|
خاص وحصري : آخر ماكتبت في نادي البطولات الأول في آسيا وردي على المشككين السلام عليكم ورحمة الله وبركاته أعضاء المنتدى الجميل كيف أصبحتم أوأمسيتم أتمنى أن تكونوا بوافر الصحة والعافية لم أحب أن أعود إلى المنتدى ويدي فارغة فجئتكم بهدية صغيرة لعشاق الزعيم العظماء وهي عبارة عن قصيدة حب ووفاء لهذا الكيان المذهل أتمنى أن تنال على رضاكم جميعا ... إحساس الكمال من كثر أنا ماني متيم بالهلال ماصرت أشوف إلا حلاته في العيون أزرق سمو أبيض هدوء ن مع دلال زينة سما هالكون للي ينظرون شاله أضمه للصدر في كل حال لونه أخبيه بضلوعي والجفون من زود عشقي له أغار ولا أزال أنسى بأن الشعب نصفه يعشقون عالي المقام ومركزه صعب المنال مرفوع شانه مايدنس أو يهون لو تعشقه يغشاك إحساس الكمال والكامل الله بس فيه اللي تبون يعطيك هيبه كلها عز وجلال مايذوقها إلا الذي فيه مفتون لو قلت بفرح قلتلك أبشر تعال في كل عام افرح ولاتفرح بهون تفرح وثم تفرح وتنسى الانعزال تطلع بوجه أقوى من اللي يطلعون ويادوب ماترتاح من هالاحتفال ناداك ناديك العسل لاتقعدون هذي هدية من هداياي الجزال هذا الذهب ساطع بريقه بالمتون يسقيك من كاس الفخر حد الثمال ونصير في عين البشر متكبرون ونصير نادي العز أو نادي الدلال ونصير خارج تغطية مايبصرون عذاله اللي مقدروله في النزال وفي خارج الميدان فيه يعيبون مايملكون إلا قلم يكتب مقال أو معتبط حاقد على الشاشة بجنون يطرونه بأشياء أصدقها محال اي بالله اللي قال عنهم يحلمون أقوالهم تلفيق تعتيم وضلال ويصدقون الكذبة اللي يكذبون وهذا طبيعي من نجح في هالمجال والناس حوله كل مرة يفشلون بيعيبونه بالغشش والاحتيال عاداتهم هذي ويبقى الدون دون هذا الهلال اللي اعتلى روس الجبال في هامته كل النوادي يعجزون نادي بنوه رجال من بعد الرجال اللي على متن المعالي يذكرون حتى وصل اللي نشوفه ولايزال زعيم نصف الكون وانتم تدركون اسمه هلال وأوصفه نادي الخيال في كل شي ن فيه تلقابه فنون لعيبته مثل الكواكب في العلال في هالفضا العالي تراهم يسبحون معهم تشوف الفن والسحر الحلال وتصير متحير من اللي يفعلون وسلااااامتكم ملحوظة بنت أختي طلبت مني هالقصيدة ووضعتها في مسابقة أجمل برودكاست لو أعجبتكم القصيدة ورأيتم أنها تستحق الفوز صوتوا لها على الرابط لا تخيبوا أملها وفوزوها يا أبطال |
صح لسسسانكـ ولانها تستاهل تم التصويت |
صح بدنك ياعبود ومشكور على التصويت أتمنى من كل من يمر من هنا لو أعجبته القصيدة يصوت |
| الوقت المعتمد في المنتدى بتوقيت جرينتش +3.
الوقت الان » 06:22 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd