|
يعطيكم آلف عآفيـــةةة "$.... |
الحمدلله الف الف مبروك الصدارة يا شباب :smilie47: فعلا موسم للتاريخ بتحطيم كل هالارقام :smilie47: مباراتنا القادمة امام لاتسيو المنتشي بالفوز امام نابولي , يبدو ان كونتي ريح ليكشتاينر ودي تشيلي عشان هالمباراة راح توافق تاريخ 11/4 , ومباراتنا الأخيرة بالدوري بتوافق 13/5 , يعني تقريباً باقي شهر بالضبط يتخلله 7 مباريات وبمعدل مباراة كل 4 أيام , هالشيء اشوفه من صالحنا وراح يعطينا افضلية واضحة على بقية اندية الدوري من ناحيتين : 1 - نعتبر الأفضل لياقياً من بين اندية الكالتشيو جميعها وبالخصوص ميلان , وذلك بفضل الله ثم فضل التفرغ للدوري 2 - اليوفي اثبت هالموسم بأنه متميز للغاية في المباريات المتقاربة ويبدع تحت الضغط يبدو انه بيكون الشهر الأطول في حياتي , الله يتممه على خير ونشوف الملك يتوّج بالاسكوديتو في موسمه الأخير بإذن واحد أحد :smilie47: سؤال عام / وشي الأندية اللي حتى الآن ما فاز كونتي عليها ؟ ( تعادلنا معها رايح جاي ) :d ____ إقتباس:
^ ^ الحل الأفضل :razz: |
إقتباس:
اسف على الاحراج :ap: http://www.uslecce.it/%5CUpload%5CFo...erona_logo.gif |
وعادوا ليمتعوا انظارهم بمؤخرة كليني الحسناء :d << كناية بالصدارة لحد يفهم غلط خخخخخ الله يستر بعد كم جولة نبدا نتمقل بسيدورف :d .. طبعا بدأت تختلف الطموحات ناس تبغى دوري وناس تبي تصير اكثر بلنتيات بأوروبا !! ابكون صريح وقلتها بالرابطة قبل كذا ان طموحي كان الدوري ولازال من بعد نهاية الدور الاول حتى لما فقدنا الصدارة مازلت اطمع بالدوري .. توقعي ان اليوفي بيفرط فيها في مباراة تشيزينا ,, وان كان فيه تفريط من ميلان فبيكون قدام كييفو او قدام بولونيا << اذا ماخانتني الذاكرة هم الفريقين اللي اتوقع يوقفونهم لو بتعادل .. ااخ ياحلالاة اماوري معهم خخخ طبعا حنا مانستاهل الصدارة على ايش بالضبط نستاهل .. على تصدرنا 26 جولة ؟!! ولا هزايمنا البايخة !! اتوقع بسبب ضعف دفاعنا وطريقة لعبنا !! من يستاهل اللقب هو اللي يصف ثاني اذا خلص الدوري خخخخخخخ العن ام نظامك البايخ :d بالله فيه احد يقارن المخدراتي وبرلسكوني بمودجي !!! وش جاب العلوك للملوك s121s مودجي من عرفت الكورة وهو الوحيد الي يقدر يجيب اي لاعب يبيه حتى لو يتنافس عليه اصحاب المليارات . يارجل من جر ماردونا لنابولي .. ومن كان يجرأ يدخل بصفقة ضد الريال ويخطفها ( فييرا ) غير نظرته الثاقبة للشباب في عالم الكرة هناك خبراء ومودجي هو خبيرهم :rose: |
75 مليون + راتب 15 مليون سنويا + مدة العقد 5 سنوات + لحارس بعمر ال34 سنه = اأعلى عرض يقدم لحارس بالعالم ،، هالعرض بيقدمه السيتي لبوفون وهالكلام على ذمة الاجازيتا |
إقتباس:
مستحييييل , تقولي انجي الروسي ممكن اصدق السيتي عندهم هارت الي حالياً يعتبر من افضل 3 حراس في العالم ومقدم معهم مستوى خرافي وتوه صغير عمره 24 , وش السبب الي يخلي السيتي يشتري حارس عمره 34 !! 75 مليون على حارس ! بوفون اتوقع 15 مليون تفكه لان هذا هو سعر الحراس , نوير انتقل ب 21 مليون مع انه صغير ومستواه الفني بالفتره الحاليه افضل بكثير من بوفون |
^^^^ منطقيا كلامك صح ،، وخبل الي يقدم عرض زي كذا ،، وزي ماتفضلت حارسهم يعتبر افضل حارس بالدوري الانجليزي ومقدم مستوى ممتاز ،، لكن هذا خبر من جريده اللاجازيتا ويحتمل الصحه والخطا |
^^ احمد فكر بمنطقية واستخدم عقلك السيتي عنده جو هارت افضل حارس بالدوري الانقليزي وصغير بالعمر زد على كذا كلنا نعرف لمن تنتمي صحيفة اللاقازيتا ديلو سبورت ! هي محاولات لتشتيت انتباه بوفون لا اكثر ولا اقل وليست الا اشاعات منها |
إقتباس:
بالضبط ماهي الا محاولة تشيت انتباه لا اكثر , خصوصاً بعد صدارة اليوفي المستحقه كل الصحف تحاول تشتيت انتباه لاعبين اليوفي والمشجعين للابتعاد عن الاسكوديتو |
السلام عليكم ورحمة الله وبركاته جولة مثيرة لابعد حد الكاسب الاكبر منها اليوفي والفيولا لان الاول تصدر والثاني ابتعد عن منطقة الخطر والخاسر الاكبر فيها ميلان ونابولي وروما والانتر ميلان خسر الصدارة ونابولي ابتعد عن الثالث وروما والانتر تعطلو عن مطاردة لازيو الانتر يتعادل واتوقع ان الانتر خلاص موسم للنسيان لو اني مكان موراتي ماراح اخلي الفريق يلعب بالدوري الاوربي واخلي باقي الموسم للاعبين الشباب الدوري الاوربي مايليق ببطل اوربا 2010 والافضل انه يتفرغ كليا الموسم القادم للدوري مثل ما حصل لليوفي اللي ما كنا نتمنى تاهله العام الماضي للدوري الاوربي والحمدلله ما تاهل الفريق وتفرغ للدوري روما لاتعليق يوم فوق ويوم تحت ما عرفنا انريكي ساكي زمانه والا ديل نيري :s5s: الميلان يدفع ثمن الاجهاد والارهاق لانه كان يقاتل على 3 جبهات وخسر جبهتين ولا بقى له الا الدوري فقط برأيي اليجري اخطأ يوم مباراة الكاس الاياب يوم يلعب بكامل العدة والعتاد والمفترض انه يضمن عصفور باليد وللاسف المباراة من سوء حظه امتدت 120 دقيقة والنتيجة خسارة من البرشا وتعادل وخسارة بالكالشيو ذكرت كابيللو يوم يلعب قدام روما بكامل الفريق ولا عطى لمباراة ارسنال اي اعتبار ودفع ثمن هالشيء بالخروج من الابطال هدف الجولة هدف ماوري على نابولي لا يفوتكم http://u.goal.com/177800/177801.jpg كونتي يخطف الصدارة من اليجري :d http://l.yimg.com/lo/api/res/1.2/ZAz...a%20S.Siro.jpg مشجع يوفنتيني بين جمهور الميلان ويقول " جيت هنا اشوف اماوري يسجل " :d http://u.goal.com/172500/172574.jpg شنايدر يبي البريمر ليج بالتوفيق لليوفنتوس في باقي المواجهات وان شاء الله يستمر الفريق بالصدارة |
بالنسبة لتوقيت المباريات ، أشوف من أكبر الدوريات حالياً نفس الشي ، الانجليزي والإسباني .. : ) ولا اجد فيه العذر الكافي لان يسبب مشكلة كبيرة وخاصة اذا مباراتك قبل الخصم .. لأنك راح تضغط ع الخصم في حال فوزك .. تصريح كونتي حول الموضوع : مواعيد المباريات ؟ كما صرحت من قبل أنا أفضل أن ألعب مبكرا ولكن لا أريد أن أجعل من هذا الأمر حديثا .. |
إقتباس:
وش تبي أكثر من فريق يتباكى بهدف مونتاري الي هو صحيح ١٠٠ ٪ ولا أختلفنا فيه و معترفين فيه لكن لما تناقشهم بهدف ماتري الملغي من نفس حكم الراية و هو صحيح ١٠٠٪ و النكتة أنهم يجيبون صورة بخط مائل أول ما بداء غالياني يتعلم الفوتوشوب :d و يقولون تسلل بعدين تحسن أبو قلن و صار محترف بالفوتوشوب و عدل صورة كورة روبينهو قدام كاتانيا و يقول شوفوا عدت الخط على أن مقاطع الفيديو الموجودة باليوتيوب ما عدت الخط بس يمكن مقاطع الفيديو معدلة و حنى ما ندري :s2: الصراحة ما أستغرب بكرة غالياني فاتح موضوع لتصميم الصور الولد طلع محترف :s2: |
^^^ لا تنسى مباراة جنوى بالماراسي اللي انتهت 0-0 هدف لبيبي صحيح اعتبر تسلل وبلنتي لماتري في اول الدقائق :) |
آخر بلنتي احتسب لليوفي على أرضه كان امام تشزينا بالجولة 13 ( والنتيجة مؤمنه حينها ) وسجلها القيريرو فيدال هو البلنتي الوحيد حتى الآن بالموسم بكل أسف , وكان بتاريخ 4/12/2011 , يعني قبل 124 يوم تقريباً آخر بلنتي احتسب لليوفي خارج أرضه كان امام بولونيا الموسم الماضي , عوقب عليه كرازيتش ايقاف 3 مباريات واضاعه ياكونتا وكان بتاريخ 24/10/2010 , يعني قبل سنة و 5 شهور تقريباً ارقام تدعو للتأمل اليوفي اكثر من يستحوذ على الكرة بشكل عام , اكثر من يلعب في ملعب خصمه , اكثر من يمرر تمريرات قصيرة صحيحة واكثر من يسجل عن طريق لعب مفتوح بتسجيله 36 هدف , ومنافس شرس للميلان على اللقب ومتصدر الدوري حالياً يتأخر عن اقوى خط هجوم ( ميلان ) 10 اهداف , ولكن هالـ 10 , 9 منها بلنتيات استفاد منها ميلان ( الأعلى في الدوري ) بعد كل هالارقام هل من المعقول ما يحتسب لليوفي الا بلنتي واحد من بداية الموسم ؟!!!!! في الدوري الانجليزي , المتصدر سجل من 8 بلنتيات , والوصيف من 7 بلنتيات في الدوري الأسباني , المتصدر سجل من 10 بلنتيات , والوصيف من 5 بلنتيات في الدوري الإيطالي , المتصدر سجل من بلنتي واحد فقط , والوصيف من 9 بلنتيات انا لا اشير الى محاباة تحكيمية لميلان او شيء من هذا القبيل أبدا , ميلان استحق بعض من بلنتياته لكن الكلام كل الكلام ان اليوفي لا يأخذ حقه الواضح والفاضح في الأصل والأمثلة كثيرة منها مباراة بارما حتى يصل لمرحلة ميلان بأن تحتسب له بلنتيات تحتمل الصحة والصواب !! والسبب واضح رعب الحكام من الإعلام , وتهاونهم في تطبيق القانون لمصلحة اليوفي بعد الكالتشيو بولي :rose: |
Amazing Goal By Stefano Mauri Napoli vs Lazio 1-3 - YouTube هدف ماوري على نابولي , رووووووعة .. بصراحة ماوري لاعب محترم فني و بدني و لكن ينقصه أحياناً التركيز لازم يلعب باليورو مع الأزوري :) سبق و طالبت به أيام ليبي لكن مشكلته ما كان يلعب باليوفينتوس :cry: |
| الوقت المعتمد في المنتدى بتوقيت جرينتش +3.
الوقت الان » 03:17 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd