قمة التناقض هجوم ودفاع ومدرب (( نقاش للجمهور الواعي )) فقط
 

عالجرح الموضوع مشكووووووور يالغالي والله يدي اللي فيه الخير للزعيم

المدرب الألماني...

مدرب لا يعتمد على شيء اسمه ((أسماء))

ولا شيء اسمه ((مركز))

فهو مدرب لا يلعب بدفاع ووسط وهجوم

بل يلعب بأرقام..أي اللاعب رقم واحد اللاعب رقم اثنين..

فهو يعتمد على الكرة الشاملة..

ولكن توماس دول لم يستطع فرض أسلوبه..

بين إعلام وجمهور يهتم بالأسماء..

هاهو ريكارد كذلك لم يفرض أسلوبه..

فريكارد مدرب يعتمد على ثلاثة مهاجمين وهميين أي يلعب بدون مهاجم صريح((أسلوب البرشا))

فريكارد هو من صنع البرشا وأراد بأن يصنع المنتخب السعودي فشاهدناه في مباراة عمان لعب بياسر والشمراني على الأطراف ولعب بعزوز الدوسري بالعمق((كرونالدينيو أو ميسي مع البرشا))

ولكن الجمهور والإعلام جلده وطالبه بمحمد نور ..فأحضر نور ولعب بتكيك لأجل نور..

...

لذلك توماس دول مثل ريكارد مدرب لديه أسلوب خاص به لم يفرضه..

...

طبعا توماس دول عيبه الوحيد من وجهة نظري انه لم يفرض أسلوبه لأجل الإعلام والجمهور فكان من المفترض ان يلعب بأسلوبه مهما تكلم الناقدون..

كلام جميل جدا

نحتاج مدرب يجمع بين كوزمين و جريتس

يأمن الدفاع ويمتع ويسجل

أما دول ما عندك احد

دول معتوه وفاشل , مفروض توضح بصمته من خامس مباراه او رابع مباراه

على اقل تقدير لكنه فاشل فاشل فاشل عشوائية داخل الملعب توظيف خاطئ

يلعب هرماش محور وحيد ؟ وهرماش محور هجومي !!!!!!! انسان لا يفقه

شي بالتدريب وسجله يشهد بذلك اذا لماذا الاستمرار عليه لماذا نكرر خطا كالديرون

عندما كنا نطالب باقالته وكاد الفريق يخرج من المجموعات ؟ وابشرهم مع دول

العن والعن والعن هذا وجهي اذا حققتو شي مع دول .

يعني من كلامك اسلوبه ضعيف وهالشي يعتبر عيب كبير


وانا الاحظه بالمؤتمرات الصحفيه يرتبك ويهتم لكلام الاعلامييين كثير

كانه يستجديهم يمدحونه

-

أول شيء يعطيك العافية على فتح مجال النقاش في هالموضوع الهام !
آسيا باقي عليها شهرين فقط ولآزم نلحق على أعمارنا يَ سمو الأمير الهلال مع دول ولا شيء
بكل أمانة مدرب ضعيف شخصية لا يستطيع فرض أسلوبه على اللاعبين ولا يجيد توظيف اللاعبين جيدا
كلنا نتفق بأن الكوري سو لاعب صندوق ولو لاحظناه بأهدافه اللي سجلها يجيد التصرف داخل الصندوق عكس العربي تماما
العربي لاعب بطيء وثقيل يجيد التسديد والكرات الرأسية فقط لا يجيد الإختراقات ولا الباصات والتمرير السريع وأختلف معك بالنقطة اللي ذكرتها بخصوص العربي
أما صراحة مو بذاك الزود اللي مدحته فيه كوزمين مدرب ضبّط الدفاع فقط يعني بالعامية مدرب حق تقميط , ما فيه متعة باللعب ولا أهداف كثيرة
عكس قيرتس , قيرتس مدرب داهيه وصحيح إنه خبص أوم الدفاع لكن أجبر الأندية على الدفاع بهجومه [ وأفضل طريقة للدفاع الهجوم ]
لكن مشكلته إنه ما يقرأ المباريات صح , تلقاه الشوط الثاني يقمط وهو ما يدير الدفاع ولو إنه مستمر بهجومه زي ما سوى بـ مباراة الإتحاد الشهيرة 5-0 كان ضبط وضعه
ولو تتذكرون معاي مباراة الشباب , الهلال كان متقدم 2-0 وعادلنا الشباب بسبب تقميطه وفيه مباريات كثيرة بس ما أذكرها
بس فيه نقطة أحب أضيفها لموضوعك / وهي اللاعبين الأجانب , ليش الإدارة مصرّة إنها ما تجيب لاعبين برازيليين أو أرجنتينيين
ومع إنهم دائما أو غالبا ينجحون في الشرق الأوسط نادرا تلقى لاعب برازيلي ما نجح في الكرة السعودية والخليجية والعربية بشكل عام
على العموم آسف على الإطالة لكن هذا الواقع , والله يكتب اللي فيه الخير للزعيم :rose:

شكرا لك ابو باسل

موضوع شيق وجميل وهادف

.............

كلامك جميل ، ولكن الخلل واضح كوضوح الشمس ، الفرق بين جيرتس وكوزمين ودول أن الأول والثاني مسكوا الفريق مستقر وجابوا لاعبين يخدمون طريقتهم اما دول مسك الفريق غير مستقر وفيه تغيير كبير بالعناصر ، فهنا ما يقدر يضع بصمته بدري حتى ينسجموا اللاعبين مع بعض وكرة القدم معروف أن الانسجام فيها شيء مهم وبدونه ما تقدر تحقق بطولات او تعمل شيء.

اما الشيء المهم الآن المدرب راح يستمر مع الهلال والآن وقت انتقالات : اتمنى من الادارة انها تطلب من المدرب اختيار اللاعبين اللي يخدمون نهجه وبدون تدخلات وفرض اسماء لاعبين على المدرب لأن مصلحة الهلال اهم من كل شيء اتركوا المدرب يختار اللاعبين الانسب لطريقته وبنهاية الموسم يتم المحاسبه.

الألمان كما قال الاخ : العابد ، لا يعتمدون على الاسماء اكثر من اعتمادهم على العطاء في الملعب والارقام المحققه وهذا شيء واقعي وملموس مع المدرب دول وشفنا كيف يغير الفريدي و الشلهوب والعابد و الكوري إذا ما أدوا الاداء المطلوب منهم. حتى الزوري أذكر أنه غييره في بداية الموسم لما كان يخبط باللعب.

معنا وقت اخوي واتمنى مانندم على عدم تدارك الاخطا

والله يستر

أنا أقول صبر على المدرب ويكفى أن الزعيم هو المتصدر صبر صبر صبر ،،،

وبدأت المصايب تتوالى من مباراة التعاون

والله تحليل عين العقل

أوافقك الرأي + ثقافة اللاعب السعودي الذي الى الان يلعب على المركزية دون التحرك بلا كرة وتغيير المركز والهجوم والدفاع ( ككتلة واحدة)