![]() |
الإدارة الهلالية فشلت .. والدليل بالداخل السلام عليكم هاذي اول مره اكتب فيها موضوع في ها المنتدى راح ادخل في صلب الموضوع دون اي مقدمات لاني ما اجيد المقدمات :ap: الإدارة الهلالية فشلت في جلب الاعبين الاجانب .. وخاصة كنا نتوقع ان يكون الاجانب هذا الموسم افضل من الموسم الماضي حسب تصريح رئيس نادي الهلال بان الاجانب سيتم اختيارهم بدقة وتركيز حسب الارقام والاحصائيات وسيتم اختيارهم بعناية فائقة لاكن الادارة الهلالية بحثت عن المردود المالي للاعبين الاجانب أكثر من المردود الفعلي للاعب ؟ ولصحة ما اقوله بأن الادارة الهلالية تبحث ان المرود المالي للاعبين الذين تحضرهم شوفوا كم حصل العربي وكم حصل هرماش وكم سيحصل الهلال على مبلغ مالي في حال بيع ايمانا الادارة الهلالية تحاول النجاح على حساب الفريق بان تحضر لاعبين صغار السن بمبالغ رخيصة ليتم بيعهم بعد ذلك بمبالغ عالية حتى لكي لا يقول قال بان الادارة فشلت في جلب لاعبين اجانب لاكن الواضج الادارة فشلت وتظن بان كل صفقة تم عقدها تشبه صفقة عقد نيفيز !!؟ وحسب وجهة نظري بان هذه السياسة في جلب الاعبين الاجانب بهذه الطريقة تنفع الفرق التي لا تبحث عن البطولات وانما تبحث عن المرود المالي لدعم فريقها والتي لا تملك راعي لها او شريك استراتيجي كاندية المنطقة الشرقية والفتح والتعاون والفيصلي .. الخ من الاندية هذه الاندية ان احضرت لاعب صفير السن وباعته بمبلغ عالي فلها الحق في فعل ذلك كونها لا تملك مردود مالي سوى هذه الطريقة اما نادي الهلال فحدث ولا حرج الكثير من المداخيل المالية لدية وهو لا يحتاج هذه الطريقة لزيادة دخله المادي على حساب الفريق .. وهذه هي النقطة الاولى التي فشلت بها الادارة النقطة الثانية جميع الاندية نجحت في التعاقد مع لاعبين يجيدون التسديد ولعب الكرات الثابتة واجادة لعب الكرات الحره ( الفاولات ) ما عاد الهلال لو نظرنا لنادي النصر لديه بينيو نادي الاتحاد لدية بالوجورج و ويندل نادي الاهلي لديه كماتشو نادي الشباب ابراهيم ياتارا و جيباتروف <<< مدري اسمه ذا وبقية الاندية حتى الاندية الصغيرة لديهم محترفين يجيدون السديد فهل من المعقول نادي كبير مثل نادي الهلال لا يملك لاعب يجيد التسديد الكرات الثابته ولعب الكرات العرضية بطريقة سريعة وخطيرة لا أحد يجي الحين ينط ويقول لي الشلهوب اجي انط في بطنه الشلهوب يجيد الكرات الثابتة القريبة من المرمى واحيانا تجي واحيانا ما تجي نبي لاعب يجيد الكرات الثابته مثل رادوي <<<<< لبى قلبك ويشوف هدفه الخامس في النصر من فين كان التسديد ولا يشوف اهداف نيفيز الهلال كان يملك لاعبين يجيدان التسديد سواء من اليمين او اليسار وكان كل الفرق تخاف من ان ترتكب فاولات خارج منطقة الجزاء حتى لو كانت من مسافات بعيدة اتمنى ان صوتي يصل للادارة ويقومون بالتالي : 1- ترحيل كل من ايمانا والعربي والكوري 2- التعاقد مع لاعب محور اسيوي بدل الكوري لتعويض الغياب الذي سيتركه هرماش في حالة المشاركة مع منتخب بلاده او حالة اصابته كما ان هرماش يجيد الشق الهجومي اكبر من الدفاعي يعني بالعربي نبي محور اسيوي يجيد الشق الدفاعي ويا كثرة الاسيوين الي يجيدوا في ها الخانة ومبالغ رخيصة . 3- التعاقد مع لاعب وسط صانع لعب ممتاز وسريع قتلنا برود وبطأ الفريدي وكذلك يجيد لعب الكرات الحره وتسديد الفاولات والتسديد على المرمى << يستحسن يكون برازيلي لانه ما يجديد ها الاشياء الا البرازليين كمان رخيصين وعلى قولتهم سعره فيه . 4- التعاقد مع مهاجم من الطراز الاول حتى لو كان سعره غالي لان البطولات سعرها غالي وخاصة الاسيوية واتمنى من الهلال التعاقد مع المهاجم (( دروجبا )) لا احد ينط ها المره ويقول كبير في السن اهم شي الاعب يعطي ويسجل اهداف قوي البنية وكذلك قوي التسديد وكذلك يجيد ضربات الراس خلوه بس يجي موسم واحد فقط نخسر عليه الملايين لاكن نكسب من وراه البطولات اهم شي نحقق الاسيوية وبعدها نبيعه لاي نادي اخر حتى لو خسرنا بعض الملايين لاكن في الخير كسبنا البطولات وهي الاهم . آسفة للإطالة بس حبيت اطلع الي في قلبي كله واتمنى بس يا رب يا رب صوتي يصل للادارة تحياتي لكم .. |
هذي مشكلتنا تنفيذ الكرات الثابته بشكل صحيح سواء في التسديد او تعريض الكره اقول الله يرحم ايامك يابو يعقوب اللي يخلي المهاجم يسجل وهو مغمض على فكره البطولات السابقة اللي حققناها كان مع الفريق لاعبين اجانب اسعارهم رخيصه لكن مستواهم عالي مع العلم بأنه في تلك الفترة كان لاعبو اندية الشرق الاسيوي تلعب بكامل نجومها لاعبي المنتخبات وليس كما هو حاصل الآن عجزنا عن الفوز على اندية لاعبيها لا يمثلون منتخباتهم الا فيما ندر == يمكن دروجبا يشوف نفسه على الفريق مثل ايمانا ترى عقلية اللاعب الافريقي مختلفة |
قرأت الموضوع و لما وصلت التوقيع لاحظت البنت , رجعت أتأكد من الاسم و لقيتك بنت , تدرين ليه الاهتمام الكبير بهذا الجانب ؟ لأني من النادر بل أكثر من النادر أني أقرأ موضوع لعضو ذكر يطرح فيه رأيه بعقلانية و بمنطق مثلك و مثل كثير من البنات اللي يشاركون هنا أو في منتديات هلالية أخرى ..! عموما أختلف معك من ناحية الاستثمار في اللاعبين الأجانب و بالعكس أنا أؤيد الإدارة في سياستها هذي , لأنها في النهاية كورة ! فهل من المنطق أن تصرف ملايين الريالات على كورة ؟! الفقراء و المحتاجين و تطوير البلد أولى من جلد منفوخ .. و الإدارة أخطأت في اختيار مراكز اللاعبين الأجانب و التعاقد معهم قبل التعاقد مع مدرب " قدير " . تنويه : جهزي نفسك لهجوم شديد من بعض المتهورين ! مشكورة |
أهنيييك عـلى موضوعـك الرآقي بصرآحـه صدقتي أول كل فاول كنا نقول هذا قول.. والان اي فاول الله يعيــن ؟؟ أول كان تياقو وروادوي وكلـهـم كانوا واحد منهم يشوت باليمين والثاني باليسار وحـنا الى الان نملك عقد تيآقو والادارة تقول انه بتاريخ 1/1 2012 يجي للنادي والى الآن ماجاء؟؟ |
إقتباس:
وزي ما تقول يمكن دروجيبا يشوف نفسه لاكن المهم ان الادارة تجيب مهاجم خطير سريع ما يموت الهجمة وتسديدة قوي |
إقتباس:
أخي شجاع اشكر لك هذا الإطراء الرائع واعتقد ان اي شخص محب للكيان الهلالي سواء بنت او ولد راح يقول أكثر مما قلته ولا تخااف مجهزه نفسي من قبل يومين للهجوم جايبة دفاع اجنبي ههههههه |
إقتباس:
والله راحت ايام زمان ايام الفاولات الثنيان وفيصل ابو اثنين وتياجو نيفيز ورادوي |
صراحه لا تعليق اذا بتذكري الاحصائيات ابن مساعد اختار احسن من في الاحصائيات هل انا وانتي افضل من الفرق الاوروبية التي تبحث عن هؤلاء اللاعبين هل هو بسبب اسعارهم ام بقامتهم الفنية المشكلة ليست من اللاعبين بالعكس المشكلة في توظيفهم وسوف نعض اصابع الندم عند بيعهم وخاصتا ثلاثه منهم اعمارهم صغيرة العربي لا توصله عرضيات اللعب يجيد الاستفادة من العرضيات اللاعب الكوري لم ياخذ فرصته لحد الان لان خانته هي نفس خانة العربي الهرماش ما قصرا ومستواه في تصاعد ايمانا يعاديه المدرب ماذا تريدون من اللاعبين ابعدوا دول واحضروا مدرب مشهور وله سيرة ذاتيه رائعه وراح تشوفوا اللاعبين صح |
اوووك بخصوص استراتجية عبدالرحمن بن مسااعد هي وااضحه وزي ماااذكرتي ووضحت اكثر لماء رفض جلب الشهراني وبلغيث ب20 مليون لمدة 5 سنوات قدامه وسبب رفضه مو لمباالغتهم بالسعر زي مايقوول بالعكس لضعف مردوودهم المالي مستقبلاا ثانيا نسيتي تذكري نقطه مع هالاداااره حق النااادي مهضووووووم والمثاااليه الزاايده بوسط رياااضي وصخ زي هذا ماتنفع واخرها قضية ايمانا المفبركه وتطاول الحكاام المهنا كتبتي فابدعتي فامتعتي يعطيك العاافيه تحياتي |
بالنسبةة لنقطتكك الاولى على اي اساس حكمتي على الأجانب بالفشل الموسم ماانتهى عشان نحكم ومن الإجحاف ان نحكم على الاعبين الأجانب او الفريق باكمله في نص الموسم الفريق لم يستعد استعداد جيد والآعبين الأجانب اغلبهم لم يحضروا من وقت مبكر وعلى هذا كله نرا العرض الخيالي المقدم للعربي هذا دليل على امكانياته العاليه وهو توه عمره 24 واجانب الهلال ال3 جميعهم بهالعمر وجالسين يقدمون عروض افضل من الأجانب الموجودين في الدوري ومستويات متقاربه لهم رغم الفارق السني الكبير بخصوص النقطةة الثانيه لدينا الشلهوب ولدينا الكوري لأكن للأسف منذ لعبه مع الهلال الى الان لم يعطى فرصةة له رغم انه افضل من اللي جالسين يشتون الفاولات وأولهم العابد علامةة استفهام كبيرةة من المستر توماس أتمنى ينتبه لها في المستقبل وحسب تصريح ابن مساعد فأن التعاقدات الاجنبيه في فترةة يناير ستنحصر على لاعب واحد سيرحل وسيجلب بديل له والاحتمالات تنحصر على رحيل إيمانا وويلي بديل له كل التوفيق لفريقنا في الاستحقاقات المقبلةة :ba: |
رئيس النادي يبحث عن المردود المادي فقط لاغير....! |
اولا" يعطيك العافيه اختي على الموضوع الرائع.. ثانيا" الاجانب حرام نحكم عليهم بالفشل والدليل العرض المغري للعربي وغيره دليل على ان الاعب ممتاز والكل يبيه ايمانا خالصين منه ..الكوري سمعت انه يجيد الفاولات وهرماش اكيد لاعب كبير.. ثالثا " الاعبين المحليين العتيبي لاعب مستهر او مفهي والدليل الكوره اللي امس اللي بينه وبين المرشدي.. المرشدي اغلب كوراته خاطئه يعني التمرير صفر.. والفريدي ما يضر اذا مسك الدكه شوي.. واكثر من لاعب يبيله قرصه في الاذن .. آآآه ياااويلي :smilie47: تقبلي مروري |
إقتباس:
ثانيا انا لم اقل ان ادارة ابن مساعد فاشلة ان قلت انها فشلت بمعنى ان هذا الموسم لم تتوفق في احضار الاجانب المميزين كما كان في الموسم الماضي ثالثا لما نتكلم عن الفرق الاروبية هم عندهم الاندية مخصخصة يعني عندهم نظام الخصخصة وشركات تقوم بإدارة النادي تسوق الاعبين تبيع وتشتري وعندهم مداخيل مالية كبيرة اي لو راح لاعب كبير بيجيبوا اكبر منه رابعا انت تتكلم عن العربي وهرماش هاذولي لاعبان لن يستفيد منهم الهلال في اربع او خمس مواجهات جاية ويمكن الهلال يخسر الدوري وكاس ولي العهد بهذا السبب مو شرط اني احضر لاعبين صغار اهم شي انهم يحضرون لاعبين ممتازين ولا تربطهم مشاركات مع منتخبات بلادهم تتعارض مع نظام الدوري لدينا |
إقتباس:
وكذلك اشكر لك اطرائك الراائع |
إقتباس:
ثانيا حكمت على الاجانب بالفشل صار لنا 14 جولة في الدوري وكفاية انها تظهر مستوى اي اجنبي ولا تقول انهم ما اخذوا الفرصة كل واحد اخذ فرصته وزيادة يمكن هرماش والعربي شوي ابدعوا في بعض المباريات لاكن ماذا سيستفيد منهم الهلال في حال مشاركتهم مع منتخب بلادهم اما النقطة الثانية اكيد اذا الاعب لم يثبت نفسه في التدريبات من خلال الكرات الثابته ما راح يسدد وقت المباراة وليس من المعقول ان في التدريبات لم يشهاد الكوري يسدد اي كورة |
الوقت المعتمد في المنتدى بتوقيت جرينتش +3.
الوقت الان » 07:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd