أخواني و أعزائي
موضوعي اليوم يمكن تظحكون منه لا كن بقوله حتى لو ظحكتوا
الموضوع يتعلق بلعبتين رياضيتين كانت قديماً مدهرة ( يعني تزاول بكثرة ) والحين انقطعت ولا عاد نشوف أحد يزاولهن ألا وهن ( المصاقيل و الكيرم ) نعم لا تظحكون الكيرم و المصاقيل كانت سابقاً من اجمل الألعاب وكان هنالك محترفين فيهن كان فيه واحد في حارتنا الأولة في الكيرم يجيب الخمسين وهو مغمض ( قويه هاه ) نعم صدقوني وكان يجيب حتى لو نحط أصابعنا في الحفرة محترف ( يقهرنا )
عشان كذا ليه مايكون هنالك نادي للكيرم ويكون هنالك احترام ( يعني تخيلوا واحد جايبينه من البرازيل عشان يلعب محترف كيرم )
وإلا مصاقيل عاد المصاقيل كانت هي اللعبة الأولى في الجزيرة العربية كانت شهرتا مثل شهرة الركبي الحين في أمريكا كانت تحديات على مستوى عالي كان فيه اللي يلعب وهو منسدح واللي يلعب وهو متكي ( متكئ ) لا كن كانو فنانين لا كن الحين معاد لهن طاري .

---

بتقولون ليه كتبت ووش جاب طاري المصاقيل والكيرم
اقولكم ليه انا كنت انقل اغراض جدتي ولقيت بينهن علبة حليب نيدو مليانه مصاقيل وحبوب كيرم وسئلت جدتي وليتني ما سئلت مسكتبي خط جدتي وبدت تسولف لي عن ابوي وزمن الاحتراف