|
تكثر العناوين والموضوع واحد هاذي زبدة الهرج ياإدارة الهلال إذا لم تعالجون هذه النقاط فلا تحلموا بالآسيوية يازعمـــــــــــــــــــــــاء يإدارة الهلال أنا لا أجيد المقدمات بس ابي اسئل كيف نتعاقد مع المحترف ايمانا ومن ثم نتعاقد مع المدرب دول وبعدها يستغني السيد دول عن ايمانا ويذهب للإمارات بنظام الإعارة ومن ثم نستغني عن المدرب دول وبعدها يدربنا مدرب اللاولمبي ونتعاقد مع السيد هيسك ليييييييييييييييييية كل هذا (بصراحة فية تخبط كبير عن السابق لكن اللي فات فات بس عندي اقتراحات) عندي اقتراح او طلب اتمنى إدارة الهلال النظر له بعين الأعتبار في الفترة القادمة لتسجيل المحترفين. اتمنى الاستغنى عن جميع المحترفين خلاص كثر الله خيرهم ماقصروا ... ولي هامسون ----- خلاص ماقصر ويعطية العافية إلى هنا خلاص عندنا الدوسري عبدالعزيز وسالم والفريدي والشلهوب والعابد. الكوري -------- تمركزة تمام بس مشكلته مايشوف العربي ----- لاعب ثقيل وخاصةً اذا قابلنا فرق شرق آسيا وليس مهاري ولايفيد الفريق في الاسيوية وعندنا مثلة وأفضل منة الحارثي والمحياني وياسر بيرجع. هرماش ----- ماقصرت ولعبك اوكي بس فية عندنا الفرج والغنام والقرني وكلهم مستواهم اوكي وعلى فكرة المحور يبي له لاعب شاب حتى لو من اللاولمبي. وأتمنى التعاقد مع 1-قلب دفاع 2-ظهير ايسر يلعب بكلتا القدمين إذا امكن 3- التعاقد مع رأس حربة بارزيلي او افريقي مثل لاعب العين الإماراتي اللاعب جيان. العين الإماراتي ليس افضل منا أمكانيات .. لحد يرد ويقول هرماش تمام انا عارف انو اوكي بس عندنا مكانه القرني والفرج والغنام وكلهم يقومون بنفس الدور ونفس مستوى هرماش. والعربي يلعب على حساب الحارثي او المحياني كلهم نفس المستوى بصراحة الهلال مايحتاج اجانب ألا فالنقاط اللي ذكرت..مع تحفظي على المدرب؟؟؟؟؟ (إذا فات الفوت ماينفع الصوت) هذه ليست تغريدة ياهلاليين هذه همسة من محب لزعيم من34سنة إلى رئيس الهلال و لسامي الجابر اتركوا التغريدات واعيدوا النظر في الأجانب والمدرب واتمنى إعادة مدرب اللاولمبي او محاسبة المدرب على سوء تغييراتة وتأخرها يعني تنزل الفريدي د89 ايش بيسوي وبرضه ضد بيروزي الفريدي كان مو اوكي ليش ماغيرتة وحتى ضد الأتفاق لم يغير الكوري وهو واضح علية الأرهاق حتى تم طردة بصراحة لازم يحاسب المدرب مو كل سنة يجي مدرب ويتخبط وبعدها يلغى عقدة لازم يحاسب من بدري مانبي نخسر آسيا المره هاذي عالجوا الأمور من بدري. إذا فات الفوت ماينفع الصوت... اتمنى ان لانبكي على لحن الرحيل مرة اخرى |
كلامك جميل جدا مشكلة الفريق في الدفاع وفي مهاجم يسجل من انصاف الفرص اما الوسط فعندنا وسط ناري بكل المقايس |
كلامك في محله بس مشكلتك انك صريح مثل اللي عندك بصورة النعيمه والناس ما تحب الشي هذا مشكور |
شكراً لمروركم وبالنسبة لصراحة هذا واقع ونشوفة تغيير المدربين غلط وبالنسبة لمعسكر دبي ماستفاد منة المدرب والدليل تخبطة وياليت يرجع مدرب اللاولمبي وانتم شفتم كيف الزعيم ضد النصر وضد الاتحاد ولما جانا السيد ايفان هسيك في المباراة النهائية ضاع الهلال على فكرة هيسك لم يفوز ألا امام الاتحاد فالدوري فقط والاتحاد كان متهالك والباقي كلها تعادلات حتى في معسكر دبي لكن الله المستعان |
أبعاد المدرب و الأجانب+قلب دفاع+هداف افريقي او برازيلي+ ظهير ايسر+ عودة مدرب اللاولمبي بونان وسامي مساعد له =بطولة آسيا البطولة الحلم يا إدارة الهلال هذا ليس كلام عاطفي هذا الواقع هذا من مشجع لزعيم عمرة 39سنة بدون فلسفة ومثالية يإدارة الهلال تبون الاسيوية نفذوا هذه المطالب الكتاب واضح من عنوانة لن يفلح الهلال إن بقي الأجانب والمدرب.... |
هذا شي مفروغ منه اسيا باي باي دام فيها خيرات والمرشدي ونامي والشلهوب والكوري والحارثي ابداع صراحه |
كلامكـ عين الصوااااااب ...... ووجهة نظر تحترمـ...... اجانب الهلال لن يعملوا الفااارق .....والدليل الهلال يقدم اجمل المستوياااااات بدونهمـ.. |
بن جبلة مرورك شرف لي وتعليقك فخر للموضوع ومع هذا المدرب لن يشرفنا الزعيم بكأس آسيا والكتاب واضح من عنوانة اسئلني انا اتابع الزعيم من ثلاثة عقود هذا المدرب لن يفيد الهلال لا بالآسيوية ولا بكاس خادم الحرمين. غداً لناظره قريب |
الله يستر من المدرب ومن تغريدات التويتر هذا الواقع شأنا ام أبينا |
انا معك ياصاحب الموضوع في كل شي الا شي واحد انك ماتجيب صانع لعب اجنبي لازم صانع لعب لانا في الهلال مافي الا الشلهوب صانع لعب صريح هذي النقطه الاولى والثانيه مانستغني عن اجنبي محور .. لانا تعرف المنتخب اغلبه من لاعبين الهلال وكثره الاصابات الاعبين والنقطه الثالثه الي انا معك فيها هي قلب الدفاع ومهاجم خطير .. اما سالفه انك تجيب اجنبي ظهر ماينفع كذا انت خسرت مركز في لاعبين محلييين راح يسكرون الخانه بس يبيلهم طرح الفلوس تجيب الرؤؤس *_^ |
كلامك جميل جد ماتقصر اخي تقبل مروري |
كثير من المواضيع قد اختلف معها في بعض النقاط و أتفق مع البعض الآخر .. لكن في موضوعك هذا أتفق معك في كل شيئ كتبته ,, لقد عبرت عن كل ما يدور في قلب كل محب هلالي ,, ياليت قومي يسمعون ,,,, |
يارجال خل الاداره تحفر بالاسويه هم اصلن ياخذون بطولات بالدوري السعودي يقولون خلاص خلاص قوي الفريق ما يدرون ان الاهلي والاتحاد وحتى الشباب ما هو بعزهم ما في منافس يا اداره المحليين مو مقصرين ما عدا الزوري والمرشدي ما هو مقام الهلال حتى الهجوم مو مقصر المحياني كل ما طب سجل هدف وهذا الحارثي في مبارة الرائد حرث الملعب حررث ما قصر جاب هدف والوسط ماشاء الله بس الحين الخخلل واااااااضح جدا المدرب والاجانب يا ناس يا عالم يا اداره جرب بس ابيكم تجيبون مدافع وظهير بدال الزوري المفهي ومحور عليه العلم دفاااااعي بحت ولاعب هجوم على مستوى وسريع زي فكتور شو فو الاتفاق كيف مأمن الدفاع اولا شوف كيف لعبهم على فكره ترا الوسط هم الي يسجلون ويحسمون المباريات مو الهجوم اتمنى كلامي يوصل لعبدالرحمن بن مساعد |
شاكر مروركم وارائكم ونتمنى تخطي دور الـ16 في بطولة آسيا ومن ثم احداث نقلة بالفريق من إدارة الهلال |
ياليت قومي يسمعون ويعطون المدرب فرصة حتى نهاية الدوري وبعدها خلاص اذا مانفع وانا واثق انو ماينفع يرجعون بونان حق اللاولمبي |
| الوقت المعتمد في المنتدى بتوقيت جرينتش +3.
الوقت الان » 09:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd