|
إقتباس:
عن اي نص تتكلم في ردك نص ملعب الهلال والا نص ملعب الشباب عمومآ اذ كان العربي يخرج من منطقة الجزاء فهذا ليس تكتيك المدرب بل من اللاعب نفسه يود الهروب من الرقابه ..... :laugh:ابطل تشجيع:laugh: مثلآ؟؟؟؟؟!!!!!!!!!!!!!!!وبــ النسبه لفهم الكره ياخي انا متنضر واحد مثلك يفهمني نصبتك مدرب وماعجبك الوضع وش المطلوب طال عمرك |
والله ياذا المدرب ماعرفنا له كل يوم بتشكيله ودايم الفرق الصغيره في المباريات الاخيره اللي كنا نعطيها بالخمسسه تتقدم علينا ويقولون وش فيكم على المدرب شي عجيب والله لاكن بكره نششوف وش بيسسوي ذا السباك في بطولة اسسيا بعدها تتحرك الاداره ويعطيك العافيه على الموضوع اللي اعتبره واقعي بمعنى الكلمه |
إقتباس:
كأني بصاحب الصوره أعلاه يريد القول ان معضم الاعضاء هنا (مايصدقون يلقون احد ينتقد الا وركبو معه قطار الانتقاد بهدف ومن دون هدف) مجرد رأي |
هلالي الدرعية كلامك واقعي . فالفرق الصغيرة في إمكانياتها وبطولاتها وتاريخها صارت تتقدم علينا لآخر دقيقة حتى أن دول في آخر دقائق مباراة نجران تحس أنه صار مضطرب ومتشتت ووده يصيح ويشقق ملابسه ولا حظه يوم جاب المحياني الهدف بغى ينجن والله (مو مصدق ) وهل يعقل أن الهلال ينتظر الوقت الضائع أمام نجران حتى يسجل هدف ؟! يا خوفي أن دول راح يصيب مشجعي الهلال بالضغط والسكر بهذي الطريقة |
الأخ ي و س ف أقصد نص الملعب طبعاً (وهذي يفهمها اللي ما يفهم) وأما قولك: أن خروج العربي خارج خط الـ 18 في أكثر أوقات المباراة هو ليس تكتيك من المدرب، بل هو من اللاعب نفسه؟! فهذا يا أخي مع احترامي لك "وأعذرني على هالكلمة" يدل على عدم فهمك للتكتيك ؟! |
إقتباس:
ياواد انتا يافاهم ياخطيـيـيـيـيـيـر ______________ دول الأفضل رغم التجديد الواسع في صفوفه هذا الموسم وتحديدًا على مستوى لاعبيه غير السعوديين، إضافة إلى الأجواء غير المستقرة وغير الواضحة والحاسمة للقائد أسامة هوساوي وغيابات مدير الفريق سامي الجابر، وكذا المستويات المتدنية لعدد من لاعبيه إلا أن الهلال ما زال متصدراً للدوري، وطالما أن الأمور بهذا الشكل الإيجابي، فلماذا كل هذا التحامل والنقد اللاذع للمدرب توماس دول والإصرار على أنه لا يصلح للهلال؟ يستهتر العتيبي، يتعالى الفريدي، يتراجع المرشدي، هوساوي في دوامة، يتمادى إيمانا، يكرر سامي الغياب، ومع هذا جميعهم أبرياء بينما الشتم والتشويه والتجريح للمدرب دول حتى وهو يقود فريقه إلى صدارة الترتيب، ولأن الانتقاد في هذه الحالة ليس منطقياً ولم يوجه للمخطئ الحقيقي فسيكون القرار المترتب عليه خاطئاً وربما مدمراً، أي أن إلغاء عقد دول لن يكون حلاً للمشكلة بقدر ما يزيدها تعقيداً، كما يبرر للمقصرين ويدفعهم إلى الاستمرار بارتكاب المزيد من أخطائهم.. أسهل وأسرع رأي عند كثير من النقاد والمحللين أو من يطلق عليهم خبراء هو أن يقول عن دول أو غيره في الهلال أو الأندية الأخرى أو حتى المنتخب (المدرب فاشل اطردوه)، ولأنهم يتعاملون بعواطفهم او لا يملكون أدوات ومؤهلات النقد الفني فلا أحد منهم يخبرنا لماذا وكيف حكم على المدرب بالفشل؟ والأهم من ذلك لماذا يقحمون أنفسهم في قرارات ليست من اختصاصهم وهي للإرباك والتوتر أقرب من أي شيء آخر؟ لقد عانت الكرة السعودية أندية ومنتخبات وما زالت من سياسة جندلة المدربين لدرجة أننا حطمنا الأرقام القياسية العالمية في تعدادهم، والنتيجة خسرنا السمعة والاستقرار وملايين الدولارات دون أن نحقق أي شيء، وأتذكر هنا تصريح مدرب النصر الأخير كوستاس الذي اختصر وصف أسباب وظروف هذه المعاناة بقوله: جماهير النصر تطالب الإدارة بالاستقالة فترد عليهم بإقالتي.! ــــــــــــــــــــــــــــــــــــــ طبعآ الكلام المحدد ليس كلامي بل كلام السيد عبدالله العجلان الكاتب بصحيفة الجزيره اللذي يذكر المحتقنين بأن الهلال في هذا الموسم تم تغيير اجانبه الأربعه مما يؤثر ع مستوى أي فريق بـ السعوديه ع الأقل واحب أن اذكر انا ي و س ف بأنه ومع قدوم السويدي ولهامسون للهلال في أول عشر مباريات حضرتها للهلال في الدرجه الثانيه لستاد الملك فهد واستاد الامير فيصل سمعت ثله من الجماهير تندد بهذا التعاقد وتصفه بتضييع فلوس النادي الخ..الخ..الخ لو ذكرة اكثر من اللي ذكرته راح تحذف مشاركتي هذه .. وهاهم نفس الاشخاص المنتقدين يريدون عودة فلهامسون ماذكرته لايعدو كونه غيض من فيض وماخفي كان أعضم :laugh:والله يعينك يابو مساعد :laugh: |
بصراحه جمهور الهلال صار مايعجبه شي الفريق متصدر الدوري قدم مباريات ولاا اروع صحيح مو ذاك المستوى بس فيه ظروف غير دول المسكين كل شي على راسه ياخوي والله فيه فرق يتوقف مدربها ثلاث واربع مباريات وتفوز وتقدم مستوى المدرب يحط الخطه وش ذنبه اذا اللعيبه ما يطبقون وش ذنبه اذا الفريق مو في يومه. وش ذنبه اذا الفريق المنافس تغلب عليه و و و |
ياصاحب الموضوع مع احترامي الشديد لك والله انت والي زيك حقين الخيل ياشقراء الي مالهم مواضيع غير المدرب فيه والمدرب فيه انكم حرام تكتبون مواضيع المنتدى كله معاد تقراء فيه الا نبي دول يرحل ونبي دول مش عارف ايه والله لنتم فاهمين كوره وتنعقون بلا ما تفقهون والاعلام الاصفر اشتغل اشتغل معك انت ومجموعة الجهلاء الي تنادي برحيل المدرب انتم يقودكم جهلكم وهم يقودهم حقدهم الاصفر والسبب معروف زعزعة فريق في نص الموسم اقولها لك وعلى بلاطه يخوي انتم ما تستحون مدرب متصدرين فيه الدوري على كثر المشاكل الي واجهته وعلى خربطة الاعيبه المحليين والاجانب وضغوط اعلام وجماهير فاضيه هههههههههههههههههههههه اقسم بالله انه بطل تبي مستويات في كل مباراة ترى ماحنا برشلونه ريح روسنا اقولها لك ولغيرك ( السيد دول انت ضالتنا الاسيويه ) اعذرني ياخوي بس ياليت شبيه الريح ما يلتفت لك ولمن على شاكلتك لأنكم بكل بساطه مزعجين |
الأخ مجازف لن أرد على ما ذكرته من كلام يندى له الجبين و(عيب) يصدر من هلالي راقي وكبير وأعتقد أن من يكتب بإسم مستعار ويهاجم الناس ينبغي له أن يكشف عن نفسه إن كان شجاعاً وأطالب الإدارة بمراجعة ما كتبه (مجازف) عني من كلام لا يرضاه أي شخص مهما كان ؟؟!! مثل : 1- (تنعقون بلا ما تفقهون) ومعروف النعيق لمن؟! 2- انت ومجموعة الجهلاء 3- انتم يقودكم جهلكم 4- انتم ما تستحون 5- ياليت شبيه الريح ما يلتفت لك ولمن على شاكلتك لأنكم بكل بساطه مزعجين فما هو رأي إدارة المنتدى؟؟!! |
الله يكتب اللي فيه الخير .. |
اضم صوتي لصوتك اخوي علي المدرب اصبح عاله ع الفريق مدرب جبان ومش عارف ايش يعمل في اكثر المباريات لاحظ ملامح وجهه تشوف ان معالم المدرب الواثق من نفسه مفقوده لديه لاشك نقول الزعيم طموحاته اكبر من امثال دول الفقير فنياً وتكتيكياً واكبر مثال مباراة الاتحاد ماصدق يجيب الهلال هدف وراح يقلص الهجوم ويعزز الدفاع والوسط قال بيحافظ ع الهدف وفي الآخير تعادلنا من تفكيرات هذا الضعيف صاحب السجل الحافل بالفشل وابتلينا فيه كأن مافي العالم غيره نسأل الله السلامه فهذا المدرب ماينغزابه والآسيويه مقبله وربك يسهلها ع الزعيم |
بيني وبينك وانا اخووك انتم ما ادري ايش يعجبكم الحين كوزمين اكثر مدرب يلعب بالخطط الدفاعيه ومدرب دفاعي بحت وماسبيته والحين دول متصدر الدوري وتقول ما نبيه ياخي انتم تبوون مثلا جوارديولا والله شئ عجيب بعدين المدرب لا تتهمه صدقني هالمستوى كله من اللاعبين وش ذنب المدرب تبيه يدخل ارض الملعب هو سوى اللي عليه وحط افضل تشكيله والباقي على اللاعبين مع احتراامي اذا اخذت الادارة ارائكم صدقني راح يضيع النادي تحيااااتي لك تقبل مروووووري |
انا من بعد ماقريت مقال مصطفى الاغا عرفت ان اي مدرب يجي ماراح ينجح اومايستمر طويل ابن مساعد قال اصبرو ياجماعه ياهلاليين اصبرو وخلوها على ابو فيصل احنا الحمد لله متصدرين الدوري الى الان مع نتايج جيده بدون مستوى ابدا" ان شاء الله يكون تأقلم مع الفريق خاصة اجانبنا اللي اتمنى مايروح منهم الا ايمانا |
ياليته يلعب مدافع كان عذرناه نقول هذي خططه اما دول الاعبين بدون خطه ولا لعب جماعي ولا لياقة مدري ليشكل يوم يحضرون التمرين لو يعطونهم كورة ويقولون كل واحد يتمرن في بيته |
يالضبعان اعتذر لك امام الكل انفلت اشوي وسامحني ونا اخوك > وتستاهل حبة خشم لكن اعذرني كل مادخلت موضوع تلقى فيه اقيلو المدرب اتركو ادارة شبيه الريح تعمل ياجماعة وخلو المدرب في حاله والله العظيم لو تجيبون اباطرة التدريب في العالم وتحطونهم تحت ظغط الاقاله ماراح يعطيك العمل السليم مدرب وثقة فيه الادارة وفي عمله خلاص اعطوه فرصه خصوصا والنتائج مازالة اكثر من ممتازة اعتذر منك طال عمرك اعتذر مهو خوف من الادارة لا والله بس لأنك رجل تستحق الاعتذار |
| الوقت المعتمد في المنتدى بتوقيت جرينتش +3.
الوقت الان » 12:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd