بعيد عن المقدمات لي فتره اتبع الحراك داخل موقعنا وانصدم بأراء واقتراحات
صحيح حرية التعبير والرائ والشفافيه مطلب اساسيه لكن ليس بهكذا تورد الابل!
المشكله من دول ماهو في مستوى الهلال الحل ترحيله!
المشكله من المرشدي مسرح ومستواه هابط الحل تسريحه!
المشكله من ايمانا متكبر ومتعالي الحل ترحيله!
المشكله من الكوري يضيع فرص بالكوم الحل ترحيله!
المشكله من العربي لاعب ثقيل الحل ترحيله!
المشكله في العتيبي مفهي الحل تسريحه!
المشكله من هرماش مو محور دفاعي الحل ترحيله!
المشكله من الشلهوب ضايع الحل تسريحه!
المشكله من الظهيرين الزوري ونامي مايمك احد الحل تسريحهم!
المشكله من الفريدي استعراضي وبارد الحل تسريحه!
المشكله من هوساوي مايبي الهلال الحل اطلاق سراحه !
المشكله من العابد يبي اهداف ونسي انه صانع لعب الحل يجب تسريحه!
ههههههه
الحل نقفل النادي ونجلس نسولف مع بعض اصرف
وفي الطرف الاخر هناك من يدافع
دول لم ياخذ فرصته كامله
والمرشدي مشكلته من اللي جنبه
وايمانا مشكلته من عدم تعاون الاعبين معه والمدرب
والكوري مشكلته مو متفاهم مع زملائه ويبي مترجم
والعربي مشكلته من الوسط
والعتيبي مشكلته من الدفاع
وهرماش مشكلته يبي معه محور
والشلهوب مشكلته مقيده حركته
والالظهيرين مشكلتهم من مساندة الوسط لهم
والفريدي مشكلته محد فاهمه
وهوساوي مشكلته طفش من الاشاعات
والعابد مشكلته مشاركاته مع المنتخبات
والله حاله !
فريق كله مشاكل في مشاكل والمشكله الاكبر لازال المتصدر !
والادهى من ذالك اشوف مواضيع صايره تنزل وتطالب باستحياء الامير عبدالرحمن بن مساعد
بالاستماع لهم او الرحيل !
غريبه ياجمهور الزعيم !
هل اصبحنا جمهور لاعبين ؟
اين نحن من حب كيان الزعيم والحرص عليه؟
مادمنا سوف نحاسب الاداره فيجب علينا عدم التدخل في عملها واعطائهم الفرصه كامله
وفي نهاية الموسم لكل حادث حديث .
اما ان نتدخل وننتقد ونطالب بالافضل فهذا مستحيل
اتمنى وصلت الفكره
الحل الامير عبدالرحمن بن مساعد يستقيل 
روقت .~ 
الوضع المتطور
