* من اقدم المباريات اللي اتذكرها للهلال نهائي كاس الملك امام الاهلي و صكهم الهلال برباعية اجملها هدف المصيبيح اعتقد عام 1404هـ
* كذلك هدف خالد الغانم القاتل في الشباب اللي مدد المباراة للاضافي و فزنا بلنتيات
* و اتذكر خماسية للهلال في الاتحاد بدع فيها الثنيان
* و اتذكر ابداعات الثنيان و عبدالرحمن اليوسف و هذال في بطولة الخليج عام 86 و هدف المطر لسعد مبارك اللي حسم البطولة
* و اتذكر في دوري 1406 اللي فاز به الهلال كان اول 3 هدافين من الهلال وهم هذال و الثنيان و اليوسف
* اتذكر اول مباراة حضرتها للهلال في الراكة بالخبر عام 88 وفاز الهلال على القادسية 2/1 سجل هدف الفوز النعيمة
* حضرت المباراة الشهيرة في كاس العالم للشباب بين نيجيريا والاتحاد السوفيتي في الخبر تقدم السوفيت 4/0 و جاب النيجيريين التعادل و لعبوا اضافي وفازت نيجيريا بلنتيات. طبعا كان الحضور مع المدارس اختياري و مجاني عشان يكون فيه جمهور حاضرز
* حضرت نهائي كاس الاتحاد بين الهلال والقادسية عام 1410 في الخبر وفاز الهلال بالبطولة بهدف عبادي وبعدها رحنا فندق الميرديان و تعشينا مع اللاعبين وصورنا معهم و اذكر منهم سامي و التيماوي وصفوق ومحمد التمياط و ابو نيان
* استقبلنا في مطار الظهران منتخب الناشئين الفائز بكاس اسيا في تايلند والمتاهل لكاس العالم في اسكتلندا و اذكر كان مدير المنتخب عبدالله جاسم وصورنا مع الكاس و اذكر من اللاعبين الدعيع و جبرتي و الحمدي و فؤاد انور
* اذكر قابلنا الثنيان بعد تدريب للمنتخب استعداد لكاس الخليج 90 اللي انسحب منها السعودية قبل تبدا البطولة وقلنا عطنا رقم غرفتك في الفندق و عطانا الرقم يوم اتصلنا طلعت غرفة المترجم
*حضرنا مباراة للمنتخب في نفس الفترة استعداد لنفس البطولة مع فريق دنماركي او فرنسي مدري بالضبط بس ماكانت منقولة وسجل فيها الثنيان هدف خرافي من كورنر
اكتفي بهذا القدر و ان اعجبتكم بكمل
و اشكر صاحب الفكرة ,, عز الله انها تنحسب لحسابه