فنيله علاقي الله يفشلك!!
 

[c][SIZE=3]

شدني موضوع كتبه الاخ عيون الصقر عن انتقاد وجه لسامي الجابر في احدي المنتديات بسبب فرحته وخلعه للفنيله
كان محور الحيث في ذلك الموقع كيف يخلع فنيلته فرحا واطفال العراق يذبحون يوميا فتذكرت هذه الحادثه :
كنت في رحله عمل لاحدي دول جنوب شرق اسيا قبل عده سنوات وصادف ان الهلال سيلعب بعد سفري بيومين في تصفيات كاس اسيا لا اتذكر اي بطوله لكنها كانت قبل ما يقرب الخمس سنوات
في يوم المباراة انتقلت مع رفيقي في السفر الي فندق اخر دلنا عليه احد العاملين في السفاره واخبرنا ان به بثا لقمر عربسات وبالتالي سنشاهد المباراة
يوم المباراة وقبلها بساعه كنت كالمجنون اتخبط ابحث عن قناة عربيه علي الاقل لكن اقرب قناة تبث بلغه قريبه من العربيه كانت قناة موسيقي هنديه..:smilewink
وحان وقت المباراه فاتصلت بالاداره للسؤال عن البث العربي فكانت الاجابه ((انسي)) الجو مطر ولا مجال لاستقبال بث قمر عربسات اليوم (المساله حسب الظروف)
اول شي قمت به قلت لخويي في السفر: كله منك ليش مااخرنا السفر يومينوالشغل مب طاير
ظحك من قلبه ....لكنه كان زعلان وفي لحظه قال: مشينا نتمشي للسوق وبعد ساعه نكلم علي السعوديه من الخارج نسال عن النتيجه..
قلت يلله مشينا
اول تكسي ..
تكسي وقف
وين تبون
وطي انت امش وحنا بنوقفك
فتح عداده وهات يا وران
لحظه لمح خويي سوق فخم قال نزلنا .. قلت نزلنا.. يوسف ومب شايفنه وسامي فاقدينه..
اول ما دخلنا السوق كان فيه كوفي شوب بالعاير .. طلبنا شاهي مدري قهوي وشويه خرابيط
كنت اكل شي بناكل مدري وشو بس منزود القهر كنت اعظعظ فيه بقووه:mad:
شوي الا جان كوع خويي يمشي مليون
افاف:upset: وش فيك كسرت ضلعي
ناظر ناظر شف ذيك الشاشه
التفت الا وش اشوف
طعشتين الف واحد مجتمعين وقدامهم شاشه تلفزيون كبيره معلقه فيها مكباراة
يؤ من جد ولا احلم
قربنا الا والله الهلا ل والفريق الاسيوي
وهات يا مطامر لين وصلنا يمهم طبعا كنا مميزين ووصلنل للصف الامامي قولوا ليش:
1- لاننا سعودييين..:D ((مطامر نمره واستماره))
2-خشومنا مميزه فكنا نستخدمها لشق الصفوف
3-سامي والثنيان والتيماوي بالتلفزيون .....الا يلي مب داخل بالشاشه لو اروح فيها مؤبد
طق طق
ولعب وفر وكر
الا سامي يطقهم بقول
قووووووووووووووووووووووول قوووووووووووووووووووووووول
وراح يم علم الركنيه وفصخ فنيلته وعلقها علي العلم
وقطعت اتطامر انا وخويي بس وكم واحد صفقوا مجامله وهو يقولون الحمد لله علي نعمه العقل
وهم يناظرون لخويي
عارفين ليش:
انا ناظرت وش فيهم الجماعه منسبهين بابو ابراهيم(رفيق السفر)
الا وش اشوف يؤ يؤؤؤؤؤؤؤؤؤؤؤ بقوه بعد
الله يفشلك ((فنيله علاقي))
قلت ابو ابراهيم واللي يرحم والديك لا تفشلنا عجل البس الجاكيت
قال وشو ماناب لا بسه مستانس شف سامي فصخ فنيلته مستانس اقلده
قلت شف شف اكلونا بعيونهم تري بيطلعوننا بالتلفزيون الليله ويقوولون مهابيل بفنايل علاقي
قال كذا والله نذر علي ماالبسها الا لو ينهزم الهلال ولا بروح للفندق كذا ان فاز
ولا علي بالطلاق من ام ابراهيم نذر عظيم مغلظ
عاد انا اكلت تبن وانثبرت
كل دقيقه التفت للجماعه بنص عين واناظرهم وهم يتظاحكون ابتسم لهم
وااشر بيدي لهم من وري ابو ابراهيم كني اقول لهم تري خويي عنده فيوز طاق لا تشرهون علينا
انتهت المباراة
فاز الهلال من الفرحه فصخت فنيلتي معه وقمنا نطامر من الفرحه
شوي الا ابو ابراهيم يقول : الله يفشلك فنيله علاقي:shy:
ناظرت علي صدري الا صدق اني لا بس فنيله علاقي وانا ناسي واتطنز بابو ابراهيم
انتهت السالفه
وامس تذكرتها مع سامي وعن نفسي نذرت نذر مثل ابو ابراهيم هاك اليوم
طمرت لمحل جنب البيت وطقيت طقم فنايل علاقي ونذرت اني ماالبس الا فنايل علاقي مده شهرين
اموت انا بالفنيله العلاقي وراعيها
سامي عاشت الاسامي
جابر عثرات الهلال
غمزها لمزها بلحظه الشبكه علقها
قبله علي جبينك لا خابت يمينك
============
االعموم كان امس حاظرا
حمزه ادريس لا حس ولا خبر بسبب الشريده هو حمزه امس لعب ولا لا ؟
خليل .. دفاعات ارضيه جويه مسح كامل للمنطقه عيني عليك بارده
الدعيع.. من زمااااان انت وينك
الشلهوب ..شيييييييي والله شي
الخثران .. بيجي يوم تشيل الكابتينه تستاهل يا بعدهم
وظاعت فلوسك يا صابر
:bluesky:

عزيزي وباختصار شديد
كان رديت عليه الدوري العراقي مستمر والصواريخ من فوقهم

تحياتي ,,,

عزيزي وباختصارشديد ليتك تقرا زين ولا تستعجل تحياتي

عزيزي ...........

الله يرجك من جد .........

موضووووووووووووووووووووووووووع عسل ......

بس من جد الصيف مقبل ،، يعني العلاقي ماله داعي الا اذا كنت بثويثرا .......


هههههههههههه

هههههههههههههههههه

الله يرجك
موضوع حلو في وقت حلوا
بس تراني ما انصح بالفنيله العلاقي على الثوب

.... أهلين هلا لي ....


## حبيبي مبروك علينا جميعا الفوز ... وعقبال الجايات ... بس الله يهديك كان جبتلي معك درزن فنايل علا قي والله يوم شفت أبوعبد الله أمس وهالفنيله الحلوه .... حبيت العلا قي ...ليش مادري ..؟؟ ومشكور على المشاركه .

ضحكتني اخوي داخل معصب قلت يتهجم علي سامي





هههههههههههههههههههههههههههههههههه

لوووووووووووووووووووووووووووووووووووووول من قلب
سالفه تضححححك الله يرجك انت وابو ابراهيم :D:D:D
<-- مطيحه اليمانه :eek:

تحياتي لك ومبروك الفوز

عزيزي عبد الله الاحسائي : انت العسل يا ((عثل))
فواز الشمري الفنيله العلاقي علقتها علي علي ثوب علي بنطلون خلاص نذر نذرناه بس تصدق انها وناسه مع ذا الحرور
متيم الزعيم ابشر وانااخوك وعلي فكره انت اوحيت لي بفكره ثانيه بطمر لدول جنوب شرق اسيا بعد نشوف اذا ممكن نسوي مصنع للفنايل العلاقي تصدق فكره يبلها دراسه..
ولد عبد العزيز ما عاش من يزعل سامي ولا يتهجم عليه تحياتي يا بعدهم
غروده عز الله انك جبتيها بعد اذنك بطخ الصوره بتوقيعي الف شكر

لووووووووول اله يرجك انت وابو ابراهيم...

والفنيلة وين شريتها منه ابي اشتري مثلها...

ومشكورررر على موضوعك الحلو.....


وعقبال الكاس ان شاء الله

مع احترامي لما ذكرت الا ان الذاكره ربما خانتك قليلا
فالمباراه التي خلع فيها سامي قميصه وعلقه على العلم كانت امام النصر
وليست امام فريقا اسيويا

ولكن طريقة سردك للقصه جميله وكلنا راح نطقم علاقي اذا كنا بنقهرهم
و ياقاهرهم يا لابس العلاقي :D :p :D

الله يسعد العلاقي ان كان فانيله ولا ملف المهم

سامي يا احلى الاســــــــــــــــــــــــامي

ياجـــــــــــــــــابرعثرات الهلال

ياسام جـــــــــــــــــــــــدآ

ياملوعهـــــــــــــم

ياكايدهــــم

ياملك

حلووووووووووووووووووووو
ابداع ياعسل انت ويا ابو ابراهيم والفنيله العلاقي

سيف الزعيم شكرا للتذكير بس اللي اذكره ان المباراة كانت في جنوب شرق اسيا وعلي بطوله اسيويه يمكن اخطيت في ان سامي ما علق الفنيله علي العلم انما خلعها وبس وعموما وشكرا للتنبيه
عموما الفكره اذا شفت المدرج فيه واحد لا بس فنيله علاقي قدام الاهلي اعرف انه انا
عبد الله الحقيقي الله يسعد من قال هالكلام بسامي
ابراهيم 11 الابداع وانااخوك ما يجي الا من ابراهيم وابوه تحياتي يا بعدهم
وعقبال الكاس يارب

الله يعينك على الفنايل العلاقيات بس مادام الكابتن ساميوا لابسها البسها انت