|
الصلاة .. عمود الدين (ومن تركها فقد كفر) ! بسم الله الرحمن الرحيم السلام عليكم ورحمة الله وبركاته ياخوان والله العظيم اللي اشوفه من البعض الله يهديهم خلاني انزل هالموضوع ! يعني في ناس لاغين ( الصلاة ) من حياتهم .. وكأن مافي شي حدث ! ومكملين حياتهم عادي وعنده ثقه انه راح يموت في عمر معين .. وفيه ناس اصلاً ما يدرون كيف يصلون ولا يعرفون وش هي الصلاة .. فقط يسمعون فيها ! واذا صلوا في المدارس يصلون مجامله والعياذ بالله .. كلنا نسربت وكلنا نسمع اغاني وكلنا نفلها بحياتنا لكن الحمدالله ما نترك صلاتنا هي عمود الدين يا خوان ومن تركها فهو ( كافر ) يحشر مع فرعون في يوم القيامه ! أي اللي يموت وهو كافر فأنه خالد مخلد في النار ! انا ماقلت لازم تلبس تحت الكعب ولازم تربي لحيه وتلازم البيت 24 ساعه وما تطلع ! صح ان هالشي غلط ولازم نطبقه وفق الشريعه الاسلاميه لكن نقول اقل حق نطبقه هو اننا نصلي ونذكر ربنا والله سبحانه قال في كتابه الكريم ( ألا بِذِكْرِ اللَّهِ تَطْمَئِنُّ الْقُلُوبُ ) ! يعني مايمنع اذا كنت فاضي في وقت معين تذكر ربك وتستغفره انا بكون صادق معكم .. انا امارس حياتي اليوميه عادي يعني مثلي مثل اي شاب سعودي . خليجي . عربي ماتخلوا من الشتم والسب ماتخلوا من المقالب ماتخلوا من الفله والوناسه ونعيش حياتنا بشكل طبيعي كباقي الناس ! وهذا غلط صح وان شاء الله في المستقبل نترك هالأشياء لكن ولله الحمد ماترك صلاتي ودائماً اذكر ربي ! وفيه ناس عكسي تماماً ادشر مني ومع ذلك ما يصلي ولا حتى يصوم ولا حتى يذكر ربه ! يعني بالله قولولي شلون بيتوفق بحياته وهو ما يصلي ؟ بالدراسه كيف يتوفق الطالب اذا ما كان يصلي ويذكر ربه ! اصلاً الدعوه لا صارت لك وانت ما تصلي ماتقبل ! يعني مثلاً شايب قالك : الله يوفقك بدراستك وتاخذ نسبه فوق 95 .. آخر السنه ابو الشباب ماخذ 80 ليه ؟ عشانه ما يصلي وساحب على دينه ! والمشكله الصلاة الواحده ماتاخذ من وقتك الا خمس دقايق بالكثير ! يعني لاحق على الفله والطلعات والسربته ! للأسف في ناس نظرتهم مختلفه يعتقدون بأن اللي يصلي هو انسان ( مطوع ) والمطوع مافيه شي بالعكس احنا نحسده .. لكن ناس نظرتهم غير وهي بالتأكيد نظره خاطئه ! انا ما قلت رب لحيه والبس تحت الكعب ! لا انا عن نفسي ما اسوي هالشي وهذا غلط مني .. لكن اقل شي تسويه عشان ترضي ربك هو انك تصلي وتذكر ربك ! وفيه ناس اهلهم ما يعرفون الصلاة ف نشوف النتيجه على ابنائهم كلهم سرابيت مجمعه حقين مخدرات وخمور الله يكافينا وياكم شرهم ! وفيه ناس اهلهم متدينين ولكن يسحبون على عيالهم وفيه ناس لو اقوله صل يقولي كيف ؟ ما يعرفون الصلاة ولا يعرفون وش يقولون في التحيات ولا حتى في السجود والركوع ووالخ .. وناس عندهم الدراسه اهم شي عشان يأمن مستقبله ! كيف تأمن مستقبلك وتسحب على صلاتك ؟ يعني انت متيقن انك راح تعيش لفتره زمنيه طويله ؟! والله العظيم اني اتحمد على ناس لا شفت عقلياتهم كذا ! الحمدالله رب العالمين الله لا يبلانا بسس .. رساله خاصه للي يسمع بالصلاة :- اذا ما كنت تصلي انا اقولك انت غلطان واعتقادك غبي ويمكن البعض يدخل على الموضوع يقول وخرر بس انت وصلاتك لا تستبعدون هالشي لأن اللي ما يصلي طبيعي يصير ايمانه بالله ضعيف .. الشيطان لاعب بحسبته العنوا الشيطان وتعوذوا منه وصلوا لأن المتعه والفله ما راح تفيدك بعدين يوم القيامه راح تتحسف على ايام مضت وانت ما ذكرت ربك فيها ! الدال على الخير كفاعله .. تمنياتي لكم بالتوفيق والنجاح نعيم الجنه - بصوت ناصر القطامي |
جزززاااااااااك الله اللللف خير الله يجعله بميزاان حسنااتك الله يرزقناا ويااك الجنه والله يهدي جميع المسلمين |
جزاااااااك الله خيـــــــر |
الله يجزززززاك خيررر وان شاء الله الي مايصلي يستفيد من موووضوعك واهم شئ الصلاة لااحد يتررركها اما الاموووور الدنيوووية لاحقين عليها ماراح تنفع احد بشئ شكرررررياتي ع الطررح المفيد |
جزاك الله خير والله يعطيك العافية |
جزاك الله الف الف الف خير صحيح في هذا الزمن ناس اعوذ بالله من الشيطان لا صلاة كانه شي لم يكن اعوذ بالله . |
جزااااك الله خير ااخوي وجعله الله في مواازين حسنااتك والله اهم شي الصلاهـ هي عمود الدين الله يحسن خااتمتنا ويهددي شبابنا وشبااب المسلمين ي ررب |
الله يجزاك الف خير مشكووووور |
جزززاااااااااك الله اللللف خير الله يجعله بميزاان حسنااتك الله يرزقناا ويااك الجنه والله يهدي جميع المسلمين |
في قسم للمواضيع زي هذي * لك الف شكررررررر فعلا موضوووع ف الصميم اصلا هي مفتاح للراحة ،، الي فشل الكثيرون ف معرفتها |
بارك الله فيك للاسف واحد امس اعرفه ماصلى العشاء مع الجماعة لانه كانت وقت المباراة طيب وش نفعته المباراة |
فعلا انا في الثانوي اقولك عيال فصلي 22 الي اعرفهم يصلون لا يتجاوزون ال 5 في الملعب ا الي يصلون ما يتعدون نص العدد لحاضر الى الملعب واقل من نصف بعد في متجر الزعيم اثناء بيع تذاكر احدى المباريات المهمة عدد كبير جدا مجتمعين حول المتجر والمتجر مقفل علشان صلاة المغرب والمشكلة المسجد وراهم وقريب يعني وغيره من الامثلة كثيرة تحياتي وتقديري والله يجزاك خير |
جــــزاك الله خيـــر ,,,......... |
ضدقت والله لي فتره ما صرت اخلي الصلاه لكن استغفر الله في قصور وحنا مقصرين في حق انفسنا لا تركنا الصلاه يالله عفوك وهدايتك استغفر الله واتوب اليه جزاك الله الف خير ما قصرت الله يرحم والديك عن النار |
انت مركز على الصلاه فقط اما الاخلاق ناسيها وتقول كلنا نسربت وكلنا نفلها ؟؟ وهذا ما ابتلينا فيه والدين مطلوب والاخلاق ايضا مطلوبه ودخلت في امور انت تجلها وقلت تارك الصلاه كافر وانت لا تعرف الفرق بين تارك الصلاه كسلا وتهاون وبين من جحدها وهنا الكفر .. لازم نتثقف شوي في الدين ولا ندخل في امور نجهلها واسلوبك يشابه كثير من ننشوفهم سيئين تلقاه يصلي لكن الله اعلم هل تقبل صلاته والسبب ظنك السيئ ولسانك في كلام مفروض ماتقوله مجمع دشير ومخدرات وكلام عيب عيب ينقال |
| الوقت المعتمد في المنتدى بتوقيت جرينتش +3.
الوقت الان » 10:44 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd