#1  
قديم 16/03/2012, 09:10 PM
الصورة الرمزية الخاصة بـ حسين المرحبي
زعيــم نشيــط
تاريخ التسجيل: 15/03/2007
مشاركات: 545
عسكري صعيدي


عسكرى مصرى بسيط ـ خالد الشافعي




عسكرى مصرى بسيط ما فهمش فى التخطيط

على معبر رفح محطوط أراقب الأسلاك

عينى ورا الأسلاك وروحى فى غزة هناك

شايف ضلام دامس ورا كل شيش شباك

غزة يا نور عينى ظلمك على عينى

خدى من نور عينى بس البيوت تنقاد

عسكرى مصرى بسيط مافهمش فى التخطيط

كل اللى بفهم فيه أنا برضه ليا ولاد

عسكرى مصرى بسيط بموت فى مصر وناسها

واوهبها دمى وروحى وفلذة الأكباد

مافهمش لا فى سياسة ولا حتى فى الحسابات

قالولى خليك واقف وإن الوقوف دا جهاد

أصل الصهاينة هناك هيهاجموا لما تنام

هيفجروا فى بلادك ويزرعوا الألغام

وشوية جالى إخواتى من غزة قالوا سلام

قلتلهم التأشيرة ! قالولى : بالإسلام

إزاى أقول لاه وأنا لسه فيا حياه

فى أى شرع ودين معقول ياناس دا كلام ؟

سامحونى ماتظلمونيش وبلاش تزقوا الباب

بلاش ما تحرجونيش خلوا الغضب بحساب

يا أمى أنا غلبان يا أختى أنا إنسان

حاسس بطعم العار وبإنى شخص جبان

عسكرى مصرى بسيط وزيي مصر بسيطة

مصر اللى هيا الناس ، فى الحبس ليها زمان

مصر اللى هيا شهامة مصر اللى هيا رجال

مش مصر اللى فى الأفلام والنشرة والموال

على نن عين مصر فى الضلمة غزة تبات

مصر اللى كات الحضن فى الخوف وفى الأزمات

على نن عين مصر غزة تموت م الجوع

نهار عيالها بكا وليل حريمها دموع

عسكرى مصرى بسيط مجبر أكون سجان

دمعى ورا الخوذة وقلبى فيه بركان

يا غزة أنا آسف ياغزة أنا عارف

لا دين ولا عروبة تقبل بدا الخذلان

هانت خلاص هانت ريحة الخلاص بانت

مهما الجراح كانت مهما الهوان كان

موعودة من ربنا بالنصر والتمكين

صبراً خلاص فجرك ونهاية السجان

ولا ألف سور وجدار هيعطلوا الأحرار

الفجر نوره بان أصل التاريخ دوار

عسكرى مصرى بسيط وأهل مصر بساط

ما بيخونوش الجيرة ولا يقفلوش الدار

ياغزة ماتخافيش مافيش جدار بيعيش

والحق راجع راجع مادام وراه ثوار

ياغزة مصر بريئة م السور وم الجدران

الشعب كله معاكى والحب ليكى طوفان

مش بس سور واحد دا فى مصر فيه أسوار

تمنع وصول صوتنا تخنق فى أى حوار

مهما الحصار طال مسيره يوم ينفك

مهما يعلى الجدار هييجى يوم يندك

عسكرى مصرى بسيط مافهمش فى التخطيط

لكن الجدار دا حرام مافيش ف قلبى شك







اضافة رد مع اقتباس
  #2  
قديم 17/03/2012, 01:14 AM
الصورة الرمزية الخاصة بـ ع ـبود الودعاني
زعيــم مميــز
تاريخ التسجيل: 29/03/2009
مشاركات: 12,366
صرآآآآحهـ انا مافهمتش<غبي
قصهـ لو انكـ مرتبها كان افضل
اضافة رد مع اقتباس
  #3  
قديم 17/03/2012, 11:44 AM
زعيــم مميــز
تاريخ التسجيل: 14/04/2009
المكان: ][ الريـآض لـآنـد ][
مشاركات: 3,888
جميلة جداً
وكلنا آسفين يا غزة
صح لسانك خالد الشافعي
يعطيك العافية أخوي

اضافة رد مع اقتباس
  #4  
قديم 18/03/2012, 02:30 AM
الصورة الرمزية الخاصة بـ alfayhaa Sport
زعيــم مميــز
تاريخ التسجيل: 04/09/2008
المكان: حى منفوحة الجديدة - الرياض
مشاركات: 26,413
الله الله على القصيدة النبطية ..

الصهاينة يخشون من هجوم مصرى مفاجئ محتمل


طبعا فى الايام القادمة
اضافة رد مع اقتباس
  #5  
قديم 18/03/2012, 02:35 AM
الصورة الرمزية الخاصة بـ alfayhaa Sport
زعيــم مميــز
تاريخ التسجيل: 04/09/2008
المكان: حى منفوحة الجديدة - الرياض
مشاركات: 26,413
Thumbs down الصور عبرة وعظة للمصريين

طائرات عسكرية مصرية .. فى يوم الفضيحة
عندما ضربها الخنازير الصهاينة غدراً سنة 1967م .. لعلمكم ياشباب ترى الجيش السعودى حنا شاركنا لضرب اليهود المعتدين







طائرات مصرية دمرت تماما ، لولا الله سبحانه ثم الروس لما بقيت للمصريين قوة عسكرية
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:43 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube