|
هذه مشكلتي .. فأين أجد الحل..؟؟ احبتي .. اخواني واخواتي في هذا الموقع العظيم .. سلام عليكم جميعاً من الله ورحمة منه وبركات .. وبعد ،، هي ربما رسالة أريد إيصالها لمن يهمه الأمر ، أو ربما هي مشكلة أو هي مشكلة بالفعل .. ومعظم مجتمعاتنا العربية تعاني منها .. وهو بلاء نسأل الله التخلص من هذه العادة القبيحة عاجلاً غير آجل بفضل من الله وكرم . اخوكم يعاني من كره شديد ( للتدخين ) بل قد لا يصدق البعض أنني اتحاشى الإلتقاء بأحبة وأصدقاء ممن ابتليوا بهذا الوباء .. وكم أشتاق للإلتقاء بهم ومجالستهم والحديث معهم ، لولا أنهم لا يستطيعون كبح جماح انفسهم ، ولا تقدير إخوانهم غير المدخنين فهم لا يتوانون عن مواصلة حرق صدورهم بهذا السم الزعاف .. !! ولعّل ما شجعني على كتابة هذا الموضوع هنا هو طلب أحد الأطباء بأن اترك التدخين فهو مضرّ بالصحة ومسبب لكثير من الأمراض ، فصدقت معه بأنني لا أدخن ولم ادخن إطلاقاً ، فقال لي بالحرف الواحد : ما تكدبش عليّ ..!! وأقسمت له بأغلظ الإيمان بأنني لا أدخّن ، وتفاجئت عندما أردف بأن التدخين السلبي هو أكثر ضرراً من التدخين نفسه ..!! والتدخين السلبي هو مجالسة المدخنين وتلقف سموم سجائرهم أعاذنا الله وإياكم منها . السؤال .. متى نصبح مجتمع واعٍ ؟؟ إن ابتلينا بالتدخين فلم لا نستخدم غرفاً أو اماكن خاصة لذلك .. ثم وهو الأهم لم لا نحاول قدر المستطاع أن نترك هذه العادة السيئة ؟؟ فالكثير وللأسف يدخنون بكل مكان حتى في المطاعم والأماكن العامة التي يشاركهم فيها كثير من الناس ..!! هذه مشكلتي بين أيديكم .. فماهو الحل الأمثل برأيكم ؟ وكيف يمكن لنا القضاء على هذه العادة القبيحة ؟؟ .. والسلام عليكم ورحمة الله . |
الله يلوم اللي يلومك من جد اللحين هالعالم ليه تحرق نفسها بالتدخين ؟؟! ضياع مال و ضياع صحه و ضياع دين !!!! اصلا انا ما ادري ليه ما يمنعون منتجات التبغ من الدخول لاسواقنا ؟!! اسأل الله العلي العظيم انه يرفع عن المدخنين و يفكهم من هالسم اللي يستنشقونه يااااارب يعطيك العافيه |
يعطيك العافيه والله وانا أختك مشكله التدخين مشكله حلها صعب والحل بيدالمدخن نفسه الله يهدي المدخنين جميعاًلانهم موبس يضرون انفسهم:mad: حتي اللي حولهم يتضررون :cry: لك ودي:rose: |
نسأل الله الرحمن الرحيم ان يهدي شباب المسلمين ويرينا وأياهم الحق حقا ويرزقنا اتباعة ويرينا الباطل باطلا ويرزقنا اجتنابه |
آلله يعطيك آلعآفيـة أخوي على موضوعك و صيآغك آلرآئع .. أنآ ربي بلآني بآلدخـآن للإسف .. صآر لي أدخن تقريباً 10 او 11 سنـة .. بس أسأل آلله آلعلي آلقدير يعيني و يسآعدي في قطع هذآ آلسم آلهآري .. وبآلنسبـة لـ مجتمعنـآ فيه نسبة كبيره من آلمدخنين ومثل مآ إنتو عآرفيـن مآتقدر تمنعهم إلآ بآلمكآن آلخآص فيك شخصياً غير كذآ مستحيل وليس من حقك أبد .. بس آللي يجب على آلمدخن يحترم و يقدر وضع آلغير مدخن مثلاً مآيدخن في المجمعـآت آلتجآريـة لأن بهذآ آلشيء يكون ضرر كبير على الأطفـآل و الحريـم وآللي مثل حآلتك أيضـاً وللأسف آلشديد حآلياً أصبحت جميع آلأمـآكن تضع قسم خآص للمدخنين بس آلريحه تنتشر بآلمحل كآمل على سبيل آلمثآل آلمطآعم يقولك يمين آلغير مدخن ويسآر للمدخن ومآيدري إنو آلريحه بتوصل لهم يعني على قولة آلمثل ( يآبوزيد كأنك مآغزيت ) مآ نقول إلآ آلله يهدينـآ و يهدي آلجميـه و نرتآح ونفتك من آلسم آللي نشربـه ,, دعوآتكم :) |
الصراحه موضوع جميل , فعلا التدخين مشكلة والصراحه والله اني صرت اكره اني اروح للشباب واقعد معاهم بسبب التدخين اولا شي تختنق من الريحه ثاني شي راسك يصدع ثالث شي الريحه تصير كلها بملابسك وفوق هذا والمشكلة الاعظم انك تعتبر مدخن عن طريق التدخين السلبي الي يحصل لك صرت كل ما اطلع منهم اروح اودي ملابسي الي جيت فيها للمغسله عشان الريحه الي صارت فيها وحاليا صرت افضل اقعد بالبيت ولا اروح لهم والمدخنين عندنا حنا يالعرب للاسف ما يتقبلون اي كلمة واي نصيحه وللاسف بالاخير يا تقنعهم ويتركون التدخنين يا يخلونك مدخن . |
اتفق معاك بكل كلمة اخوي ^ مستريح البال ^ , وللأسف أنا نفسك عندي نفس المشكلة , إذا ما خاب ظني .. أيام الإختبارات النهائية ( بين الفترتين ) أكثر من نصف الطلاب يدخنون , والمشكلة ما تدري وين تروح أغلب إلي في فصلي مدخنين الله يهديهم .. الله يبعدنا و يبعدكم عن هذا السم و يشفي كل من ابتلي به .. |
- لاحول ولاقوة إلا بالله .. :s5s::s5s: صحيح كلامككك انا عن نفسي دائماً اتحاشى الي يدخنون .. :cry: وشسمةة يجب لي الضيقةة .. لكن المشكلةة النصيحةة في الأغلبية ماتفيد :s3s: الله يصلح الحال ي رب .. شكراً لك على طرح موضوع ممتاز في المحتوى :smilie47::smilie47::smilie47: تحياتي وتقديري .. :smilie47: |
إقتباس:
هلا اخوي والله معك حق في هذا الموضوع بصراحه موضوع التدخين وخصوصا في الأماكن العامة سبب لنا مشاكل كثيرة ، ومع الآسف تجد في بعض الأحيان لامبالاه من المدخنين وخصوصا في المطاعم وتدخل تبغى تصرف من الصراف تلقى غرفه المكينة كلها دخان هي قناعه داخل الشخص متى ما كانت عنده القوة والإرادة لتركه فإنه يستطيع فعل ذلك . اما من ناحية متى نصبح مجتمع واع "" فأعتقد ان الشغله مطولة "" لا نملك إلا الدعاء بالهداية للجميع |
الله ياجزآآآآآك خير على ماكتبت ولكن من يريد الاقلاع عن التدخين بالعزيمه يصنع مالا يصنع اما المجتمع اللي حول شخص لابد على الشخص يتجنب الجلووس معهم اثناء تدخينهم والحل هو نصحهم الحل هو اعطائهم شريط ديني يسمعونه أعطائهم كتب وتعبتر هديه او مطويات ايضا فيه شرطان روعه لأكثر من دكتور خالد الراشد والدكتور مريد الكلاب عن الذات وعن العزيمه وعن الاصرار وكيف الشخص يترك الاشياء اللي مايقدر يتخلص منها سواء فكريه او جسديه مررررررررررررره كلمات في الصميم ان شاءالله رااح اجمع مقاطع منهم وانزله في المنتدى للفايده وبتتغير حياة الانسان للأفضل والله يرشد الجميع على طريقه |
الله يرفع عنهم يا ربِ المشكله انوو إحنا ما نعرف نمشي عالـ قوانين !! يعني مثلا في المطارات اذا ما تبي ريحة الدخان روح اجلس في اماكن يسمح فيها بالتدخين صدقني ما راح تشم فيها ريحه !! البعض للأسف يتهاون في التدخين امام غير المدخنين بالذااااات من الأهل يعني اذا بليتم فـ استتروا موب دخنوا قدام العالم واكتموهم !! الله يرفع عن جميع المدخنين فهم في بلااااء عظيييييم |
ما أقول إلا ياربي لا تبلى بالتدخين من أحب , ولا تبلاني بهِ يا أرحم الراحمين , وارفع عن المدخنين واهدهم , يالله . :rose: |
انا واحد من الناس اللي كان التدخين السلبي عندها عااادي يعني أي واحد يستأذن مني انه يدخن وانا حوله ,, على طول أقوله خذ راحتك ياعمي مرت الأيام وانا بالاريحية هذي بهالخصوص لكن,, شاء الله وطلعت للخارج أدرس ,, تحديداً في لندن طبعاً انا كنت أسمع قبل السفر ان بريطانيا فيها حضر قوي للتدخين في كل الاماكن ,, مطاعم, متاحف, محطات قطار, جامعات مطارات محطات بنزين, أو أي شيء له سقف أو أحيانا أماكن عامة حتى مالها سقف مثل بعض محطات القطار والمترو (يسمونها عندنا بالتيوب أو بالاندرجراوند) لا يمكن ان ترى انسان يدخن إلا في الشارع أو مكان مخصص للمدخنين. او خارج الابنية في الساحات او على جوانب الابواب والعالم هناك متشددين بالمنع هذا, يعني بعطيكم مثل عبيط شوي بس حقيقي,, ممكن في داخل القطار يجي واحد ويسوي فعل جنسي فاضح مع صديقته ! ,,ولا حد يكلمة ولا شي بس خله يولع زقارة ,, والله ليهبّون فيه هبّه :cb: الغريب بعد هذا كله ,, إنه نمى لديّ كره الدخان وحب الابتعاد عن المدخنين الى درجة اني لما ارجع السعودية في الاجازات وأشوف واحد يدخن في مطعم او غيره انقهر و ارمقه بعيني من بعيد واقول في نفسي متى يجي اليوم اللي يمنع فيه التدخين في الاماكن العامة عندنا ؟! |
|
| الوقت المعتمد في المنتدى بتوقيت جرينتش +3.
الوقت الان » 04:28 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd