الجميع يتفق معاي [ام مباراة الزعيم مع جوفتوس في النهاية هي مباراة تكريميه

لكن ماهو نتعرض لمهزله كروية وننهزم بالسبعه !!!

يعني الجماهير اللي حضرت والجماهير الاندية الاخرى التي تتابع المباراة

وفي النهاية ننهزم بالسبعه والله كبيرة يالزعيم

ولا تنسوا أن المباراة يشاهدها جماهير خليجية وعربية وعالميه

لذا المفروض ان الفريق يكون مهيئ للمباراة ومستعد استعداد يليق بالفريقين

صحيح اللاعبين مرهقين وكانوا لاعبين مباراة الشباب لكن موعد التكريم ماكان توقيته مناسب نهائياً

وكان من المفترض اختيار نجوم كبار من داخل البلد او من الوطن العربي

يعني بالله وش الحكمه من اختيار خالد عزيز واليأس وغيرهم من اللاعبيين اللي ضررهم اكثر من نفعهم

وبصراحه زي هالمباريات يا تكون مفيده للفريق ولا بلاشي حفل اعتزال

حتى الجماهير التي حضرت وضحت بالمذاكره من اجل مشاهدة المباراة

اصبحوا يتمنون ان تنتهي بأقل أهداف والحمدالله انها انتهت بتلك النتيجة !!!

وصدقوني الجماهير لوووو تعلم بهذه المهزله والله لن تحضر ولن يكون لديها حافز لحضور اي تكريم اخر

لانها تبحث عن المتعه حتى لوووو خسر الفريق يخسر بشرف ماهو بمهزله وفضيحة

اكيد بيطلع واحد الان من الاعضاء وبيقول اخي تراها مباراة اعتزال ماهي مهمه واللاعبيين مرهقين والفريق الاخر كان قوي والخ ... ...

الحسنه الوحيده في المباراة هي مشاركة ولي والذي اثبت للجميع انه اللاعب المميز واللاعب الخطير واللاعب الذي يستفيد منه الفريق

وفعلاً والله ابدع اليوم وذكرنا بزعيم غيرتس وبمستوى الزعيم الموسم الماضي

وان شاء الله نراه قريباً في الفريق حتى لوووو على حساب الاجانب الاربعه

فهوا لاعب عن اربعه لاعبيين محترفين في الهلال الان

تحياتي

بالعكس كان مباراه رووووعه

تحس انك تلعب امام يوفنتوس

اكثر ما اعجبني انه فريق يوفنتوس يبغا يمتع الجمهور وفعلا قمة المتعه

وشيء طبيعي النتيجه الهلال يلعب بالاولمبي ولاعبينه القداماء

إقتباس الرسالة الأصلية كتبت بواسطة السعودي وافتخر بالعكس كان مباراه رووووعه تحس انك تلعب امام يوفنتوس اكثر ما اعجبني انه فريق يوفنتوس يبغا يمتع الجمهور وفعلا قمة المتعه وشيء طبيعي النتيجه الهلال يلعب بالاولمبي ولاعبينه القداماء

أوووووه مآشآء الله وش ذا الحمآآس
لا يكون مع كل هدف تنط وتصفق لليوفي
ااخخخ وش ذا البروود أنآ مقهووورة من النتيجة وذا يقول رووعة !!!

إقتباس وصدقوني الجماهير لوووو تعلم بهذه المهزله والله لن تحضر ولن يكون لديها حافز لحضور اي تكريم اخر الحمدلله إننا مآنعلم الغيب وعالعموم هم جايين احتفال بالدعيع

صح اتفق معاك وبقوة النتيجة كبيرة وانقهرت كثير
لكن يضل هذا احتفال وبلاش كلمة مهزلة هي مو على كأس
وش ذنبنآ الطليآن آخذينهآ جد ماالت عليهم

إقتباس الحسنه الوحيده في المباراة هي مشاركة ولي والذي اثبت للجميع انه اللاعب المميز واللاعب الخطير واللاعب الذي يستفيد منه الفريق وفعلاً والله ابدع اليوم وذكرنا بزعيم غيرتس وبمستوى الزعيم الموسم الماضي وان شاء الله نراه قريباً في الفريق حتى لوووو على حساب الاجانب الاربعه

آآآآه نبييييييه يرججععععع ويلي تكفى يآعبدالرحمن بن مسآعد ترجعه لنا

التــوقيت كان سئ ..

وأنت قلتها الارهاق وبعد الاعبين صغار ومافي انسجام ..

وبعدين الهلال معتبرها مباراه استعراضيه لا أكثر وأقل ..

عواافي .

انا مع صاحب الموضوع

صح انها مباراة تكريم بس النتيجة قوووووية

لا وازيدك من الشعر بيت واحد من الاخوان الله يصلحه منزل موضوع يتكلم فيه على كبري سامي !!!!!

ما يدري الحبيب ان هالهزيمة تسجل بالتاريخ باسم الهلال ولو ما لعب الهلال بالفريق الاساسي

تعرف ان هالهزيمة قد تؤثر على الهلال في مسيرة الدوري

تحياتي

إقتباس الرسالة الأصلية كتبت بواسطة DR.YAZAN لا وازيدك من الشعر بيت واحد من الاخوان الله يصلحه منزل موضوع يتكلم فيه على كبري سامي !!!!! ما يدري الحبيب ان هالهزيمة تسجل بالتاريخ باسم الهلال ولو ما لعب الهلال بالفريق الاساسي تعرف ان هالهزيمة قد تؤثر على الهلال في مسيرة الدوري تحياتي

اللــه يهديك مخلي المباراة كلــها وماضايقك الا موضووع كوبري سامي


عالعموووم .. هي صح مباراة اعتزال بس برضــه ال 7 قــوية ..

إقتباس الرسالة الأصلية كتبت بواسطة روقان هلاليه خلي اعصابك تنحرق يا المندس

ههههههههههههههههههههههههههههههههههههههههههههههه

إقتباس الرسالة الأصلية كتبت بواسطة روقان هلاليه خلي اعصابك تنحرق يا المندس

وش مندس!!! نشره اخبار الدنيا؟

العقل نعمه

تم حذف الرد وتحويله الي موضوع

نعم اعتبرها كبيرة قوية في حق واسم الهلال ويكفيني من بعد المباراة لين الحين
مارتحت من الفقراويين والاتشاديين جوالي احرقوه مسجات نكت وتقطيع
اعتزال كله شي فيه حزن في حزن توقيت سئ نتيجة ثقيله لاعبين مستهلكين يلعبون
ويبون جمهور مباراة للهلال بالدوري قبلها ممله مدرب ماعندك احد

واللي يعتبر النتيجة عادية ياليت يحس باللي حسيت فية من سيل الرسائل
ومن الموجهات الشخصية مع الاقارب والاصدقاء من الفقراويين والاتشاديين
مكسرين الدنيا من الفرح فرح هستيري لهم بسبب النتيجة الكارثية

والله يسامح اللي حط الاعتزال واختار من يلعب فيه حتى نتعرض
لشتائم واحنا في غنى عنها

عادي اذا شوط شياب وشوط صغار وبين البينين مرهقي من مباراه قبل ٢٤ ساعه عادي جدا جدا

الهلال داخل المباراة على انها استعراضيه فقط لاغير
لانهم يعانون من الارهاق فـ تشوفه يسحبون رجلينهم

غير كذا التغييرات بعض اللاعبين اللي لعبوا مانعرفهم طبعا من اقارب الدعيع وباين صغيرين بالسن
وكل شي مدخلين اربع لاعبين ولا ثلاثه وتبغاهم ينسجمون ب 15 - 20 دقيقه

اتفق معك

الفرص غالباً لا تتكرر وكان بالامكاان ان الهلال يستفيد فنياً من هذه المباره

لان موعد المباره غير مناسب ابداً لفريق الهلال

وحتى في اسواء الاحواااال ما تكون بالعشوائية اللي صارت مع المباره اجل ٧ وعلى مين الهلال

وغريبة على الاداره عودتنا بالفكر العالي الاحتراافي



باتوفيق للاخطبوط 

نجووووووووووم اليوفي يلعبون من قلب
ولاعبين الهلال يتمشووووووون
والله فضاااااايح