غريبه الاخبار اللي قاعدين نقراها الأيام هذي عن ملعب الهلال يعني معقوله الملعب توهم مخلصين زراعته والكل يقول ان ارضيته صارت شيء خرافي وفي خلال حوالي 3شهور يقولون الملعب يحتاج صيانه لمدة شهر والله لو يلعبون عليه الليل والنهار 24ساعه ما يمديه يحتاج للصيانه بس الظاهر ان الشركه اللي زرعت الملعب أي كلام هذا اللي فهمناه من الاخبار الصحفيه حتى أن الفريق استغل فرصة تأجيل الجوله القادمه من الدوري ورح يمدد بقاءه في دبي لأن الملعب ماهو جاهز.

بالمناسبه والله ملاعب الانديه السعوديه تسد النفس مع ملاعب قطر والامارات خاصة ملعب نادي الجزيره الاماراتي اللي يخلي الاعب المعوق يبدع ،،انا شخصيا يوم اشوف ملاعب انديتنا واقارنها مع ملاعب قطر والامارات احس اني قاعد اتفرج على تلفزيون عايدي من ايام(( اسماعيل ياسين))كئيبه ممله .

ارجع مره ثانيه واقول عسى المانع خير مع ملعبنا اللي تونا بدينا نكشخ بارضيته على الفرق الثانيه وفجئه رجعنا للموال الاول الملعب تحت الصيانه الى اجل غير مسمى.

الاجواء عندنا ماتساعد اي ارضيه انها تنزرع

إقتباس الرسالة الأصلية كتبت بواسطة نزيه المشاعر الاجواء عندنا ماتساعد اي ارضيه انها تنزرع

احترم رأيك بس ياخوي ملاعب اخواننا الخليجيين رووووعه مع ان جوهم زي جونا ..اوروبا ثلوج تخرب كل شيء ومع كذا ملاعبهم تفتح النفس.

يمكن بعد مازرعوا الارضية يكون لازم لها صيانة بين فترة وفترة

اكره التشاؤم والنظرة السوادوية لكل شيء
والإنتقاد لمجرد الإنتقاد والفلسفة على غير سنع
ازيد والا خلاص

انت بكلامك هذا كأنك تعاتب الاداره

الامير عبدالرحمن بن مساعد ما قصر ابد وحول الهلال من ناحية ارضية الملعب والمعسكر الداخلي ومكاتب الاداره الى شي خيالي ما كنا نتوقع يصير في عهد رئيس قبله !!

غير هذا كله جاب اجانب كل واحد منهم بالمبلغ الفلاني وبعد كل هالصرف اللي لو صرفه نادي ثاني غير الهلال كان ما قدرو يجيبون محترف اجنبي واحد

وجاي تقول ليش فيه صيانه

ياخي يمكن المشكله مهيب في الارضيه يمكن في شي ثاني لا تحكم قبل لا تدري وين المشكله فيه

وترا ما يضر اذا قالو الملعب فيه صيانه .. يمكن ما كانو سوو هالصيانه اذا ما توقف الدوري بس لقو انها فرصه دام الدوري متوقف منها يعسكرون في الخارج تغيير للاجواء ومنها ينتهون من سالفة الصيانه قبل يبدا الدوري واسيا

تقبل مروري وخالص احترامي

ماعندي خبره في الملاعب
بس الي اعرفه ان حنا مانفلح في شي ياسبحان الله مانعرف نبي نقلد بس مانعرف

تبخر حلمىِ حول ملعب الهلال الجديد ....

على العموم .. أتمنى من أعضاء الشرف لنادى الهلال أن يتبرعوا بمليون ريال لمدة عام فقط ليكون ملعب الأمير سلمان بن عبدالعزيز فى مقر النادى ، من استيعاب 10 الألاف متفرج إلى 80 ألف متفرح .

أكيد قد يكون سبب الصيانة الزراعة الشتوية والصيفية وهذه تحدث في كل ملاعب العالم ولكن فترة التنفيذ تختلف من شركة لأخرى وأعتقد لو فيه شركة محترفة ما تحتاج اكثر من اسبوعين

شف ارضيه الدره ثم اشره على ملعبنا
ملعب درتنا اشهب تقول شعر مخرج سينما مشيب ~~
وهذا الصدق الحق حق ~~ملاعبنا ارضيتها ماتعرف اللون الاخضر الطبيعي

يااخوي لاتحكم وانت ماتدري بشنو الصيانه شرط بالارضيه!!
والفرق بين ملاعبنا وملاعب قطر والامارات استريح ي بوي
هد اعصابك تبي اتحادنا التوحفه يزين ملاعب
خل يعطون الانديه حقوقهم بعدين طالبهم بملاعب

غياب التخطيط السليم السبب في هذا ولا القطاع الرياضي ورعايةالشباب عندنا تملك ميزانية الحمدلله تقدر تبني ملاعب مهوب زي قطر والامارات صدقني بجمالية البرنابيو وملعب الامارات وغيرها من حيث الزراعة والتصميم الهندسي وغيرها من الخدمات !

الاسلوب هذا من المشاريع معمول به في جميع المشاريع التي تقام في السعوديه

عمل غير متقن ضعيف الجوده يحتاج لصيانات متكرره وتوقيع عقود جديده

ومصاريف جديده وارهاق للميزانيه

إقتباس الرسالة الأصلية كتبت بواسطة monster اكره التشاؤم والنظرة السوادوية لكل شيء والإنتقاد لمجرد الإنتقاد والفلسفة على غير سنع ازيد والا خلاص

لا طال عمرك ماهي نظره سوداويه ولكن شيء غريب ان ملعبنا هذا صيانته بدأت بعد افتتاحه مباشره ...وبعدين ياخي ليش الاسلوب البايخ في الكتابه بس اقول لك ترى كل اناء بما فيه ينضح.

شف ارضيه الدره ثم اشره على ملعبنا ملعب درتنا اشهب