ياشباب صدقوني أسباب هزيمه الهلال مو اللاعبين


صدقوني السبب هو غلطة المدرب

ولاتفكرون أن قصدي أحطها فيه أو أني أقول إنه سئ

بس لاحطوا خطة الهلال
5-3-2
والثلاثه اللي في النص هم بدرا وعمر الغامدي والتمياط
معناتها لايوجد لاعبين أدوارهم هجوميه الا التمياط
والخثران وأندريه تفرغوا للأدوار الدفاعيه وأندريه ضاع بين الدفاع والهجوم ولا قدر يسوي
شي لا في هذي ولا هذي
لأنه أول مره يلعب في هالمركز

طيب أبي أعرف لمدرب ماشاف مباراة الهلال السابقه وكيف أندريه لعب ظهير وضاع في هالمكان بالعكس
كان ممر لهجمات الاستقلال ولو تلاحظون الهدف الثالث في هالمباراه كان من جهته ومن مكان مفروض هو يتواجد فيه
وهو معذور لأنه أول مره يلعب في هالمكان بس المدرب مالاحظ هالشي

صدقوني أنا مو قصدي أغلط على المدرب

بس أنا من أول المباراه وأنا أقول الهلال ماراح يسوي شي لأن اللاعبين ماوضع لهم
التكتيك المناسب
ولا ووشلون الهلال يدافع في مباراه زي هذي مفروض يبحث عن فوز بهدفين

على العموم أنا أقول هذا خطأ إداري لأنه مفروض يناقشون المدرب في خطأ زي هذا اللي صار
في الشوط الثاني من مباراة الأستقلال عشان مايغلط فيه في مباراة السد

بس وش تقول غير الله يوفقهم في البطولات الجايه المربع وولي العهد

وماقصروا صراحه لعبوا مباراتين جيده وان شا الله يرجعون ويلعبون زيها في المباريات الجايه