|
بعد اذنكم إقتباس:
اشياء تجر اشياء .. اذا كان كل احد بياخذ حقه ولا خلنا نقول فالنسيا و الاتليتي ياخذون اللي ياخذه الريال والبرشا " خل ابوفهد يفلها اليوم خخ " الامور هذي بتجر لاعبين على مستوى عالي اجيبهم بحكم المبالغ اللي تجيني تجر لعائدات اعلانية وجماهيرية بحكم اني جبت لاعبين ستارز عليهم الكلام بكذا جتني عوائد من كل جهة طبيعي اني باكل كل الجو ويصير دخلي السنوي الخرافي رجعة لكلامك فالبداية معليش سامحوني ملحوس خخ الامور ميب شرط تكون مثل ماتتخيلها انت اشياء من تحت الطاولة والذي منه , بمثال بسيط رونالدو طاح في مباراة وماانحسب بلنتي وسولدادو طاح ولا انحسب برظو .. فرق شاسع بين الحالتين و الاصداء والكلام بعدها نفس الشي في الالتحامات و الاخطاء عموما البيلدا يكسر ميسي و ميسي في لقطة ثانية يظرب بانيغا , على سبيل المثال طبعا تلقى القرارين مختلفين جدا وطريقة التعامل مع الاثنين مختلفة .. ولك ان تتخيل ياصديقي وكل هالكلام جاء بفضل الاموال اللي جرت لاعبين و جماهير وشركات راعية وخلت الفريق قوي وسمعته مخيفة لدرجة ان الحكم مايقدر يتحكم في نفسه لازم بحكم الضروف و عشان الدنيا كده :d يلقى نفسه لاشعوريا يحسب الف حساب لرونالدو وحساب ليوناس .. طبعا مرة ثانية على سبيل المثال |
N.ROOY نفس اللي تكلممت عنه .. هي تراكمات والوضع بيسوء آكثر كلما استمر الاتحاد الاسباني على نفس المنوال .. :rose: :smilie47: |
خلاصه الكلام يعني لو الاتحاد الاسباني حط قرار ان مدريد وبرسا وفالنسيا واتلتيكو لهم نفس العائدات الماليه بندخل بدوامه جديده وهي الانديه الباقيه تبي نفس النصيب . قد يكون الاتحاد الاسباني ظلم الانديه بأنه عطاهم نسبه بسيطه مقارنه مع مدريد وبرسا , لكن انا ضد فكره انه الانديه تكون بنفس الدخل والعائد المالي , وبنفس الوقت انا مع زياده النسبه اكثر من كذا . الي عنده الصوره حقت التقسيم المالي من لاتحاد الاسباني يحطها لا هنتم كانت عندي ولا لقيتها . النقطه المهمه متابعه مباريات مدريد وبرسا على التلفزيون تدر دخل مالي هائل للاتحاد الاسباني عكس بقيه الانديه , يعني فريقين يجيبون لي مليارات صعب اني اقارنهم ببقيه الانديه صراحه . إقتباس:
إقتباس:
|
برشلونة ومدريد اندية كبيرة بس بالتوفيق لمدريد الى الامام ايها النادي الملكي |
فيه نقطه ابضيفها عن الكلام حول حمايه النجوم , لقطه بيبي يوم يدعس يد ميسي صارت هاله عليها , بينما سولدادو يدعس على يد لاعب ليفانتي ومحد درى عنها :d اذا كانت الانديه تبي تكون متساويه مع مدريد وبرسا لازم يصلحون اجتماع كبير بين الرؤساء ويكون متاح للصحافه ويوضحون فيها اعتراضهم , سمعنا قبل فتره انهم اعترضو بس ما كان اعتراض جدي , لو حصل هالاجتماع ومسكت الامور الصحافه بيتغير كل شيء وبتصير مساواه والاتحاد الاسباني بيرضخ لمطالبهم . |
إقتباس:
|
^ آيضاً يآصديقي حرآم بقية الاندية تاخذ هالمبلغ المالي الضعيف مقارنة بالريال والبرشا لانك لو لاحظت الاتلتيكو جاب قبل كم سنة اليوروبا ليغ .. وفالنسيا يصنع نجوم ويصدرهم ويشيلون الفرق الي يمثلونها بـ رأيك يعني لو هالاندية تاخذ مثل ما ياخذ الريال والبرشا .. كيف بيكون وضعهم ؟ راح يبقون كذا او تزداد شعبيتهم رآح تلآقيهم يشعللون , وفي كل مكان لهم بصمة , وراح تلاقي اثارة اكبر بالدوري آسبآنيا مو ناقصه مواهب ولا لاعبين ولا بنية تحتية ولا اي شي ثاني محتاجه .. ( فلوس ) .. عطني فلوس , آصنع لك دوري قوي الانجليزي افضل من الاسباني بسبب ان الاتحاد الانجليزي يقسم المآل بالتساوي بين الاندية عشان كذا نشوف خمس ست فرق تتافس على البطولة . لست مع تساوي كل الاندية من حيث الدخل .. لكن فيه اندية تستاهل ونسبة نجاحها 100.5% بالنسبة لي :yes: واذا زادت الاندية المتنافسه زادت اثاره الدوري و ازدادت شعبيتة و جلبت المستثمرين له :smilie47: |
إقتباس:
يعني بالعقل تقارن متابعه مباريات مدريد وبرسا مثل متابعه بقيه المباريات ؟ الاتحاد الاسباني مستفيد من هالشيء ان لهم جماهيريه كبيره لان فيها دخل ممتاز جدا لهم , ولو فرضاً حطو الانديه متساويه بيخسرون شيء كبير وملايين بتروح عليهم , الي ابي اوصله تساوي الانديه مستحيل جدا وانا ضد الفكره , لكني مع زياده بسيطه لباقي الانديه . إقتباس:
شكرا على الاضافه :smilie47: |
يعطيكم العافيه مستمتعين مع النقاش ،، بداية نقطة لازم توضيحها قد تخفى على البعض في مشكلة حقوق النقل التلفزيوني هو النظام المطبق في أسبانيا والذي يختلف عن الدوريات الاوروبية الاخرى . النظام يتيح لشركات النقل بيع الحقوق بشكل فردي على الأندية وليس بشكل جماعي مثل ماهو حاصل في الدوريات الأخرى ... طبعا في هالحالة شركة مثل الميديا برو تبحث عن الأرباح وتغطية التكاليف من خلال الإعلانات التجارية وغيرها سيكون من الطبيعي تركيزها على الفريقين الكبيرين برشلونه وريال مدريد لأنهما الأكثر متابعة جماهيرية سواء داخل اسبانيا او خارجها ، وهذا من المؤكد انه يعطي الفرصة لادارات الفريقين بالضغط على الشركة في الحصول على المبالغ التي يريدونها وهذا هو سبب الفجوة بين الاثنين وبقية الفرق في الليغا ... بالمقابل فريق متوسط مثل خيتافي او سوسيداد على سبيل المثال وغيرهم راح يرضى بالمبلغ المقدم له من الشركة حتى لو كان ضعيف لأنه يريد الاستفادة ماديا ولأنه لو دخل في مرحلة تفاوض مع الشركة حول المبلغ قادرة انها ترفض ويمكن ليست بحاجة الى نقل مبارياته لأنها لا تعود عليها بالربح المادي الكبير مثل مباريات الفرق الكبيرة . يعني لو نأخذ مثال على البريمير ليغ اللي حقوقه تتجاوز المليار النظام يفرض توزيع نسبة 50% بالتساوي على جميع الفرق الـ 20 والنسبة 50% الباقية تتفاوت حسب معايير مختلفة منها ترتيب الفريق ونتائجه ومعدل الحضور الجماهيري ونسبة المشاهدة التلفزيونية ... هنا نشاهد التوزيع العادل لأنه فرق الصدارة والمقدمة ستبقى هي الأعلى من حيث الايرادات لكن لا نشاهد الفجوة الكبيرة مثل ماهي حاصلة في الليغا الاسبانية ... أذكر العام الماضي كان فريق سندرلاند وترتيبه وقتها العاشر او الحادي عشر يحصل على مبالغ اكثر من فالنسيا الثالث في الليغا وهو الظلم الكبير لهذه الفرق والا وش الحق اللي يعطي برشلونه وريال مدريد انهم يحصلون على مايزيد عن 40% والبقية توزع على 18 فريق ولا ننسى معهم فرق الدرجة الثانية ... يعني لو تم تطبيق نفس النظام في اسبانيا من الطبيعي ان يكون للاثنين النصيب الأعلى من الايرادات ولكن ليس بالفجوة الخيالية الحاصلة حاليا . طبعا حسب الاجتماع اللي حصل العام الماضي بين هذه الفرق والشركة الناقلة الظاهر كان فيه اتفاق انه هذا النظام سيطبق ولكن بداية من عام 2015 يعني ردد ياليل ما اطولك والاتفاق اللي تم انه 40% توزع بالتساوي و 60% تكون المبالغ اللي تتفاوت بين الفرق . |
إقتباس:
يا سلام عليك كان ودي اكتب المعلومه بس ما تأكدت منها وما ودي اعطي معلومه خطأ وجاء التأكيد منك . اعتقد بعد الكلام الي قلته ونقطه ابو سلطان الي اقتبستها تقنعكم :d |
إقتباس:
ملاك الليفر الجدد يبون يطبقون النظام هذا بالدوري الانجليزي يقولون اذا ما طبقناه فـ ما راح نجاري الريال و البرشا بـ قوتهم الشرائيه مبطين عن النقاشات الهاديه :smilie47: خاصه بـ استديو الاسباني :smilie47: . |
والله لاجاكم الصدق .. اتمنى توزع بالتساوي عشان نشوف اثاره كبيره في الليغا .. يعني لو تشوف باقي الفرق الاسبانيه تقدر تقول ان سويسداد قدر على ( فالنسيا ) في ملعبه وفاز عليه والسبب يعود لتساوي الحقوق مابين الفريقين يعني المستويات متقاربه على الرغم من النجوم المدججه في الفالنس . بعكس برشلونه وريال مدريد الي اتحداك تفوز عليهم في ملاعبهم ! مع احترامي الشديد لباقي الفرق لكن برشلونه انهى الدور الاول وماسجل في مرماه الى هدفين في ملعبه .. يعني موب معقول الي يصير وبالمقابل برشلونه لغريمه الريال يفوز في ملعبه بـ 6 و 7 .. حتى فياريال ماقدر يصمل ولا حتى اي فريق ! واذا استمر الامر ماتوقع اي فريق قادر على ايقاف ( برشلونه ) و ( مدريد ) سواءاً في اسبانيا او اوروبا .. والفضل يعود بعد الله الى الحقوق التلفزيونييه ! :smilie47: هذي النقاشات ولا بلا :d:smilie47: يعطيكم العافيه شباب :smilie47::s5s: |
| الوقت المعتمد في المنتدى بتوقيت جرينتش +3.
الوقت الان » 03:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd