أحم أحم ..
السلام عليكم يا قوم
من زمان مانزززلت موضوع ..
وشكرا للي سأل عني بغيابي
فكرة الموضوع كم مساجله بيني وبين اخوياي
قلت أجمعها بموضوع ..

( 1 )

أنا :
سلآم الله على اللي طاح في لعب البلاستيشـن
لعب به لعب ما وقف إلين أحولّت عيـــونــــه
ترك كل المشاغل و المشاعر حتى ماهيجــــن
جلس في وسط مجلاسن يبي يبعد عن شجونه

محمد :
هلآ بك يا هلآ بك يا رفيقن غاليّن ويحــن
على أخوه اللي ما يبغى تبين دمعة عيونه
ترا لعبي يسليني عن علومـن لو بيضحـن
تشت ناس عقالٍ وتفنى نــــاس مجنـونــه

,

( 2 )

أنا :
يا طــلآل الـهـم عـيّــا لا يـــروح
والجــروح اللـي بقـلـبـي فـايـقـــه
كل ما أمسي بـلا مـوعــد أنــــوح
والأماني تـطيـح مـاهـي رايــقـــه
ويش أسوي لو غديت بدون روح
والحـيـــاه اللي أبيـهــا ضـايـقــــه

طلال :
يآ هلآ وألفين يالوجه السمــوح
يالصحيب اللي علومه شايقـــه
أشهد أن الكرب محتاج لحــوح
يقضي الحـاجــة بـقـوة فـايـقــه
أذكر الله بالرخا و أرج النجوح
وإن عصيت الله عذابه ذايـقـــه


,

( 3 )

أنا :
والله إني يا محـمـد مـدري ويـش اللـي بــلانـــي
في محبة واحــدٍ يـشــري من دروب القـطـاعــه
يوم شاف الوضع مزري تدري وش سوا رماني
ثم قفى وابتـعـد عـنـي وانـا مـالـي اسـتـطـاعـــه
يامحمد شـفـت حـزنـي بـاخـره وانـا الـمـوانــــي
وفي وسط هالباخره هم وجروح أقسى بضاعــه
يامـحـمـد وش تـســوي لا غــدا خــلـك أنــانــي
وأنت مـاتـقــدر تـبـعّــد عـن حـبـيـبـك لو ساعـه

محمد :
جيتني يابو خـلـيـل مطـرزن اغـلـى المـعـانــي
بالهموم اللي عجز عن فهمها راعي القطاعــه
يارفيقي يالمعاني صـاحـبـك مـثـلـك يـعـانــــي
صايبن قلبه من إيـديـن الـمـحـبـيـن المـجـاعــه
جيت لي تشكي لي وأنا ببكي علــوم الأمانـي
اللـي ضـاعـت في خفوقي مالقت أيت طباعـة
المحبـة يـارفـيـقـي ما بهــا شـخـصـن جـبـانـي
ما يجيها إلا شجاعـن لابسـن تــاج الـشـجـاعـه
لكن أدروب المحبـة تـجـعـل الـقــرم مـتـفـانــي
خلف شخصن ما عرف قيمة تواريخ الجماعه
لكن أصبر يابن عمي حتى لو ضاق المكانـــي
حتى لو صدرك يعاني أربعه وعشرين ساعـه



.

إن شاءالله الموضوع يكون يستاهل اني انزله
نقدكم طبعا يهمني
في أمان الله

شكرا لكم جميعا
كان ودي اعلق على كل رد لكن المعذره
مشغول جدا و وراي سفره ..