#1  
قديم 05/01/2012, 11:14 AM
الصورة الرمزية الخاصة بـ Blue 610
محرر اخبار رابطة توتنهام
تاريخ التسجيل: 30/12/2008
المكان: عنيزة
مشاركات: 205
* 11 سنه + بلاك بيري = ؟!

السلام عليكم و رحمة الله و بركاته
صباح / مساء الخير كلن حسْب وقتهه

كيف ألحال ؟ إن شاء الله بخير و صحةة



بخش في الموضوع دغري .. لأني ما أجيد المقدمات

أمس كنا في إستراحة انا و الأهل والأقارب
و اشوف واحد من البزارين .. بالمجلس جالس معنا ويطقطق بالبلاك بيري
و أبُوه يناديه : راكان .. راكان .. راكان ! و ألولد ساحِب .. وما يرد

و بعد كل هذه المناداه ابو راكان ما يسوي شيء !
و يسكت بدون أن يُعاقب الولد أو حتى يهزأه !
- السبب اللي خلاّ راكان ما يرد على ابوه هو ( إنه مشغول بَ قراءة البرودكاست الطويل اللي ارسله صديقه ) !
و عشان كذا تجاهل ابوه لما ناداه


المهم .. بعد هالموقف بساعة تقريبا طلعت برى اشم شوي هواء <
و اشوف راكان جاي لي ..

و يقولي .. هلا والله بدر .. قلت ياهلا والله بولد عمتي بعدها على طول
يسألني معاك بلاك بيري ؟ قلت ايه معي تبي البن ؟
قال ايه يا ( شنب )

المهم اخذت البلاك بيري حقه عشان اضيف نفسي
و قلت آخذ جوله في جواله عادي الرجال ماقال شيء
حبيب هو حبيب

قعدت ادُور في الصور - المقاطع - مسنجر بلاك بيري
و شفت النون وما يعلمون في جوال هذا الطفل اللي عمره 11 سنه فقط !
صور فاضحه - مقاطع جنسيه ! - الفاظ سوقيه ( شتم و لعن ...إلخ ) في المحادثات


و شوفوا معلوماته اللي جمّعتها لكم :

النك في مسنجر البلاك بيري .. ( عذبني الوقت )
و البرسونال : ياوقت لا تقسى علينا بقوه !
اخر برودكاست : أبعدت عنك أحاول انساك و أجفاك - لكن محاولاتي ثبت لي فشلها !

و الأدهى و الأمرّ .. انه يرسل برودكاستات نكت + صور (+18) ! و عمره 11 سنه !

المهم .. حذفت كل الصور والمقاطع .. وحذفت المحادثات
و حذفت قروبات الـ18+ .. و قلت له المره الجايه يابطل ماراح اسكت
و بقول لأمك .. و لأبوك و بصير أكبر دبّوس بالعالم
< ما ادري تصرّفي صحيح ؟! او خطأ ..

# هذا و عمره 11 سنه .. وش بيصير لما يكبر الله يحفظه ؟!
# وش رأيك في اللي قريته فوق ؟!
# تعتقدون اهله يفتشون جواله ؟!



آسف على الإطاله يا أحبه
أتمنى ان تشاركوني آرائكم


كُل الوِد

اضافة رد مع اقتباس
  #2  
قديم 05/01/2012, 11:29 AM
الصورة الرمزية الخاصة بـ سمو الشاطريه
زعيــم فعــال
تاريخ التسجيل: 04/09/2010
المكان: السعوديه
مشاركات: 450
سلام عليكم
أسلوبك جداً سهل و ممتع وموضوعك جميل جداً
اللحين كل من هب ودب معه بي بي وياليت يعرف يستخدمه لمصلحته تلقى كلامه كله سب مقذع ولا كللله تحشيش وتنكيت .....
اما ولد عمتك الله يحفظه ويصلحه اذا كبر وهو على ذا الحال هو اللي زييه بيتمادى ولا عاد يشوف العيب والخطأ بيتساوي كل شي عنده اذا ما لحق على عمره
اما الأهل ومراقبتهم يا اخي اللحين اللي امه ما تعرف تقرا يا خذ راحته عالاخر و يقول والله أهلي تاركيني بكيفي واللي امه متعلمه تلقاه يقول ايش معنى تفتش جوالي وليه ومافي ثقه بينا .....
اللحين صعب جداً تراقب ولدك ولا اخوك وبعدين الأهالي بالذات الكبار في السن عقولهم نظيفه وما تطري على بالهم ذا البلاوي
اهم شي المراقبة الذاتيه كل واحد يراقب نفسه
ولو بنرجع لسبب اغلللللب البلاوي اللي صايره تلقاه واحد
ضعف الوازع الديني
اضافة رد مع اقتباس
  #3  
قديم 05/01/2012, 11:36 AM
الصورة الرمزية الخاصة بـ FaisaL FahaD
زعيــم متألــق
تاريخ التسجيل: 25/12/2011
المكان: Al5ubar <3
مشاركات: 1,365
لـي بآإك آليــم بعد آلغدآ
اضافة رد مع اقتباس
  #4  
قديم 05/01/2012, 12:47 PM
زعيــم مميــز
تاريخ التسجيل: 29/01/2009
المكان: الريآض
مشاركات: 2,785
و ما خفي كان اعظم يا صديقي

والله تشوف ناس عليهم نكآت تحس انه متزوج ٤ و عليه ديون وعيال و هم و نكد و توه ما عدا ١٠ سنين

شي مضحك و مؤسف بصراحه ، اذكر اول ما شريت جوال كنت في رابع ابتداءي كان معي العنيد

ثمن الفيصليه ابو كاميرا و من وقتها فجأه يطب علي اخوي و يقول هآت جوالك

الا يومك هذا و يسوي الحركه ذي معي لكن انا الحمدلله ما عندي الاشياء ذي

السبب في حدوث مثل هذي الاشياء هو ان الولد صار معه جهاز اتصال سريع الانتشار و يضيف فلان و علان

فلان صالح علان طالح و علان يدخله مع اخوياه و يخلون الولد من فلان الي علان

و هكذا ، الورع بهالعمر لو تنصحه و كذا هو من نفسه بيتركها

بالتوفيق
اضافة رد مع اقتباس
  #5  
قديم 05/01/2012, 01:23 PM
الصورة الرمزية الخاصة بـ @@almoreb@@
زعيــم مميــز
تاريخ التسجيل: 27/08/2007
المكان: بوابة برلين - منطقة البوتسدامر
مشاركات: 3,144
بما ان سن الطفل 11 سنة فقط .. لا أستطيع لومه بأي حال من الاحوال ....

لكن ما هو دور الأب وأين التربية السليمة لهذا الطفل !!

يجب على الاباء معرفة أن التربية في هذا العصر من الأمور الصعبة والمعقدة والي يجب أن يتفق عليها الزوجين في بداية الزواج ..بل في أيام العقد والملكة ....

انا اعطيك الزبدة وانا اخوك
عصر عولمة + اعلام فاسد + تقنية سريعة + اباء لا يفقهون في التربية شئ + أمهات في أودية الجمال والقيل والقال !! = طفل فاسد وعالة على المجتمع الا اذا هداه الله

الله يهديه .. وبما ان والد الطفل ما منه أمل ... فلزوم عليك اخي العزيز أن تكون لك بصمة في أعادة الطفل للمسار الصحيح والا حتكون مسؤول يوم القيامة امام الله اضا ضاع هذا الطفل ... وأنا لست معك بتاتا في كتم الامر هذا عن والدي الطفل لأنه لسه صغير عن الندم والرجوع عن الغلط لوحده فقط ...!!

لك ودي
اضافة رد مع اقتباس
  #6  
قديم 05/01/2012, 02:17 PM
الصورة الرمزية الخاصة بـ قلبي للزعيم عاشق
زعيــم نشيــط
تاريخ التسجيل: 07/05/2008
مشاركات: 950
ليش 11 سنة وياخذ جوال ؟!!

إيش يستفيد منه أصلا في هذا العمر ؟؟ لاهو بيسافر لوحده ...ولاهو بيطلع مشاوير بعيدة .. ولاهو يسوق سيارة ..

أنا عن نفسي ما شميت ريحة الجوال إلا وأنا في أولى ثانوي .. زيادة بعد طلب وحب خشوم


والغلط الأكبر على الأهل .. لأنهم سلموه جوال وهو مازال في سن صغير جداً
اضافة رد مع اقتباس
  #7  
قديم 05/01/2012, 02:36 PM
الصورة الرمزية الخاصة بـ Blue 610
محرر اخبار رابطة توتنهام
تاريخ التسجيل: 30/12/2008
المكان: عنيزة
مشاركات: 205
إقتباس
الرسالة الأصلية كتبت بواسطة سمو الشاطريه
سلام عليكم
أسلوبك جداً سهل و ممتع وموضوعك جميل جداً
اللحين كل من هب ودب معه بي بي وياليت يعرف يستخدمه لمصلحته تلقى كلامه كله سب مقذع ولا كللله تحشيش وتنكيت .....
اما ولد عمتك الله يحفظه ويصلحه اذا كبر وهو على ذا الحال هو اللي زييه بيتمادى ولا عاد يشوف العيب والخطأ بيتساوي كل شي عنده اذا ما لحق على عمره
اما الأهل ومراقبتهم يا اخي اللحين اللي امه ما تعرف تقرا يا خذ راحته عالاخر و يقول والله أهلي تاركيني بكيفي واللي امه متعلمه تلقاه يقول ايش معنى تفتش جوالي وليه ومافي ثقه بينا .....
اللحين صعب جداً تراقب ولدك ولا اخوك وبعدين الأهالي بالذات الكبار في السن عقولهم نظيفه وما تطري على بالهم ذا البلاوي
اهم شي المراقبة الذاتيه كل واحد يراقب نفسه
ولو بنرجع لسبب اغلللللب البلاوي اللي صايره تلقاه واحد
ضعف الوازع الديني

وعليكم السلام
تسلمين و من ذوقك

وين نظيفة معه عقولهم .. اخوي اللي اصغر مني عمره 17 و للحين نفتش جواله بأمر من شخصية مرموقة في المنزل
و انا شخصياً أقوم بَ جرد اسبوعي ل لستته لتنظيفها و تصفية بعض جهات الاتصال التي من الفترض ان لا تكون مُضافة لديه

اما بخصوص ضعف الوازع الديني .. فَ أتفق معك

شاكر مرورك .. و نورتي


إقتباس
الرسالة الأصلية كتبت بواسطة FaisaL FahaD
لـي بآإك آليــم بعد آلغدآ

بإنتظاارك ..


إقتباس
الرسالة الأصلية كتبت بواسطة هلالي معالي
و ما خفي كان اعظم يا صديقي

والله تشوف ناس عليهم نكآت تحس انه متزوج ٤ و عليه ديون وعيال و هم و نكد و توه ما عدا ١٠ سنين

شي مضحك و مؤسف بصراحه ، اذكر اول ما شريت جوال كنت في رابع ابتداءي كان معي العنيد

ثمن الفيصليه ابو كاميرا و من وقتها فجأه يطب علي اخوي و يقول هآت جوالك

الا يومك هذا و يسوي الحركه ذي معي لكن انا الحمدلله ما عندي الاشياء ذي

السبب في حدوث مثل هذي الاشياء هو ان الولد صار معه جهاز اتصال سريع الانتشار و يضيف فلان و علان

فلان صالح علان طالح و علان يدخله مع اخوياه و يخلون الولد من فلان الي علان

و هكذا ، الورع بهالعمر لو تنصحه و كذا هو من نفسه بيتركها

بالتوفيق

اهلاً
بعضهم يجي بالنصح و بعضهم كل مانصحته يزيد المشكلة .. هذا البلا يارجال
يعني ما ادري منين يجيب النكات ذي ولا وش نوع معاناته يعني
بَ جد هالنكات شيء غريب .. أجل ( عذبني الوقت ) و عمره 11 سنه ؟!
متى عاش اصلا ؟! عشان يقول عذبه الوقت
توّه مافرك البيضه عشان يطحنه الوقت اللئيم و يصير عاطل و و و .... إلخ


منور


إقتباس
الرسالة الأصلية كتبت بواسطة @@almoreb@@
بما ان سن الطفل 11 سنة فقط .. لا أستطيع لومه بأي حال من الاحوال ....

لكن ما هو دور الأب وأين التربية السليمة لهذا الطفل !!

يجب على الاباء معرفة أن التربية في هذا العصر من الأمور الصعبة والمعقدة والي يجب أن يتفق عليها الزوجين في بداية الزواج ..بل في أيام العقد والملكة ....

انا اعطيك الزبدة وانا اخوك
عصر عولمة + اعلام فاسد + تقنية سريعة + اباء لا يفقهون في التربية شئ + أمهات في أودية الجمال والقيل والقال !! = طفل فاسد وعالة على المجتمع الا اذا هداه الله

الله يهديه .. وبما ان والد الطفل ما منه أمل ... فلزوم عليك اخي العزيز أن تكون لك بصمة في أعادة الطفل للمسار الصحيح والا حتكون مسؤول يوم القيامة امام الله اضا ضاع هذا الطفل ... وأنا لست معك بتاتا في كتم الامر هذا عن والدي الطفل لأنه لسه صغير عن الندم والرجوع عن الغلط لوحده فقط ...!!

لك ودي

مرحبا

بالأول اللهم آمين ويهدي الجميع ..

إقتباس
عصر عولمة + اعلام فاسد + تقنية سريعة + اباء لا يفقهون في التربية شئ + أمهات في أودية الجمال والقيل والقال !! = طفل فاسد وعالة على المجتمع الا اذا هداه الله



أتفق معك في كل حرف ..
لكن انا لو رحت و علمت عليه وش بيصير دام الوضع كذا ؟! مابيصير شيء .. يعني لو قلت لهم بالأخير كفين او ثلاث و شوي بالنعال على جنوبه وبس .. ماهم شايلين الجوال و إن شالوه .. بيشيلونه اسبوع اسبوعين ( لما يزن فوق روسهم و يزعجهم ) وبالنسبه للنصح انا تكلمت معه بس ماذكرت هالشيء في الموضوع فوق .. نصحته و حاولت اتفاهم معه وافهمه ان هالشيء غلط لكن كان مو راضي يقتنع ابداً ! و مُصر إن هذا الشيء ( حرية شخصية ) !! وأنا شخصياً لما شفته بتكلم بهالكلام .. غسلت يدي و قلت له لاتعيدها و مشيت من عنده .. لأنه واضح الكلام معه ضايع وماراح نوصل لنتيجه لو تكلمنا لبكرى .. طفل عنيد و حاولت معه مو راضي .. عموماً انا بشوفه الاسبوع الجاي .. و إن شاء الله خير

نورتنا


إقتباس
الرسالة الأصلية كتبت بواسطة قلبي للزعيم عاشق
ليش 11 سنة وياخذ جوال ؟!!

إيش يستفيد منه أصلا في هذا العمر ؟؟ لاهو بيسافر لوحده ...ولاهو بيطلع مشاوير بعيدة .. ولاهو يسوق سيارة ..

أنا عن نفسي ما شميت ريحة الجوال إلا وأنا في أولى ثانوي .. زيادة بعد طلب وحب خشوم


والغلط الأكبر على الأهل .. لأنهم سلموه جوال وهو مازال في سن صغير جداً

مرحبا
بلاك بيري و آيباد2 ابشرك .. هذا الجيل الجديد اما اول غير .. انا نفسك ماجاني جوال الا لما وصلت الثانوي .. و بعدها موتر .. وبعدها صاروا الاهل يعترفون فيني كَ سواق يعمل ببلاش و إلى آخره .. لكن عدم الرقابه و قلة الوعي خلت الولد يوصل للي وصل له من صور و مقاطع و اسلوب و الفاظ سيئه .. الله يصلحه ويهديه ..

نورت



شاكر لكم جميعاً
اضافة رد مع اقتباس
  #8  
قديم 05/01/2012, 03:19 PM
الصورة الرمزية الخاصة بـ مقطوع راسي
زعيــم مميــز
تاريخ التسجيل: 11/08/2007
المكان: بجنب الغضا أزجي القلاص النواجيا
مشاركات: 2,644
الشرهه على أبوه ،،
كيف يشتري لولده بلاك بيري وهو عارف بلاويه ،، ؟!
المشكلة تكلم بعض الأباء وتقول ياليتي مآ هرجت ،،
يتعلث لك بعلل سخيفة ، والله اقرانه واللي بعمره معهم ، ازعجنا ، الخ
خلاص اجل لا تزعل اذا دج وفسد الولد زي اقرانه ،، !!
يآخي آبناءك آمانة بعنقك ، تدمرهم بفلوسك ،، ؟!
والله ما يشري لولده الصغير بلاك بيري عاقل ، برأيي تحت 18 او 16 اذا الولد عاقل مفروض ما ينشرى له ،،
يآخي آشروا له آيفون ولا جالكسي وخلاص ،،
الحمدلله اللي فكني من غرام البلاك بيري بس ،،

شآكر لك طرحك
اضافة رد مع اقتباس
  #9  
قديم 05/01/2012, 05:06 PM
الصورة الرمزية الخاصة بـ FaisaL FahaD
زعيــم متألــق
تاريخ التسجيل: 25/12/2011
المكان: Al5ubar <3
مشاركات: 1,365
بآك يآبطــل
>> مآصآر غدآ إلى آلمغرب هع
إنشغلت شويآت وآلحيـن دغري على آلموضوع >> طيب رد وإنت سآكت

أول حآجـة أهنيـك يآبطل بصرآحـة
إسلوب + موضوع
ولآ أروع ..

بآلنسبـة للظآهرة آلبي بي بشكل عآم ..
آلبي بي بصرآحة ضرره على آلكبير قبـل آلصغير ودآئمـاً تشوف آلتفهيـة بشكل ملحوظ على آلكل إلآ من رحم رب آلعآلميـن
ولآ أأخفيكم أنآ منهم بس بحدود وفي أوقآت آلفرآإغ فقط ..

طبعـاً أنآ مآ ألوم آلولد أبداً , أنآ آلوح آلأب في طريقة تربيتـه أو أقول تعآملـه مع إبنـه ..
بكلآمي أنآ لآ أقصد إن مفروض إن الأب مآيعطي ولده بلآك بيري وتوّه صغير ومن هذآ آلكلآم كلــه ..
لآ أنآ أقصد لو الأب أعطى إبنـه بعض التنبيهـآت قبل أن يسلمـه هذآ آلجوآل كآن مآشفت آلطفل مفهي أو إستخدم آلجوآل بهذآ آلتصرف ..
يعني قبل مآ يعطيـه آلجوآل يحذره من آلسلبيـآت كلهآ و في حآلة وقوع آلخطأ رآح يسحب آلجوآل أو يحرمـه من حآجه يعني كلكم عآرفين كيـف الآسـآليب آللي تستخدمهـآ مع هذه الأعمـآر ..
لو إتخذ الأب هذآ آلقرآر صدقنـي مآكأن شفت آلولد بهذي آلتفهيـه
و يمكـن بعض الأخوآن يقول إنه توّه طفل لآ يهتم بآلكلآم أو مآشآبـه ذلك بس أنآ أقول إنه رجآل 11 سنـه يعني يفهم
و يخآف وكل هذه الأمور .. وإنتو عآرفيـن أطفآل هذه الأيـآم يعرف أكثر مني ومنكم ومتفتح على آلدنيـآ آلله يكآفينآ شرهـآ
هذآ تعليقـي على آلموضوع .. وأعيد وأكرر شكري لك

شطحـه بسيطـه او موقف كوميدي صآر معـي مع ولد أخوي ( بلآك بيري) ..
ولد أخوي عمره تقريبـاً 11 أو 12 سنـه وأنآ شخصياً آللي شريت له آلجوآل بعد مآنجح بمرحلتـه آلدرآسيه مع آلعلم إن أبوه كآن رآفض آلفكره تمـامـاً بس أقنعتـه بـ إسلوب بسيط و حذرت ولد اخوي في حآل إنه 24 سآعة مآسك آلبي بي أو إذآ جآ عند احد وحط آلجوآل عآم أعطيـه كف يحبه قلبـه وأسحبه منه إليـن يصير رجآل
للحيـن مآ قلت آلسآلفـة ترى >> رآعي طويلــه هع
آلمهم مآلكم بآلطويلـة جت عندنآ عزيمـه في بيتنآ و إجتمعوآ آلرجآل وكآن ولد أخوي موجود شفته مسك جوآله و ( خزيّته ) يعني ركز عليه آلنظر وبنظرآت كأني بأسطره كف وعلى طول دخل جوآله بمخبآه آلشآهد بآلموضوع إني طلعت على آلبآب قلت خلني أشوف آلجوآل وأقرأ برودكآست من ولد أخوي كآتب :
( شبآب لحد يرسل لي برودكآست ترى عمي بيسحب آلجوآل و بيعطيني كف )
هههههههههههههههههههههههههههههههههههههههههههههههههههههههههههه

أنى أول مآقريت آلبرود إنفرشت بالأرض ضحك .. آللي عجبني إنه يقول شبآب وهو مآعنده إلآ كمن شخص وكلهم من جمآعتنآ
هههههههههههههههههههههههههههههه

آلمعذرة إذآ طولت بآلرد
تحيـآتي لك ..
اضافة رد مع اقتباس
  #10  
قديم 05/01/2012, 05:12 PM
الصورة الرمزية الخاصة بـ FaisaL FahaD
زعيــم متألــق
تاريخ التسجيل: 25/12/2011
المكان: Al5ubar <3
مشاركات: 1,365
Exclamation

إقتباس
الرسالة الأصلية كتبت بواسطة مقطوع راسي
الشرهه على أبوه ،،
كيف يشتري لولده بلاك بيري وهو عارف بلاويه ،، ؟!
المشكلة تكلم بعض الأباء وتقول ياليتي مآ هرجت ،،
يتعلث لك بعلل سخيفة ، والله اقرانه واللي بعمره معهم ، ازعجنا ، الخ
خلاص اجل لا تزعل اذا دج وفسد الولد زي اقرانه ،، !!
يآخي آبناءك آمانة بعنقك ، تدمرهم بفلوسك ،، ؟!
والله ما يشري لولده الصغير بلاك بيري عاقل ، برأيي تحت 18 او 16 اذا الولد عاقل مفروض ما ينشرى له ،،
يآخي آشروا له آيفون ولا جالكسي وخلاص ،،
الحمدلله اللي فكني من غرام البلاك بيري بس ،،

شآكر لك طرحك


مرحبـآ أخوي ..
أنآ بأرد على تعليقك .. بعد إذنك طبعاً
مو أي طفل يستخدم آلبلآك بيري بطريقـة سلبيـة أو يستخدم بلآويـه مثل مآذكرت ..
وش آلمشكلـة لم أعآصر هذآ آلزمـن واعيش بآللي أنآ أشوفـه حولـي و يكون فيه مرآقبـة شديدة
و إتخآذ إجرآءآت في حآلـة وقوع أي غلط ؟؟

والله ما يشري لولده الصغير بلاك بيري عاقل
سلآمآت يآلغآلـي ؟؟
مآيشتري له بلآك بيري بس يشتري له آي فون أو جآلكسي ؟؟؟؟؟؟؟؟؟؟؟؟؟

من كلآمك هذآ خلآص مى أقدر أنآقشك مع إحترآمي آلشديد لـك

للمعلوميـه بس : إن الآيفون و آلجآلكسي على قولتك بلآويهم أكثر من آلبلآك بيري .. للتوضيح فقـط
اضافة رد مع اقتباس
  #11  
قديم 05/01/2012, 05:53 PM
عضو تحرير مجلة الزعيم
تاريخ التسجيل: 21/08/2009
المكان: الرياض
مشاركات: 2,438



وعليكم آلسلآم ورحمة الله وبركآتة

من الخطأ إن نعطي طفل آي جهآز سوآ بلآك أو غيره . .
لآن الاستخدآم المبكر للاجهزة يسبب ضعف آلذآكرة والشيخوخة المبكرة . .
وضعف النظر وإمرآض اخرى
لآكن ربمآ هذآ الطفل يريد يجرب هالتقنيآت . .الي يسمع عنهآ كثير
ولما إمنعة بكسر خآطرة . .
نقدر بالتفكير السليم إننا نرضي الطرفين الاب وإبنة . .
يتكلم الاب مع آبنة بطريقة تفكير الطفل وليس العكس . .
يوفرة له بشروط مثل:
إذا حافظت على صلآتكك بالمسجد بجيبة لكك . .
وإذا تركتهآ بسحبة منكك ..
الطفل يبدآ يحآفظ على صلآتة
ولما شوي شوي يتعود ومآيقدر يتركهآ

الاب يقول لإبنة : الفترة الي قبل مآجيبة ابيكك تسوي إحصآئية عنه ..
تطلع لي سلبيآته واجآبيآته ، وبآيش رآح يفيدكك بحيآتكك ..؟!
وكم سعرة وهل يناسب ميزآنية البيت
الطفل تتولد عندة فكرة مشروع . .
يفكر بالاشيآء قبل ان يطلبهآ .. يخطط مسبقآ..؟!
وبكذآ الاب عود ابنة على التفكير والتخطيط المسبق وثقآفة الحوآر . .
ولمآ يشوف إنه منآسب نوفرة له .. ويرآقب من قبل آهلة ..
لما يرآقب يخآف يسوي إي شئ غلط ويتعآقب علية ..
ومع الايآم رآح ترسي فكرة ان هالشئ خطأ حتى لو آهلي مآرآقبوني ..
وهو يرآقب ذآتة
إغلبت الابآء للإسف لما يطلب إبنة شئ يقول مآصلح لكك .. خلاص وينهي النقآش ..
الطفل ينكسر خآطرة . . وهو مآيدري لية إنحرم من هالشئ
وربمآ يفكر بطريقة اخر
وليش إبوي منعني .. ابوي مآيحبني .. ليش آبوي مآيجيبه لي .. وووو...الخ
وتبدآ الافكآر تآخذ مسآر منحرف عن المسآر الصحيح . .
وربمآ يجيبة من ورآ آهلة .. ويسئ إستخدآمة
بعكس لما نفهمه ونقنعة انه مآينآسبه ..

آلمرآقبة إسلوب تربوي جميل . .
وحتى لما نشوف على الطفل شئ خآطئ . .
مآنبدآ بالهوآش والحرمآن من الشئ بالمخطي بة
بالعكس ننآقشة و(بطريقة تفكيرة) ..
ونفهمة ان الفعل الي سوآء خطآ بحيث انه يقنتع
ولما يفعلة مرة اخرى يتعآقب لآنه عنده معرفة سآبقة ..
إصلآ لما يقتنع بالشئ انه غلط مآراح يسوية
وهو مرآقب ذآتة

للإسف نفتقد فن التعامل مع الاطفآل ..
ودآئم نعآملهم بطريقة تفكيرنآ ..

يعطيكك العآفية ..
شكرآ لكك ..
عذرآ على الاطالة ..



اخر تعديل كان بواسطة » محبة الرحمن في يوم » 05/01/2012 عند الساعة » 06:01 PM السبب: إضآفة بسيطة
اضافة رد مع اقتباس
  #12  
قديم 05/01/2012, 05:57 PM
الصورة الرمزية الخاصة بـ @@almoreb@@
زعيــم مميــز
تاريخ التسجيل: 27/08/2007
المكان: بوابة برلين - منطقة البوتسدامر
مشاركات: 3,144
إقتباس
الرسالة الأصلية كتبت بواسطة FaisaL FahaD
مرحبـآ أخوي ..
أنآ بأرد على تعليقك .. بعد إذنك طبعاً
مو أي طفل يستخدم آلبلآك بيري بطريقـة سلبيـة أو يستخدم بلآويـه مثل مآذكرت ..
وش آلمشكلـة لم أعآصر هذآ آلزمـن واعيش بآللي أنآ أشوفـه حولـي و يكون فيه مرآقبـة شديدة
و إتخآذ إجرآءآت في حآلـة وقوع أي غلط ؟؟

يا اخي العزيز ...
انا معك اننا لا نستطيع أن نحرم أبنائنا من التقنية الجديدة ... لكن بحدود وليس بشكل مفتوح
من الجميل أن نعلم الابناء أنه لا يصح استخدام أي تقنيه الا عند الحاجة اليها فقط وأن نستخدمها استخدام صحيح وموافق للدين الاسلامي ...

فهل تعتقد أن طفل غير بالغ بحاجة الى هاتف نقال !!؟؟
ألا تعتقد أن كمية الفراغ عند هذا الطفل الذي يملك هذه التقنية قادرة على حرفه عن المسار الصحيح ؟!
هل تعتقد أن أباء وأمهات هذا الزمن يملكون الوقت الكافي للجلوس مع أبنائهم !؟؟ فكيف بمراقبتهم ؟!!

ياخوي .. ليس من المعقول أن نوفر للابن كل ما يريد وحتى اذا لم يحتاج هذا الشئ بحجة معاصرة العولمة !!

من الجميل أن نضع حدا لكل شئ ... ومن باب أولى أن نضع حدا لطريقة ترفيه الطفل ..
أتمنى من الأباء أن يتعلموا كيف ومتى ولماذا وبأي وسيلة نستطيع النرفيه على الطفل ..؟

لك ودي
اضافة رد مع اقتباس
  #13  
قديم 05/01/2012, 06:04 PM
الصورة الرمزية الخاصة بـ أميـــر الليل
زعيــم مميــز
تاريخ التسجيل: 28/06/2010
المكان: سَبت العلايةة ♥
مشاركات: 19,382
-

وعليكم السسلآإم مسساء الخيير ... أكييد والله هـ البلآك بييري فضأإيح صرإأحةة
؛ اللي يشوفهه يقول مآ عنده

لآ بسس بكل صرآحة البلآك بيري خطير جداً على اللي اقل من 15 سنهه لأنه رآح يششوف كل ششيء
مثل مآ قلت صور +18 ومقأإطع جنسيةة وحتى النككت اللي تجي على هـ المنوأإل ورآح يضيع الولد والسبهه البلاك

تصرفك اللي تصرفتهه مآ رآح يغير من أسلوبهه شيء مصيرة يرجعهإأ كلهآ وبثواني وهذا ب فضل أطوأإل الاشناب اللي يرسلون هـ الامور
لكن أنآ ضد اللي يشتري لـ ولد أو أخوه أو حتى أختهه بلاك بيري وعمره أقل من 15 سنهه .. خآصة البنت

ولد خآألي عمره 9 سسنوأإت وربي عنده بلاك - هذا اللي رآح يضيع ب الكلآإم الفاضي ويضيعهه في الحياة

أششكرك أخوي على الموضوع ... والله يوفقنأإ جميعاً
اضافة رد مع اقتباس
  #14  
قديم 05/01/2012, 06:07 PM
الصورة الرمزية الخاصة بـ أميـــر الليل
زعيــم مميــز
تاريخ التسجيل: 28/06/2010
المكان: سَبت العلايةة ♥
مشاركات: 19,382

^

حبيت أرد على اللي يقول فرق بين أخلآإق الأطفإأل ؟

البلاك بييري والاشياء اللي فيه تجبرك على مشاهدة الصور والمقأإطع الفاضحهه
ولآ ننسى إن فيه برأإمج لإخفأإء مثل هـ الاشياء .. ومآ رآح تشاهد من قبل المراقب عليه سوأإء الوالد أو الوالدة
اضافة رد مع اقتباس
  #15  
قديم 05/01/2012, 10:19 PM
الصورة الرمزية الخاصة بـ مقطوع راسي
زعيــم مميــز
تاريخ التسجيل: 11/08/2007
المكان: بجنب الغضا أزجي القلاص النواجيا
مشاركات: 2,644
إقتباس
الرسالة الأصلية كتبت بواسطة FaisaL FahaD
مرحبـآ أخوي ..
أنآ بأرد على تعليقك .. بعد إذنك طبعاً
مو أي طفل يستخدم آلبلآك بيري بطريقـة سلبيـة أو يستخدم بلآويـه مثل مآذكرت ..
وش آلمشكلـة لم أعآصر هذآ آلزمـن واعيش بآللي أنآ أشوفـه حولـي و يكون فيه مرآقبـة شديدة
و إتخآذ إجرآءآت في حآلـة وقوع أي غلط ؟؟

والله ما يشري لولده الصغير بلاك بيري عاقل
سلآمآت يآلغآلـي ؟؟
مآيشتري له بلآك بيري بس يشتري له آي فون أو جآلكسي ؟؟؟؟؟؟؟؟؟؟؟؟؟

من كلآمك هذآ خلآص مى أقدر أنآقشك مع إحترآمي آلشديد لـك

للمعلوميـه بس : إن الآيفون و آلجآلكسي على قولتك بلآويهم أكثر من آلبلآك بيري .. للتوضيح فقـط


مآ يستخدمه إستخدام سيء ، بس تجيه البلاوي لعنده ،، !!
الآيفون والجالكسي حسب علمي ما فيه مثل مافي البلاك بيري ،، ( مع العلم إني جاهل حقيقي بعالم الجوالات ولا أعرفها حق المعرفة فخطأي محتمل )
لكن يكفيك إن متوسط عمر مستخدمين الايفون والجالكسي أعلى من متوسط عمر مستخدمي البلاك بيري ،،
البلاك بيري مرض منزل وقسم بالله ، ولد خالتي مطوع شرآه شهرين وحلق لحيته ودج الولد ،، !! وليته أول واحد ،، !!!
صور ونكت وبيئة سيئة لأبعد درجة تفسد نقآء الأطفال ،،
وموضوع أخونا خير دليل على صحة كلامي ،،
والحق أصلاً أبو 11 سنة ما ينشرى له جوال من الأساس ،،

على العموم مشكلتنا بدينا ندلع عيالنا والواحد صار ما يبي يشد عليهم ومدري إيش ،،
وطلع لنا جيل شياطين أعوذ بالله يجيب المرض ، يجيك الولد ما فيه ذرة احترام ولسآنه أقذر لسان ،،
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:21 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube