|
على بلاطه كلام يقرقع بقلبي ودي ااقوله ...... بسم الله الرحمن الرحيم اولا ابي اتكلم عن ويلي على بلاطه : ويلي بيشارك ويلي مو مشارك ماكان العام الماضي اغلب الاعضاء يطالبون برحيله وماكان ويلي نفس ويلي ترى ويلي اخر مباراة راح مطرود بكرت احمر ومستواها ومو مثل اول والحين رجع وربي حسيت ان ويلي اذا شارك بنفوز واذا ماشارك بنخسر على بلاطه : الانديه الاخر بالفترة الشتويه تحركت وتعاقدت مع لاعبين محليين عطيف راح والسعران وانديه اخر تعاقدت مع لاعبين يحتاجونهم وحنا كنا مانحتاج ولا لاعب محلي ماكان الهلال يحتاج قلب دفاع والحين بعد اعلان هوساوي نريد قلبين دفاع وكذلك الهلال محتاج ظهير ايمن ونحتاج ظهير ايسر ومحتاج محور محلي مع هرماش وعلى بلاطه استغرب بعض الاعضاء يمجدون لاعبين الهلال الاولمبي ترى مستوى الاولمبي وسط ومافيه اكثر من لاعبين يلفتون الانظار والاعب النجم يظهر عليه النجوميه من عمر 19 سنة على بلاطه: السنه الماضيه الهلال يفاوض حسن معاذ الهلال يفاوض شهيل الهلال يفاوض ياسر الشهراني وماحصلنا منهم ولا واحد الهلال كان ينهي الصفقات وبسرعه وبقوة وكان الامير بندر بن محمد وكذلك عبدالله بن مساعد مايدخلون صفقه الا تتم ومنها صفقت ياسر القحطاني وصفقة محمد الدعيع فارجو ان يتولو ملف الصفقات المحليه على بلاطه: كان الهلال لو تصير مشاكل مايمكن تطلع لاعلام والان سبحان الله كل شوي طالع اخبار عن مشاكل او صفقات لاعبين ومدربين ومادري من وين يطلع التسريب على بلاطه: هذي السنة تقترب عقود لاعبين على الانتهاء ومازال الهلال يحاول يجدد معهم والاعب يتدلع ويتشرط ابي كذا والعقد الاول ماعجبني والعقد الثاني ماتفقنا والان الادارة كانها في موقف ضعيف مع مفاوضات تجديد عقود الاعبين وياليت يفعلون مثل ادارة الشباب التي تنهي تجديد عقود الاعبين بدري على بلاطه: يجب على ادارتنا ان تضع لائحه داخليه قويه وان يوزع العقد على شكل راتب ولايسلم الاعب الفلوس على شكل دفعات حتى لايهبط مستوى الاعب بعد مايستلم الكاش وكذلك يتم الخصم من الراتب اذا كان الاعب يستلم مائة الف وغاب يوم يخصم عليه مبلغ كبير على بلاطه: مازلنا نايميين والناس يدعمون صفوفهم وحنا حاطين رجل على رجل وشكلها بتنتهي الفترة الشتويه وماتعاقد الهلال مع لاعب محلي فايف ستار اجل ياسر الشهراني لنا سنة نطارد وراءه والهزاع يصرفنا اه ياليت بندر بن محمد يتولى الصفقات كان خلصنا الحين على بلاطه: الي يبي يرد على الموضوع يرد رد واقعي بعيدا عن التجريح لاتضحكون علينا جماهير الفرق الثانيه ياشباب |
نقاط رائعة وكثيرة **ننتضر حسن الناقورر جاءءء يناير وهو لا حس ولا خبر اقل شي يعوظنا عن ياسر بلاعب مميز ام بخصوص ويلي فهو العلامة الفارقة في الهلال منذ موسمين... |
بالعكس أخي الحبيب كلامك رائع وفي الصميم يعطيك العافية |
على بلاطه موضوعك رائع جداً وتسلم وان شاءالله هالصمت يكون بعده ضجه اعلاميه في تعاقدات متميزه وبالتوفيق للزعيم يارب |
قسم بالله هذا الكلام اللي بقلبي الكل تعاقد وتحرك الا فريقنا مدري وش ينتظر ابو فيصل ياخوفي تنتهي الفتره ولايتعاقد ثم بتصير كارثه لفريقنا ، مافيه اظهره زي الناس ولا بدلاء لسناتر زي الناس ولامحور غير القرني زي الناس ولاصانع لعب يصنع كل مباراه غير الشلهوب زي الناس ااااااخ بس |
على بلاطه الهلال سيلعب بشعاره ليس بأسماء لاعبيه.. |
إقتباس:
|
وربي موضوعك فالالف .. ياليت احد يقرا بس كل الاندية اتحركت وجابت الاعيبة اللي يحتاجها النادي حقهم الا احنا جالسين نتفرج |
- اتوقعع إن اظهرتنآ بخخير بوجود ( البيشي ، نامي ، الفرج ، شآفي ) و هجومنا المحلي بخير بـ وجود ( سعد ، المحياني ، سالم الدوسري ) و بععد وسطنا بخير بوجود ( الشلهوب ، الدوسري ، العابد ، الفريدي ، حسام الحآرثي ... إلخ ) اتوقع محليآ ما نحتاج لاعبين بعد تعاقد الهلال مع المدافع الشآب ( فواز فلآتةة ) مع التعاقد قريبآ إن شاء الله مع مدافع اجنبي .. صفقات محليهه ما نحتاج .. |
للاسف .. اغلب الاسماء الموجوده بالهلال .. من نوعيه مش حالك ! ما أدري شلون الهلال ماخذ الثاني او الثالث الى الآن! عددوا لي بالله .. نامي .. المرشدي ،، شافي .. الزوري .. البيشي .. عزوز الدوسري < كان ممتاز بس الحين صار أناني ويدور مجد لنفسه، ماغير يعدي ويشوت.. كانه يلعب لحاله ومدرب من نوعية كويس ورخيص.. الهلال الحين يلعب بدون هيبه .. مافيه لاعب تحس انه يصنع الفارق .. ياخي قبل موسمين يغيب ولي عادي .. عندك لعيبه يغطون على غيابه .. ياسر .. رادوي .. نيفيز .. شلهوب يوم كان بقمة مستواه الحين جالسين ندعي ربنا ان الفيفا يعطف علينا ويسمح له يلعب .. ومع هذا .. أكاد أجزم بهزيمة شنعاء قدام الأهلي الأنديه كلها تشتغل .. وحنا عذرنا (الأنديه تبالغ بالمفاوضات قدام الهلال) << بلا من ضعف المفاوض تبي لعيبه، ادفع .. مو تقول هذا يستاهل كذا وهذا كثير عليه ومدري ايش! اول سنه دفع عبدالرحمن بن مساعد.. وباقي السنين عايش على دفعات موبايلي .. والحين باخر موسم له، باع اللعيبه بسعر التكلفه، وجلس يجمع لنا لعيبه اقساط، وننتظر فلوس نيفيز عشان نقدر نشتري مهاجم .. شي يقهر وربي .. اذا دوري زين هذا وضعنا، تعادلات مع فرق ضعيفه، ومستوى تعبان والموسم عدى أكثر من النص .. وش بنسوي بالاسيويه!! من اول الموسم مافيه مباراه عليها الكلام.. الا مباراه الأهلي الذهاب .. طيب وباقي الموسم؟ خلاص نموت لين تجي مباراه يلعبون صح !!!!! |
إقتباس:
معليش اختي .. بس انتي تتكلمين من جد والا تتريقين ؟ وش اظهرتنا بخير ؟! البيشي اللي ما يعرف يعدي؟ ولا يغطي؟ يعني لا دفاع نافع ولا هجوم والا نامي؟ اللي من عرفته ماشفت له عرضيه زي الناس !! موسمين مغطي عليه ويلهامسون يلعب بجهته، يوم راح ويلي، انكشف مستواه!! والهجوم .. من جدك معجبك سعد؟! المباراه الوحيده اللي لعبها، عاله .. لا يستلم كور صح ولا يسلم صح!! المحياني انا معك، ما اخذ فرصته .. وسالم الدوسري وش هذا ؟! ماشفنا له الا مباراه وحده مع النصر، بعد ما كان النصر مسلم المباراه !!! ومن متى الهلال يعتمد على لعيبه توهم طالعين وما احد يعرف مستواهم صدق!! الهلال طول عمره نادي نجوم .. نادي الشباب هو اللي يطلع اللعيبه من الصفر .. مو الهلال !! والوسط.. تعالي اعدد لك .. الشلهوب مستواه منخفض .. وهو صانع اللعب الوحيد .. الدوسري .. يدور مجد لنفسه .. ركزي عليه وتلاحظين انه يلعب لحاله .. العابد اغلب الوقت يا احتياط، يا ما يمديه يسوي شي، رتم الفريق كله طايح .. الفريدي .. يوم فوق وعشره تحت .. حسام الحارثي مانعرفه.. احتياط ولا لعب مع الفريق الأول .. والمدافع الشاب فواز فلاته .. هذا اعتقادي انه من طقه ( ان لقحت والا ما ضرها الجمل ) .. على شاكلة ، وليد الجيزاني والكعبي .. الهلال وضعه سيء جداً .. ويغالط نفسه من يقول غير كذا .. اول مره اشوف جمهور الهلال يصبر نفسه ويحاول يجمّل الوضع ..! طول عمر الهلال وضعه تمام .. وجمهوره متحمس .. مو نص متشائم والنص الثاني يحاول يرقع للاداره !! اعذريني على حدة الاسلوب .. |
المشكلة بعد نيفيز ان الريس تفكيرة بالاستثمار فقط ويعتبرون هذا هو النجاح الحقيقة غرهم الاعلام المغرض بالتمجيد في هذه المسأله فقط و مدير الكرة مصر على ان اختياراته صح مثل المدرب هذا و اللي قبله |
الاداره تعاقدت مع سعد ومع فواز مهاجم ومدافع اما الاظهره الاداره زعلانه عليهم ان شاء الله يجيبون الحسن ظهير ايمن الطائي والله جيد البلطان قال زمعه كامل الحق الشهيل ومعاذ ليسو للبيع يعني انسوا يا اداره صانع العاب بصراحه كل الانديه ماعندها الهلال عنده الشلهوب والفريدي شكرا لك |
كلام واقعي جدا للأسف و ادارة الامير عبدالرحمن اتسمت بالضعف و كثرة الاخطاء بدون تصحيح و الاهتمام بالاستثمار و اهمال مستوى الفريق بالتعاقد مع مدرب سيئ جدا فنيا وهذه المشاكل تراكمت ليخرج اسامه من الفريق حسب رغبته وهذا حقه ولن نمنعه و كذلك انخفاض مستوى بعض اللاعبين مثل عبدالعزيز الدوسري و محمد الشلهوب و نواف العابد الي مالعب الا بعد 8 جولات بالأضافه الى سوئ مستوى بعض اللاعبين امثال الفريدي و الزوري و الغنام وحسن العتيبي لأنهم فنيا غير مفيدين أبدا |
بالتوفيق للهلال لا تستعجل على رزقك..................... |
| الوقت المعتمد في المنتدى بتوقيت جرينتش +3.
الوقت الان » 08:17 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd