هل الجميع لايفقه كورة او لايرى عمل المدرب أم أنكم ياسمو الامير الكريم ترون شيئا نحن لا نراه ؟؟ - نادي الهلال السعودي - شبكة الزعيم

* نديم الود * · #1 13/01/2012, 02:46 AM

بسم الله الرحمن الرحيم ..

سيدي الكريم الامير / عبدالرحمن بن مساعد ..
مدربنا القدير ومستقبل التدريب السعودي / سامي الجابر ..

كما قرأنا في الصحف الايام الماضية في اخر اجتماعات مجلس الادارة والتي ناقشت وضع الفريق الاول السيء جدا هذا الموسم مع دول بحكم الخبراء الفنيين وليس رأي (الجمهور العاطفي ) ..

دول مدرب طموح وغير متشبع بالبظولات ويريد تحقيق انجازات .. نعم كان هذا هو تصريح الادارة الموقرة عندما تم استقطابه ..

أخذ فرصته الكاملة وأثبت بما لايدع للشك مجال .. أنه لايناسب فريق كالهلال .. متخبط , غير مستقر على تشكيلة معينة ..

سمعنا الاعذار بداية الموسم أجانب جدد , الاعبين لم ينضموا بالمعسكر , المنتخب ومعسكراته , عدم انسجام الاجانب , بالتالي لم يحضى بفرصة تواجد جميع الاعبين ..

نعم كان له العذر حينها .. لكن أن تمر 16 جولة حتى الآن والهلال بهذا المستوى السيء ؟؟
ولايقدم اي مستوى مقنع .. غير مباراة الاهلي ؟؟ وهل اصبحت مباراة الاهلي الي ابدع فيها الهلال عذر لبقاء دول واستمراره ؟؟

الفريق كان متصدر وخسر الصدارة .. ولو عدنا للنتائج لوجدنا الفوز يأتي بشق الانفس ..
في مباراة الفريق الاخيرة المتصدر يتعادل مع فرق المؤخرة ...

نعم الحكم كان سيء وقتها ولكن مدربنا كان اسوأ طول الجولات الماضية ..

حينما يتعادل الهلال مع فرق المؤخرة هذا خلل فني يجب معالجته فورا ..

نحن كجمهور عاطفي وربما لانفقه بالامور الفنية كما في تصاريحكم الموقرة ..
ولكن بعض التبديلات في بعض المباريات لاتحتاج الى خبير فني ليؤكد صحة
قراءة المدرب للمباراة ويتضح بأن المدرب لايجيد قراءة المباراة ..

نأتي لرأي المحللين الفنيين ( الناس الي فاهمة كورة ) .. جميعهم أتفقوا على ان دول لايناسب الهلال ..
بل اصبح علة للأسف عالفريق .. اجتهادات لاعبين ومهارة وسط الهلال هو من يصنع الفارق ويجلب النتائج وليس تكتيك المدرب مع احترامي الشديد لدول وجهازه الفني ..

نعم نحن نعلم ياسمو الامير أن المدربين ليسوا متواجدين بالسوبر ماركت نجدهم بسوله وقتما نريد ..

ولكن هل يعقل أنه لايوجد مدرب في العالم اكفأ وافضل من دول ؟؟؟
أم أن البحث لايتم بنفس المعايير السابقة في اختيار المدربين ..

تغيير دول اصبح ضرورة ملحة .. ياسمو الامير دول جاب لنا الصداع

ختاما : هل الجميع لايفقه كورة او لايرى عمل المدرب أم أنكم ياسمو الامير الكريم ترون شيئا نحن لا نراه ؟؟

شكرا لحضوركم مقدما

8زورو الروماني8 · #2 13/01/2012, 02:49 AM

الله يعـــــــــــــطيك العافــــــــية

AHMED999 · #3 13/01/2012, 02:52 AM

لأن للأسف القرارت في الأدارة يديرها أكثر من شخص .. وطبعاً .. رجل الأستثمار في النادي عبدالله بن مساعد هو صاحب القرار ...

يعني الله كريم ... وانا اقول هالكلام حسب كلام الصحف الهلالية وهالشي انا كمشجع حسيته ..

إحساس خالد · #4 13/01/2012, 03:03 AM

اعتقد اخوي ...
الاشكاليه اللي فيها الان مثل سالفتنا بقضيه كوزمين بعد اقالته
وتصريح الامير عبدالله بن مساعد بما معنى كلامه
المدربين اللي عليهم العلم مرتبطين بعقوود من انديهم
ماراح نلقى الا مدرب مطروود او ماحقق نتيجه مرضيه لناديه
’،
عموما دول غير مرضي ..
وياليت فيه اعاره للمدربين كان نعير للمغرب دول ...
وناخذ قريتس ( قلب )

زعماء في الحياة · #5 13/01/2012, 03:46 AM

إقتباس

الرسالة الأصلية كتبت بواسطة إحساس خالد


	اعتقد اخوي ... الاشكاليه اللي فيها الان مثل سالفتنا بقضيه كوزمين بعد اقالته وتصريح الامير عبدالله بن مساعد بما معنى كلامه المدربين اللي عليهم العلم مرتبطين بعقوود من انديهم ماراح نلقى الا مدرب مطروود او ماحقق نتيجه مرضيه لناديه ’، عموما دول غير مرضي .. وياليت فيه اعاره للمدربين كان نعير للمغرب دول ... وناخذ قريتس ( قلب )

ي رجل كل عمر الانديه يجيبون افضل المدربين بوسط الموسم يعني وقفت ع الهلال بالموسم ذا واكبر دليل المغرب اخذوا قريتس ودفعوا الشرط الاجزائي واذا مو دافعين يستقلون وغيرهم يدفع ويجب

المجهر · #6 13/01/2012, 03:18 AM

اخي الكريم ..الاداره اعطته فرصه ..هل تتذكر هذا المقال ..ام نسيته ؟؟ اعطته فرصة لمباراة التعاون والنصر والاهلي وستقرر بعدها ... لاتخف فالاقرب هو رحيله.. لكن المشكلة هو في حضور مدرب يناسب للهلال ..هجومي .. لاتيني ..ويجيد ويركز على التمرييرات القصيرة واللمسة الواحده ..هذا مايناسب الهلال حاليا ..لانه الانسب للعب اللاعب السعودي بقياس ثقافته ومزجياته في الملعب ..وهذه الطريقة ليست قديمة بل اثبتت جدواها مع برشلونه ... والآن برشلونه يعتبر الاول في المستوى والامتاع والنتيجة ..
خاصة لاننسى ان لاعبين الوسط جدد ويحتاجون الى اسلوب سهل يناسبهم ويناسب طبيعة لعب اللاعب السعودي ...كذا مره كتبت ان المدرب الاوربي طريقته بعيدا جدا عن الطريقة التي تناسب قدرات اللاعب السعودي ...غير كذا كيف سيعرف المدرب الاوربي قدرات اللاعب السعودي وقدرات لاعبيهم ( اقصد الاوربيين ) تختلف بالكلية عن قدرات اللاعبين اللاتينيين والسعوديين ... كضرب مثال عندهم لاعبين نجوم جدا كبار لايعرفون حتى يركضون وبطيئين في تثبيت الكره ..ولا يعرف حتى يلف بالكره فما ضنك ان يحاور لاعب ويتخطاه ؟ ومع ذلك عندهم نجم كبير ويشار له بالبنان ..! فقط لانه يجيد التمركز ويجيد وضع الكره في زوايا ..ولو تدرب في الشعلة لما قبلوه ..؟؟ المدارس تختلف ولهذا يختلف التقييم والفهم للمدربين في اللاعبين وقدراتهم ...وكم مره تكلمت المدرسة اللاتينية انسب لها مدرب يجيد المدرسة اللاتينية والمدرسة الاوربية انسب لها مدرب يجيد المدرسة الاوربية ..ولايغرك ان ينجح اوروبي مع الهلال فليس هذا شاهد ...فالهلال قد ينجح مع اتعس وافشل المدربين سواء اوروبي او لاتيني فللنجحات امور متعدده وكثيره لاتحصى ..وللعلم فان جيرتس كان يميل الى المدرسة الاتينية في جز كبير من تكتيكة ... فهو يشجع على اللمسة الواحده والتقارب بين اللاعبين وكثرة التمرير .. وهذا اسلوب لاتيني ..

* نديم الود * · #7 13/01/2012, 05:29 AM

يا احبتي الكرام

لو درب الجابر بدل دول سيقدم افضل من دول ولنا في مباراة الاتحاد الموسم الماضي في وضع الهلال السيء وقدم نتيجة مرضية ..

المهم الا يستمر اكثر مباريات الاهلي والنصر قد تكسبك بطوله وقد تبعدك عنها ..

الوضع حساس ولايحتاج فلسفة دول وتجاربه ..

تقديري للجميع

سعوديه والهلال ناديه · #8 13/01/2012, 09:16 AM

انا اشوف انه صعب التغيير في هذا الوقت

وبنفس الوقت اشك ان المدرب السبب

الاعبين السنه ذي مو مرتاحين حتى في وجيهم تقول الواحد مات له قريب

مالهم نفس يلعبون وقد نعذرهم لهم الحين سنتين ماوقفو الا كم شهر

لكن السنه ذي الوقت كافي بين مباراه واخرى

اتمنى من لاعبين الزعيم يلعبون بروح الهلال

ويحاولون يتكيفون مع اي طريقه تطلب منهم

فالمدربين مدارس ولابد تختلف الطرق من مدرب لاخرى

اخيرا اقول لهم لاتحطون في بالكم اقالة المدرب

مو الهلال الذي يتامر عليه لاعيبة من اجل الغاء عقد مدرب

وثقتنا فيكم كبيره ولايمكن نشك بكم

FC LYON · #9 13/01/2012, 10:06 AM

المدرب اوافقه في نقطه دايم يقولها الاعبين لايريدون يلعبون كوره مدري تشبعو بطولات او ايش
بس ذا المدرب عندي عليه ملاحظه وهي التغييرات ياهو عليه شطحات توقع اي سيناريو
ومعاه التشكيل الاساسي في لعيبه حرام يجلسو بالاحتياط مثل نواف العابد لاعب حسم دايم تنزله من بداية الشوط الثاني ويقلب النتيجه ياخي اعتمد عليه من البدايه ايش هالغباء

مهاجم من الطراز الاول كم اتمناه رأس الحربه بزعيمنا

* نديم الود * · #10 13/01/2012, 10:06 AM

اشكر لك حضورك سيدتي الكريمة ولكل من سبقك بتعليق او مشاهدة ..

لن يبذل الاعبين الجدية وهناك اخبار تلوح بالافق برحيل دول ..

لو وجد المدرب الناسب لظهر الفريق بمستواه المعروف ..

التغيير مطلب قبل بطولة اسيا ..

تقديري وودي لكل من شرفني