شباب أعذروني باطلعكم من جو الكرة والمباريات ...

باقولكم قصة صارت علي ... ( حسبي الله ونعم الوكيل ... اللهم لا إعتراض ) ...

المهم السالفة بدت قبل شهرين تقريباً .... وهي أني للأسف فقدت جواز سفري بعد أن سقط في إحدى الآبار في إحدى مزارعنا ... ولكن ؟؟؟؟ ماذا حدث بعد ذلك ؟؟؟

قلت يارجال بسيطة ( أصلاً باقي عليه سنتين وينتهي ) فأروح أبلغ عنه ويعطوني بدل عنه ... ورحت جوازات الطائف على أساس أنها قريبة من المزرعة ... وبعد أن أنهيت أغلب الإجراءات بما فيها الصوروالفلوس وكل شيء ... وقالوا عشرة أيام وتجي تاخذ الجواز ... قلت لا والله ما أقدر عشرة أيام باكون في الرياض ...!! ( والله من اللقافة كان قلت طيب ) ... المهم قالوا أحسنلك يارجال في الرياض تطلعه في يومين ... قلت أجل زين ... هذا الكلام بتارخ 6 / 8 / 1421 هـ .... ورحت للرياض ... وكانت حاجز رابع العيد للسفر خارج المملكة ... وقلت أروح آخذ جواز سفر في رمضان ... ( على بالي بسيطة ) ... المهم رحت للجوازات يوم 20 رمضان ( على بالي يومين زي ماقالولي الطايف ...!! ) ... المهم ومن مكان لمكان وروح لفلان وتعال من علان ... وبعد مشوار طويل إستمر حوالي ساعتين من 10 - 12 صباحاً في رمضان هالكلام ... قالي وكيل رقيب ... يالله رح وتجينا بعد شهرين ( بغيت أنصرع ..!! ) قلت ليه أنا عندي حجز وبسافر .... قال هذا النظام ... ( قلت في نفسي الأمر لله يالله شهرين وبتهون لكن وش بيسون ...!! ) قلت بعد شهرين وش بيصير ... قال نسوي معك تحقيق وتروح للأمارة شهرين بعد .... ياساتر مستحيل أكيد تمزح ... قالي والله هذا اللي بيصير .... قلت ياولد مافيه إلا فلان خلني أروحله ( مسوي فيها راعي واسطات ...!! ) ورحت لضابط معرفة والحمد لله طلع المسئول عن القسم ... وكتب على معاملتي التحقيق اليوم ... وأنا أرجع رافع راسي و أتكلم مع خشمي ... قلت للوكيل رقيب خذ ... بصراحة حقد علي قال أنتظر شوية ... من الساعة 12 - 2.30 .... هذي شوية ...!! حسبي الله عليه .... المهم بعد كذا حقق معي ... وتحقيق حاقد ... تخيل يقول ليش تسافر أمسك أرضك وقام نصايح ... قلت جزاك الله خير لكن أنا أحتاج أسافر لأشياء خاصة فيني ... والله لي ثلاث سنوات كل شهرين 15 يوم مسافر ... المهم أنتهى التحقيق على خير ...!! قال يالله توكل على الله ةتجينا بعد العيد ... قلت الله يعين ... ورحت وبعد العيد مباشرة وأنا معهم ... قال هلا ... معاملتك راحت الأمارة رح راجع الأمارة وإلا تعال بعد شهرين ...!! قلت الله يعين بأصبر ورجعت ... المهم وش صار اليوم طلعت من البيت وأخذت الجرايد ( وجتني لقافتي ...!! ) قلت ليه ما أروح للجوازات ... قلت ياولد أنا ما أخذت معي محفظتي وفلوس ( ما أخذت إلا عشرة ريال لخمس جرايد ...!! ) قلت في نفسي مايحتاج فلوس الدعوه كلها سؤال وجواب ... وبالفعل رحت ووصلت وشافني قل رح فوق تأكد من الوارد هي وصلت ... قلت طيب ... ورحت ولقيت واحد جالس قلت هذا الوارد قال وصلت ... وقال وش تبي ... قلت عندي معاملة جاية من الأمارة ودي أشوف وصلت ... قال رح للمكتب هذاك وإذا مالقيت أحد يساعدك أرجعلي .... ورحت ولقيت عسكري قافلة معه ...!! قلت أبي تشوفلي رقم هالمعاملة وصلت وإلا لا ...!! قال رح راجع الأمارة أول شف طلعت منها المعاملة .... قلت لا تكفى ... شف عندك إذا ما وصلت يكون أجي بعدين وماتقصر ... قال أقولك تسمع الكلام أنت وإلا لا ...!! ( ياساتر هذي بايتها ...!! ) ورجعت لصاحبي اللي قبله قلت ياولد لقيت واحد يبي المشاكل فكني منه ...!! جلس يضحك قال هذا طلب إستئذان يوم الأربعاء وبعد تعب حصل عليه جاه إستلام يوم الخميس وجلس يضحك ... ( في بالي قلت طيب وش ذنبي أنا ...!! ) ... المهم قال أنت وش إسمك قلت فلا بن فلان الفلاني قال ونعم .... أنت أبوك فلان قلت أيه قال والله ونعم قلت ماعليك زود ( الحمدلله كثرت الواسطات ...!! ) المهم شاف المعاملة .. وقال أبشرط وصلت شفها تحت ... قلت بشر وش فيها ... قال ماعليك أنت أول مرة قلت أيه قال داخل السعوديه قلت أيه ... قال أجل وسع صدرك بتاخذ جديد على طول ... قلت الله يبشرك بالخير ... قلت في بالي خلني أجيهم بكرة أحسن علشان أسدد البنك وأخلص موضوعي ... لكن اللقافة وراي وراي ... قلت خلني أتأكد أزين ... ورحت لصاحبي القديم وعطيته الرقم ... وقام يدور ولقى ملفي ... وجلس يضحك قلت بشر ...!! قال رح صور هالصورة وأرجع وأقولك بعدين ...!! والله أني طرت من الفرحة وقمت أخطط بكرة جوازي معي تمام يعني سفرة العيد مضمونه ... ونسيت أن مامعي فلوس كيف أصور الورقة ...!! والله من المشكلة ...!! أروح للريان علشان أخذ ريال مالها داعي ...!! المهم رحت لسوداني في البوفية قلت والله أبي صورة ومامعي ولا ريال ... طالع في قال شكلك منت نصاب أنا باصدقك لكن توعدني تجيبه لي قلت أفا عليك لو تبي أكثر موقفك يدل على شهامتك .... المهم صورها ورجعت لصاحبي ... وأخذ الورقة وما كلمني وبكل برود كتب عليها بياناتي وقالي راجعني بعد سنتين ....!!!!!!!!!!

( والله من جد بغيت أطيح على وجهي ... !! ) قلت أذكر الله ... قال لا إله إلا الله ... لكن هذا اللي حصل ...!! قلت ياولد ما أقدر أصبر شهرين وأنت تقول سنتين ...!!!

وش مسوي أنا علشان سنتين ... قال مضيع الجواز قلت أنا ما ضيعته طاح في بير ... قدر الله وما شاء فعل ... وأصير سنتين ممنوع ...!! قال رح جب الجواز أو أجزاء منه ... قلت كيف قال ... من وسط البير حاول ... وإلا السنتين فيك فيك إذا ما جبت منه جزء ...!!

والله العظيم طلعت وأنا في حالة نفسية لا توصف ولا زلت ... والله أني هالحين مشغل التلفونات ومزعج العالم ... ودي أشوف حل لهالمصيبة ...!!

شباب اللي يعرف طريقة مناسبة تكفون لا يبخل على أخوكم الغلبان ...!!

تكفووووووووووووووون المساعدة ... هلالي رايح فيها ...

ولكم تحياتي ...

أخوكم الحزين

سفر المرزوقي .