السلام عليكم ورحمة الله وبركاته

الحين بدأ التسجيل بالنادي طيب أنا رحت و سجلت اسمي و دخلت الاختبار و ما اختارني المدرب و قالوا للي ما اختارهم المدرب يعطيكم العافيه انتم الأسماء حقتكم مسجله عندنا
طيب التسجيل على 10 ايام اقدر أجي في يوم ثاني و أدخل الاختبار مره ثانيه و أثبت نفسي
عشاني يوم رحت ما كنت جاهز مره و ودي العب للهلال و قهر أنكان ما فيه إلى فرصه واحدة.

بالله يا زعماء أفيدوني.

وشكرًا.

وعلى فكره أنا ما أيأس.

طيب روح مره ثانيه وان شاء الله تنجح ، منت بخسران شي
بالتوفيق

شف و من باب تجربه قبل " 10 سنوات " او اكثر


يجمعونكم 100 شخص في ملعب مايشيل 7-7 وتدابكون ورى الكوره


والمدرب لو ( تلاحظ ) مايدري وش لعبكم ولا يشوفكم تحصله يسولف ولا هو يمكم

اذا خلصتوا فيه خيارين يختار منهم :

1 - معه ورقه فيها اسامي ( الواسطه )
2 - يدور وجيه اللي يعرفهم واللي موصينه الجماعه عليهم ويختارهم


والبقيه يقول توكلوا على الله


لا تتعب نفسك ياصديقي ( انا ماأحبطك ) لكن الواقع يفرض نفسه و بقوه !!

إقتباس الرسالة الأصلية كتبت بواسطة aboody29 اذا خلصتوا فيه خيارين يختار منهم : 1 - معه ورقه فيها اسامي ( الواسطه ) 2 - يدور وجيه اللي يعرفهم واللي موصينه الجماعه عليهم ويختارهم والبقيه يقول توكلوا على الله لا تتعب نفسك ياصديقي ( انا ماأحبطك ) لكن الواقع يفرض نفسه و بقوه !!

باهذا صدقت ياكم مره راحت ورجعت زي ماجيت

اتوقع ان الدعوه واسسطه مثل ماقال الاخ
بس ححاول تسجل مره ثانيه وججرب حظك