جــمــهــورنــآ بــين آلتـشـآؤم وآلـتـفــآآئـــل <--نعم العالميه صعبه قويه - نادي الهلال السعودي - شبكة الزعيم

دموع الجرح · #1 10/05/2012, 07:32 PM

الـسـلام عـليكم ورحمة الله وبــركــاته

آخــبآآركم

صــراحه مــن كثر ماقريت بالمنتدى من بعد مباراة الهلال الاخيره
الي صب جام غضبه على المدرب والا على الاعــبين
وانا كنت من ضمنهم خصوصا المدرب لكن اقول قدرالله
وماشاء فعل ربما هالاصلع قدره معنا الى مباراة الغرافه
المهم ارجع لجمهورنا العزيز صح فيه البعض متفائل
والاخــــر متشائم للدرجـــه الي شككتني بهلاليتهم
لدرجه وصل التشائم بهم للاستهزاء بنادي الهلال
وهذا الي استغربت متشائم معك حق لكن تتطاول
على الهلال وتجي تمدح النصرر عندي ومـــدري
وش هذا الي مايرضاه اي هــــــلالي
ماراح اقـــارن الهلال بالانــديه الاخــــرى
اخلي التاريخ هو يتكلم
صحيح هذا الموسم الهلال مو بمستواه
الي بالسنوات الي راحت لا في الاجانب
ولا حتى المدرب

لكن وش نقول الشكوى لله موضوعي هذا
فضفضه لا اكثر

بالنسبه لي انا مو متشائمه ولا متفائله
لا مع هولاء ولا هــــــولاء

لان الفريق الهلالي حيرنا كثير خصوصا
من بعد مباراة بــيروزي الكل صار متفائل
مادري هل هي روح الهلال ظهرت في
ارض طــهــرآن والا هــو تشتت الفريق
الايراني الي خــســربالاربعه قبل مواجهة الهلال
والاقـــرب هــي الثانيه

بخصوص مباراة الاهـــلي القادمه ماقول
الا الله يستر من الدفــــــــــاع هو اكثر شيء مخوفني
وان شاءالله نفرح جميعا بمستوى الهلال المعروف حتى لو خرجنا
اهم شي الهلال يرجــــع لمستوآآآه المعروف

المهم عندنا مــباراة الغرافه صحيح بدري الكلام بس انا اشوف
انها اهم من مباراة الاهـــلي بمراحل لو تجاوز الهلال الغرافه
وتصدر ان شاءالله راح يتجاوز بني ياس وهو الاقرب لمواجهة
الهلال وكلنا نعرف بني ياس فريق محترم ومنظم لكن اضمن
تجاوزهم ان شاءالله اذا ظهرت الروح الهلاليه المعروووفه

مقوله ((العالميه صعبه قووويه))

مـــدري ليه تضايق بعض جماهير الهلال وعتبي على الاستاذ
عبدالكريم الجاسر لما نزل من مستواه وتكلم بهذا الموضوع
اعزائي الهلالين هذي المقوله توجهه لهم مو لنا
والعالميه صعبه قويه عليهم مو علينا وهم الي عانى والا عشر
سنين ماقدرو يتاهلو حتى لاسيا ولاحتى ياخذو بطوله
اتمنى من جمهور الهلال مايلتف لمرضى الرياضه
هذا من النقص الي يعاني منه فريقه فوجدو نقصهم
في هذه المقوله عطوهم على جوهم فهذه المقوله لهم
والعالميه صعبه قويه عليهم فاصابهم المرض النفسي
اللعين فاصبحوو يهذون فيها بكل مكان
الله يرحم حالهم ويشفيهم عـــاجلا غير اجل

ادري موضوعي مو مرتب فهو للفضفضه لااكثر ولا اقل

مع خآآآلص ودي وحبي واحترامي لكم

دمــــــــــوع آآلــجــــــرح