|
اعلان بطولة النخبة Fifa 12 البطولة الاقوى بسم الله الرحمن الرحيم نرحب بكم جميعا ونود ان نعلمكم بتنظيم دوري النخبة لشريط فيفا 12 , البطولة الاقوى على الاطلاق دوري راح يكون ممتع وراح يكون جميل جدا مليء بالخصوم , ومليء بالمنافسة بطريقة جديدة نقدمها لكم :- طريقة البطولة :- بطولة النخبة راح تتكون من دوريين او 3 دوريات كل دوري يتكون من 10 مشاركين يتنافسون فيما بينهم ذهابا وايابا ويتأهل اول 5 من كل دوري لتبلغ الفرق المتأهلة المرحلة النهائية من البطولة الا وهو دوري النخبة حيث تلعب الفرق فيما بينها ليتم تحديد بطل ابطال النخبة في هذا المنتدى . نظام اختيار الفرق :- هناك فكرة اطرحها على الجميع من بينهم المنظمين ,, بما ان هناك 3 دوريات سيكون كل دوري ممثل بدولة دوري 1 سيكون لفرق الايطالي دوري 2 لفرق الانجليزي دوري3 لفرق الاسباني وسيكون التكرار مسموح مرتين فقط والفكرة الثانية تكون الفرق متاحة ومفتوحة للجميع . الرجاء منكم اظهار رغبتكم بأحد الطريقتين لأعتمادها في موضوع التسجيل المشاركين : العدد المطلوب 30 لاعب فقط المنظمين والمصمم لهم مكان في البطولة لذلك العدد الفعلي المطلوب هو 26 لاعب المنظمين : انا :d - هلالي ميلاني - Madr!d ونحن الثلاثة سنكون على رأس كل دوري ويتم الرجوع اليهم في حالة الاستفسار من قبل كل مشارك تحت مظلة المنظم المصمم DOSERY الله الله بالتصاميم :d وشكرا موضوع التسجيل سيطرح يوم الاثنين الساعه الثانية ظهراً بتوقيت هذا الموقعRiyadh Time - Local Time in Riyadh Saudi Arabia - Riyadh Time zone - Riyadh clock ان شاء الله لكي يطلع الجميع على موضوع الاعلان |
عسساكم عالقوه:smilie47: إقتباس:
يعني يكون دوري ايطالي وانجليزي واسباني وبدون تكرار من باب زياده الواقعيه شوي والاثاره:d:smilie47: لك وللمنظمين :rose: |
شكرًا بانتظار البطولة على احر من الجمر بس نتمنى يكون التسجيل الجمعة او السبت يوم الاثنين بعييييد |
الطريقة الاولى بكل تاكييييييد ومنع التكرار في الدوري واتفق مع الخالدي بكل حرف |
إن شاء الله نشوف بطولة جميلة بالتوفيق لكم |
يعطيك العافيه .. انا أقترح يكون دورين فقط .. كل دوري 14 فريق .. وما يكون هناك دوري خاص للانجليزي أو الأسباني أو غيره .. لان فيه ناس تلعب بدورتمند وميونخ .. وبهالطريقة ماراح تقدر تلعب بفريقها .. احسن شي يكون من كل فرق أوروبا بشرط التكرار مرتين فقط . |
سالفة الدوري ماتوقع راح تنجح هنا ، لان بعض الاعضاء للاسف مايلتزم بالمواعيد ولعب المباريات في وقتها ! بهالشكل الدوري راح يطول ، عموما كنت اتمنى يكون مجموعات او خروج المغلوب من البداية بالتوفيق |
وضعت موضوع التسجيل بعيد شوي عشان يطّلع اكبر عدد ممكن من الاعضاء وعشان ماننصدم بعدد ضعيف .! فابري الطريقة مجربة من قبل واثبتت حماسها .. ممكن تكون الطريقة جديدة على بعض الاعضاء لكن كأقصى حد نقدر ننهي البطولة بأسبوعين او ثلاث |
إقتباس:
أول شي يعطيكم ألعافيه أنا مع أخوي دوسري من ناحيه اختيار الفرق بالتوفيق للجمييع |
إقتباس:
يعطيكم العافيه وانا مع اخوي دوسري ومطنش اضم صوتي لهم:smilie47::smilie47: واتفق مع الخوان موضوع التسجيل بعيييد يالييت يصير سبت ولا احد واضمن لك في ناس تسجل كثير والبطولات السابقة اثبت ذالك ياليت يصير التسجيل بكره او السبت او الاحد |
انا ضد فكرة دوري اسباني ودوري انجليزي ؟ !!! خلوها خليطي هههههه بس متى موضوع التسجيل بالوقت من كم الى كم عشان اكون متواجد |
صباح الخير انا مع الاقتراح الاول .. من اجل المنافسة والمتعه . واقترح دوري انكليزي ايطالي ودوري خليط بين الاسباني والفرنسي والالماني واعلن التحدي هع |
,, فكرهـ جميله ومنافسه لدوري الجار بيس :s4s: باذن الله تكتمل مع تفاعل الجميع , ورغم اني مو متاكد من مشاركتي بالدوري , الا اني اضم صوتي لصوت دوسري في طريقة الدوريين , وبخصوص الغير ملتزمين او مايكملون الدوري , راح نضيفهم للبلاك ليست ! وكذا راح تكون هذي اخر بطولة يشارك فيها بالقسم , مو تهديد , لكن الطريقة الوحيده لضمان عدم الانسحاب هي العقاب وباذن الله تنتهي البطولة , ومانضيف احد للقائمة وقت التسجيل ممتاز , حتى يكون الخبر وصل للجميع موفقين ان شاء الله :rose: **ياليت تضيف وقت طرح التسجيل حتى يكون اوضح الموعد |
تنويه: أنا ما راح أشارك في البطوله فقط راح أساعد أخوي الخبراء بالتنظيم :rose: |
موضوع التسجيل يوم الاثنين الظهر ان شاء الله راح ينزل بالنسبة للطريقة توصلت لحل وراح يكون نهائي كل دوري مفتوح الفرق فيه لكن التكرار مرتين فقط يعني انجليزي وايطالي واسباني وكل الفرق االاوربية لكن على مرتين فقط بالدوري الواحد والدوري الثاني يكون نفس النظام فيه |
| الوقت المعتمد في المنتدى بتوقيت جرينتش +3.
الوقت الان » 06:08 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd