|
الإعلامي احمد العجلان , يصبح كابتن طيار , والعقبى لـ (زينب) كانت العرب سالفآ اذا رأت من امتهن غير مهنته قالت له ياباري القوس بريا ليس يصلحه***لاتظلم القوس أعط القوس باريها رحم الله ابا الطيب المتنبي كأنه تنبأ بما سيحدث في عصرنا هذا من ( قرادة ) الحظ اني قرأت حوارآ للمستعلم وليس الإعلامي احمد العجلان مع الكابتن سعد الحارثي ’ والحقيقه انني اصبت بنوبة بكاء يصاحبها هيستيريا مضحكة , لدرجة ان العائلة اجتمعت في غرفتي , اربطوا الأحزمة يا قراء سوف نقلع مع اول سؤال للمقلع ,, العجلان ,, يسأل (الإعلامي) احمد العجلان سعد الحارثي ويقول له : * كاريزما سعد الحارثي تليق به كلاعب هلالي.. كيف الانسجام المظهري بينك وبين الزعيم؟ ؟؟؟؟؟؟؟؟؟؟؟؟ بكل تجرد ومصداقيه هل هذا سؤال إعلامي (كيف الإنسجام المظهري بينك وبين الهلال") الا اقول يا ابو مشعل على طاري الإنسجام المظهري ورا ما تحط سكسوكه وتتعوذ من الشيطان وتصير سعودي مؤدب وتربي كرشه صغونه , لا تفهمني غلط يا ابو مشعل انا إعلامي كويس وعشان الإنسجام المظهري بارك الله فيك . أي بشر هذه , ؟؟؟ الى اي مدى جعلتنا المحسوبيات في تأدلج وتمرجح غير محسوب لها , اصبح رعاع القوم في اماكن ليست لهم ؟؟ الظاهر اننا مقبلين على مرحله اسمها ( اختر تخصصك واعمل في غير مجالك ) الى متى ونظام اعلامنا (افتح فمك يرزقك الله) ولكي لا اضج عن الجاده واحيد عن صلب الموضوع اعود بكم مرة اخرى , مع قائد طائرة الإقلاع الإعلاميه الكابتن الطيار احمد العجلان الرجاء ربط الأحزمه واغلاج اجهزة الجوال يقول السؤال : * مثل ما تحب يا سعد.. أعود لسؤالي.. كان هناك ركلة جزاء للنصر ضد الهلال تسببت فيها أثارت جدلاً أمام تفاريس وكان الحكم سعد الكثيري تتذكرها؟ ؟؟؟؟ كم تمنيت ان اكون سعد في تلك اللحظه لكي اجيب على هذا السؤال , المارثوني, الا اقول يا اخ سعد الحارثي تذكر يوم انك صغير يوم تطق ولد حارتكم وجاء ابوه تذكر ياسعد ؟؟ معقولة فيه إعلامي (يرتز) في كل حوار وما يعرف يصيغ اسئلة مستنده على خبره ذاتيه او مكتسبة اهلته الى سلوك هذا المسلك ؟ وفي شطحة غير مستغربه يسأل افلاطون الإعلام ويقول : على المستوى الفني طالما أنك تطالب بالنقد الفني أنت تلعب دون أن ترفع رأسك..؟ ؟؟؟؟؟ اقول الله يرحمك ياجدي كان دايم يقول ( وش عرف الغباشين بالأبل ) واليوم انا اقول وش عرف السباكين في التجاره يعني بالعقل والمنطق والتكنلوجيا النوويه . هل ترا انك سألت يا ابن عجلان سؤال فني ؟؟ يعني انت الحين جبت اللي وراك ودونك وكل قواك الفنيه وعصارة خبرتك المهنيه وسألت سؤال فني ؟؟ تسمي هذا سؤال فني ؟؟ ورب البيت لو جبت (زينب ) خدامتنا وسألتها هذا السؤال .. والله ان تقول عطوني جوازي . هذي اسمها ( احاجي اطفال ) وبالعاميه سوالف بزران ولكن القول قول الصورام كي تسترد المظالم . ^_^ الله يرحم الحال. {الهـــــوجاسي} |
موضوع جميل ورائع ... وأقول لأحمد العجلان (( ولمن هم على شاكلته من إعلاميي الغفلة )) كما قال نجمنا الفيلسوف ( يوسف الثنيان ) كيف الحااااااااال ؟؟؟ |
هجوم صاااااااارخ سيفقد احمد العجلان تركيزه لمدة شهر |
والله ياهو من جد كيف الحال ومشكلة الإعلام في السعودية مثل ما تفضلت ( ارفع صوتك وقرقر واشطح زيادة .. يزيد بريق نجمك ) !! .. شكرا لك وشكرا لقائد الرحلة اللي امتعنا بإقلاعه :) |
أحمد العجلان اعلامي مميز لكن حوراه مع سعد كان غريب شكله ماكان محضر حاله للحوار او ان سعد الحارثي استفزه ببعض الاجاابات بالتوفيق للاعلامي المميز والمتميز احمد العجلان |
بصراحه العجلان حواره غريب مايعرف يساأل . .. مشكله مسوي فلته .. ليته يرتاح ويريح .. . سعد عطاه وجه بصراحه واتوقع مايعودهـا |
احمد العجلان يجيب الاخبار ويعني اخباره في الاغلب صحيحه لكن كمحاور سئ جدا مع مرتبة الشرف.! ولا يوم يقول للامير عبدالرحمن بن مساعد الجمهور يزغرط بمناسبة عدولك عن الاستقاله..!:s5s: بالله هذا كلام اعلامي...! الله يخلي ابو سلطان محمد بن فيصل اللي طرده من النادي..! |
ما يلآم سعد اذا تلفت أعصابه :to: |
حوآر وأسئلةة مدري وش تبي .. ؟؟!! وألي أعرفةة إنةة العچلٓـآن من الـإعلـآمين الـمتميزين بس مدري شنو جآه وهو يحآور الٓحآرثي او إنةة مو محضر تمآم الٓـمموهمم بـ التوفيق لـ الرآپح :d لٓـآلٓـآهِـنّـتْ:rose:|~ |
لتوي قرأت اللقاء قبل موضوعك مباشرة أتفق معك تماماً فاللقاء عبارة عن سمك لبن تمر هندي وأعتقد أنه أجرى اللقاء بعد تناوله وجبة معصوب دسمة أعطته دفعة سودانية لعدد من الأسئلة المهروسه هرساً مبرحاً :ap: لاشيء في شخصيتة يوحي بإنه إعلامي .. وإستغرب من صحيفة كالجزيرة تسمح له بإجراء هذا الحوار الذي إنتظره الجمهور كثيراً وبالاخير تخبيص إعلامي علماً بإن دعاية الحوار أقوى من الحوار نفسه .. دمت بود :s4s: |
شوف الولد هلالي ونحبه بس لانه هلالي أما انه اعلامي والله العظيم الدرب يمين وهو يسار ولما شفت عنوانك قلت بس عسا الرجال يفلح يتكلم انقليزي لاني متأكد لو فيه مادة اسمها سواليف كان سقط مع مرتبة الشرف والله العظيم ما انسا مقابلته مع الامير عبد الرحمن جتني قشعريرة من بياخة اسئلته :ap::ap::ap: |
حقيقة مادري ليه انتم زعلانين ؟؟؟ خلو ( حمودي ) يسترزق فهذا هو الهلال :s2: مصدر رزق لمن ليس لهم مصدر ( هج اثمك يرزقك الله ) |
العجلان احسن مافيه انه هلالي واذا كان موجود اضمن ان مافيه اخطاء او احد بيغلط على الهلال وهو سيى كمذيع وحتى كلامه وصوت لسانه ثقيل وفي اذاعة يو اف ام وفي القناة الرياضية سيى في ادارة الحوارات بس الكل يعرف ان القناة الرياضية كلها واسطات وانا اشتغلت فيها واعرف انها كلها واسطات من مصورين ومذيعين وحق اضاءة وتسجيل ومخرجين وكلها شد لي واقطع لك والمشكله كل موظف فيها تلقاه ماسك او يشتغل وظفتين او ثلاث واحياناً اربع وظايف والله على ماقول شهيد |
أحمد العجلان إعلامي مميز غريبة منه والله , حواره مع سعد الحارثي أسئلته غريبة وبالتوفيق للإعلامي أحمد العجلان |
م اقوول الى اهنيك على موضوعك شكلك اعلامي صغير ومنقهر من احمد العجـــلان |
| الوقت المعتمد في المنتدى بتوقيت جرينتش +3.
الوقت الان » 03:40 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd