غياب المفاوض الهلالي من عقد كريري وحسن معاذ مع وجود المال ؟؟ السبب غامض - نادي الهلال السعودي - شبكة الزعيم

Ĝeηtℓe Ḿαη · #1 14/01/2012, 07:01 AM

انا استغرب والكثير من الجماهير الهلاليه تستغرب غياب المفاوض الهلالي
عن الصفقات المحلية المميزة

يمكن يجي واحد ويقول عندنا عجز مالي اختلف معه تماما"
الهلال حاليا مع الشباب والاهلي من افضل الاندية در للمال
مايعنيني الحين فريقي ؟؟
الهلال
باع عقد تياقو نفيز واتعقد الدفعه الآولى لاتقل عن 10 مليون ريال
اعار ايمانا ومثل ماسمعنا احتمال كبير يبيع عقد العربي بـ 10 مليون يورو

يعني اتوقع

راح يدخل الخزينه الهلالية مايفوق 50 مليون

ابي فقط منها 30 مليون

فيه ياسر الشهراني ، سعود كريري ، حسن معاذ

وجميع الاعبين المذكورين يبون ينتقلون من انديتهم
نستنثني الشهراني

كريري و معاذ

استغرب ماقدم لهم اي عرض مع ان الهلال بأمس الحاجه للمركزين

واستغرب مثل الجماهير الهلاليه العريضه

اليوم باخبار الصحف يقولون اقفلنا الصفقات المحلية

بالله من جبتوا حتى تقفلونه

انا بقول رايي ؟؟

اداراة الهلال تخشى الدخول مع الاندية الكبيرة وبذات مع نادي الشباب
والنقطه السلبية اللي تحسب على اداراة عبدالرحمن بن مساعد
غياب تام عن الصفقات المحلية بل جميع صفقاتهم المحلية فاشلة ؟؟
والغريب
بداية الموسم قال ابو فيصل راح ندخل بقوة في الصفقات المحلية
ولا شفنا شيء

انا ادري ان ابو فيصل يبي حسن معاذ وكريري والمال موجود
لاكن
السبب غامض ؟؟

وانا اتوقع هو الخوف من الاندية الكبيرة

الاتحاد عندما كان بطل آسيا جاب ربع محترفين الهلال الموسم الماضي الاجانب
لاكن
جلب نجوم الكرة السعودية وحقق كآس آسيا اذا تبي آسيا لازم تعاقد مع لاعبين
محليين لهم اسماهم وكفى ..

جولي الهلااااليه · #2 14/01/2012, 07:22 AM

يعطيك الف عاافيه

بالتوفيق للزعيم

MY Hilali · #3 14/01/2012, 07:37 AM

للاسف يصرفون ملايين الملايين باللاعبين الاجانب .. أما الاعب المحلي يبخلون عليه ويبونه يبدع بعد !!!!

خلف نت · #4 14/01/2012, 07:51 AM

يعطيك الف عاافيه

بالتوفيق للزعيم

Dr.Diet · #5 14/01/2012, 08:11 AM

اول شيء الشهراني يسار يعني تبيه مكان مين

ومستواه عادي جدا راجع مباره اعتزال الدعيع وشوف الشوارع اللي من جهته

سعود كريري كم عمره يالحبيب

حسن معاذ نفس الاسطوانه كل سنه والبلطان ماراح يبيعه لو تدفع 50 مليون كلها فيه ...

¬»ά₥έέя●● · #6 14/01/2012, 08:58 AM

إقتباس

الرسالة الأصلية كتبت بواسطة Dr.Diet


	اول شيء الشهراني يسار يعني تبيه مكان مين ومستواه عادي جدا راجع مباره اعتزال الدعيع وشوف الشوارع اللي من جهته سعود كريري كم عمره يالحبيب حسن معاذ نفس الاسطوانه كل سنه والبلطان ماراح يبيعه لو تدفع 50 مليون كلها فيه ...

+1

و انا اتفق معك يا غالي

و المفروض الهلال يبدا بنشاء اكاديمية للمواهب و ارسالهم للبرازيل في الاجازات
اذا حابين الكيان يستمر

HiLaLy 4 EvA · #7 14/01/2012, 09:02 AM

إقتباس

الرسالة الأصلية كتبت بواسطة Dr.Diet


	اول شيء الشهراني يسار يعني تبيه مكان مين ومستواه عادي جدا راجع مباره اعتزال الدعيع وشوف الشوارع اللي من جهته سعود كريري كم عمره يالحبيب حسن معاذ نفس الاسطوانه كل سنه والبلطان ماراح يبيعه لو تدفع 50 مليون كلها فيه ...

الشهراني يلعب يمين ويسار من زين ظهير ايسر الي عندنا الحين ؟!

اذا كريري كبير بالعمر ياخي شف فيرون كم كان عمره لما شارك بكاس العالم

ترى لاعب الي يصير عمره فوق ثلاثين مفروض تكون افضل مرحله له بحايته كرويه لانه سنه نضج كروي

ابوراس01 · #8 14/01/2012, 10:00 AM

معك نحتاج كريري لن سعود كريري ممكن يخدمك ثلاث سنوات قدام ونحتاج ياسر الشهراني من زين السباح (الزوري)

يعطيك العافيه

كلي ما فيني هلالي · #9 14/01/2012, 10:53 AM

إقتباس

الرسالة الأصلية كتبت بواسطة HiLaLy 4 EvA


	الشهراني يلعب يمين ويسار من زين ظهير ايسر الي عندنا الحين ؟! اذا كريري كبير بالعمر ياخي شف فيرون كم كان عمره لما شارك بكاس العالم ترى لاعب الي يصير عمره فوق ثلاثين مفروض تكون افضل مرحله له بحايته كرويه لانه سنه نضج كروي

ياسر للاسف ما يستاهل المبلغ اللي اشترطته ادارة القادسيه

ولا تقارنا بنجوم البرازيل او الارجنتين ,, ذولا فاهمين الكوره صح ومطبقين الاحتراف قول وفعل

اما كريري ما سالت نفسك بكم بيجي للهلال ؟؟ وكم سنه بيعطيك بالملعب ؟؟

والنضج الكروي يكون بعمر 29 او 30 ,, اما فوق ال30 يكون مستواه بنحدار وتراجع واذا قدم ما راح يكون فيه تطور بمستواه اكثر

تقبل مروري

يوتشيها · #10 14/01/2012, 05:35 PM

إقتباس

الرسالة الأصلية كتبت بواسطة Dr.Diet


	اول شيء الشهراني يسار يعني تبيه مكان مين ومستواه عادي جدا راجع مباره اعتزال الدعيع وشوف الشوارع اللي من جهته سعود كريري كم عمره يالحبيب حسن معاذ نفس الاسطوانه كل سنه والبلطان ماراح يبيعه لو تدفع 50 مليون كلها فيه ...

معاااااك حق

بعدين رجعنا على نفس الإسطوانة طلبات ومعرف إيش والحظور في الملعب قليل

بعدين إلي يقول إدارة بن مساعد مالية بحت أبغى أسألك سؤال من فين تبغاه يصرف على النادى والمرتبات والمعسكرات والأشياء الثانية ؟؟! ياسر الشهراني أتمنى إنه ما يجي شفتله أكثر من مباراة مع فريقة والله العظيم مستواااه أقل من عادي وكريري كبييييير ولا تقارنوه بلاعبين أوربا لأننا لا نملك عقليتهم ونظامنا الغذائي مضروب والإحتراف إسم فقط ومعاذ الشباب ما رح يفرط فيه ولو فاوضوه رح يكون غالي ويمكن نجيب محترف أجنبي أفضل منه !! أتمنى الدعم في الحظور زي أيام قيريتس ورح تشوفون النتائج أما الطلبات والمفاوضات نتركها لرجالها إلي يدفعون (( البعض حتى من المتجر ما يشتري ولا العضوية ولا حتى حضور ويجي يطالب بلاعبين )) المطلوب منكم الحضور

نجم سهيل1424 · #11 14/01/2012, 09:58 AM

يعطيك الف عاافيه

بالتوفيق للزعيم

شروآك · #12 14/01/2012, 11:08 AM

سبات عميق ( شبيه الريح ) متى نشوف تعاقدات محليه بعد صفقة الحارثي وفلاته

شكراً ع الموضوع .

ملك السامبا · #13 14/01/2012, 11:24 AM

الهلال في عهد بن مساعد مالي بحت

يجيبون لاعب جلس معاهم شوي جاهم عرض قوي يبيعون ع طول قدم اداء ولا ما قدم

العربي , مقدم مستوى كويس بالهجوم وان شاء الله مع رجعت ولي والعرضيات بيكون افضل تقوم تبيعه عشان جاله عرض اقوى

الكوري ,ايمانا مشكلتهم مشكلة بحته مع المدرب لاهو الي يفهمهم ولاهم الي فهموهـ وقلنا قبل
غيرو السباك وجيبو مدرب يفهم ولاكن لا حياة لمن تنادي

صفقات من افشل الصفقات
عمر الغامدي بدل الجيزاني
بيع عقد خالد عزيز
جلب فيصل الجمعان وفي النهاية منشطات

دوري كاس دوري كاس دوري كاس طفشنا
نبغى ابطال اسيا !

ALZ3EEM--ALMLKE · #14 14/01/2012, 11:36 AM

اسمع ماسمعتم خبر اهم بيجيبون محترف اسيوي

تبون نبيع البكوري نجيب محور اسيوي
ولا نبيع الكوري نجيب مدافع اسيوي ولا مهاجم اسيوي

جيبوا كريري وافتكو من المحور كريري افضل محور سعودي دفاعي

استغرب اللي يقولون ليه بعتوا خالد عزيز ياخوي اللاعب غير منظبط

مايتدرب يدقون عليه مايرد عطوه انذار اذا سواها مره ثانية بيطردونه وغاب عن التدريب قال ابوي مريض يوم راحوا المستشفى
مافيه شي
عالعموم افتكينا من عزيز ولله لو يفاوظون كريري لتشوف المحور ابداع

بس اهم شي قبل ذا ان يطرد المدرب

றя.făђāժ · #15 14/01/2012, 11:52 AM

يعطيك الف عاافيه

بالتوفيق للزعيم