في البداية اقدم شكري لسمو الامير عبدالرحمن بن مساعد واقل له انت تفعل كل ماتستطيع من اجل الهلال ولا ننسى كم افرحتنا ببطولات وكم اسعدتنا بأنتصارات وماعليك لوم
وشكر آخر الى الاعبين سلمان الفرج وسلطان البيشي واقول لهم اتمنى ان تضلوا كما انتم وان لايعديكم لاعبينا ""المحترفين""
ثانيا:وجه رسالتي لكل من حمل هذا المستوى الهزيل المدرب فقط
انا لا اقول بأن المدرب جيد ولكن ليس هو السبب الوحيد للمستويات السيئه التي ظهرنا فيها
والله لو حتى المدرب كان سيئ الا ان الاعبين اسوأ
أزعجونا لاعبين محترفين ودوري محترفين والله ماعندهم ماعند جدتي الاعبين المحترفين بجد والي يعرفون معنى الأحتراف يشيلون الفريق حتى لو المدرب سيئ
ابفهم ليش ها العقود والرواتب والملايين الي تنصرف على الاعبين أذا مايقدروا يرجعوا بألنتيجه امام فريق مثل التعاون
بس فالحين أذا انتهت عقودهم كل واحد يطقلك مقدم عقد مدري بكم مليون الي يسمعهم يقول هذولا أكيد فلته وأذا شفت لعبهم في الملعب تغسل يدك ماتدفع فيهم مليون
لا وشاطحين يبون أوربا بالله عليكم الي ماعرفوا يلعبون قدام التعاون بيلعبون في اوربا
الا كبر راسهم وصار لعبهم استهتار في استهتار
الله يذكر احمد علي بألخير يمكن ماكان لعبه ذاك الزود لكن تحسه يمتر الملعب رايح جاي يحترق يبغى يثبت نفسه
اما لاعبينا مسوين واثقين خلاص مصقدقين انهم نجوم وش الفايده اسمك نجم ووجودك زي عدمه
انا عندي اجيب لاعب مغمور يتعب ويجتهد علشان يثبت نفسه ولا اجيب لاعب محترف اهم شي عنده الفلوس زي ثلاجة الببسي حط ريال يطلعلك ببسي ماتحط فلوس اضغط الين بكره مافي امل
رسالة خاصه الى اسامه هوساوي واحمد الفريدي وماجد المرشدي وعيسى المحياني مستواكم في هبوط حاد موطبيعي اتمنى تراجعوا انفسكم

المرشدي هذا الاعب هو سبب الهداف التي تلج مرمي الهلال


وحسن العتيبي لا تعليق

الشلهوب مايطقها اساسي مع حواري بهالمستوى !!
ولازال ماسك مكانه ..
والمدرب مصيبة اذا اللاعبين مايطبقون يعني شخصية المدرب ضعيه وساحبين عليه

كلهم جياكر ولا واحد يعرف يلعب الا الفرج والبيشي والمحياني اشوف انك ظلمته شوي

كل هذي النقاط تحسب على المدرب لاعب مو كويس ليش تلعبه قدام فريق ضعيف زي التعاون الالمبي فيه لاعبين جربهم

العله في المدرب

نجوم المباراة امس
العابد - الفرج - البيشي - المحياني

وصادق نبي مغمور يبي يثبت نفسه ولا ثلاجة الببسي

إقتباس انا لا اقول بأن المدرب جيد ولكن ليس هو السبب الوحيد للمستويات السيئه التي ظهرنا فيها والله لو حتى المدرب كان سيئ الا ان الاعبين اسوأ أزعجونا لاعبين محترفين ودوري محترفين والله ماعندهم ماعند جدتي الاعبين المحترفين بجد والي يعرفون معنى الأحتراف يشيلون الفريق حتى لو المدرب سيئ ابفهم ليش ها العقود والرواتب والملايين الي تنصرف على الاعبين أذا مايقدروا يرجعوا بألنتيجه امام فريق مثل التعاون بس فالحين أذا انتهت عقودهم كل واحد يطقلك مقدم عقد مدري بكم مليون الي يسمعهم يقول هذولا أكيد فلته وأذا شفت لعبهم في الملعب تغسل يدك ماتدفع فيهم مليون لا وشاطحين يبون أوربا بالله عليكم الي ماعرفوا يلعبون قدام التعاون بيلعبون في اوربا الا كبر راسهم وصار لعبهم استهتار في استهتار الله يذكر احمد علي بألخير يمكن ماكان لعبه ذاك الزود لكن تحسه يمتر الملعب رايح جاي يحترق يبغى يثبت نفسه اما لاعبينا مسوين واثقين خلاص مصقدقين انهم نجوم وش الفايده اسمك نجم ووجودك زي عدمه انا عندي اجيب لاعب مغمور يتعب ويجتهد علشان يثبت نفسه ولا اجيب لاعب محترف اهم شي عنده الفلوس زي ثلاجة الببسي حط ريال يطلعلك ببسي ماتحط فلوس اضغط الين بكره مافي امل

جمهور بيقول لك أصلا ما فيه تكتيك في الملعب ولا جمل فنيه .... إلخ

يا عمي لاعبينك ما يلعبون 5 تمريرات صح بدون ما تنقطع الكوره منهم. أي جمله فنيه أو أي هجمه راح تصنع.
اذا الاعبين ما كان تركيزهم عالي في أداء دورهم ولا ما راح يفيد لو تجيب أفضل مدرب بالعالم.

سبب الخساره 99% المدرب

نفس اللعيبه اللي تتكلم عليهم مع قرتس فازوا 2-0 على الشباب وبدون اجانب

اللاعبين اللي تتكلم عليهم هم اللي كانوا الموسم الماضي تنغنى فيهم وانهوا الموسم بدون اي خساره

اللاعبين لا غبـار عليهم .. لانه نعرفهم ونعرف مستواهم وكل هذا الاخفاق يتحمله المدرب

والمسؤل عن اللاعبين هو المدرب

معقوله جميع لاعبين الهلال مستوهم ينخفض مره وحده !!

عندك الفريدي الشلهوب العابد الدوسري هوساوي كلهم كانوا ابطال مع قـرتس معقوله مـره وحده يتراجع مستوا جميع اللاعبين !!

السبب واضح ولا فيه تكتيك داخل الملعب

لاعبين بلا مدرب ،، كيف بإمكانهم تحقيق الدوري

احمد ربك انه مجهودات لاعبينك الفرديه وصلتك الصداره .. لانه جميع الانتصارات اللي حققها الهلال في الجولات الماضيه من مجهودات اللاعبين والحلول الفرديه

العابد جالس احتياط اشق هدومي والله مجاملات بالهلال واولهم الشلهوب الي ما منه اية فايده

الخطه المنآسبه للمبآراة القآدمه ( من وجهة نظري )

خالد شرآحيلي
الزوري المرشدي اسآمه هوسآوي سلطان البيشي

القرني سآلم الدوسري ( محور متقدم )

الشلهوب الفريدي


نوآف العآبد ( خلف المهآجمين )

المحيآني