المعذره ياشام مافـ العرب خير
لاتنتظر منا مواعيد ياشام

ياكثر مايصدر قراراً وتقرير
واليا انتهى التقرير ثبّت على الكام

جلسات سريه واذاعه وتصوير
لحل وضع الشام في بضعة ايام

وتروح بلوشي ولاخبر الطير
كله نفاق وكذب وخراط واعلام

مافيهم اللي يفرض الراي وييغير
ولافيهم اللي للثقيلات عزام

هذاك لو فيصل على الارض ويسير
ان كان جاك الراي ساطي وجزام

في كلمته تنفيذ مافيه تغيير
ياعنك رايه ضربته ضربت حسام

الراحل اللي سطر المجد تسطير
حلال صعبات المهمات الجسام

ظل الوطن والعرب ويجار ويجير
زبن الدول لامن طير الوغى حام

يخضع تحت سيفه ملوك وطوابير
بالراي والحكمه وبالميسم الحام

عساه يزهر فوق قبره نواوير
وعلى اسمه وطاريه تسليمة اسلام

واليوم ياشام العرب جاك تقرير
لاتنتظر منا مواعيد ياشام