السلام عليكم ورحمة الله وبركآته


آخبآركم ؟
أحوآلكم ؟

طبعآ اولا اذكر لكم هذا الحديث
ووقع في خلافة عمر أن رجلاً اختطفته الجن وبقي أربع سنين ثم جاء وأخبر أن جناً من المشركين اختطفوه فبقي عندهم أسيراً فغزاهم جن مسلمون فهزموهم وردوه إلى أهله}

في بيتنآ { نآس !

يشوفونآ ؟ بس حنا ما نشوفهم

حنا البيت كبير ماشاءالله .. و فيه أمآكن ما نجيها .. يعني وقت المنآسبآت بس و كذآ

و البيت بعد كل سفره نرجع انا صراحه ألآحظ حاجآت غريبه

انا عقلي مو خفيف على طول احكم بشيء يعني لازم ادرس الموضوع من جميع النواحي

يعني عادي اجي ابي افتح الباب القاه فجأه فتح من نفسه < قويه صح

مثل هاك اليوم وانا نآيم و متلحف الا واحد يسحب مني اللحاف و يقول ياخي وخر خلنا ننام < هذي اقوى صح ؟

لآ لآ عآد بندخل في الجد

يعني في اماكن ما نجيها ، يعني هاجرينها ما نجيها الا بين فترات و فترات و غالبا اوقات المناسبات و انا سمعت ان المكان اذا تركته او هجرته يجون فيه نآس ثآنين غريبين مو كويسين او يمكن يكونون كويسين << عشان ما يزعلون مني

فأنا من يوم إنضبطت في دراستي

كثرت قعدآتي في الملاحق .. يعني مجلس خآص برا بدورات مياه و كذا حق منآسبآت بس ! غير الملحق الوشسمه

يعني كيف افهمكم .. هو يعني مجلس برا غير المجلس اللي جوا يعني اذا جلست فيه انت برا

المهم صآير فيه اشياء غريبه وربي

الظآهر اني ضايقتهم .. أجلس اسمع صوت (طق) على خفيف و الصوت واضح انه معي في نفس المكان

ما تيقنت انه اللي في بآلي الا يوم تكررت كثير

و مره سمعت صوت بزر ,, او طفل ,, قلت ممكن احد القوارش حقينا طلعت اشيك اشوف الكل نآيم مافيه الا انا !!

يعني الصوت هذا من وين ؟

و كل مره اذا طولت في القعده على هالحال

عاد اذا سمعت صوت او لاحظت اشياء غريبه اعرف اني صرت شخص غير مرغوب فيه في المكان .. فيعني افهمها و اطلع

صرت قبل لا اطلع اشغل الانوار كلها و اشغل التلفزيون على قنآة القران الكريم

بس ابوي مدري وش قصته !!

الظاهر انهم ربعه اذا جا يطفي القران اقول خله يقول لا ليش .. أحاول افهمه انها بركه و كذا بس ما يفهم الله يهدآه طبعا ما قلت له عندنا ضيوف من عالم ثاني عشان ما تضيع هيبة اكبر عياله و كذا يعني مو حلوه بحقي

فـ من هالشيء استنتجت ايضا ان الوالد له صلة قرابه

عاد الوالد قصته قصه .. يعني انا الابن وهو الوالد < لا يآشيخ ؟

يعني المفروض اني انا اخر من يجي للبيت اخر الليل يعني هذا الوضع الطبيعي لا هو يجي بعدي صرت انا اساله وين كنت وش فيك متأخر ؟

ما ادري وش جاه تآلي الوالد خرب مو مثل اول الله يطول بعمره و يخليه ذخر

انا ما قلت لاحد أبدآ الا واحد من الشباب و ياليتني ما قلت له قام يطقطق علي
.. لكن الموضوع يقرقع في راسي لازم اطلع اللي بدآخلي

فقلت خل نونس او بالاصح نخوف المنتدى معنا

طبعا انا ما ذكرت اسم الاشخاص اللي في بيتنا يشوفوني و ما اشوفهم ..

عشان بسم الله الرحمن الرحيم ما يجوون هنا

يعني مممكن تلقون بكره واحد يدخل و يرد و يشارك في المنتدى بدآلي

يعني اذا لاحظتو على عضويتي اشياء غريبه .. مثلا في التوقيع بن بلاك بيري من عالم ثآني

او ايميل من وشسمه

فـ لا تنبهرون او تتضايقون .. بس وقتها كونو على علم اني اكيد اندمجت مع خوياني الجديدين

يلا انا انتهى وقتي على النت الحين جا دورهم

يلا عاد نشوفكم تحت الارض

استغفرالله استغفرالله

الله يكفينا وياكم الشر