|
إلى كل من يقول .. أنا عاطل السلام عليكم ورحمة الله وبركاته .. البعض يأخذ الوظيفة على أنها من تمسك بعقل الشاب فكلما سأله احدهم أو حاسبه على تقصيره أو اهماله برر : ... أنا عآآآآآآآآآااااآآآآآآآآطل ... لا أدري هل الوظيفة تسقط مع قطرات المطر أم تزرع مع بذور الثمار ؛ دائماً ماتكون الوظيفة نتاج 12 سنة من الدراسة التي تكلل بنجاح الطالب واستحقاقه للوظيفة التي يشغرها . { التجارة هي تسعة أعشار الرزق } ، كثير من أصحاب الشركات الضخمة في العالم كانوا (( أميين )) العلم ليس عاملا رئيساً لكسب المال . لا تحتاج دوما الى المال لتجلب المال ، تستطيع بجهدك وعرق جبينك تكوين رأس مالك والبدا بالمشروع الذي تؤمن بانه سيكون بدايتك للإنطلاقة نحو الثراء ، لا تتوقف عن التحرك لمجرد انك فقدت الأمل في الحصول على وظيفة . ابدأ بالعمل لو بالمجان ، اكتسب خبرة ، اكتسب مال ، تحل بالصبر ، سوف تنال ماتريد . كل يوم يمر عليك وانت لا تمشي خطوة نحو هدفك ، فانت ترجع خطوة الى فشلك ، اعمل في كل يوم على ان تصل إلى ما تريد حتى لو كان هدفك بعيداً . كل فكرة .. تبدأ بضحكات واستهزاء عليها .. ثم تُحارب .. ثم تؤخذ على أنها حقائق مسلمة . ابتعد عن الشخص الذي يحبطك ويقلل من عزيمتك . خير الكلام ماقل ودل .!! في النهاية أقول :. الشاب السعودي يملك قدرات وإمكانيات تجعله يحجز مكاناً ويكون من ضمن قائمة افضل 10 تجار بالعالم . ملاحظة :. آخر موضوع لي في عام 2011 أتمنى أن أكون وفقت فالطرح .لكم ودي ->:rose:<- |
سلمان الرآجحي على حسب ما اذكر كآن يبيع عجم بالديره و شوفوه الحين وين ثروته بلغت ٢٥ مليار ريال ما شاء الله عليه و الي ما يعرف المليار ، المليار = ١٠٠٠ مليون يعني ٢٥ الف مليون التجآره شطاره لازم تعرف احوال البلد و حال المستهلك و حال السوق و الاقتصاد بشكل عآم |
هذا وقت البزنس .. وقت الفلوس الشغل يكسب له خبرة الحمد لله .. شغال فى القطاع الخاص وعقبال القطاع الحكومى ان شاء الله |
مع احترامي لك الوظيفة الحكومية تعتبر أمان وظيفي أما التجارة الحرة أنا معها لكن قبل كذا لازم يكون عندك دخل ثابت أو رأس مال معقول علشان تبدأ في بعض المشاريع البسيطة |
يالبى قلبك والله ...... من أفضل المواضيع اللي قرأتها وأتمنى من كل قلبي ان شبابنا يفكروا مثلك يا اخي الكريم ... كتبت فأبدعت ... وختمت السنة الميلادية بموضوع بآآآهر .. لك ودي أخي ولن أزيد على كلامك مقدار حبة من خردل ... |
إقتباس:
اتكلم عمن لم يجد وظيفة سواء حكومية او فالقطاع الخاص ؛ ممكن تبدأ العمل في مكان بنفس فكرتك ولكن تعمل فيه على اساس انك موظف ثم تخرج وتستقل بنفسك وتعمل مشروعك الخاص . |
المشكلة في المؤهلات .. تعليمنا مايأهل الشباب بشكل جيد لسوق العمل .. اذا كان اغلب الشباب يقضي وقته في الاستراحات وجامعة ما معه واذا معه تلقاها تخصص تاريخ ولا دعوة .. انقليزي ماعنده .. يقضي كل يومه في لاشيء .. بالعربي ما اشتغل على نفسه وبالاخير يبي وظيفة .. اذكر قبل فترة اعلن مقدم برامج مشهور في التويتر عن وظائف في شركة بجدة .. من ضمنها مترجم انقليزي .. عدد المتقدمين بالمئات وولا واحد انقبل .. لان ولا واحد متقن للانقليزية بشكل جيد |
إقتباس:
اللغة الانجليزية عقدة الشباب السعودي مع اني تعلمتها كهواية ..!! الدراسة تفصلك بشكل كامل عن التجارة ... إلا في الأمور الدينية مثل الزكاة .!! |
يعطيك الف عافيه على الطرح المميز والرائع واهنيك على فكرك العالي واتمنى جميع شبابنا يفكروا مثلك تقبل مروري |
انا لي سنه ادور وظيفه وللحين ماكتب الله ونا متخرج صحه صيدلي ومعي لغه انجليزيه واطقطق فرنس شوي قدمت مترجم وسحبو علي لاحكومي ولا اهلي ياعمي قسم بالله شي يقهر تشوف الاجنبي ماكلك ونت ابن البلد ماكل هوا |
^ ^ الله يرزقك بالوظيفة في أقرب وقت إن شآء الله خلّي أملك بالله كبير وتوّكل عليه محلّل صآحب فكر طرحك جميل ومهم نعم أكبر رجآل الأعمآل في العالم والسعودية بالتحديد بدأو من الصفر فقط الاجتهاد والمثآبرة والله مآيضّيع تعب عبده :rose: |
انا من الاشخاص اللي دخلت في التجاره وتوني على البدايه ونسال الله التوفيق لكن حاب اذكر شغله للاسف حتى التجاره عندنا تطفش الواحد انا وصلت مرحله اني الغي كل اللي سويته وارجع ادور وظيفه بسبب الشروط والاجراءات اللي تكرهك في التجاره كل موظف له كلام كل دائره حكوميه لها كلام غير الثانيه تطفيش من الموظفين بمعنى الكلمه كل شي برسوم حتى لو تبغى شي تافهه تدفع عليه انا دفعت في البدايه للدوائر الحكوميه من رسوم حدود 20 الف ريال للتجاره وللعمل والبلديه من غير ايجار المحل وتاثيث وغيرها يعني ماتلوم الواحد اذا قال خلني على الوظيفه اداوم وامشي واخذ راتبي واريح مخي من القلق والتطفيش حق دوائرنا الحكوميه |
طيب وين نرووح نتاجر واحنا مانملك راس المال لازم يكون عندك مقومات علشان تنجح في مشاريعك طيب الدوله وين راحت الله لايهينهم يجيبو لنا وظاي واحنا ماراح نقصر ابد وفي انهايه اقول وفقت في موضوعك تسلم يدينك |
اكييد الفلوس مب جايييته وهو جالس بلببييت ويقدر كل شاب يقول انا عاطل ان يروح يدورلها وضيفه تمشي حاله .... وووييعععطيييك العاافيييييه:yes: |
| الوقت المعتمد في المنتدى بتوقيت جرينتش +3.
الوقت الان » 04:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd