24/03/2003, 03:27 PM
|
زعيــم فعــال | | تاريخ التسجيل: 30/10/2002 المكان: الدمام
مشاركات: 259
| |
يهم كل هلالي بقلب ازرق :D مرحبا شباب ...... اسف على القطعة ......
قطعتي كانت للاسباب التالية :
1 / خط الانترنت عندي كان بطيء بعض الشيء في الفترة الاخيرة
2/ شبكة الزعيم كانت تتعرض للقصف من المخربين
3/ كوني غير راضي عن مستويات الزعيم
احم ........ احم......
الان والحمد لله بعد المستوى المتوسط اللي قدمناه امام القادسية صار لي وجه اطلع على النت و اشارك باقي الزملاء .
موضوعي بكل بساطة تسوية تفصيل لكل لاعب على حدة .
طبعا في حراسة المرمى صاحب الخبرة ومصدر الاطمئنان ما شاء الله عليه محمد الدعيع ولكن احيانا يقلق ومع ذلك يظل الحارس الاول عربيا واسيويا ( مع استبعاد مونديال2002)
الحارس الاحتياطي احمد ظاري الى متى بيبقى احتياطي صحيح ان الوقت ما يسمح باختباره لكن الغلطة غلطة اختلاف المدربين حيث كانت نتائج المباريات الاخيرة سيئة هذا هو السبب الله يعينك يابوحميد لكني متأكد انك عملاق واثبتت وجودك .
في خط الدفاع بداية بالدوخي منتهي بالخثران .....
1/ الدوخي : لاعب ملقب باللاند كروزر لسرعته و تمريراته الفنية الطويلة وذكائه الخارق فهويستغل الفرص بشكل جيد و يفتح للجناح بشكل مفاجئ بحيث انه يجعل الفريق بغير حاجة للجناح الايمن (يعني يوفر جهد الجناح الايمن ) ولكن الان مستواه هابط شوي و اخلاقه تغيرت نبيك ترجع لنا مثل الاول واحسن , الدوخي اللي عرفناه بخطورته على الخصم و اخلاقه العالية .
2/ احمد خليل : الوحيد اللي بصراحة اطمئن على الفريق في وجوده لانه صاحب خبرة وبال طويل صحيح انه كان يسبب فاولات وضربات جزاء لكن الحين الحمد لله و ان شاء الله يستمر كذا واحسن .
3/ عبدالله سليمان : كل شيء فيه حلو لكنه بطيء جدا خاصة قدام رؤوس حربة سريعين .
4/ الشريدة : كل شيء فيه تمام الا انه اخطاؤه الخطرة كثيرة وبطيء .
5/ بندر المطيري : صاحب قدم قوية و تمريرات طويلة ممتازة و غطى مكان النزهان اللي فقدناه , ومشكلة المطيري اذا تقدم ما يعرف يرجع بسرعة .
6/ الخثران : كل شيء فيه تمام لكنه يحتاج للسرعة .
الحين نروح لخط الوسط .........
1/ الروسي اندريه : عيني عليه باردة هذا اللاعب عليه لمسات فنية وسرعة عجيبة ولكن اقترابه من المرمى نادر , اول ما قرأت عنه في المنتدى فرحت لاني سمعت انه مشكل ثنائي مع الدوخي و صاحب رفعات مركزة , خاصة انه يرفع رأسه قبل ما يرفع الكوره , بس في الونه الاخيرة كان يرفع على الله .
2/ عمر الغامدي : تحسن كثير وصار لاعب مرغوب في كل مباراة
3/ بدرا : يا عيني عليك يا بدرا ما شاء الله عليك احسن ما فيه انه ما يتقدم كثير صحيح ان الهلال فريق هجوم لكن الحذر نصف الشجاعة . بس عيبه الكبير انه خشن خاصة قدام الممثلين اللي مكانهم المسرح مو الملعب .
4/ نواف : لاعب دولي معروف ما راح اكتب شيء عن ابداعاته وتاريخه لكن اقول شيء واحد يا نواف لازم تهدي اعصابك .
5/ الشلهوب: نحمد الله انه رجع مثل ما نعرفه من اول صحيح ان المباراة الاخيرة قدام القادسية كان دايخ شوي لكنه يصحح اغلاطه بسرعة .
نجي الان للهجوم و هو الاهم ..............
1/ نبدأ بالجمعان: طبعا الكل انه يحب يسدد هوايته التسديد لكن مشكلته بطيء شوي واحيانا اناني لكنه يعطيك ثقة بالفريق وامل كبير لكن اقول له لو لقيت فرصة زميلك افضل عطيه الكورة و توكل .
2/ سوفو : طبعا كلنا كنا رافضين مستواه لكن بعد الهاتريك اللي عطانا قدام الاستقلال كلنا سكتنا .
3/ الاهم اللي الموضوع عليه الذئب سامي الجابر :
طبعا هو ما خسر المنتخب المنتخب اللي خسره , هذا اللاعب اعطى ويعطي وسيعطي الهلال كل جهوه طبعا ما اقدر اذكر تاريخه لانه طويل وحافل بلانجازات الله يقومه بالسلامة ويرجع لنا احسن من اول , في الاونة الخيرة شفناه ضحى بالاصابة عشان فريقه ولعب وهو مصاب , الجمهور والاعلام ما قدرو هالتضحية , اقول ليش تحكمون على الانسان بدون ما تعرفون ظروفه .
في ملاحظة عليك يا سامي انت متراجع شوي يعني مكان صانع الالعاب ونجحت لان فنياتك كلها فيها الفايدة لانك انت اللي توزن المباراة . ابيك تجرب حظك وتسدد ولا تيأس لانك هداف ممتاز حاول تخترق الدفاع مثل الاول وتعيد مجدك الكبير .
و اقول هذا سامي وهذا الهلال والقادم مذهل
وارجو ان تتحقق امنيتي الزرقاء واكررررررر |