|
اللي يقول ناصر الشمراني هداف بسبب البلنتيات يدخل هنا ويعرف شي مره حلو .. ناصر حقق هداف الدوري 3 مرات عام 2007/2008 (18) هداف عام 2008/2009 (12) هداف عام 2010/2011 (16) هداف عام 2011/2012 في صارع على قائمة الهدافين بـ (17) اهداف ااهداف ناصر في جميع الانديه في الدوري فقط - الاتحاد (7) - وطني (7) - نجران (7) - القادسية (7) - النصر (6) - الاتفاق (5) - الاهلي (5) - الوحده (5) - الرائد (4) - الفيصلي (4) - الهلال (4) - التعاون (4) - ابها (3 ) - هجر (2) - الانصار (2) - الفتح (2) - الطائي (2) (76) ( 20بلنتي من 76هدف ) ... - الاتحاد (3) - الفتح (2) - القادسية (2) - وطني (2) - الاتفاق (2) - الهلال (1) - الاهلي (1) - التعاون (1) - هجر(1) - ابها (1) - الفيصلي (1) - نجران (1) - الرائد (1) - النصر (1) |
ناصر اثبت نفسه خلال الـ 3 مواسم الماضية واعتقد هذا الموسم الرابع له فهو هداف بالفطرة لاعب متمكن وسريع وصاحب بنيه جسمانيه كويسه واضف إلى ذلك والميزة هذي ماتلاحظها الا عند نادرين بالمهاجمين السعوديين وهو تمركزة المميز يذكرني بتمركز ياسر سابقاً من يقول ان ناصر هداف للبلنتيات انا اقولك جاب اهداف بجميع الاندية الكبيرة والصغيرة واولها الهلال بالرغم ان المدافعين دوليين ويطالبون بالاحتراف اخيراً : بوجهه نظري المتواضعه ناصر افضل مهاجم خلال الـ 5 سنوات الماضية |
ليه اهو تسجيل البلنتي سهل يبيله تركيز وهدوء اعصاب |
. دنيا حظوظ بغض النظر عن البلنتيات اللي تمثل 55% من اهدافه نلاحظ ان الـ 45% الباقيه كلها حظ مثله مثل ماجد عبدالله او وليد الجيزاني او طلال المشعل كور توصله مقشره عند المرمى بس حط رجلك و روح احتفل ! لو انا مدرب و قالي رئيس النادي وش رايك نتعاقد مع الشمراني و هو موافق ينتقل بالمجان اقسم بالله ما اوافق لاني ابحث عن مهاجم كامل مهاري - مميز في الكرات العاليه - قدم قويه - ذكي وش ابي بمهاجم ما يملك الا الحظ اللي مدري متى بيشتغل معه و يسجل مع ان الشمراني الحظ شغال معه 24 ساعه بس ولو |
الله لايضره الرباط الصليبي كم انتهى لاعب بعده وناصر ماشاء الله عليه اصيب بقطع مرتين بالصليب ورغم ذلك عاد هداف لفريقه وللدوري يعطيك العافية اخوي |
يعني وش تبونه يسوي ؟:d مهاجم مطلوب منه شي غير تسجيل :d؟؟ بالتوفيق لناصر بعيدا عن الهلال |
يكفي انه المهاجم الوحيد اللي مستواه ثابت من خمس سنوات تقريبا :smilie47: حتى وهو يصاب بالرباط يرجع السنه اللي بعدها وياخذ الهداف :s5s: ماشاء الله تبارك الله وهذا كافي لان تجعله افضل مهاجم سعودي حالياً :yes: |
الله يوفقه وبصراحه يستاهل يكون هداف حتى لو اهدافه كلها بلنتيات عطني مهاجم يسجل حتى بالبلنتي مشكلة وسطنا الرياضي ابتلى بالحسد والحقد اعوذ بالله |
ناصر لاعب هداف سواء بلنتيات او غيره وبعدين من غير المعقول ان لاعب ياخذ الهداف اكثر من مرآآ بالصدفة او الحظ الله يوفقه يعطيك العافيه |
إقتباس:
سؤال يابطل:d وش وظيفة المهاجم ؟ - الدفاع .. - تضيع الفرص .. - تسجيل الهداف .. :s3s: قال ايش الدنيا حظوظ ياعمي ارقد بس ... |
ولا يزعل منى الهلاليين والله انا اعزهم واحترمهم لكن والله الحقيقه لو ناصر الشمراني في الهلال والله القحطاني اوت من بدري |
^ وش دخل ياسر :D ؟ اغلب العيال يمدحون فيه بزود ! الا غصب بتدخل ياسر :D شسمه ترا ياسر مع العين :D |
ناصر جاهـ رباط برجليه الثنتين وماشالله عليه هداف الدوري غيرهـ ولا إصابه وهبووط بالمستوى !! تحيآآتي لك يَ صاحب الموضوع |
إقتباس:
ياحبيبي الهلال ولاعبينه على عيني وراسي بس اقول انا انه ناصر مظلوم اعلاميآ لو كان ناصر في الهلال كان ناصر اسطوره الان والله العظيم ياسر ولا مره جاب الهداف لكن الاعلام ينصفه |
وازيدكم من الشعر بيت العام وقبلها كانوا يقولوا ناصر جاب لقب الهداف لان وراء في الوسط عطيف وكماتشو ... والان هذا الموسم لاعطيف ولاكماتشو ,, هو الهادف بدونهم وهو الصنع للاهداف بدونهم ... |
| الوقت المعتمد في المنتدى بتوقيت جرينتش +3.
الوقت الان » 05:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd