه والتاهل لدور الـ 16 .. المباراه القادمه يجب علينا الحضور وبكثافه لمآزرة الزعيم وزف الكتيبه الى دور الـ 8 باذن الله

بالنسبه للاقتراحات ..:
1- نبغى اهازيج جديده وقصيره وسهل ترديدها على الجمهور .. وبعض الاهازيج القديمه مثل ..:
1- هلال ..آسيا . هلال .. آسيا . هلال .. آسيا وشفنا كيف كان يرددها الجمهور بصوت واحد بمباراة بنيدكور الاوزبكي .
2- الموج عالي والبحر غدار .. ياللي تخاف الموج تجنب امواجه .. اتمنى ترديدها بنهاية الشوط الثاني بحالة تقدم الهلال .

فيه اهازيج كثيره والجمهور الهلالي قادر على عمل اهازيج قصيره وجميله وسهل ترديدها بشكل جماعي بالمدرج .

الاقتراح الثاني :
2- حقوي لازم يرجع للمدرج امس شفنا تفاعل كبير جدا من الجمهور مع حقوي ..

الاقتراح الثالث ..:
القماش اللي كتب عليه الملكي اتمنى نشوفه بالمدرج من جديد بس بقطعه اكبر بكثييير ..

وفيه شيء لفت انتباهي وهو الاعلام كانت متركزه فقط حول الرابطه اتمنى نشوف اعلام كبيره تكون موجوده باعلى الطابق الاول وممتده من اول المدرج الى آخره ممكن 15 الى 20 علم كبير يكفي مع تواجد اعلام زي اللي كانت بمباراة الامس ..

بس ياليت ياتركي تركزوا على الاهازيج وطرب الجمهور .. نبغى نرجع ايام عز المدرجات .. ونشوف المدرجات فل الفل ومتعه حقيقيه

فيه مباراه الهلال والفتح بعد بكرا لتحديد المركز الثالث والرابع

باذن الله جاي من الشرقيه واتمنى جمهور الرياض يكونون ع الموعد ..
واتمنى حقوي يمسك الرابطة ...واهززوجة دخول اللاعبين امس رائعه اتمنى تكون اهزوجه رسميه عند دخول اللاعبين ..


.

ماقصرتو الباارح وبيض الله وجيهكم

وكم اتمنى ان يقود حقوي رابطهـ الجمهور الهلالي الموسم القاااادم

وبالنسبه للتذاكر المقدمهـ هذا اول الخير والخير قادم وبأذن الله ماراح يجي الاربعاء الا الحضور مجاني

يعطيك الف عااااااااافيةةة ع الخبر
بتووووووفيق لززززعيم

مايهم الحضور الاهم التشجيع والمسانده

للاسف جماهير الرياض بخيله مرره ليت المباراة بالشرقيه والله التشاهدون شئ عجيب من حضور ودعم
والجميع يذكر مباراتنا العام مع الاتفاق لمن كان متقدم الاتفاق بهدفين لم يتوقف التشجيع بل ظلينا نؤازر حتى قلبو الرجال النتيجه ٣-٢ للهلال

بس جماهير الرياض عليها علامة استفهام كبيره؟؟؟؟؟؟؟؟؟

ألف مبروك أخوووووي تركي وعساكــم على القووة

الله يعطيكم العافيه على جهودكم وما تقصرون وإن شاء الله نشوف رابطتنا من افضل الروابط

تحياتي لك ياتركي

الله يعطيكم العافية اخوي تركي ..

وبالتأكيد شكراً لكل من تكفل بقيمة التذاكر وكل من حضر من الجمهور وآزر الفريق ..


بس عندي ملاحظة يا أخ تركي .. بخصوص الأعلام اللي رفرفت فيها الجماهير صراحة ابداع .. حجمها كبير ولونها حلو .. اتمنى في المباراة الجاية تزيدون الكمية وتوزع على كامل الواجهة ..

انا عندي اربع اقتراحات اتوقع تخلي الملعب يشعلل
الأعلام الزرقاء الكبيره ياليت تكثرون منها ،، لأن شكلها بالملعب كان خرااااااااااااافي خرااااااااااافي،، ومافيه اي احد سبقكم بها
ثانيا لوحة الملكي نبيها بحجم أكبر
االثالثه لوحة زعيم آسيا برضو بحجم كبير تعرضون لوحة زعيم آسيا وقت دخول اللاعبين ،، لأنها اكيد راح تبث روح الحماس بللاعبين لما يشوفونها ،، نبيهم يتحمسوون
رابعا وأخيرا حقوي ،، ثم حقوي،، ثم حقوي ،، نبيه يرجع ،، الملعب امس كان شي ،، انا تحمست وانا في البيت ،، شلون اللي بالملعب

السلام عليكم



ماقصر الامير محمد بن خالد وفخر الهلال على ماقدموه من دعم للهلال


اقتراح
1) يكون فيه قطع بلاستيك ازرق وابيض يغطي الواجهه
2)قماش ازرق وابيض كبير على شكل قلب

شكرا تركي على ماتقدمه من مجهود