بسم الله الرحمن الرحيم
,, صبَح الله الجميع بَ آلخيـر تلاحظوني اغلب مواضيعي في آخر الليل طآلع راعي سهرآت
آلزبده آلقضيه وآلموضوع اللي بتكلم عنه قضيه جدآ هآمه وحيرت الجميع بماف يهم آحلآم قآم تهلوس الله يصلحها من كثر
مافكرت بآلقضيه آلمهم ,, [ التســول] .. ظآهره قديمه جدآ منذ عصر الجاهليه يمكن وقبل الميلأد
آلمهم آن هآالسالفه مآوقفت ونسمع عن مكآفحه التسول ومكآفحه الحشرآت ولاشفنآ لاهذي ولا الثآنيه كل وحده تقول للثآنيه
آنآ آبرد منك ,, في وآحد دآئما نحصله فالفيصليه عند البوابه انا و ولد خالتي لابس ثوب و ولد يتسول بس وسيع صدر
وبطيب نيه يعني مايلف ويدور ومن كثر مانشوفه انا و واحد من العيال صار لاجينا يوقف السياره ويقول ياسمو الامير كيف حالك
ومن هالكلام يرفَع فيني شوي وانا تحمست فكرت اني اجي المره الجايه بـ بشت ولله آن هالادمي قلبه طيب جدآ ولد حبوب ولا يلف ولايدور
ويعطيك احوال السوق اليوميه يعني يقول اليوم ممنوع دخول ولا يقول في تفتيش عند البوابه الثانيه كلما جينا وقفنا وسلمنا عليه
وعطيناه مما اعطانا الله سبحانه قبل فتره من الايام الماضيه القريبه العاجله ... انا و ولد خاآلتي اللي معي نمر بحآله مآديه نقول يمه ارحمينيطفره ماديه وبطاقات الصراف بالعها الصرآف ومآغير عايشين بَ المظآهر المهم وقفنا عند كنتآكي اللي قبل الفيصليه بطريق العليا <~
يعني كننتآكي قبل الفيصليه بيصير فـ طريق البطحاء ,,
المهم قمنا نشوف كم معنا ومن ريال ومنا 5 وشرينا وجبه دنر كنتآكي اللي كآنهآ بروستد وتقاطينا فيهآ واتفقنا انني باخذ الفخذ والصدر وهو ياخذ الباقي
وجآيبين ببسي وسط مره يشفط هو مره انا <~ برىآ ,,
الزبده شوي جالسين ناكل ونحمد الله ويعنني الا اشوف هالولد اللي قلت لكم عليه داخل المطعم ورايح يطلب سطل كنتاكي اللي فيها 15 قطعه
اح اح والله قمت لحقتها سلامات وش عندك شخبارك قال هلا الامير شلونك ,, اقول بنفسي لو تدري اننا متقاطين بوجبه كآن تصدقت علي ياسموي الكريم
المهم قلت شخبارك وينك ووكذا قال موجود والله بس هالمره جاني حق الامن فالسوق وعطاني 30 ريال عاد قلت بشتري عشاء لاخواني يبون كنتاكي ,,
يالله كنتاكي وسطل ماشاءالله الله يزيد ويبارك لك ان شاءالله قلت طيب كنتاكي غالي قال لا عادي احنا نحب المطاعم الشخصيه
يالله وقتها انا بغيت اقوله عطني العشره حقتي اللي عطيتك اياها ذيك اليوم <~ برى
بس جد كنت بقوله طيب باشر لي بصدر دجاجه ولا بطاطس ولا ماينيز اي شي ,,
فا الزبده من الموضوع هل ظاهره التسول اصبحت موضه وحركآت ولا وش وضعها بالضبط ,,
اكيد الواحد يتصدق والنيه على الله والله لايحرم الجميع الاجر ويجعلها في ميزان حسنات الكل
لكن عند الاشارات والاسواق وغيرهآ الظاهره من خبرنا نفسنا للحين هيّا هيّا مافي اي تغيير !
وشكرا

يعطيك العافيه
والتسول ظاهره قديمه ومستمره
واغلب اللي يتسولون كذاابين تشوفه زي ماقلت اليوم يتسول
واليوم اللي بعده تشوفه عند محل راقي
الفقير جد عزيز نفس ما يتسول
تحياتي

صبـآحگم رضـآ الرحمـن>>أول مواطـنهـ بالمنتدى ترد الصبـاح

التسـول منتشـر گثيـر
وليتـها وقفـت ع الي يتسولون عنـد الإشاراتـ
أذگر قبـل العام كان البيـت خالي الا من وجودي أنا واخوي
طـق البـاب آتضـح لنا أنها مـره

إقتباس الرسالة الأصلية كتبت بواسطة سمو الهولـاليهـ صبـآحگم رضـآ الرحمـن>>أول مواطـنهـ بالمنتدى ترد الصبـاح التسـول منتشـر گثيـر وليتـها وقفـت ع الي يتسولون عنـد الإشاراتـ أذگر قبـل العام كان البيـت خالي الا من وجودي أنا واخوي طـق البـاب آتضـح لنا أنها مـره كلمتها من ورى البـاب قالت جارتگم أم فهد من الدلاخهـ والكمـاخهـ مسويه فيها راعيـةة بيـت دخلتـها وسويت لها قهوه شويتيـن الا أمي جايهـ بعدهـا جلسـت تقول زوجي مسجون وحالتنـا صعبهـ وتعطيـنا من الرخيـص عطتـها أمي.. وبعـد تواصـل الوالـده مع زعيمـات الحارة قالوا أن جات سيـارة:تاگسي ونزلـوا منها كذا وحـده وكل وحده راحت لبيـت الله يـگفينـا شرهم والفقيـر صدق نفسهـ عزيزه عـذراً على الإطالةة بس إذا جاتگم أم فهد ولا وحده من خوياتها لاتفــتـح ــون

والله تقريباً زيكـــــ
,,,,,,,,,

إيوه يا ميشو خشينا على المتسولين بعد
بس ما شاء الله عليه مرفه عن نفسه ابو الشباب
بس حلوه سالفة الترفيع انا لو يقولي سمو الامير صدقني يمكن اجيب له مفطح
الا على طاري السطل مره مسكت معي انا وواحد من العيال الا نشتري
سطل من كنتاكي ونلعب فيه حنا الاثنين
طبعا اتفقنا ناكله كله ومن غير خبز وكان الوضع غير طبيعي بتاتاً البته
حبيب قلبي مشمش التسول هو من المشاكل اللي ما لها حل ..
مهما طال الزمن بتشوف متسولين وتشوف نصابين حتى لو رحت لدبي

تسلم يا صديقي على هيك سهره وهيك موضوع
تحياتي لك دائماً .

ههههههههههههههههههههههههههههههههههههههه والله حاالة كما تمنيت التشدد في مسألة مكافحة لتسول لان من جد واضح اغلب المتسولين انهم مو من السعودية شيء يدعو الانسان الى التامل والتفكير

الشيء اللي يقهر انهم يحصلون فلوس مايحصلها الموظف

اخ يا ذا التسول
شوف ياخي الفقير عنده عزة نفس ويستحيل ان يمد يده بهالـ طريقه هذا اولا
ثانيا لو كل الشعب اتخذ موقف من هالمتسولين كان حنا بخير لكن انا اللحين اقول ماني معطيتهم ولا فلسن حمر تجئني وحده تقردني و تكسر خاطري اروح أعطيها بسخاء بعد ^_^
ثالثا لو يتفعل دور الجمعيات الخيريه والزكاة تروح لمستحقها كان مالقينا فالبلد محتاج

يعطيك العافيه

هههههههههه سطل كنتاكي اجل

والله الحين الواحد مايدري يتصدق ولا لا لان المتسولين بكل مكان واغلبهم كذابين تحصل عنده فلوس مايعلم فيها الا الله ولكن الطمع وحب الفلوس يخليه يتسول ويذل نفسه عشان الفلوس

وتحصله نفس خويك اخر الليل عند كنتاكي هههههههههه

قبل سنة ونص جدتي الله يحفظها راحت المستشفى تزور عمي الله يرحمه
المهم ويجي ذاك الشاب يشحذ جدتي وقالت له الله يعطينا ويعطيك ومن هالكلام الشاب دبل تسبد جدتي لكن جدتي مسكت اعصابها وقالت له أنت شاب وتوك صغير ليه تذل نفسك رح اشتغل شغلة تبعدك عن الشحاذة مثلا خضرة أو غسيل سيارات اعتمد على نفسك
واقتنع بكلام جدتي وطلع من المستشفى

أنا وأخوي كنا عند ماك اللي بطريق الملك عبدالله المهم يجي ذاك الولد ويشحذ اخوي قالي لا تعطيه تراه كل شوي هنا اكرشه
قلت له مانيب معطيه لكن موب أكرشه وأنافخ عليه ويجي ذاك الولد ويشحذ وأنا ساحب عليه ولا فهم وافتح الدريشة واقول الله يعطينا ويعطيك رددتها أكثر من ٥ مرات عشان يفهم

فنصيحتي لكم تبون تتصدقون وتضمنون توصل لأصحابها
ارسل رسالة فارغة إلى الرقم ٥٠٦٠ تتصدق بعشرة ريال لمريض فشل كلوي
أو

٥٠٩٠( دعم كتاب الله)
..
٥٠٤٠ (بناء وقف خيري لإسكان وتنمية إخواننا الفقراء )
...
٥٠٥٠ (تبرع لجمية الأطفال المعاقين)
...

أهلا وسهلا بـ زعيم الـ


متسول سطل العائلة كنتاكي هههههههههههه إيش العنوان الأسطوري هذا


..


أما بالنسبة لخويك يا سمو الأمير .. ما أقدر أعلق على محور الموضوع لأن التسول الآن تحول إلى مهنة .. !َ

بالفعل في عصابات للتسول ..







أخيراً أهديك هذا الفيديو الي يتحدث عن المتسولين ولكنه مغلّف بالفكاهة





Fe2aFala 4 الفئة الفالة - YouTube

^^

جزاك الله خير فعلآ الحق ينفال نادي هلال ازرق هلالي ايه والله <~ شطح

<~ الاسهم لـ العضو نجوم الليل

إقتباس أما بالنسبة لخويك يا سمو الأمير .. ما أقدر أعلق على محور الموضوع لأن التسول الآن تحول إلى مهنة .. !

والله ياسمو المواطن اصبح مهنه فعلا كلامك سليم جدا
بعض الناس الله ساتر عليهم وامورهم ماشيه لكن تعودوا عَ هالشي

إقتباس ماحددت الكنتاكي سبايسي والا عادي ؟!

قصدك ماحددت الوجبه ياعزيزي وش ماحددت الكنتآكي ياظريف

إقتباس اتفقنا ناكله كله ومن غير خبز وكان الوضع غير طبيعي بتاتاً البته حبيب قلبي مشمش التسول هو من المشاكل اللي ما لها حل .. مهما طال الزمن بتشوف متسولين وتشوف نصابين حتى لو رحت لدبي

يامابين السطور ياهووه
بجيب احمد الشمرآني يفسر ردك ,, ماختلفنا التسول بكل مكآن لكن في شي عن شي
يآخي مكافحه التسول مثل مكافحه الفساد اللهم مكافحه الفساد حاطين لهم مبنى جديد
بنهايه طريق العليا وانت رايح للثمامه ودايما فاضي يعني بيحسسوني ان الديره مافيها فساد ابدا

مره طرار << هذا هو الأسم الحقيقي للمتسول لصق في سيارتي في اسواق طيبة وبدا في معلقة الشحاذه اللي استمرت اكثر من خمس دقايق المهم نزلت قزازة السيارة وقلت له : تضن لو اني كاش بتشوفني في طيبة او العويس ؟
شخصيا انا ماني مقتنع باي جهه تكافح التسول لانها مهنه اكثر ماهي ظاهرة والدليل انتشاراها حتى في الدول الغنيه لكن لكل شعب اسلوبة وطريقته وابتكاره في التسول .

إقتباس واتفقنا انني باخذ الفخذ والصدر وهو ياخذ الباقي ,,

انت متأكد انكم تاكلون دجاجه؟

تحياتي ويعطيك العافية .