#1  
قديم 28/02/2001, 11:15 AM
زعيــم متواصــل
تاريخ التسجيل: 17/02/2001
المكان: المنطقة الشرقية
مشاركات: 144
Post

بسم الله الرحمن الرحيم

فليسمح لي اخواني اعضاء وزوار هذا المنتدى العالمي الرائع بقياده الاداره الذهبيه بأن اطلق لقب جديد على الزعيــم وهو ( الغثيث). ممكن تقولون هذا اكيد متعصب مع فريق (......) ولكن الحقيقه غير ذلك ويشهد علي الله اني هلالي صميم ومتعصب ايضاً ولااسمح لأي شخص مهما كان منصبه أو علاقته فيني انه يسب او يشتم أو يقلل من قيمه الزعيــــم . ولكن اللي خلاني اكتب عن هذا الموضوع هو أن الهلال ياأخوان (الله يهديه وبكل صراحه) ماينعطى وجه وانا راح اقول لكم ليه:

لانه اذا دخل بطوله لازم انه ياخذها بالطيب بالغصب ياخذها, طيب ياخي عط الافرقه الثانيه مجال , خل فيه تنافس لاتقتل الثقه في بقيه الافرقه المشاركه والامثله على ذلك كثير نأخذ منها مثلاً:
1- مشاركته في بطوله المصيف : هالحين يازعيم اللجنه ينادونك علشان تجمل البطوله بحضورك ويستفيدون من دخل مبارياتك بحكم شعبيتك الجارفه في جميع انحاء العالم (تروح تاخذ البطوله وتمشي وبالناشئيين بعد)
2- بطوله الطيران: انا لاأعتبرها بطوله وانما سقتها كدليل على كلامي. هذه الشركه الكبيره التي ارادت ان تحتفل في يوبيلها الذهبي فلم تجد فريق افضل منك يكون بطلاً لكأسها.
3- بطوله كأس المؤسس: في الافتتاح طلع منصه وهو فايز وفي الختام برضه طلع منصه وهو فايز صحيح من قال (كاس الزعيم للزعيم).
4- البطولات المحليه والخارجيه: طبعاً مايحتاج اني اقول لكم عنها اننتم عارفين البير وغطاه(برضه كوش عليها).
وبعد هذا كله ماتوافقوني انه فريق ماينعطى وجه فريق, غثيث, لزقه, دايم لازق بالكاس (بصراحه اعتقد ان هذا الشي غير صحي وخصوصاً للفرق المحليه لأنها بتكون مكانك سر).

كوكــــــتيل:

** في احد التصريحات للرئيس (xxxxx) قال لازم تحطون بطوله للهلال وبطوله للفرق الأخرى. الله لايلومه (من حر مايونس).

** والله لو يحطون بطوله على كاس (جبن) ان ياخذه الهلال.

** اعجبني رئيس نادي الرائد عندما سئل عن مقابله فريقه للزعيم وماذا سيفعلون امامه رد وبكل ثقه وفخر , انا لاأفكر في الفوز على الهلال انا افكر كيف استقبل هذا الزعيم العالمي في بريده (كرم وطيب اصل ياهل القصيم)

** اللهم فك اسر خميس العويران. اللهم اميــــــن

** كــل عام وانتم بخير مقدماً وقبل الزحمه بحلول عيد الأضحى المبارك.

شكري وتقديري واعزازي واجلالي لكم جميعاً واسف على الاطاله....

ودمتـــم,,,,
[عدلت بواسطة ادارة الموقع التاريخ:01-03-2001 الساعة: 06:24 PM]
  #2  
قديم 28/02/2001, 11:22 AM
زعيــم متألــق
تاريخ التسجيل: 28/08/2000
المكان: هلالي وأعشق سامي
مشاركات: 1,169
يازين مغثته يالغالي ...

موضوع جمييييييييييييل ...

ولك تحياتي ...

أخوك / سفر المرزوقي .
  #3  
قديم 28/02/2001, 11:40 AM
الصورة الرمزية الخاصة بـ المــalmojــوج
عضو إدارة الموقع الرسمي لنادي الهلال
تاريخ التسجيل: 23/12/2000
المكان: الرياض
مشاركات: 7,922
ايه أشوا
ياخي انا داخل وانا معصب ومعي العجرا واقول وينه فكوني عليه بس يوم قريت الموضوع هجدت تقول مصبوب علي ماء
لكن الحمدلله على سلامتك لو انك بجنب الباب كان رحت فيها لكن الله سلمك (أمزح ياخوي )
وشكرا لك على طريقتك الحلوه في عرض الموضوع
  #4  
قديم 28/02/2001, 12:41 PM
زعيــم فعــال
تاريخ التسجيل: 08/11/2000
المكان: المملكه العربيه السعوديه
مشاركات: 416
صراحه طريقتك جدا ممتازه في الكتابه اسلوب انا احبه لاكن ما اعرف له الله يوفقك ونبغى نشوف كتابات زي كذا في المستقبل

ولك تحياتي
  #5  
قديم 28/02/2001, 03:17 PM
زعيــم متواصــل
تاريخ التسجيل: 17/02/2001
المكان: المنطقة الشرقية
مشاركات: 144
*** الاخ العزيز سـ9ـامـ9ـي او سفر
اشكرك جزيل الشكر.

*** الاخ الموج 2000 طيب الله فالك وماقصرت.

*** الاخ فالح شكراً على هالمجامله اللطيفه وعشت.
  #6  
قديم 01/03/2001, 03:05 PM
زعيــم متواصــل
تاريخ التسجيل: 17/02/2001
المكان: المنطقة الشرقية
مشاركات: 144
للرفع
  #7  
قديم 01/03/2001, 03:33 PM
زعيــم متواصــل
تاريخ التسجيل: 13/01/2001
المكان: الرياض
مشاركات: 172
مساكم الله بالخير

الأخ ذيب نجد الزعيم مايأخذ شئ لا بالطيب ولا بالغصيب
يأخذها بفنه وبفن لعيبته
هذا اولاً
اما ثانياً فبصراحه الأهلي هو الغلطان.. من قاله يدعي الزعيم لمثل هالبطوله
واللي يعتبرها الهلال مثل المقبلات قبل البطولات الجامده

وبعدين قل للأهلي اذا يبي يكسب البطوله لايجيب الزعيم
ماخبرت
واحد يبي يربي غنم ويجيب معها ذيب
يبي بطولات والهلال مشارك ..........................معصي


والسلام ختام
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:03 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube