السلام عليكم ورحمة الله وبركاته ..

أخواني واخواتي الكرام ..
أسعد الله أوقاتكم بكل خير <<<< وش عنده ,, صاير مذيع أخبار خخخخ

الكثير من السائقين (( طلبه وموظفين وعاطلين )) يسوقون سياراتهم أما لقضاء حاجه شخصيه أو للذهاب لعمله أو يجيب مطبق لبيتهم ..

وهو في الطريق ما يدري الا والمرور في وجهه ..!!

السلام عليكم ,, وعليكم السلام (( يمكن يرد عليك ويمكن لا )) ..

رخصه واستماره لو سمحت .. تقول له أبشر راز وجهك قدامه وتسوي نفسك عاقل وانك ما سويت شي ... وانت ماغط الطبلون كله ..

صفط على جنب ... وانت تروح وتصفط وتفك الحزام اللي توك رابطه مالك دقيقه .. خخخ

وتأفف .. (( افففففف ))

وتمشي من السياره متجه لرجل المرور ,, وتمشي ,, وتمشي <<< عجل علينا انت ووجهك

ما يمديك تجي عنده الا وهو مسلمك القسيمه ومبسووووط يضحك عليك :p

وانت تترجااااه .. تكفى يابن الحلال واللي يرحم والديك آخر مره والله ما أعودها

وهو ما يطالع فيك .. وكانك مو موجووووووووووووود ..

وتاخذ القسيمه الصفراء .. بدون توقيع والتاريخ غلط .. خخخخخخ

وتقول ياليتني ما أسرعت وياليتني ماسويت .. و .. و .. ألخ :sad:

===========

الشاهد من الموضوع أخواني ...
ان السرعه قاتله .. فياليت الكل يلتزم بحدود السرعه وخاصه في الطرق السريعه ..
مو مشكله انك تتاخر دقيقه أو عشر دقايق او حتى ساعه ..
أحسن من المووووووووت والعياذ بالله او الاصابات البالغه نسأل الله السلامه ..

عندي الكثير والكثير لقوله .. بس أترك الفرصه لكم ..


أخوكم .. مجنون_هلال
مشرف المنتدى العام - منتديات مدمي الشباك

تحياااااتي ..

اخوي مجنون هلال ...

طيب واللي يصير له العكس ... وش يسوي ...

لا سرعه والحزام من اول ما اطب السياره ... واخرتها قسيمه صفراء مزينه بالخط الغير مقروء ...

والله يعطينا على قد النيه ...

تحياتي ...

حيا الله الماطور ما أدري الدينمو

والله كلامك سليم ..

يعني كلام سليم أو سلام كليم ..

موضوع أكثر من رائع .. وأسلوب الطرح مرح ورائع ... وأهم من كل شيء الفائدة الكبيرة في هذا الموضوع ..

بصراحة .. لو تسوي لك ( كاونتر ) <--- والله يا انت رايق .. وتشوف اللي يسرعون وتوقفهم وتسألهم ( ليه أنت مسرع ؟؟ و وش وراك ؟؟ ) <--- والله الفصحى

اتوقع الأغلبية .. ما وراهم شيء ..!! واللي يسرعون ومستعجلين .. ما يطلع لشغله إلا إذا بقى ربع ساعة !! ما أدري وش جالس يسوي في البيت..!!

الله يستر على شبابنا وشيابنا.. وعلى كل مسلم..

والله يحفظنا بحفظه..


كل الشكر لك أخي مجنون هلال على هذا الموضوع الرائع ..

وتقبل خالص تحياتي ،،،

أخوك / البارق

عــــ الهلالي ــارف :
صادق والله .. هذي تحصل مع القليل ان ما كان مع اغلبيه النااااس ..!!!
وما نقول الا الله يعين ,, وكلن وضميره ...

شوكرن لك ..

البارق2000 :

هههههه .. حلوة ماطور والا دينمو .
الدينمو وانت الصادق ..خخخخخخ

وردك سليم ورااااااائع بعد .. ;)

أشكرك من كل قلبي أخوي ..
ولك مني أجمل تحيه

أخوك ...... الدينمووووووووووو :p

الحلم الحزين ..
جزاك الله خير ,,