|
بسم الله آه 00كم أحن لذلك المكان ولرائحته00من منكم قد اشتم رائحة الماضي00؟! الحديث عن ذلك المكان له شجون000 مشوار سوق الزل000من رغباتي التي لا أملك مقاومتها، ولعل والدي أطال الله عمره يدرك ببصيرته أن تلبية تلك الرغبات من حين لآخر تبني في نفسي شيء ما00!! بعد صلاة العصر ، ومع أريج نسائم صبا نجد في يوم من أيام الرياض الخريفية00 وفي مدخل السوق بدأت ألحظ فلاشات كاميرا أحد الزوار الأجانب، وهاأنذا أمشي الهوينا لعلمي بأرضية السوق القديمة التي أشعر بها تعلو وتهبط000 والدي: يا سلمى وين النية انشاء الله هالمرة؟ قلت: البشوت000أبي أشوف الشيبان اللي يطرزون البشوت00 والدي: يالله الخيرة000مشينا00! ونتبهت لذلك الشيخ الكهل ذو السبعين عاماً أو اكثر، المفترش مشلحه داخل دكانه العتيق، أراه يطرز ويحيك بمهارة وحين اقتربت اكثر كأني به يردد قصيدة مشهورة ، فستأذنت من والدي أن أتحاور قليلاً مع ذاك الشيخ وحين أعطاني الأذن بالحديث اتجه والدي لمحلات بيع الزل واتجهت أنا بهدوء اتجاه ذاك الشيخ وسمعته يردد: هم بروني وانا عودي رفيع**** ياعلي مثل مايبرى اليراع فأقتربت اكثر وقلت : طوعوني وانا ماكنت أطيع**** وغلبوني وانا قرم شجاع فرفع عينيه بتثاقل ووقار000 قال: ايـــه00! انتم يالشباب ماتعرفون من القصيد الا اذا غنيتوه0000سمي يابنتي آمري000 قلت: مايامر عليك عدو000بس أنا يابوي أعرف هالقصيدة وغيرها من القصيد قبل ما اعرف أكتب وأقرا وإذا تبيها كامله قلتها لك الحين، وبعدين من قال انك شايب ؟ كني بك ماتميت الأربعين00 فرد علي بتفاخر: أدري! قلت: أقول قال: قولي قلت: تعرف الهلال؟ قال: عبد الله بن سعد؟ ( سكت لحظات لأستوعب ما سمعت فقاطعني بإلحاح) قال: هلال عبد الله بن سعد؟ قلت: ايه هو هلال عبد الله بن سعد قال: ايـــــــه 00! رحمة الله عليه وعلى عين حبته0 قلت: من العين اللي حبته؟ قال: ولدي سعد جعل عظامه في جنات النعيم مات هو وعبدالله بن سعد في نفس اليوم، ولدي سعد هذا كان راعي كورة ويحب الهلال بالحيل وكان يحلف علي وانا أبوه(يقولها ضاحكاً) أني اشوف الهلال اذا لعب وكان يقولي هذا فلان وهذا فلان ، تراني يابنيتي اعرف ولد النعيمة والبيشي00بس يوم الله خذ وداعته ماعاد شفت كورة ولا أسمع عن الهلال الا من عبدالله بن سعد حفيدي ولد المرحوم سعد00عاينيه هذا هو 00 ----تجمعت شجاعتي حتى لا اظهر ندمي لفتح هذا الحديث المحزن المبكي ونظرت لهذا الصبي الصغير ، الرجل الصغير ذو العشرة أعوام--- قلت: ماشاء الله وش اسمك يابطل؟ قال: اسمي عبد الله بن سعد قلت: اقول وش تشجع؟ أكيد هلالي مثل أبوك قال: ايه هلالي مثل ابوي سعد ومثل أبوي عبدالله بن سعد00!! -- رحمة الله عليه-- قلت: أقول ياعبدالله00انت ماتعلّم جدك عن أخبار الهلال ؟ علّمه انه بيروح كاس العالم ، قوله ان واحد من االلاعبين راح يلعب في ديرة الإنجليز00 قال: ايه قلت له علمته ، كل يوم أجلس انا وياه واعلمه... قال جده: يا جعل عيني ما تبتسيك(تبكيك) قلت: اقول يابوي لي عندك طلب فلا تفشلني وتردني قال: قولي وتراه تم بحول الله00تبين بشت؟ قلت: لالالا وشو بشته الله يهديك 00أنا أبيك تعوّد تشوف الهلال مع عبدالله بن سعد الصغيّر 00تراه يستاهل والهلال يستاهل 00 -----نظر اليّ وكانه تذكر صورة ما وبرقت في عينه دمعة أخاله كتمها منذ سألته عن الهلال----- قال: آه000 طوعوني وأنا ماكنت أطيع000!!(وقال مبتسماً) :أبشري تم والوعد اللعبة الجاية انشاء الله0 قلت: اقول قال: اها وش تبين أخلصي قلت: بس بغيت أسالك00 الله يعطيك طولة العمر00وشلون تطرز بهالدقة ماشاء الله ؟ هي عيونك ماتتعبك؟ قال( بشبه غضب): وشو؟ تحسبيني شايب؟ على الطلاق اني لو أبي أعرس لعرس من بكرة على بنت 16 سنة00 قلت( محاولة تهدئة هذه الإنتفاضة): لالالالالالا الله يصلحك أي شايب هماني قلت لك أني كني بك أبو 25؟ وسع صدرك00 قال: الله من التسذب00اقول00تشوفين عبدالله ذا؟ أمه لا درت ان فيه كورة للهلال ماعلمته عشان دروسه لا ينشغل عنها00لكنه كان يعرف000 ويشوفها غصب عن الجميع ..لأنه يعرف بقلبه 000وأنا أحب شغل البشوت من شبابي ويوم كبرت صرت أدل مكان الخيط بقلبي مهوب بعيوني 00عرفتي؟ قلت: تشوف بقلبك؟؟ قال : ايه بقلبي اللي يحب شي يشوفه بقلبه0انتي وش تحبين؟ قلت(من غير تفكير): أحب أبوي قال: وينه أبوك الحين؟ قلت(بعد لحظات): أبوي واقف وراي00 قال: وشلون شفتيه وهو وراك؟ قلت: لك الله شفته بقلبي000!! سلمى <br><font size=1 color="#000080" face="tahoma">[عدلت بواسطة سلمى التاريخ:01-03-2001 الساعة: 03:38 AM]</font> |
السالفه رايقه من جد..وبصراحه جسمي (اقشعر) يوم جاء طاري عبدالله بن سعد وولد الشايب..واعتقد ان كل من بيقرا هالسافه بيحس فيها.. |
الأخت العزيز ( سلمى ) لله درك من رائعه لقد أبدعت وأجدت فكان الأسلوب بديعا والصياغة رائعة بل والدخول إلى القلوب فقد استطعتي الدخول إلى قلبي من خلا ل هذا الأسلوب الرائع واختيار عناصر الحوار وإدارة دفة الحديث . ******************* |
أستاذتي الرائعة سلمى شكرا لك من الأعماق على هذا الأسلوب الجميل والرااائع الأسلوب رائع والمغزى أروع ورحمة اللة على محبوبنا عبداللة بن سعد.... آمين |
آآآآآآآآآآآآآآآآآه ياسلمى كم انتي رائه كم انتي بارعه للاه درك اقسم بالله العضيم انني عشت هذا الحوار بحزنه بفرحه بكل معانيه آه ثم آه ثم آه عليك ياعبد الله بن سعد عليك رحمة الله ، اعترف لكم انني بكيت واعترف لكم انني افتخر باني بكيت في هذه اللحضه وليس عيبا ان ابكي لذكرى المرحوم باذن الله عبد الله بن سعد اخت سلمى بل استاذتي سلمى لاتحريمينا من مواضيعكِ الرائعه |
الاخت العزيزه/ ســـــــلمى لا فـــض فـــــــوكِ -- -- ولا كلت يداكِ |
الله يسامحك ؟؟؟؟ الاخت سلمى لقد ابدعت فى الفكرة والاسلوب وأصبتى الهدف. لم تذكريننا فهو لن ينسى ولكنك ابكيتينى لك الله !!شكرا قليلة فى حق مبدعة مثللك ومع ذلك حسبى الله عليك!!!!! |
|
الف شكر........ ولذلك نحن هلاليــــــــون, نحن نراه بقلوبنا , ولم نكن نشعر بذلك, يالها من حكمة , قالها رجل حكيم...... |
سلمى روعه واروع من الروعه .. مدري وش اقول الحقيقه انا متأثر الحين الله يرحم عبدالله بن سعد تذكرت يوم قريت خبر وفاته في الجريدة ومن تأثري ذاك اليوم قلت ( يا ليت الهلال هو اللي مات ) الهلال اللي ربطنا عاطفيا بعبدالله بن سعد الله يرحمه ويرحم والدينا وموتى المسلمين اجمعين. |
حقيقة كلام جميل و إسلوب رائع لا يصدر إلا من إنسانه مثقفه يعطيك ربي ألف الف عافيه مع قلّت مشاركاتك إلا إن جميع مشاركاتك متميزه جداً جداً أتمنى من جميع الأعضاء أن يطلعوا على كتاباتك عيني عليك بارده و الله يحفظك و إن شاء الله من حسن إلى أحسن إقتراح للمشرفين على المنتدى المفروض كتابات الأخت سلمى على طول المميزه والله تستاهلين ياليت تكون مواضيعنا قليله بس لها معنى أما بشأن وجه السعد عبدالله بن سعد الله يرحمه و يدخله فسيح جناته كنت راح أكتب كلام عنه بس حقيقةً موضوعك أحرجني و خلاني أتراجع أعتقد قليل منكم من عرف عبدالله بن سعد عن قرب إنه رجل اعطى الكثير والكثير للهلال والهلاليين عشق الهلال وأهداه الكثير من وقته و جهده و دمه وماله (والله العظيم كان يتسلف لأجل دعم الهلال) حمل نفسه أكثر من طاقتهاوالله تعجز الكلمات عن وصفه كل ما مرة صورته في مخيلتي أتحسر على الهلال يا الله ...... والله إني ما ادري وش أقول الله يرحمه و يغفرله و يدخله فسيح جناته السلام عليكم و رحمة الله و بركاته |
السلام عليكم ورحمة الله وبركاته0000 أخواني 00أشكر لكم تجاوبكم معي وأعتذر بشدة إن كنت قد تسببت لكم في ألم لم أتعمده000إلا اني شعرت بإن اسم المرحوم عبدالله بن سعد يستحق أن يوضع بجانب اسم شبكة الزعيم وليس فقط موضوع يكتب عنه رحمه الله0000 شكرا لكم مرة اخرى000 -------------------------------- الأخ العمرى على000اقول انت قلت حسبي الله عليك وأنا أقولك استغفر الله يرحم والديك :( سلمى<br><font size=1 color="#000080" face="tahoma">[عدلت بواسطة سلمى التاريخ:28-02-2001 الساعة: 10:13 PM]</font> |
آآآآآآآآه يا عبد الله بن سعد بليز اخواني الهلاليين تذكرون مباراه الهلال والأتفاق الي انطرد فيها الغشيان والثنيان في دقيقتين من الحكم فوده وتذكرون عبد اللع بن سعد الله يرحمه لما وقف من دكه الإحتياط غضبا على ذلك والله ان هذه اللحظه عالقه في ذكرياتي حتى اليوم الله يرحمك يارب وانتي يا سلمى قطعتي قلوبنا حرام عليك انتي مبدعه بحق بس قطعتي قلوبنا |
أختي الغالية سلمى الله لا يحرمنا من هالقلم الرائع و فعلاً معك حق لازم ينحط بالموقع شيء يذكرنا بهذا الرئيس الرائع رحمة الله علية و أتمنى أنها تكون في الصفحة الأولى للموقع أو رابط تشعبي عن فترة رئاسة الامير عبدالله بن سعد رحمة الله علية (مثل المنتدى أو البوم الصور) . أما القصة فعلاً أقشعر منها جسمي (يعطيك الف عافية) |
قمة صراحة موضوع قمة........قمة......قمة.......قمة....... يا مراقب.........الموضوع للمميزة الله لا يهينك....... المواضيع كثيرة...لكن المميزة منها قليل...وهذا منها وعلى راسها....الله يسلمك.. الله يرحمك.....عبد الله بن سعد.....والله ما اقدر اقول شي..... .... اعذروني.. |
أختي الغاليه (سلمى) ,,, كما عهدناك رائعه دائما بأسلوبك ووصفك والان ابرزتي جانب جديد بك وهو قدرتك (ماشاءالله عليك ) :) وصفك للحوار والذى (أشعرني) اني موجود في الموقف واشاهده عن كثب ,,, ولو ان الغيبه كانت طويله , وانشاءالله ان المانع خير :) بس اتمنى انك ماتحرمينا من ابداعاتك الادبيه كما تميزتي وتميز اسلوبك بها ,,,, اما بالنسبه للامير عبدالله بن سعد (رحمه الله عليه) فنحن لا ننساه ابدا فهو في قلب كل هلالي وهلاليه ونذكره دائما مع كل بطوله وفوزهلالي ونتمنى لو انه كان موجود وشاهد الى اين وصل هلالنا الحبيب ,,, فرحمه الله عليك يا(عبدالله بن سعد) ,,, ويعطيك الف عافيه يا(سلمى) ,, والحمدالله على السلامه ,, وتقبلي خالص تحياتي لك ,,, |
مبــــــــ يا سلمى ـــــــــــــــــــــــــــــدعه ما شاء الله عليك قـــــــــــــــــــــــــــــــــــــــــــــــــــــــــــــــــــــــــــــــــــــلم رائــــــــــــــــــــــــــــــــــــــــــــــــــــــــــــــــــــــــــــــــــــــــع الله يعطيك العافيه |
الأخت / سلمى ( الحكيمة ) .. بالفعل شعرت بعد قراءة موضوعك بأننا مقصرين بالفعل في عبدالله بن سعد الانسان والاداري والأخ والأب . أتمنى أن نحاول في أقرب فرصة بجمع مادة وصور مميزة وتدشين موقع خاص به . |
السلام عليكم ورحمة الله وبركاته الاخ الاستاذه سلمى : شكراً علي ابداعك المتعود منك دوماً ....... اختي سلمى / وصل وباذن الله تجدين الرد في اقرب وقت .... والسلام ختام |
آآآآآآآه ماأروعها من حروف.... ماأجملها من كلمات ....و ماأرقه من أسلوب .... أقسم ان المكان الذي يناسبك بين كبار الكتاب لله درك ياسلمى لله درك ياسلمى لله درك ياسلمى |
السلام عليكم ورحمة الله وبركاته ----------- الحب المستحيل- mksa- شنتربن عداد- الأسطورة- جار القمر- هل هلالــك يا بلد00000مشكورين اخواني على رأيكم وشعوركم الطيب 00ما قصرتوا الله يعطيكم العافية00 ----------- الأستاذ سلمان --الإعصار000مشكورين وأنا في انتظار وعدكم بتفعيل موقع أو على الأقل زاوية في شبكة الزعيم تليق بمكانة المرحوم000 تحياتي للجميع |
بصراحه ياسلمى .. مافيه اي كلمات توفي كلامك حقه .. ابدعتي والله .. وهذا شي مهوب غريب عليك .. (( عسى الله يعطينا من اللي عطاكم من صفصفة الحتسي )) والقاري يقول آمين |
تسلمي سلمى والله فــجرتي الــعبرات ***** ياليت ماجيت هالموقع لكن تبي تعرفي ؟ مامات ***** مشكوووووووووورة سلمى |
كلمة اعجاب الأخت سلمى الله يعطيك العافيه على اسلوب الكتابه والى الأمام . |
الاخت سلمى انا من اول يوم دخلت المنتدي وانا اتابع كتاباتك اللي انتي مقله فيها مره مره وكم اتمني منك ان لاتحرمينا من ابداعاتك وتتواصلي معنا . اختي سلمى اتمني ان اجد ردك علي رسالتي في اقرب وقت ولك مني كل التقدير والاحترام . |
رحمة الله عليه لا اتضايق كثيرا فكل انجاز يحققه الهلال يرجع لمجهود ذلك الشخص العزيز على كل هلالي ورياضي |
أخواني : الزكرتي-الطيب-lanbash شكري وتقديري لكم --------------------- أبو سامي الهلالي: بخصوص المشاركات اشكرك على اهتمامك وانا احاول على قد ماتسمح لي الظروف اني اتشرف بالكتابة في منتدانا الأسري الهلالي ..... بس عاد لا تقعد تلح كنك تطلبني دين :) --------------------- هلاليه سدير 00أنا تركتك للأخير عشان أعرف اتفاهم معك00الحين يوم انك فيذا ولا تعلميني؟ انا أحسب اني البنت الوحيدة هنا وكنت على بالي مشخصة اثرك فيه؟ عموماً صفصفة الحتسي بدلك على دربها بس اصبري الوعد روضة سدير في العيد :) تحياتي لك <br><font size=1 color="#000080" face="tahoma">[عدلت بواسطة سلمى التاريخ:05-03-2001 الساعة: 12:08 AM]</font> |
السلام عليكم: مرحوم يا قلباً قضى ضاوي الشوق........عجز المطر يسقيك ويبل الارماق. .................................................................................................... ..... قد يعجز الانسان عن وصف الشي الذي بداخله ..... وها انا اعجز عن وصف هذا الموقف الذي تعرضتي فيه يا استاذتي ... با الله اسئلك وشلون تمالكتي نفسك عند هذا الموقف الذي تعرضتي له (حب القافه تراه شين يا سلمى)..... وهذا لقافتك الطريفه حطتك في موقف حلوومر في نفس الوقت .. .....انا دائم اقول لكل بنات الهلال لبد ان تنافسو سلمى الرائعه بكتابتها وسحر الشرق الذي يمتعني كثير كثير كثير ...... اخوك سداح الهلالي ____________ انا عاطفي موضوعي الجديد |
العزيزة سلمى........... ينتهى الكلام بعد كلامكي ولا أحد يستطيع الكلام بعده |
لا هنت ياشيخ الرجاجيل لا هنت ...... ولا هان راسٍ في ثرا العود مدفون :( الله عليكِ ياسلمى..... تصوير وإبداع مابعده شي |
انا من يوم قريتها ياسلمى بسيت ماسنجر aw20@ayna .com |
nice work ما شاء الله على الابداع, من ذا واكثر يا اخت سلمى..... وزي ا قلتوا نبغى نشوف شي عن عبدالله بن سعد |
الله الله ياسلام أنا دخلت الموضوع بعد المباراة وأنا زعلااان لكن بعد هالكلام الرائع ريحت أعصابي ما شاء الله عليك اختيارك للألفاظ وطريقة سرد القصه مشوقه جدا ذكرتني ب(تركي الحمد) وشكرا |
يوم العزى هل دمع الموت من عيني .. لو هل في روض نجد كان يرويها اشكرك ياأخت سلمى على هذه القصه الرائعه ، واهنيك على قدرتك الفائقه في امتلاك الشعور ، والله يرحمك يا عبدالله بن سعد (انا اشهد ان مافي احد قد عشق الهلال مثله) ، فجميعنا يتذكر هذا الرئيس الذي قدم للهلال كل ماعنده للهلال ، ونذكر انه توفي رحمة الله عليه في حادث مروري وهو ذاهب الى منطقة عنيزه ليكون حاضرأ مع ابناءه اللاعبين وهم يخوضون مباراتهم مع نادي النجمه لكن الأجل كان اسرع . الله يرحمه ويسكنه فسيح جناته . ألا ليت البكا بيرد غالي .... لسيّل واديٍ ماسال سيله يامــــــــوت واستغفر الله لو تعرف الحرام .... ماكان اخذت اللي في موتته موت قوم |
يا ساتر.... ولله مادري وش اقول !!! بس شي مرتّب الاسلوب يا سلمى... و السالفه مرّه تشدّ .. الله يرحمك يا عبدلله بن سعد و يرحم موتانا و المسلمين كلّهم |
بسم الله الرحمن الرحيم عند قرأتي لمواضيع المبدع هلالي من كندا وطرحه الأدبي الأكثر من الرائع تذكرت الكاتبه المبدعه (( سلمى )) و مواضيعها الرائعه اللتي نتمنى ان تكون بصحه وعافيه فأحببت أن أرفع هذا الموضوع المتميز جدا وخصوصا وهو يحكي عن شخصيه رياضيه كبيره أثرت الكره السعوديه وشخصيه متميزه تعشق الهلال عن وجه السعد الهلالي سمو الأمير عبدالله بن سعد رحمه الله رحمة واسعه وأدخله فسيح جناته |
الله يرحم عبدالله بن سعد وجميع اموات المسلمين و الموضوع رااائع |
| الوقت المعتمد في المنتدى بتوقيت جرينتش +3.
الوقت الان » 01:36 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd