|
إلى متى إذلال الهلال يا بن مساعد؟ الى متى واحنا جدار قصير؟ والله حرام اللي يصير بسم الله الرحمن الرحيم الكل يعرف ما نشر على الجريدة (القذرة) عن طريق الكاتب (القذر) الذي لا يتشرف منتدى الهلال بذكر اسمه هنا. من كذب وافتراء و قذف للاعبي الهلال حسن خيرات و محمد القرني, ما راح أدخل في التفاصيل فالكل يعرف ما حدث. ‫حالة سكر لاعبي الهلال تحت انظار الفراج !‬‎ - YouTube السؤال اللي يطرح نفسه, في عهد عبدالرحمن بن مساعد كم مره تكررت هذه الاساءات و هذه المشاكل؟ ياسر, رادوي, ويلهامسون, إيمانا, سامي و الان وصلت للقرني و خيرات و الكل يتذكر ان الامير نواف بن سعد تضرر أيضا. الى متى و احنا ساكتين؟ لا رد؟ لا قضايا؟ لا شكاوى؟ ما فيه احد يلجمهم و يوقفهم عند حدهم. بس شغل تويتر و اصبروا على المدرب و نحن نسعى لارضاؤكم ما نبي فريق يلعب قبل ما ترجع لنا كرامتنا! ما نبي نفوز والكل يكيد ويخطط لنا! والله عيب اللي يصير في حق أكبر نادي رياضي سعودي في المملكة! يا عبدالرحمن بن مساعد انت ما ترأس الأهلي أو الاتفاق أو الشباب أو أو أو تراك ترأس الهلال, انت ترأس فريق خلفه (ِشعب)! أنت ترأس فريق خلفه أكبر قاعده جماهيريه في الخليج العربي و تعد من أكبر القواعد الجماهيريه في الوطن العربي. رجال و نساء كبار و صغار, من جميع فئات المجتمع, إلى متى وهالxxxxx يهايطون و يألفون و يقذفون في أعراض لاعبينا و أعضاء شرفنا و رموزنا؟؟ نحتاج وقفه صارمه من قبلكم قبل أن يحدث ما لا يحمد عقباه, سمعة نادي تتشوه مع الزمن, و الكثير من الجهله في الرياضه و من الأخوان الخليجيين و العرب توصلهم هذه الأخبار و يصدقونها خصوصا انه لا يوجد حتى (نفي) لهذه الأمور. والله نقدر كل ما تبذله من جهد ووقت ومال في سبيل إرضاء الجمهور الهلالي الكبير, لكن مثل هذه الأمور مهمه يا سمو الأمير, والهلال يحتاج أن يوقف كل (تافه و سافل) عند حده. نبي ناس مثل هالاثنين يوقفون كل شخص عند حده و لا تهون يا بن مساعد: http://vb.qlbe.com/uploaded/87385_01173380428.jpg http://www.aleqt.com/a/530488_158911.jpg |
سمعت انو الهلال راح تتقدم بشكوى ضد الصحيفه وباذن الله ينكشفون على حقيقتهم |
للتنويه: السفله اللي كتب الخبر في سبق هو من بدأ الحملة ضد وشم رادوي طبعا يكرم المنتدى و نادي الهلال عن ذكر اسمه (القذر) وصورته فالهلال أرقى من هذا الxxxx |
اللي سمعناه ان الادارة ناوية تشتكي على الصحيفة لان الامور زادت عن حدها صراحة! |
ياخوي انتم وش قصتكم على صحيفة سبق ؟؟ انا الي قريته في الخبر انهم اثنين من لاعبي احد اندية الرياض ما قالوا الهلال الا اذا كانوا عدلوا الخبر بعد ردة فعل الجماهير !!! لكن اذا كان فعلا انهم متهمين لاعبي الهلال اتمنى من رئيسنا ابو المثالية ضعيف الشخصية مع احترامي له الي اصبح الهلال في عهده جدار قصير لكل المتسلقين ما يسكت عن هالموضوع ابداً .. |
والله معاك حق ... رئيس الهلال قدم الكثير للنادي وما قصر ... لكن في المقابل ضيع حقوق النادي واللاعبين ... |
يارجال اداره تتعامل بطيبه زايده تصل لحد السماجه مع مجتمع ماينفع معه غير العين الحمراء0اكيد هذا الصحفي القذر وجد ان زميله صاحب صورة اسم ايمانا حر طليق ولم يمسه اي شي بالمناسبه ترى اعضاء الشرف مطالبون من قبل جماهير الهلال بحفظ سمعته وليس الااداره وحدها0 |
حسبي الله عليهم .. صحافتنا حالياً صحافة شوارع للاسف لا يوجد ضوابط تحكمهم .. ولايوجد حكيم بينهم لانهم بالغالب فاشلين لايعرفون سوى كتابة سوالف ونقاشات الاستراحات ثم يريدون منا متابعتهم بالحقيقة ضوابط النشر بالمنتديات أفضل بمراحل من تلك الصحف .. ومن فيها طبعاً :yes: كل اناء بما فيه ينضح |
لا جديد .. من عهد عبدالرحمن بن مساعد والكل يلطم في الهلال اعلاميا .. مكانك سر الله يرحم ايام محمد بن فيصل |
إقتباس:
قالوا لاعبين في نادي كبير في الرياض صار لهم حادث وهم في حالة سكر الرياض ما فيها الا 3 أنديه في دوري زين: الهلال - النصر - الشباب وما سمعنا ان فيه حادث أمس صار للاعبي النصر أو الشباب و أمس صار حادث لخيرات و القرني, يعني واضحه ما يبي لها توضيح زياده |
سمعت انو الهلال راح تتقدم بشكوى ضد الصحيفه وباذن الله ينكشفون على حقيقتهم |
كتبت من قبل وطالبت مرارا وتكرارا بالجام هؤلاء الذين يعتمدون على الحلم الهلالي فحتى ابوفيصل طعن في دينه وعلى الهواء مباشرة ومع ذلك لم يحرك ساكنا والوحيد الذي رفع قضية هو الامير نواف وكسبها وسؤالي هنا هل طعن الامير نواف حرام وطعن لاعبي وجماهير الهلال حلال بصراحه ملينا صمت |
شكرا لك و للاسف المقولة المشهورة نادي الحكومة المدلل مع كل هذه الشواهد و الكثير الكثير دائما ما تقلب الحقائق على الزعيم و لا جديد مع الزعيم في كل الامور |
حسبى الله ونعم الوكيل ومن عرفت الهلال جداره قصير مو بس في عهد بن مساعد وانا ضد ان الاداره تتفرغ لهم وتترك شغلها بس انتم كاجماهير وينكم حتى الحضور وبكثافه مانشوفكم لو كل هلالي مخلص يحضر ماكان يعطي للمندسين فرصه للحضور والتخريب وبنفس الوقت كان اي اعلامي يحسب الف حساب لكم لو فقط رددم اسمه او رفعتم لوحه ضده دون اساءه يكفي التشهير به |
حـسـبـى الله ونـعـم الـوكـيـل على هالصحيفة |
| الوقت المعتمد في المنتدى بتوقيت جرينتش +3.
الوقت الان » 02:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd