بعد اذنكم

إقتباس الرسالة الأصلية كتبت بواسطة Hala Madrid طيب انا كمدريدي او كبرشلوني وش ذنبي ان هذا التقسيم جاي من الاتحاد الاسباني وانا مالي يد فيه , اذا عندك اعتراض فإعترض على الاتحاد الاسباني لا تعترض على مدريد وبرشلونه , اذا فيه اثبات ان الاتحاد الاسباني يحابي مدريد وبرسا صدقني اول من بيكون معك هو انا بس مافيه اثبات , يعني عشانهم عطوهم عوائد ماليه اكبر صارت محاباه , ياخي ناظر كم دخل مدريد وبرسا سنوياً , فيه فرق شاسع بينهم وبين انديه الليغا ومن الطبيعي اني اعطيهم حق اكبر من العوائد , عندك مثلا مدريد كل سنه نشوف ميزانيه ودخل مالي قوي وكل الصحافه تتحدث عنه بينما الاتلتيكو فرضاً او فالنسيا عندهم ديون الى الدفنه , يعني عندك مدريد وبرسا ميزانيه كبيره واقتصاد قوي ويشرفون اسبانيا برى , حرام اني اساويهم مع باقي الانديه لان فيه فرق كبير بالي يصلحونه .

ببدا من النهاية كوتش زيد
اشياء تجر اشياء .. اذا كان كل احد بياخذ حقه ولا خلنا نقول فالنسيا و الاتليتي
ياخذون اللي ياخذه الريال والبرشا " خل ابوفهد يفلها اليوم خخ " الامور هذي بتجر
لاعبين على مستوى عالي اجيبهم بحكم المبالغ اللي تجيني تجر لعائدات اعلانية
وجماهيرية بحكم اني جبت لاعبين ستارز عليهم الكلام بكذا جتني عوائد من كل جهة
طبيعي اني باكل كل الجو ويصير دخلي السنوي الخرافي

رجعة لكلامك فالبداية معليش سامحوني ملحوس خخ
الامور ميب شرط تكون مثل ماتتخيلها انت اشياء من تحت الطاولة والذي منه ,
بمثال بسيط رونالدو طاح في مباراة وماانحسب بلنتي وسولدادو طاح ولا انحسب
برظو .. فرق شاسع بين الحالتين و الاصداء والكلام بعدها

نفس الشي في الالتحامات و الاخطاء عموما البيلدا يكسر ميسي و ميسي في لقطة ثانية
يظرب بانيغا , على سبيل المثال طبعا تلقى القرارين مختلفين جدا وطريقة التعامل
مع الاثنين مختلفة .. ولك ان تتخيل ياصديقي

وكل هالكلام جاء بفضل الاموال اللي جرت لاعبين و جماهير وشركات راعية
وخلت الفريق قوي وسمعته مخيفة لدرجة ان الحكم مايقدر يتحكم في نفسه لازم
بحكم الضروف و عشان الدنيا كده يلقى نفسه لاشعوريا يحسب الف حساب
لرونالدو وحساب ليوناس .. طبعا مرة ثانية على سبيل المثال

N.ROOY

نفس اللي تكلممت عنه .. هي تراكمات والوضع بيسوء آكثر كلما استمر الاتحاد الاسباني على نفس المنوال ..

برشلونة ومدريد اندية كبيرة

بس بالتوفيق لمدريد

الى الامام ايها النادي الملكي

إقتباس الرسالة الأصلية كتبت بواسطة Hala Madrid الي عنده الصوره حقت التقسيم المالي من لاتحاد الاسباني يحطها لا هنتم كانت عندي ولا لقيتها .

يعطيكم العافيه مستمتعين مع النقاش ،،

بداية نقطة لازم توضيحها قد تخفى على البعض في مشكلة حقوق النقل التلفزيوني هو النظام المطبق في أسبانيا والذي يختلف عن الدوريات الاوروبية الاخرى .

النظام يتيح لشركات النقل بيع الحقوق بشكل فردي على الأندية وليس بشكل جماعي مثل ماهو حاصل في الدوريات الأخرى ... طبعا في هالحالة شركة مثل الميديا برو تبحث عن الأرباح وتغطية التكاليف من خلال الإعلانات التجارية وغيرها سيكون من الطبيعي تركيزها على الفريقين الكبيرين برشلونه وريال مدريد لأنهما الأكثر متابعة جماهيرية سواء داخل اسبانيا او خارجها ، وهذا من المؤكد انه يعطي الفرصة لادارات الفريقين بالضغط على الشركة في الحصول على المبالغ التي يريدونها وهذا هو سبب الفجوة بين الاثنين وبقية الفرق في الليغا ... بالمقابل فريق متوسط مثل خيتافي او سوسيداد على سبيل المثال وغيرهم راح يرضى بالمبلغ المقدم له من الشركة حتى لو كان ضعيف لأنه يريد الاستفادة ماديا ولأنه لو دخل في مرحلة تفاوض مع الشركة حول المبلغ قادرة انها ترفض ويمكن ليست بحاجة الى نقل مبارياته لأنها لا تعود عليها بالربح المادي الكبير مثل مباريات الفرق الكبيرة .

يعني لو نأخذ مثال على البريمير ليغ اللي حقوقه تتجاوز المليار النظام يفرض توزيع نسبة 50% بالتساوي على جميع الفرق الـ 20 والنسبة 50% الباقية تتفاوت حسب معايير مختلفة منها ترتيب الفريق ونتائجه ومعدل الحضور الجماهيري ونسبة المشاهدة التلفزيونية ... هنا نشاهد التوزيع العادل لأنه فرق الصدارة والمقدمة ستبقى هي الأعلى من حيث الايرادات لكن لا نشاهد الفجوة الكبيرة مثل ماهي حاصلة في الليغا الاسبانية ... أذكر العام الماضي كان فريق سندرلاند وترتيبه وقتها العاشر او الحادي عشر يحصل على مبالغ اكثر من فالنسيا الثالث في الليغا وهو الظلم الكبير لهذه الفرق والا وش الحق اللي يعطي برشلونه وريال مدريد انهم يحصلون على مايزيد عن 40% والبقية توزع على 18 فريق ولا ننسى معهم فرق الدرجة الثانية ... يعني لو تم تطبيق نفس النظام في اسبانيا من الطبيعي ان يكون للاثنين النصيب الأعلى من الايرادات ولكن ليس بالفجوة الخيالية الحاصلة حاليا .

طبعا حسب الاجتماع اللي حصل العام الماضي بين هذه الفرق والشركة الناقلة الظاهر كان فيه اتفاق انه هذا النظام سيطبق ولكن بداية من عام 2015 يعني ردد ياليل ما اطولك والاتفاق اللي تم انه 40% توزع بالتساوي و 60% تكون المبالغ اللي تتفاوت بين الفرق .

إقتباس الرسالة الأصلية كتبت بواسطة Hilali 3asal النظام يتيح لشركات النقل بيع الحقوق بشكل فردي على الأندية وليس بشكل جماعي مثل ماهو حاصل في الدوريات الأخرى