20/02/2012, 08:20 PM
|
 | موقوف | | تاريخ التسجيل: 01/12/2007 المكان: جده
مشاركات: 469
| |
|
فرق الخليج والغربيه والعاصمه ينتظرون الفريدي ...تكفون لايروح
يمكن البعض يستغرب من كتابة موضوع عن الفريدي في هذا الوقت وهو في المنتخب ولكن كلكم ملاحظين الفتور في العلاقه بين ادارة الهلال والفريدي من جهه ..وبين جمهور الهلال وصحافته وبين الفريدي من جهه اخرى...يا ناس والله احمد لاعب محسودين عليه من كل فرق الخليج مو بس من الانديه السعوديه واكيد الكل ينتظر الفرصه عند انتهاء عقده مع الهلال علشان كل واحد يفوز بعقد النجم المبدع...بحكم اقامتي في مدينة بجده وحظوري مباريات الاهلي والاتحاد والله العظيم ان جماهير الفريقين ينتظرونه يجيهم بالذات الاتحاديين وحتى النصراويين مقهورين من ترك الحارثي ناديهم ومخططين على الرد بالفريدي ،،والله((حرام ،،حرام،،حرام))نضيع لاعب خرافي من فريقنا و في نفس الوقت نقوي خصومنا ،ما ننسى خميس العويران واحمد الدوخي كيف علشان شوية فلوس ضيعناهم ورحنا نجيب بدالهم بملايين وما استفدنا منهم .
يمكن البعض يقول الهلال ماعمره وقف على لاعب مهما كان أسمه وهذا الكلام صح بس ليش نفرط في موهبه نادره وجوهره ثمينه بكل سهوله .
الفريدي لو ترك الهلال ماراح يكون السبب نواحي ماليه لأن رئيس الهلال مايقصر مع النجوم ولكن نواحي نفسيه بسبب صراخ الجمهور عليه بسبب وبدون سبب وبعض اللعيبه نفسياتهم تتأثر من اعتراض الجماهير على طريقة لعبه مع العلم أن طريقة الفريدي في اللعب مميزه ومطلوبه من المدربين أما حكاية البرود احيانا فلو كل هجمه سجل منها الاعبين كان شفنا نتايج المباريات من فوق العشره.
أتمنى من الاداره نسيان حكاية رسالة الفريدي لأنا لاحظنا من بعدها ان الاعب بدا يتجمد على دكة الاحتياط وهذا بيزيد الاعب تحطيم نفسي وأكيد بيفكر في الانتقال وبقوه ..وأتمنى من الجمهور الوقوف مع نجوم الفريق بما فيهم الفريدي حتى في حال الاخفاق لأن الاعب بشر مثلنا يصيب ويخطي واحيانا يكون ماهوفي مستواه ولكن الأكيد ان نجومنا يلعبون علشان يسعدون جماهير اعظم فريق خليجي. |
الوضع الشجري
