[c]
السلام عليكم ورحمة الله وبركاته
واسعد الله اوقاتكم بكل خير ..

الله يخااااااااارجنا بس ..

& يقول المثل .. ( يامن شرى له من حلاله علة )
يجيك الواحد منا << حنا يالشباب .. في ريعان شبابه ..
وش زينه ووش ملحه << اسم الله علينا من هالعيون >>
وخالي من السكر والضغط << والكحول
وقال : ابي اتزوج !!
(( ياأبن الحلال انت .. انت وش تبي بالغثاء ووجع الراس
.. انثبر .. وخلك عزوبي اصرف لك ))

وتمسك معه ويعاند الا يتزوج !! << جنت على نفسها براقش !!
المهم يبدأ رحلة الالف هم .. بهم ..

ياخذ امه وابوه .. ويالله .. رايحين يخطبون
& يجون عند اهل البنت .. خطيبة الفلس ..
ودجة الضحى .. قصدي زوجة المستقبل
العم على نياته في البداية .. يوزع ابتسامات ..
ويرحب ويهلي .. هذا قبل يدخل يشاور ..
فاتحوه بالموضوع ..
(( ياابو فلان .. حنا يسعدنا ويشرفنا ..
نطلب يد كريمتكم لولدنا )) << ولدهم مرتكز ومشخص
كنه بيجيب كاس العالم ..
الله ياهالغنيمة اللي رايحٍ
تدورها تبي تجيبها .. << ليتهم ارقدوا بس
العم : والله هاذي الساعة المباركة ..
وحنا ماراح نلقى مثل هالولد زوج لبنتنا << هالحين مايلقون مثله .. بكرة تعايره تقول ان خطابها
كانوا طوابير عند بيت ابوها .. وكلهم دكاتره .. وطيارين ..

ويكمل العم :
(( بس مثلكم عارف لازم ناخذ رأي البنت وامها ..
وهذا الاصول والشرع )) << وهو لو تطلب منه
النظرة الشرعية خمك بالدلة
واستأذن يبي يشاور المافيا اللي جوا ..
قصدي البنت وامها ..
ساعه الا العم جاي .. ووجهه تقول
جاي من سفر .. وماسك خط يومين
هاااااااااه بشر !!
( الف مبروك وانا عمك )
خطيب الغفلة مو مصدق يبي يطير من الفرح
<< اركد يالخبل بكرة تشوف بعينك ويطير عقلك موب انت
العم :بس الحريم وانا عمك لهن شروط !!!
> ويطلع من جيبه ورقه وش طولها ..
تقول مسجلين فيها مقاضي رمضان السنه ذي ..
والسنه الجاية < ...
ويعطيها للخبل اللي جاي يخطب ..
خطيب الغفلة يقرأ ..
1- العرس يكون في القصر اللي اعرست
فيه بنت عمها ساره << انا اعرفها هي عشان
اعرف بنت عمها سارة .. وانا ادري وين اعرست !!

2- السكن .. مايكون مع أهلك ولا في الحارة
اللي هم فيها .. واذا كانوا بشمال الرياض
تسكنون بجنوب الرياض
<< الله اكبر .. يعني تتحملون مشاكل وروائح
جنوب الرياض ولا تتحملون قرب اهلي

3- تجيب فرقة الطقاقات اللي طقن بعرس
بنت خالتها شيخه << وهن مايعرفن هالفرقة لو تجي ..
لان الطقاقات نفس الصوت ونفس الاغاني ونفس الون

4- طلبات الذهب والمجوهرات << للبنت وامها وخواتها
وعماتها وخالاتها وللجيران والظاهر الشغالة بعد ..
<< ياعالم تراه ذهب مو مكسرات

وطلباااااااااااات مالها اول ولا آآآآخر ..

& المهم الضعيف انصدم بالامر الواقع ..
وش يسوي الا يتزوج .. راح وتحمل من هالديون والاقساط ..
عشان يجيب الطقاقات اللي جن بعرس شيخه ..



& والليلة العرس .. بالقصر اللي اعرست فيه سارة ..
ومبسوط الولد ناسي الديون والنكد اللي ينتظره ..
وبدأ شهر العسل وفي هالشهر ويمكن
الشهرين اللي بعده .. ياعيني على هالزوجة .. ملاك ..
ومطيعه .. وتقدر ظروف زوجها .. تستقبله بابتسامه ..
وتودعه بابتسامه .. والدلخ رايق ومبسوط ..

& بعد مرور هالفترة .. وبداية الاقساط ..
وبدت الزوجة الملاك بممارسة الدور الطبيعي
للزوجة من وجهة نظر امها .. قصدي من وجهة نظرها ..


مشهد (1)
جاي من الدوام تعبان .. يبي يتغدا وينام ..

مساء الخير حبيبتي ..
انت جيت ؟ << اجل من ذا شبح ؟ ..
يالله عيوني حطي الغداء على بال ماابدل ملابسي
اليوم ماطبخت .. توني صاحية .. جب لنا غداء من المطعم << من زين هالعذر توني صاحية !!
اجل خلاص .. انا بنام مابي غداء << واصله معه


مشهد (2)

اقول ترى بكرة بروح المشغل .. ابي فلوس
المشغل وشو له ؟؟
عشان افصل ثياب للعزيمة ليلة الخميس !!
ليه كل عزيمة لازم تلبسين جديد ؟؟
ايه .. كل اللي عندي شافوهم الحريم !!
(( الله .. يعني اذا شافوه ماعاد تلبسه .. صارت مناديل موب ثياب ))


مشهد (3)

اقول .. انت .. هيييه << خلاص ماعاد تعرف اسمه !!
هلا ..
جب لي شغاله .. كل الحريم عندهن شغالات !!
شغاله وشو له يابنت الحلال ؟؟ انتي توك شابه والحمدلله متعافيه ولا فيك شئ !!
لا بس الحريم يجون العزايم وكل وحده معها شغالتها .. وانقهر ابي شغاله مثلهن !!
(( حشا صارت اكسسوارات موب شغاله ..
عاد انتي وش تسوين بالبيت انتي وهالدمجه ..
الاكل من المطعم .. والغسيل بالمغسلة ..
فالحة بس تقرين مجلة سيدتي :54: )) ..


@@ واذا ماجاب هالطلبات .. يا أما ينام بالمقلط ..
ولا رايح جاي لبيت اهلها .. مرة يوديها زعلانه ..
ومرة يجيبها راضيه بهدية ولا مبلغ وقدرة ... !!



(( خلك تستاهل يالخبل .. من قالك تزوج ..
هاه وش حصلت غير الضغط والسكر ..
عاد كنك متزوج ماادري من )) ..





تحياااتي للجميع ;) ;)



لحظة خلوني اسجل خروج .. انحشششش [/c]

موضوع رائع كروعة إستهلال الهلال ..

لــــــي عودة مطولة ...

[c] اعجبنتي هذه المقدمه و
اعجبني من المشاهد الاتي

المقدمه:




(( ياأبن الحلال انت .. انت وش تبي بالغثاء ووجع الراس

انثبر وخلك عزوبي اصرف لك ))

<< << وهو لو تطلب منه
النظرة الشرعية خمك بالدلة

واستأذن يبي يشاور المافيا اللي جوا ..
قصدي البنت وامها

<< وهن مايعرفن هالفرقة لو تجي ..
لان الطقاقات نفس الصوت ونفس الاغاني ونفس اللون

<< ياعالم تراه ذهب مو مكسرات

وبدت الزوجة الملاك بممارسة الدور الطبيعي
للزوجة من وجهة نظر امها .. قصدي من وجهة نظرها ..


مشاهد اعجبتني

المشهد الاول

اليوم ماطبخت .. توني صاحية .. جب لنا غداء من المطعم << من زين هالعذر توني صاحية !!

افا راح ينام اجل طلع رخمه


المشهد الثاني


(( الله .. يعني اذا شافوه ماعاد تلبسه .. صارت مناديل موب ثياب ))

افا يعني راح يفصل لها فستان السهره
اقولك رخمه


المشهد الثالث


اقول .. انت .. هيييه <<<< والله من الدباشه يرد عليها بنعم

(( حشا صارت اكسسوارات موب شغاله ..

عاد انتي وش تسوين بالبيت انتي وهالدمجه ..
الاكل من المطعم .. والغسيل بالمغسلة ..
فالحة بس تقرين مجلة سيدتي :54: ))

لا واللي يقهرك تفتح على صفحة مائدة الاسبوع او صفحة الاكل بشكل عام



خلك تستاهل يالخبل .. من قالك تزوج ..
بعد الزواج بيقول





الله يكون بعون كل متزوج حاله مثل هالدلخ
دجاجة زوجته
تحياتي لك ولكم ,,, [/c]

لو اني مثل هالأخ ما كان والله تزوجت بس الحمد لله ان زوجتي ملاك (ماهو بالاسم )

بل بالفعل وبالنسبة للاقساط شر لابد منه ليه ما ادري يمكن الواحد بعد ما يتوظف ما يقدر يجمع له كم

قرش تلقاه مستعجل على العرس وبأي ثمن وبعد العرس يحس انه استعجل بعد ما يطق بابه راعي

الاقساط

..

مرحبا بالكاتب المميز إستهلال الهلال ..

مرحبا بك بين الزعماء من جديد وبموضوع جديد..

ما شاء الله عليك مبدع مثل عادتك ..

يعني باختصار رأيك (( نفكر )) بالزواج وإلا لا ....

معليش رديت عليك رد سريع مع إن الموضوع يستاهل رد مطول ومفصفص لكن تدري الدنيا حرب ولا ودنا نطول بالموضوع الواحد أخاف يجينا صاروخ .. <---- الله من زين العذر ..


الف مليون شكر لك يالغالي على هذا الموضوع الرائع ..


وتقبل خالص تحياتي ،،،

أخوك / البارق

ما يخالف هو يحصل الحين ونتفاهم على الباقي بعدين ;)

أقووووووول أستهلالوه خلك على غلاتك بس

إلي يبي يعرس يجيني وأنا اقنعه خخخخخخخ

مو حالياً نعتبر متزوجين خخخخخخخخ

أقوووووووول

مو كل بنت تتطلب

مثلك عارف بس مو عارف الهلالي لا

المهم

أعطيك مثال شخصي خخخخخخخ

تصدق عاد أني دوخت الولد وعذبته هذا قبل لأوافق
خخخخخخخخخ

ظليت قرابة أسبوع وأشوي وانا اقول لهم لالالالالالالالالالالالالالا

وفي الأخير قلت أي

خخخخخخخخخخخخ

<<< وحده فاضيه ترى

المهم

هم بس أسمعوا أي على طووووووول قالوا الأسبوع الجاي الملكة

علشان ما أغير رايي

شروطي أبد ما في مثلها وشرطتها للضروره لا غير

أكمل الدراسه ,اشتغل,,, وشقه لازم في عايلتنا
لازم تشرطها ولا تروح فيها

ومع ذالك حالياً بأسكن مع أهله

يعني صبها حقنه كلها لبنه

هي هي
شرطنا ما شرطنا كل واحد

أهم شي الولد ومسكناه ونعرف شلون نشكله
وتراه سريع التشكيل بعد

لدرجة أني غيرت أسمه من بوفلان
إلي بو نايف
خخخخخخخخخ

<<< دغاشه

تسسسلم على الموضوع الرائع هذا

ونبي رديه للموضوع بالشكل الثاني

ولا تدف عاد ;)

تحياتي لك: أم نايف

[c] اقول واحد يمسك الباب لا تدخل شهد وانا احش

اقول العزوبيه زينه والزواج يعني مو زين مررره
لكن نصيحه تزوجوا واذا ما اعجبتكم خلوها تلصق في حلوقكم

اما المتطلبات فياكثرها
كنك رايح تخطب سندريلا على غفله


الحل اللي متوهق بزوجه يهدد بالزوجه الثانيه وشوفوا كيف تطيعكم
واذا ما طاعت قل باخذ سوريه ((تهون عندهم السعوديه ولا ياخذ سوريه ))


ويسلموا استهلال دائما قلم متميز [/c]

خلاااااااااااااص هونت ما ابي اتزوج

ما فيه احلى من العزوبية

تحياتي لك ..