|
يا حبكم للهرج .. من خلف الشاشات جماهير الهلال الغفيره ... أسمحولي أقولكم .. أن هناك من الجماهير الهلاليه من يعشقون الهرج من خلف الشاشات .. "وان شاء الله أنهم قله " يعني ببساطه .. وضع النادي ماهو عاجبني .. أتكي عاللاب توب .. افتح منتدى الهلال .. مع كم بيالة شاهي .. وأبدا أتكلم وأحكم .. وأطلب وأتذمر .. كلنا مقهورين من حال الهلال .. مستوى الهلال .. الظلم التحكيمي ولجنة الانظباط .. أنا معكم بكل الي تقولوه .. ولكن الشي الغريب .. أني أشاهد جلوسكم على المنتدى ساعات طويله للانتقاد ... وماقدرت تجلس ساعتين بالملعب تؤازر فريقك أنت وياه .. أذا قلنا أتركوا الاداره تعمل .. هناك من يخرج ويقول .. لنا أراءنا والنادي ماهو لعبه في يد اي احد .. صوتنا لازم يوصل اوكي هذا حق من حقوقك كمشجع هلالي يبحث عن الافضل لناديه ... على عيني وراسي ... وصل صوتك .. ولكن لازم يكون مقرون بحضورك .. بأختصار .. أنت شخص لك مطالب ؟ .. مو عاجبك حال الهلال ؟ .. تبي تقول الي بخاطرك؟ .. أبسط حقوقك ... أنك تطرح ماتريد .. ولكن حق للهلال عليك .. أنك تحضر لكل مباراه .. تخيلوا لو كل المشاهدات بكل المواضيع وكل الردود .. حضر أصحابها الى الملعب !! هل ستغيب الروح عن اللاعبين ؟ ... هل سيستطيع المنافس السيطره على الكره ؟ ... طالما أننا لم نؤدي واجبنا اتجاه الفريق ... ليس لك الحق ان تطلب من عضو شرف او اداري او مدرب او لاعب ان يؤدي واجبه .. خذلناهم .. فخذلونا .. وسلامتكم |
كلامك سليم ميه بالميه نبي موازره للاعبين |
تشكرررررررررررررررررررات ع الموضوع اتفق معاك100% لكن بالنهايه هذا رأي المدرج يحتمل الصواب ويحتمل الخطا |
هذا الكلام والله مااخاف على الهلال الا اذا لعب فـ الرياض ..! اداء الفريق يكون سيء.. زي ماقلت مقرون بحضور الجمهور .. هاذي المواضيع ولابلاش .. للتثبيت يااداراه |
كلامك سليم ميه بالميه اتمنى من جمااهير الزعيم الحضوووور وباذن الله البطولااات لزعيم البطولاات |
_ يَ ننَآس تكون نبي ملة آكبر وقفة مع آلزعيم .. وآلله آلهلآل يوآجه حرب ضروس من آعلآم ولجآن ورئآسسَة . . يريدون آلهلآل كمآ آصفرهم ولكن هيهآت . . لثبت للمرة آلمليون آننآ آلرقم آلصعب . . وآننآ آلجمهور آلمؤثثر . . ومضة / تركي آلهديب , آيهآ آلمثآل آلحقيقي للمشجع , نريد آقوى حملة للفريق من آلمجلس وآلآلترآس !! |
إقتباس:
ولا يهون صاحب الموضوع السبب الذي شتت حـال الهلاليين هي كثـرة النقد وكثرة متابعتهم للإعلام ولكل شاردة وواردة وكل صغيرة وكبيرة حتى صار المدرج الهلالي شحيح الحضور وفاتر الهمة أقولها لك وأنا من خارج الرياض لما أرى الهلال يذهب لأي مدينة نلاى كيف يحضر الجمهور بكثافة لأنه مشتاق!!!! لكن في الرياض نجد العـكـس .....!! هل الإعلام هو السبب والذي صنع حواجز وهمية أم أن الجمهور الهلالـي كبر إذنه وصار يسمع ويتأثر لكل شاردة وواردة ...... وصار كل مستصحف يأثر فيهم الظاهر أنها الثانيــة .....!! دور الجمهور لابد يكون وقوف ومؤازرة .... |
اشكر الجميع على تفاعلكم وردودكم الرائعه وان شاء الله ... نرى فعلا .. موج ازرق يجتاح المدرجات الزرقاء .. وهو الحافز الوحيد .. اذا اردت ان ترى موج ازرق يجتاح المنافسين عالمستطيل الاخضر |
إقتباس:
ليتك تحظر لمباريات الهلال :mad: انا حظرة مباريات للهلال خارج مدينة جدة في الجنوبيه والشرقيه والوسطى على حسابي الخاص وعلى فكرة اذا الله كتبلي عمر ان شاء الله راح احظر مباراة الاهلي وبعدها الاتحاااد ولكن انا مع الهلال قلبا وقاالبا يمكن انصدمت انت والقارئين من كلامي اقوولـك هذي بسبب حرقتي وعصبيتي وعشقي للهلال الابدي لـك ودي وحبي :rose: |
إقتباس:
اولا .. اشكرك على تفاعلك .. ثانيا .. ياخوي والله ماادري عن موضوعك ولا كنت اقصد شخص محدد بكلامي .. انا قصدت ان الي يحضر الملعب .. يعتبر قام بواجبه ومن حقه ان يطالب الفريق واعضاءه ان يقومون بواجبهم اما الي مايحضر الملعب .. ماقام بواجبه .. وبالتالي مو من حقه انه يطلب من الفريق واعضاءه ان يقومون بواجبهم وهو مقصر اتجاههم .. بالنسبه لك انت قمت بأكثر من واجبك .. حضرت مباريات الفريق بمدينتك وخارجها .. مجهود تشكر عليه .. دامك قمت بواجبك من ابسط حقوقك ان تنتقد العمل في الفريق والمنسوبين جميعهم اذا قصروا .. في اطار الادب واحترام الذوق العام .. يعني الموضوع اطلاقا لايشملك .. الله يكثر من امثالك .. ودي تحضر مباريات الهلال .. وتجي المنتدى تقول كل الي بخاطرك .. خذ راحتك اهم شي الحضور للمعلب.. بس |
إقتباس:
يا حبكم للهرج .. من خلف الشاشات واتمنى انك تسامحني اذا كلامي جرحك بشئ وانا ممكن فهمتك غلط لكن لايفسد للود قضية تحياتي:rose: |
كلامك فالصميم اخوي ، أنا اتفق معك تماما . اتمنى الحضور فالملعب بقدر عدد المتواجدين فالمنتدى ، وخصوصا من جمهور الرياض . لك ودي ... |
والله ماراح يحضرون الجمهور واذكركم بالله عليك قلي وش الي يحمس الجمهور يجي المدرب ! ولا المستوى ! ولا تكتيك المدرب ! ولا المحترف الكوري الفلته ! ولا اجانبنا المميزين ! ولا الحكام !!! اسف قصدي نبي حكام على مستوى دورينا مانبي حكام فوق مستوى الدوري مثل مطرف بالله قلي ولا تشكيلة المدرب الخيالية ! العتيبي الزوري - المرشدي - هوساوي - البيشي الفرج الفريدي الشلهوب - عزوز الكوري - عيسى انا ودي افهم كيف الفرج محور يااا ناس الفرج لاعب مهاري سريع وعارضياته مميزة وافضل مركزين له جناح ايسر او ظهير ايسر وينجح في المحور الهجومي مو الدفاعي الزوري اساسي ! ياويل قلبي بس سعد احتياط الين الدقيقة 55 ! والكوري يترنح في الملعب بحجة ان ماعنده مترجم !!!!!!!!!!!!!!!!!!! العابد وينه من بداية المباراة ! الشلهوب جناح ايمن ! الله عليك يا سكروب دول القرني مايدخل الى اخر ربع ساعة ! والفرج مبدع في الظهير الايسر والزوري يترنح في الملعب بالله كيف تبينا نحضر |
| الوقت المعتمد في المنتدى بتوقيت جرينتش +3.
الوقت الان » 09:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd