إقتباس الرسالة الأصلية كتبت بواسطة د. زاحف أخي الكريم إلى متى و حنا نرفع في معنويات اللاعب ؟؟ حالياً المرشدي عمره أصبح 28 سنة و على مشارف الثلاثين ! فترة إعارته للوحدة قلنا مستواه تحسن و رفعنا معنوياته إلى أقصى حد و بعد كأس الخليج و يوم أخذ أفضل لاعب كلنا رفعنا معنوياته لكن حالياً للأسف هو ما يبغى يطور من مستواه لأنه بمعنى آخر وصل لمرحلة معينة إكتفى فيها مادياً و إعلامياً و على مستوى الخارطة الهلالية أصبح لا منافس له لذلك لا يمكن يطور من مستواه لأنه ضامن مركزه كـ أساسي لكن أيام كأس الخليج و في عز مستواه كان يريد أن يصل لشيء و فعلاً أصبح أفضل لاعب خليجي و أخذ شهرة على مستوى الخليج و كسب الأضواء الإعلامية و اللقاءات الصحفية إلى درجة أنه وصل لـ مرحلة أصبح يهتم فيها بـ ( شعره ) أكثر من مستواه يا جماعة خلاص ( ماجد المرشدي ) قدم كل اللي عنده و أتمنى إعطاء الفرصة لغيره من الشباب لأننا بصراحة ملينا من هفواته و غلطاته و مستواه المتذبذب ومضه / المرشدي ما يفرق شيء عن المفرج و لا شفنا أحد يقول حملة لـ فهد المفرج و من هالكلام رغم ان فهد المفرج كان أكثر ثبات و أكثر ثقة و يجيد التخليص و فدائي من الدرجة الأولى لدرجة أنه جعل رأسه مكان الكرة أمام تسديدة للحسن كيتا في إحدى المباريات و سال الدم من راسه من أجل الهلال فقط !

يااخي الكريم ابغاك تعرف ان الهلال لن يصعد اي مدافع من الاولمبي

والسبب ان الالمبي يحتاجهم لذلك نحاول بأن ندعم ماجد المرشدي

حاول تفهمني يا الغالي

ماجد المرشدي زين
مره زين
بس يبيله شوية ترصيص
بس وش دعوه حمله !!!
المرشدي مدافع كويس بس احيانا عليه طلعات مدري وش تبي
صدق في اهداف جات على الهلال بسببه بس في اهداف كثيييره كان ممكن تتحقق و تمكن منها
الله يوفقه مع الهلال على طووول

إقتباس الرسالة الأصلية كتبت بواسطة برنسيسة الظلام ماجد المرشدي زين مره زين بس يبيله شوية ترصيص بس وش دعوه حمله !!! المرشدي مدافع كويس بس احيانا عليه طلعات مدري وش تبي صدق في اهداف جات على الهلال بسببه بس في اهداف كثيييره كان ممكن تتحقق و تمكن منها الله يوفقه مع الهلال على طووول

يااااااااااااااااااااارب توفقه وتوفق جميع اللاعبين في مباراه الغد

إقتباس الرسالة الأصلية كتبت بواسطة د. زاحف يا رجال أي تفاعل و أي حملات ؟ المفروض تغير عنوان الموضوع ليصبح ( أكبر حملة لـ تنسيق ماجد المرشدي ) بتقولون هالكلام ما ينفع حالياً أمامنا مباراة مهمة مع بيروزي و بعدها حاسمة مع الأهلي أقول بالعكس هذا الوقت المناسب لـ تنسيق أشباه اللاعبين و اللي ما يجيدون أبجديات الكرة و " يكفي تطبيل " يا صاحب الموضوع و كل من يحاول ( يرقع ) للمرشدي يا جماعة اللاعب يحس أننا مبسوطين من مستواه و يظن أن هفواته عادية و ما يدري أنها كثرت و بإختصار ( ماجد المرشدي ) قدم كل اللي عنده و زيادة يعني ما قصر يعطيه العافية خلاص نهاية الكلام ( يـــكـــفـــي تـــطـــبـــيـــل )

مازيد على كلامك غير صحيت يابطل

كلنا معك يا ماااااااااااااااااااااااااااااااااجد

إقتباس الرسالة الأصلية كتبت بواسطة ابـــونـــورة ٍSTOOP Not much talk on Majid Morshedi لا يكثر الكلام على ماجد المرشدي لاعب كبير ومهم تتطاولون عليه أنا ما أسمح للي ما يفقه بالكورة أو ما يعرف أصلا وشي الكوورة أنه يمس ماجد أو أحد من لاعبين الهلال بكلام مثل كذا،،كل اللاعبين اللي في الكوون يخطوون وتهبط مستوياتهم ويحصل لهم مشاكل وظرووف خاصة وظرووف إصابات أرجوو من الشعب الهلالي المحب فعلا لهذا الكيان أن يوقف مع هذا اللاعب وغيره من لاعبين الهلال ويكوونون عووون لهم وسند

يا من تفهم وتعي ماهية كرة القدم ..
حبذا لو تتحفنا وتنورنا .. بما يتميز به هذا المدافع الفذ الأأسطوري ..
باريزي زمانه ... من مزايا فنيه ..

إقتباس الرسالة الأصلية كتبت بواسطة البرفسور الهلالي20 يااخي الكريم ابغاك تعرف ان الهلال لن يصعد اي مدافع من الاولمبي والسبب ان الالمبي يحتاجهم لذلك نحاول بأن ندعم ماجد المرشدي حاول تفهمني يا الغالي

إقتباس الرسالة الأصلية كتبت بواسطة د. زاحف يا حبيبي أولاً أنا ما قلت : خلونا نصعد لاعبين من الأولمبي ! أنا كل اللي قلته : لازم نعطي غيره من الشباب فرصة و أعتقد أن ( عبدالله الدوسري ) و ( فواز فلاته ) و غيرهم من اللي يجلسون بالدكة و هم أولى من ماجد المرشدي باللعب الأساسي بل بالعكس ربما جعلوا ماجد حبيس للدكة ! فواز فلاته عمره 23 سنة و لم نشاهده يلعب أبداً هل الخلل من الإدارة أم من الجهاز الفني لا نعلم ؟ و عبدالله الدوسري لاعب في مركز قلب الدفاع بالأصل و نشاهده يلعب ظهير أيمن و في بعض الأحيان أيسر رغم أنه في الأصل قلب دفاع لماذا لا أحد يعلم ؟ النادي سيضيع في ظل هذه التخبطات الفادحة و المجاملات التي زادت عن حدها و نحن نكتفي بالتطبيل و رفع المعنويات و الخوف على مشاعر فلان و علان فقط ! .. خاص لـ ( البروفيسور الهلالي ) بخصوص قولك أن الفريق الأولمبي يحتاج هؤلاء اللاعبين و هذا سبب يمنع تصعيدهم تعتقد عندما صعد العابد و عبدالعزيز الدوسري و سالم الدوسري و سلمان الفرج و غيرهم من النجوم هل كان الأولمبي يريد الإستغناء عنهم لذلك صعدهم للهلال ؟! بإختصار ( ما هي فائدة الفريق الأولمبي إذا لم يصعد لاعبين للفريق الأول ) ؟ و لا يوجد شيء أسمه ( بسبب أنه يحتاجهم ) !

اولاً: اخوي انت تناقض كلامك انت قلت نعطي للاعبين الشباب فرصه

وهذا يعني ان الاداره تصعد من الاولمبي ؟!صح والا لا

ثانياً:وش المشكله لو دعمن اللاعب اهم شئ مصلحة الزعيييييييم

المرشدي لاعب ممتاز .. و لكن الجمهور ضغط عليه فوق ما يستحمل

عموماً خطوه ممتازه لدعم المرشدي .. شكراً لك

ماجد المرشدي لاعب رائع...لكنه الله يهديه يحطنا في موقف صعب وفي كورات سهله يخليها بلنتي وهدف وطرد

انا معك في اعطاء المرشدي جرعها معنويه ولكن للاسف الجمهور العربي من جنبها..
ياهو نحب التحطيم..
الجمهور السعودي ضرب تفسية الموهوب ياسر القحطاني
وكملنها حنا في المدرج الازرق
وفي المنتديات وانا منهم حينما كان ياسر يسحب رجلينه(نحن لانجيد التشجيع)
نحن جمهور..بكل اسف لانفهم في التشجيع
بل نحن جمهور نعرف في التحطيم..
وللاسف انا احد المشاركين ..وظننت اني بلغت من فهم كرت القدم الشئ الكثير

على كل حال المرشدي شخصيا اشوفه افضل مدافع على الاطلاق
ونكباته ..لاتختلف عن نكبات هوساوي..
المرشدي الى الامام


اذا تنتظر من الجمهور الحضور فلن يحضر لان ماعند امه سالف يانفوز يانغيب
عاد من زين حضور حضور الجمهور..بالله عليك 2300 هذا جمهور
والا حضور اكبر عدد 22الف هذا جمهور


الجمهور تحت المكيف والنت وشغالين على بال امهم كلهم زجالوا





المرشدي البطل الى الامام..........ولكن عليك تخليص اي كوره الى الامام او الاوت وشكراُ


علما بان كرة القدم السعوديه ضعيفه في ابراز مواهب الدفاع وشكرا

آلله يعطيكـ آلعآفيه على هآلموضوع ..,
.
.
وآنآ وآلله رآيي مع آلمسآنده ..,
.
مشكلتنآ في نمط آلنتمآء آللي صآير آلحين ... نبي هذآكـ آللآعب وهذآكـ .. وحنآ متكين ولآ ندري عن بعض آلصعوبآت ..
.
وآلمشكلة آللي مطلوب منآ مآ نسويه .. لآ نسآند ولآ نحضر للملعب ونرتب آلآهآزيج وآلتشجيع آللي يرفع حمآس آلآعبين .. ولآ ننتقد بآسلوب جميل يتقبله آلكل ..,
.
كلنآ نعلم آن هنآكـ من آلآعبين من ينخفض مستوآه ... ويمر بظروف .. ويعود .. وركز على يعود ...
.
.
قبل اسبوع آتآبع مبآرآة برشلونه وريآل مدريد ... وآشوف دفآع آلريآل (( آلنكبه )) بيبي ... وآلكل يعرف مستوى بيبي قبل كم سنه ... وآلآن كيف قفل على هجوم برشلونه آلنآري ... مع آلعلم آن هنآكـ مدآفعين في آحتيآط آلريآل لم يستعن بهم آلمدرب ...
.
بيبي ... خطف آلآضوآء وآلنجوميه .. من خلآل مستويآت متوآضعه مع ثقه حتى آصبح صخره ...(( حتى لو فيه نآس مآ هي مقتنعه منه يكفي آن مورينهو ملعبه آسآسي ))
.
.
مآجد آلمرشدي بطل بآلدفآع و موآصفآته موآصفآت آفضل آلمدآفعين .. جميع آلعرضيآت يتصدى لهآ برآسه ..
.
يقطع جميع آلتمريرآت آلطويلة آلعآليه ... وهذآ بحد ذآته آبدآع ..
.
يعآب عليه آنه بطيء ويحتآج لظهير سريع فقط ...
.
.
منتخبنآ آلوطني من بعد مآ آبعد آلمرشدي عن دفآعه آصبح ينهزم بآهدآف آقل مآ يقآل عنهآ سخيفه .. لعدم وجود آلسآتر آلعلوي ...قآطع آلطوليآت ..
.
وآيضآ بآلهلآل .. مع تقديري لآسآمه لآ يخلص آلكرآت آلعآليه مثل مآجد ...
.
فقط تآبعوآ حسنآت مآجد وستعرفون آنه فعلآ بطل ...
.
آلى آلآمآم يآلمرشدي ..,

ماجد المرشدي لاعب متمكن ولكن مشكلته بالتسريح شكله يسرح واااااااااااااااااجد بالمباراة عموما الله يوفقه وكلنا وراه الله يحفظه ويحفظ الزعيم

انظر يـ برفيسور ..

مع اني اعتقد واعذرني ع هذه الكلمه .. ان ( الحميه ) هي التي دفعتك لـ انزال المووضوع ..


ولكن سـ اذكر لك نقطة بسيطة سووف يلعب ( المرشدي ) غدا في المباراة

هل تعلم ماهي الاقلام التي تعمل الان .. من اعضاء المنتدى ..

المرشدي صار ( ماده تعبيــــرر ) يحضرها الاعضاء قبل المباارة بَ يوم وعندما تنتهي المبارراة

ينزلون الموضوع .. ومن بعض مسميات المواضيع .. ( التعبيريه ) التي تكتب قبل المباراة بـ يوم ..


( الله يسامحك يـ المرشدي ) ... + ( المرشدي فكنا من شرك ) .. ( يـ اداره الهلال اللاعب اخذ حقه .. ) ..


وهلم جرى من هذه المواضيع ..


اتمنى ان .. اجدك غدا هنا .. لن أعاتبك ع هذا ( الموضوع ) ..

ولكنني سـ ( ابتسم ) في وجهك . لان الابتسامة سلاحي َ الفتاك لـ ارضاء من هم بـ نظرتك الفنية ..

لـ كيان الهلال ..