فكرة حلوة مررررة تحل مكان فكرة الرابطة اللي مالها سنع ؟؟بس وين اللي يسمع
 

<P align=right><FONT size=5>قبل ما ابدا </FONT></P>
<P align=right><FONT size=5>هي مجرد فكره </FONT></P>
<P align=right><FONT face="Georgia, Times New Roman, Times, Serif" size=5>بإلغاء
ما يمسى برابطة المشجعين وان يكون جميع حضور المباراة من الجماهير الهلالية رابطه
واحده بدون طقاقات </FONT></P>
<P align=right><FONT face="Georgia, Times New Roman, Times, Serif" size=5>ولكن
بوجود شخص واحد يسمى ابوعلي ندبر له مايكرفون وينظم عملية تشجيع الفريق طوال
المباراة وليس فقط عند تسجيل الاهداف </FONT></P>
<P align=right><FONT face="Georgia, Times New Roman, Times, Serif"
size=5>والعملية بسيطة جدا،، يعني للعجازين مايحتاج تقوم ولا يحتاج تصفق بس وانت
بمكانك تردد كلمة</FONT></P>
<P align=center>&nbsp;<FONT face="Tahoma, Arial, Helvetica, sans-serif"
size=7>ياهلال</FONT> </P>
<P align=right>&nbsp;</P>
<P align=right><FONT size=5>بس بصراحة جمهور الهلال اللي يحضر في الملعب يرفع
الضغط ومتفرغ للسب واللعن&nbsp; في اللاعبين وخصوصا لاعبي الهلال </FONT></P>
<P align=right><FONT size=5>الا من رحم الله ؟؟</FONT></P>
<P align=right><FONT size=5>لكن هل نرى شئ مختلف في المباراة النهائيه على كأس ولي
العهد</FONT></P>
<P align=right><FONT size=5>اتمنى ذلك وبعدين وش سالفة هالرابطة ؟؟ كم مرة احضر
مباراة للهلال وفيها رابطة مستأجرة جايين يغنون اغاني شكشكه ويزعجون الجمهور
</FONT></P>
<P align=right><FONT size=5>الجمهور الهلالي مهوب ناقص عشان يضايقونه زياده يكفيه
الفصفص اللي بين ايديه ولعان الحكم واللاعبين </FONT></P>
<P align=right><FONT size=5>اذكر مرة قام ابو علي واخذ المايكرفون منهم وقام يحمس
الجمهور والجمهور تحمس وردد معه وبنفس الوقت تابع المباراة </FONT></P>
<P align=right><FONT size=5>يعني بطريقة ابوعلي ممكن قل على أسوأ احتمال نصف
الجمهور يردد الاهزوجة البسيطه اللي يرددها وهي بسيطه كلماتها قوية في
تأثيره</FONT></P>
<P align=right><FONT size=5>تخيلوا معي استاد الملك فهد الدولي يهتز بأصوات
الهلاليين ياهلال</FONT> </P>
<P align=center><FONT size=7>سفير بلادي الغالية .............</FONT></P>
<P align=center><FONT face="Tahoma, Arial, Helvetica, sans-serif"
size=7>ياااااااااااااهلال</FONT></P>
<P align=right><FONT size=5>وفي وحده ثانية من زمان ما سمعت الجمهور يقولها&nbsp;
من سنين ما احد قالها </FONT></P>
<P align=right><FONT size=5>الا وهي</FONT> </P>
<P align=center><FONT face="Tahoma, Arial, Helvetica, sans-serif"><FONT
size=7>اوه اوه العب يالأزرق ياهلال</FONT> </FONT></P>
<P align=right><FONT size=5>طبعا ابوعلي يقول اول الاهزوجه </FONT></P>
<P align=right><FONT face="Tahoma, Arial, Helvetica, sans-serif" size=7>اللي هو:
&nbsp;اوه اوه العب يالأزرق </FONT></P>
<P>&nbsp;</P>
<P align=right><FONT size=5>والجمهور يرد عليه بأعلى صوت</FONT> </P>
<P align=center><FONT face="Tahoma, Arial, Helvetica, sans-serif" size=7>يا هلال
</FONT></P>
<P>&nbsp;</P>
<P align=right><FONT size=5>انا اتوقع الملعب بيهتز </FONT></P>
<P align=right><FONT size=5>بس تجيبون مايكرفون بس واعيدها مايكرفون بس لأبوعلي
</FONT></P>
<P align=right><FONT size=5>ولا نبغى طقاقات ولا يحزنون كافينا ذنوب وبعدين وش
تحتاج الطبول له الطبول للحريم تترقص عليها </FONT></P>
<P align=right><FONT size=5>يعني بالعربي نبغى جمهور جاد جاي يبي يتابع المباراة
وبنفس الوقت يدعم فريقه معنويا</FONT></P>
<P align=right><FONT size=5>بكلمه وحده وهي</FONT> </P>
<P align=right><FONT face="Tahoma, Arial, Helvetica, sans-serif"
size=7>ياهلال</FONT> </P>
<P align=right><FONT size=5>وواحد ثاني الله لا يهينه يدبر لنا موضوع المايكرفون
</FONT></P>
<P align=right><FONT size=5>يعني يا شباب بلا رابطه بلا طقاقات بلا هم </FONT></P>
<P align=right><FONT size=5>ناقصين ازعاج ؟؟!! والوعد الملعب ونشوف الجمهور
الهلالي بيتذكر الاهزوجه اللي قلتها لكم ولا لا وخصوصا الشيبان (العوده) الشيبان
بالسريلانكي </FONT></P>
<P align=right><FONT size=5>والرجاء من جميع اعضاء الشبكات الهلاليه على النت ترك
الخلافات جانبا والتوحد لمصلحة اولا وقبل كل شئ </FONT></P>
<P align=right><FONT size=5>ودعم هذه الفكرة بكل ما اوتوا من قوه لكي يكون للهلال
جمهور يتميز بأنه كله يشجع الفريق بصوت وليس فئة قليلة تلتف حول مجموعة من الطقاقات
وتتراقص على انغام الشكشكه </FONT></P>
<P align=right><FONT size=5>التي تغنيها روابط المشجعين هذه الايام </FONT></P>
<P align=right><FONT size=5>تكفون يا اعضاء منتديات الزعيم ومدمي الشباك
و&nbsp;الهلال </FONT></P>
<P align=right><FONT size=5>نبي نشيلها شيلة وحدة وابوعلي ان الله مهوب مقصر يبي
يحمسكم طول المباراة بس تكفون ياناس نبغى مايكرفون</FONT></P>
<P align=right><FONT size=5>علشان الرجال ما يتعب وهو يصوت للي بالأطراف عشان
يرددون معه وهم ماعندك احد وبعض الاحيان </FONT></P>
<P align=right><FONT size=5>اللي قدامه وجنبه مايردون معه </FONT></P>
<P align=right><FONT size=5>بس اذا جا المايكرفون اللي مايبي يشجع ويردد معنا
ياهلال بأعلى صوته </FONT><FONT size=5>الله لا يهينه</FONT></P>
<P align=right><FONT size=5>&nbsp;المباراة يقعد يشوف المباراة &nbsp;ببيته اريح
له واريح لنا ولايزاحمنا على الفاضي </FONT></P>
<P align=right><FONT size=5>نبي نشوف جمهوري هلالي فعال</FONT>&nbsp;</P>
<P>&nbsp;</P>
<P align=center><FONT size=6>اخوكم</FONT> </P>
<P>&nbsp;</P>
<P align=center><FONT face="arial, helvetica, sans-serif"
size=7>ابوطلال</FONT></P>:D

والله فكره حلوه انا اتفرج على المباراه في التلفزيون ومو قاهرني غير الجمهور اللي والله ما يتحركوا ابدا

والله فكره رائعه ... وحلوه .. وياليت يالييييييييييييييييييييييت انها تتحقق ...

وفعلاً مانبي غير كذا وراضين فيه ... والله راضين بــكــــذا ...

ومو هضم لحق الرابطه بس البقاء للافضل زي ما قالوا ..

مشكور اخوي هذا الي اقوله ابو علي هذا الاسمر المتين شوي صح اذا كان هو ياخي الادمي هذا يعجبني حضرت طائره حصلته حضرت سله حصلته يعجبني من جد اشكره من هذا المكان انسان يحب الهلال من قلب ياشباب انا اوافقه الراي بس اتوقع بيتعب طول المبارات نفس السياق ونفس الشخص لبد من التغيير وعلى فكره اواو العب يا الازرق يا هلال قلتها انا وكم واحد معاي بعد الهدف الثاني وانشاء الله نشوف الملعب يهتز

والله الجمهور يجون يفصفصون حب نقول معليش

الجمهور يجبون رابطه تشجيع الاعبين احسن واحسن

الجمهور يجي ويشجع بكل حماس هذا اللي احنا نبيه

( اما جمهور يجيب شروخه وصواريخ وينا فيه ) هذولي يذكرونا بالالعاب الناريه اللي في القريه الشعبيه
ولا يخلون الواحد يرتاح باذكر لكم قصتين صارت لي في نفس المباراة الهلال مع الاهلي العام الماضي وفي استاذالملك فهد ( من ذاك اليوم معد حضرة اي مباراة في ذاك الملعب لاني حاقد عليه ) ( لكن المباراة هذي انشاء الله بحضرها )

السالفه الاولى : كنت متحمس جالس اتابع المباراة ( والله فرق التلفاز عن الحضور ) المهم وجالس اصارخ وازاعق ويجي واحد والله شكله مر راعي مباريات وشوله جاي ما ادري المهم وانا متحمس ويجي الرجال وبكل برودة دم ويشب الدناميت (شرخ بس صوته الله لايوريكم ) قدام وجهي يحلفون عيوني احولت من شدة الحراره اللي جت على وجهي ... بعد ماصحيت ادور الرجال مالقيته :upse:

السالفة الثانيه : وكنت متحمس اتابع المباراة وكان قدامي واحد صغير في السن المهم جت هجمه للهلال والولد مسكين متحمس مره وكان جالسين وراي ثلاثه شغلتهم اكل حب وسواليف ومطنشين المباراة ان قاموا الناس قاموا معهم وان جلسوا جلسوا معهم المهم في احدى الهجمات قام الصغير هذا في السن متحمس مع الهجمه ويجي واحد من اللي كانوا وراي وبكل برود يذب شرخ تحت رجل الصغير هذا والله اني رحمة الرجال معد يدري وش يسوي يحك رجله والا يتابع الهجمه

هذي احدى السوالف اللي خلتني ما احضر اي مباراة في الاستاذ لكن المباراة الجايه راح اكون متواجد بأذن الله

اخوكم ومحبكم \ السهم الملتهب (سام6)

اخوي ابو طلال كلامك سليم مليون بالميه والله يوفقك على هالاقتراح الرائع والجميل
الطبول والطقطقه ماهيب لنا حنا جماهير الهلال ويكفينا صوت ابو علي والجماهير معاه وراح
تشوفون العجب من اللاعبين من حماس وقتاليه وروح عاليه

يالتوفيق للازرق في المباراة القادمه

طيب ليه ما تحضر المبارة؟؟؟

مشكووور اخوي ابو طلال وكلام سليم ميه بالميه

والمفروض بدل ما ترقص بالملعب وتطبل
لا تنسى ان كل شي بيد الله وبتوفيقه
وصدقوني الكلمه اللي دايم يرددونها يا هلال هذي بصوت واحد والله لوحدها راااائعه وقوييه

فكره جميله جدا اتمنى ينفذها اخواننا اللي بالرياض
الموضوع بسيط ولايكلف والهلال يستاهل

بالفعل احسن من الرابطة الي جت بمباراة الاتهاد

=========
كلامك صحيح اخوي ويا سلام على ابو علي

سفير بلادي الغالية ..يا هلال

زعيم قارة اسيا ...يا هلال

==============
الوعد الملعب يا شبااااااااااااااااااااااااااااااااااااااااااااااااااااااب

رغم كوني من الشرقية .. و لكنني أثق كثيراً بكلامك .. و أعتقد أنه يجانب الصواب ..

ما يغيظ أن هنالك من يتعلل بعدم وجود الجرأة لديه للهتاف .. و يتفرغ حينها إلى الكثير من الأمور السيئة من سب و لعن وقذف ....!!

مع احترامي لفكره أسوا فكره رايتهااااااااا نعم اييد ابو علي رئيس لرابطه الهلال

ولكن الطبول والطقاقات اولاااااااا رابطتنا الهلاليه لم ترضي الطمووح

واخذت تغني اغاني مالها داعي مثل بابا فين ... ومايحتاج الفضائح ...

واتمنى من اداره شبكه الزعيم تعيين ابو علي رئيس لرابطه الهلال وبيشوفون تفاعل الجمهور

معه خاصا ان معضم الجمهور الهلالي يعرفه واتمنى ايضا مضاعفا عدد الرابطه الهلال

الحاضره خصوصا ان الاهلي الرابطه حقت بتجي ومعروووف عنهااااا واذا جؤ 30

شخصين فقط من الرابطه انا اقول شيلوها ولا نبيها لان صوت جمهور الاهلي

بينسمع وصوت الجماهير الهلاليه مااارااااح ينسمع اذا كان العدد30 فقط واتمنى مضاعفه

عدد الرابطه

تحيه لك اخوي سكوبي دوبي دو :

فيه شخص في كل مباراه احضرها للهلال اشاهده تبي تقولون شلون تشوفه انا اقولكم شلون هذه السنه حضرت 3 مباريات تقريبا للهلال في الرياض رغم اني مو من الرياض وشاهدته لقله الجماهير الهلاليه في هذه المباريات الشي المضحك انه حوالي نصف الجمهور الي بالملعب نفسهم هم الي شاهدتهم في 3 مباريات :D وهذا الشخص ( متين شوي واسمر شوي ويلبس نظارات ولايلبس شماغ ) وش باقي :D

اتوقع انه ماعنده اي مانع لطرح هذه الفكره عليه وبالعكس اذا كان المشجع واحد راح يردد معه جمهور كثير جدا .

شكراااا.

للرفع !
انا اذا سمعت طق طبول في الملعب حامت تسبدي وراح حماسي

ابو علي
خير من يقود الرابطه
صوت جميل
اداء رائع
اهازيج قويه
لن نسمع منه تكتك وبابا فين
ابو علي هلالي مخلص
وله قبول عند الجماهير
والسلام

اي والله بلا طقاقات بلا هم نبي الجمهور كله يردد مو مجموعه وحده

السلام عليكم ورحمة الله وبركاته

مسا الخير

اولا اطلب من المشرفين على المنتدى تثبيت الموضوع لأهميته

وهذي ترى اول مرة اطلب تثبيت موضوع لي وانا اطلب هالطلب

حرصا على مصلحة الزعيم وجمهوره اللي نايم والرابطة اللي قاعده

اغاني شكشكه وهشك بشك ولاهيب يم المباراة و لا الفريق

وتشغلنا عن متابعة المباراة

يعني بالطريقة اللي انا اقولها الجمهور بيشوف المباراة ويبي يستمتع بها

انشاءالله وبنفس الوقت نشجع الفريق ونحمسه طول المباراة بمستوى واحد

وحتى لوكان الهلال متأخر ما يمنع الجمهور يتحرك ويشجع مهوب ينام

المشكله ان الجمهور الهلالي ينام حتى لو الفريق فايز

وبالنسبه للأخ هلااااااااالي

اقول ما عليش يالحبيب كلامك غلط انت ما تعرف جمهور الهلال

اذا تحرك والله لو الاهلي يجيب مليون طبل ويطقون بيديهم ورجليهم

والله ما تسمع لهم حس جنب جمهور الهلال وحتى بدون مايكرفون

بس المايكرفون نحتاجه لتنظيم صوت الجمهور لأنك عارف الملعب كبير

وصوت ابو علي ما يقدر الملعب كله وحنا نبي صوت الجمهور يطلع كله مره وحده

اما الاخوان

القلب الازرق

والله المنظر يغث الملعب مليان على اخره ماتسمع لهم صوت

حتى انك تسمع صوت الحمام والعصافير اللي بالملعب

المبدع الهلالي و مبسوط

شكرا على المشاعر بس ترى الحتسي والكلام سهل لكن نبي همتكم

يوم المباراة وتقولون لكل الجمهور يردد معنا يا هلال

واللي ما يبي يشجع يقعد ببيته الله لا يهينه

السهم الملتهب (سام 6)

صدقني احنا نعاني من هالبزارين اللي ذبحونا بالتلعين

والسب حتى للاعبي الهلال والادهى والأمر الشروخ والطرطعان

لكن انشاء الله مع تطبيق هذي الفكرة الجمهور يبي يتفرغ لمتابعة المباراة

وتشجيع الهلال ويبي يترك الاشياء الثانية

تمياطو 11

انشاء الله يطبق الجمهور الفكره وبتشوف الزعيم يبدع ويهز الخصوم

وتبدا تصير مباريات الهلال بالرياض خصوصا ترعب اي فريق ثاني

ذ سنو ويللسبرنغ

يا خي اسمك صعب بس كلامك مضبوط لو تشوف اشكال اللي يترقصون على

طق الرابطات تحوم تسبدك يعني بالإنجليزي يور ليفر

الاخ ذ وولف
زي ما قلت للعاشق الأزرق

ابو عدي الهلالي

ومسكت

ياليت كلنا نتكاتف ونتعاون في هالموضوع ونبلغ كل اللي نعرفه عشان

اللي ما يدخل النت ولا يدري عنها يوصله الخبر

ويقال له اللي ما يبي يشجع بصوته طول المباراة يقعد ببيته اريح له

الاخ ابومحمد الهلالي

نورتنا ياحبيب يابو قلب طيب

والله مشكلة السب واللعن والشتم صارت مشكله

تلقى الواحد يستحي (او مدري يتكبر ويستكثرها على نفسه انه يشجع بصوته

ويقول ياهلال ) وهو ماعنده مانع يقول اوصخ سبه ولعنه

والله مشكله صارت الشجاعه باللعان والسب وغيره ماعندك احد

الاخ رامي وبس

هذا اللي تتكلم عنه هو ابوعلي بشحمه ولحمه والله انه سنايدي

ونقول عساه يوافق على الفكره ويفكنا من الطقاقات

مرتاح احبك

شرحك سرا والله انه تحوم تسبدي لا شفت فرقة الشكشكه في الملعب

لكن لو طلع الجمهور كله بصوت واحد وقال ياهلال

مع بعض وصوت واحد قوي يبي يهز الملعب هز


شكرا للجميع على التواصل

الرجاء تثبيت الموضوع وبالنسبه للأخوان اللي ما يدخلون النت كل واحد

منا يبلغ الناس اللي يعرفهم بأنه لا يتكلفون ويروحون للملعب اذا ما كان عندهم نية

يشجعون بأعلى صوتهم لأنه ما حنب ناقصين ازعاج


وشكرا

اخوكم

ابوطلال

ياليت والله يجي ابوعلي
على الاقل يحرك الناس النايمه في الملعب
سلملم

أقتراح حلو مرة .

عطوووني رقم جواله

أو وصفوا لي بيته

والله العظيم إن يكون المكرفون الليلة تحت راسه

بس دلوني عليه

أووه أووه العب يالازرق............. يا هلال

ون ون ون ابو علي نمبررررررررررررررررررررررررررررررررررررررررون


فكرههههههههههههه حلوههههههههههههههههههههه

كلامك صحيح ملين في الميه ...

اتمنى يثبت الموضوع

السلام عليكم ورحمة الله وبركاته

مسا الخير

شكرا للجميع على التفاعل مع الموضوع المهم جدا

لنا كهلاليين ، لأنه ياناس لو تعرفون الجمهور وش يسوي في الفريق

كان كل من اعضاء الشبكه جاب معه مايكرفون

الإخوان
للمجد بقيه --- د/ احمد --- RANDOOM --- هلالي حبيب --- الهيمان

NAWAF47 --- شلهوبوه 10 --- حكيم زمانه

الف شكر على التفاعل ولو الموضوع ما تثبت ما يمنع اننا نطرح الفكره في كل مكان

على النت وفي الاستراحات وفي النادي وكل مكان نشوف فيه جمهور هلالي

حتى يوم المباراة نقول للجمهور اللي بالملعب اللي يبي يشجع حياه الله

ولا يورينا عرض اكتافه ونعطيه حق التذاكر والبنزين بعد بس يفكنا من وجوده اللي زي عدمه

لأن الباقين يبي يقعدون يتفرجون على بعض واذا الواحد شاف اللي حوله ما يشجعون

وكنهم مستنكرين عليه ليش يصفق يبي يستحي ويسكت

يحسب انه مسوي شئ عيب اعنبو داركم وشوله جايين الملعب

اقعد ببيت اهلك فصفص وتقهو شاهي على كيفك ولعن بيديك ورجليك (لعانك عليك)

لكن لا تجي وتسوي فيها يعني ثقل ايه جاي للملعب بس مانيب مخفة اقعد

اشجع (يلعن ام التفكير ) ولا من زين العلوم تلقاه يلتفت على اللي جنبه

اثقل بس لا تقعد تشجع اجل ياجعلك الريح وش اسمك مشجع هلالي

لا تشجع الهلال واقعد تفرج على المباراة ببيتكم ولا في كوفي شوب

ولا قهوه ولا استراحه المهم انت واشكالك مانبيهم في الملعب

نبي في الملعب اللي يحترقون عشان الهلال ويحولون طاقتهم

من سب الحكام واللاعبين الى تشجيع الفريق

اجل فريق نلعن والدين اللعيبه والحارس ونتمهزا بسلسفيل والدينهم

الابيض والاحمر والطويل والقصير ,,,,,,,,,,,,,

ونبيهم يجيبون بطولة والله لو هو اخوي وانا لاعب في الفريق

يلعني مثل لعان جمهور الهلال والله انه بالجزمه على راسه

كيف تبون الفريق يتحمس وتقولون ما فيه روح بعد

تبون روح للفريق شجعوه طول التسعين دقيقه

ما قلنا طبول وطقاقات وفيفي عبده وهالخرابيط

قلنا نبي من جمهور الهلال اللي قل على اقل تقدير عشرة الاف يبي يحضرون المباراة

نبي منهم كلمة وحده وهي ياهلال

قولوا ياناس صعبه ؟؟؟؟؟؟؟؟؟

ردوا تكفون والله عجزت افهم هالجمهور النايم ؟؟؟؟؟

الاخ ملعب الصايغ نبي نسوي اعلان عن ابوعلي

وانشاء الله اجيب لك رقمه

معليش خليتك اخر واحد ارد عليه همن تحمست مع الموضوع

ونسيتك شوي


تحياتي

ابوطلال

اي والله :) امنعونا من جماهير مشكلني

وخلونا نجرب الطريقة هذي بقيادة المايسترو ابو علي

فكرة حلوه :)

افكار حلوه

اتمنى من الجمهور اللي بالرياض يفهمها علشان يطبقونها

نعم والف نعم .................................وناوي من زمان هاالكلام....اما شغل الحجازين وتقول كنك في عرضه شعبيه فلا والف لا.................. وتعجبني يابوطلال والله نشمي وطرح قوي وانحن نبي ناس مثلك في هذا المنتدى ..والف شكر.

فكره اكثر من رائعه .....

المشكله جماهير الهلال اكثر من جماهير الاندية الاخرى ولكن مافي تشجيع حتى لو حضروا الملعب مافي الا قليل يشجعون ويحمسون الفريق ...ولو انه اغلبيتهم يهتفون زي ماقلت اخوي بكلمة صغيره بس (ياهلال ) كان الهلال فاز على اي فريق امامه ....

وانشالله نشوف جمهورنا الغالي بداية من النهائي الي انشالله يتزيين باللون الازرق يوقف مع فريقنا
تحياتي

صراحة الفكرة حلوة لما تكون الجماهير قليلة

تخيل كيف يقدر رئيس رابطة واحد أنه يهز الملعب أظن أنها صعبة

السلام عليكم
 

مسا الخير


الاخوان شكرا على التفاعل مع هذا الموضوع المهم والحساس

حتى ان اللي يحضر مباريات الهلال في الرياض يحسب ان الهلال يلعب خارج ارضه

واللي يحضر مباريات الهلال في مدن الاخرى يحسب الهلال يلعب على ارضه

من حماس جماهير المناطق الثانيه لكن جمهور الهلال في الرياض

جمهور نايم

الاخ الظل المفضوح

والله ودنا بجمهور جالس في كرسيه ولا يتحرك ويتابع المباراة بكل تفاصيلها بس

يقول كلمه وحده مهيب رادته عن المباراة وهي يا هلال

الاخ الشلهوب الهلالي

صدقني الجمهور فاهمها وطبقها قبل كذا بس بالكثير دقيقه ويرجع ينام

الاخ الرياض 14

شكرا يالغالي هذا والله من طيب اصلك

والله الموضوع مضايقني مثلك ومثل كثير من جمهور الهلال (حاضرين عرس)

الاخ ديفايو

والله انها مشكله جمهور الهلال اكثر جمهور في المملكه لكنه اسوأ جمهور في المملكه

من حيث تشجيع فريقه (اعنبو داركم حتى فريق النثر جمهوره يشجع الفريق احسن مننا)

الأخ شاعر الزعيم

والله لا صعبه ولا شي يبغا لها بس مايكرفون واحد او اثنين

ويصير الملعب كله هادي بحيث ما تسمع الا صوت ابو علي او فواز بالمايكرفون

او هم الاثنين مع بعض ثم يقوم جمهور الهلال ويقول يا هلال بأعلى صوت

والله ان لاعبي الأهلي لو الكورة معهم ان يضيعون ويطلعونها اوت

على العموم اتمنى المزيد من التفاعل

وياليت يا شباب كلنا نشتغل على هالموضوع ولا نخلي احد ما نكلمه ونعلمه

اذا يبي يحضر للملعب لا زم يشجع ولا يقعد في بيته احسن له

تحياتي

ابو طلال:upset: