|
مستشفى عرقة وش سالفته بالضبط ؟؟ بسم الله الرحمن الرحيم .. http://s.alriyadh.com/2011/02/20/img/606648415167.jpg يمكن بعضكم سمع بمستشفى عرقة الموجود بالرياض وسمع عنه قصص عن وجود كائنات فضائية .. أقصد (جـن) :s5s: .. وهالمستشفى مهجور منذ مايقارب 28 سنة والغريب جدآ جدآ .. هو وجود الاجهزة الطبية للمستشفى وحتى بعض الاجهزة بكرتونه .. وهالأجهزة لم تسلم من عبث العابثين ومن سرقات وووو غيره .. لكن اللي يقهرني ان هالاجهزة كانت سابقة عصرها اي قبل 28 سنة وتركوها بهالبساطة مع انها كلفت الدولة ملايين الريالات .. النقطة الثانية ليش ماشغلوا المستشفى وافادوا خلق الله واغلقوه فجأة بدون سبب يذكر .. والمستشفى كبير وموجود فيه سكن وعلى ما أظن 8 أدوار وخدمات سابقة عصرها .. ونقطة اخرى اضيفها سالفة الجن اللي فيه مع اني ما صدقت هالكلام وشفت كم فيديو باليوتيوب وقريت قصص عنه بس شي مايخش العقل .. اتمنى تفيدونا بسالفة هالمستشفى .. |
هههههههههههههه اول شي شوف اسم المستشفى يدل على انه اسم جني مستعجل... |
شفت الصور اللي صوروها الـ18 نفر اللي قاموا بمغامرة لداخل المستشفى والفيديو اللي يظهر فيه صوت جن . من خلال القصص الكثيرة اللي سمعتها ممكن القصة تكون صحيحة والعهدة على الراوي . لكن الغريب انه من زمن بعييد لم يعاد تشغيل هذه المستشفى ؛ انا مثلك انتظر الإجابة |
هلالي معالي بيفيدك بالموضوع لأنه متخصص بهالأمور ويعشقها عشق عنتر لعبلة |
قبل تقريبا شهرونص تقريبآآآ رآحو آآخويآآآي يم مستشفي عرقه وكآن البعض منهم خآآيف ولم يستطع الدخول والبعض آلأخر دخل صراحه تعرضو لبعض الحذف من قبل الجن . صراحه هو مسكن للجن . |
هالمستشفى رحت له انا واصحابي قبل سنتين شافتنا دورية ووقفنا الشرطي ومنعنا اننا ندخل وقال المستشفى مهجور لو بتدخلونه بتتعرضون للاذى .. وبالنسبه للاجهزه المسروقه اللي كلفت الدوله ملايين صراحه احمل المسؤوليه كامله على وزاره الصحه ! وياليت الحكومة عطت هالملايين للشعب ..! يعطيك العافية جنرال الهلالي |
آفكر اني اروح له واصور من جوا واوريكم صورة له |
إقتباس:
هذآ هو آلكلآم كم ملآيين للشعب وخلونآ نفلها كم يوم :d. |
مشكورين ع المرور .. بس للحين ننتظر الاجابة الوافية .. ليش هالمستشفى مغلق من 28 سنة وليش ماتمت الاستفادة من الاجهزة الطبية الموجودة فيه ..؟؟؟ |
ب قول اللي عندي من خلال مآ ينتشر بين الشباب من استراحات و مجالس , قد يكون واقعي و قد يكون آجتهآد الارض تعود لـ احد اصحاب المال اللي يعود مسقط رأسهم لـ عرقه و مآجآورهآ من مناطق كآنت بلدات صغيره منفصله عن الريآض . المهم في الموضوع تبرع بهآ ل بنآء مستشفى [ الاجهزه و بناء المستشفى قيل آنهآ من وجهاء تلك البلده و مآجآورهآ و آن مآ على الحكومه فقط تشغيلهآ ب كفآئآت بشريه ] , و الروايه الاخرى تقـول آنهآ ب المنآصفه بين الحكومه و آبنآء تلك المنطقه . توفى صاحب الارض و آصبحت هنآك نزآعآت و مطآلبآت من الورثه , توقفت الامور بعد آن كآنت شبه جآهزه . اللي عندهه تأكيد آو نفـي .. يفيدنآ . طبعآ مريت فيه آكثر من مره في مره وحده بس صملت آنآ و وآحد من 5 كآنوآ معنآ ف السيآره . مآ يمدينآ نزلنآ آلآ دوريه بدت تروح تجي علينآ بدون لآ توقف آو تنهآنا , مآلكم ف الطويله لقينآ الدوريه عذر لـ ترك المكآن و الرجوع من حيث آتينآ :D |
ههههههههههههههههههههههههههههههههههههههههههههههههههههه ^^:d ما قالكم عووووو :d الله يهديكم يا شباب , الي ما راح لا يتحتسي بهالامور حنا مرة كنا راكبين السيارة وشطفناه , قلنا انا وواحد من العيال ندخله وبقا اثنين بالسيارة , المهم دخلنا مستشفى عرقة من دريشة مكشورة جلسنا داخل حول الساعتين ونص , قابلنا بزران وقاموا يمشون معنا, على اساس اننا الشياب :d , نزلنا تحت لقينا ملفات المرضى , واجهزة ما انلمست , قمنا ننثل ونحتري الجن يطلع , نزلنا تحت لثلاجة الموتى , لا تخافون كانت فاضية بس ظلام الي يبي يروح يجيب معه كشاف حنا انكبنا الممر الرئيسي للمستشفى فخم :s5s: عقب ما انهينا الجولة, جينا بنطلع من المسشتفى سبقونا البزران , واحد منهم يسوق , الا وتوقفهم الشرطة ولهوا عننا كنا نسمع عن حارس امس جنى :d وفلة وحركات بس كلها خرابيط , اما سالفة ليه انبنى ما عندي علم والله يفيدونك فيها الشباب للي يبي يدخل يوقف السيارة عند البيوت , ويجيها مشي من جنب بيلقا درايش يقدر يدخل من عندها |
انا سمعت وشاهدت كثير من المقاطع وماوجدت شيء يدل على أن المستشفى مسكون وبالنسبة للي لقوا أذية من الجن وين مقاطعهم لأنه في ناس كثير مصورين وماصار لهم شيء ولا الجن يستحي من اللي يصورون !! بعدين بالنسبة للي يخافون..اذا قلت الأذكار ليه تخاف ؟؟؟؟ والله الجن مايقدر يقرب منك.. لا واغلبهم داخل المستشفى في النهار ..عجبي والشيء المضحك فعلا ان البعض يدخل يبغا يشوف الجن وعند سماعه لادنى صوت ماتشوف الا الفكيييك طيب ليه ؟ |
| الوقت المعتمد في المنتدى بتوقيت جرينتش +3.
الوقت الان » 09:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd